رواية هبة السلطان الفصل التاسع9 بقلم جني محمد السمنودي
يعني ايه الكلام ده على اخر الزمن سلطان يعمل حاجة اني معرفش بيها انت كداب و كيف يعني سلطان يحبس مليكة سلطان اصلا هو اللي كان بيجولي معليش صوتي عليها انت اكيد بتكذب عليا علشان انت معرفتش اي حاجة عنيهم فجاي تكذب عليا "
الراجل" ايه الكلام ده يا هلال بيه و انا من امتى بكذب عليك بس عموما هبعتلك الصور و كل حاجة حصلت على الواتس و شوف بنفسك "
هلال " ماشي اجفل انت دلوجتي "
فعلا هلال قفل و بعد شوية لقى اشعارات كتير على الواتس بصور لسلطان و هو ماسك مليكة و حاطط في ايدها الكلبشات و صور تانية ليه و هو في القسم بيتكلم مع الظباط و فيديوهات ليهم بتدل على معرفة الظباط ليه.. هلال شاف الكلام ده و مبقاش مستحمل كل اللي بيحصل و لا مستوعب كل اللي عرفه و في لحظة صدمة مسك التليفون بتاعه و رماه على الأرض بحالة لا واعية تماما للي حواليها و قال "ليه أكده يا سلطان ده احنا اخوات و مش بنخبي على بعض حاجة ليه أكده هو اني عملتلك ايه و لا كلامك يعني امك و متعليش صوتك و قدوة و حاجات من دي كتير و في الاخر تجبض عليها هو اني عملتلك ايه بس علشان تستناني اسافر و بعدها تعمل فيا كل ده"
و هنا خرجت شمس جري من المطبخ و قالت" هلال مالك عتصرخ و تزعج أكده ليه هو ايه اللي حصل بس"
هلال" سلطان "
شمس" ماله سلطان هو جراله حاجة و لا ايه "
هلال" طلع بيكدب علينا "
شمس" جرا ايه يا هلال ايه الكلام اللي انت عتجوله ده سلطان معملش أكده و بعدين كمل الجملة للآخر"
هلال قال بسرعة من غير ما يقطع كلامه" سلطان طلع كداب كان بيكدب علينا سلطان طلع ظابط و مش بس أكده لاه ده طلع بيغفلني كمان و استغل اني سافرت و راح جبض على مليكة هي اه وحشة و تستحج اكتر من أكده بس هو كان بيجعد يجولي امك و تعاملها حلو و انت قدوة و كلام من ده كتير و في الاخر طلع بيغفلني"
شمس "ايه الكلام ده يا هلال هو انت متأكد من الكلام ده و لا بتجوله أكده و خلاص "
هلال" لاه اني متأكده ده حتى اللي خبرني بالمعلومات دي يبجى عز الراجل اللي مكلفه يعرفني اخبار العيلة لما نسافر "
شمس" و هو انت بجى واثج من الكلام ده و لا هيطلع في الاخر عز هو اللي كذاب "
هلال" عز مبيكذبش "
شمس" خلاص يلا نطلع على مصر و نشوف ايه اللي حصل و الكلام ده حجيجي و لا كذب و تطمن على مليكة بالمرة "
و فعلا نزلوا و ركبوا اول طيارة على الصعيد
اما في المطار بعد ما خلص سلطان كلام مع اللوا في التليفون قرب من هبة و قال" يلا يا هبة علشان نلحج الطيارة "
و فعلا راحوا علشان يركبوا الطيارة
و نروح في الصعيد مكانش في حد غير جميلة و ناصرة و هارون كانوا كلهم قاعدين في الصالة و جميلة قالت بقلق "اني خايفة اوي على سلطان و هبة"
هارون "متخافيش يا جميلة سلطان راجل ميتخافش عليه و هبة في عصمة راجل هيعرف يحميها و يخاف عليها كويس جوي"
جميلة "اني مش خايفة عليهم من الأذى بس اني كنت كل مرة بفكره رايح مجرد شغل مش رايح لشغله اللي هو ظابط و كمان اني كنت ببجى جاعدة مع بنتي على طول بس دلوج لاه بجت هي فب مكان و اني فمكان و جلبي واكلني عليها جوي و مش متطمنة "
ناصرة" لاه اتطمني يا بت جميلة مفيش حاجة هتحصل و فرفشي انتي بس ده عيال العيلة كلهم اتجوزوا في يوم واحد "
و قضوا كلهم كلامهم مع بعض على العيال لحد ما فجأة لقوا البيت بيتفتح بقوة و هلال داخل عليهم بشر و التليفزيون ساعتها كان شغال و هلال قال بعصبية" جاعدين بتتفرجوا على التليفزيون و مش هاممكم اي حاجة خالص و لا فارج معاكم ان سلطان طلع ظابط و لا حتى فارج معاكم امي اللي حبسها سلطان عمل كل ده علشان يحبسها من الاول"
جميلة قالت بعصبية اشد من عصبيته "جرا ايه يا استاذ هلال عجلك مش فيك و لا سفرك غيرك متنساش ان سلطان ده يبجى اخوك الروح بالروح و تعمل أكده و تجول عليه الكلام الماسخ ده اني مش هسمحلك و بعدين ايش درّاك بالكلام ده مش يمكن مش كامل أو في حاجة غلط "
هلال" لاه مفيش حاجة غلط اني اتفرجت على فيديوهات و صور تثبت كل ده "
ناصرة هنا اللي اتكلمت بقى و قالت" لاه بجى انت تخرص خالص و توفوج أكده و تسمعني.. اولا أكده سلطان فعلا ظابط و محدش كان يعرف غير جده..ثانيا بجى.. هو انت تعرف سلطان جبض على مليكة ليه.. ببساطة كانت باعتة حد يجتل مراتك و يخوِن هبة مرات سلطان و انت عاوز بعد كل ده ميقبضش عليها لاه و الله عال كبرت يا هلال و بجى ليك حس في الصح و الغلط اني عاوزة افكرك بحاجة سلطان يبجى كبير النجع و كلمته تمشي على الكبير جبل الصغير و بعده الحاج هارون و بعدهم كلمتي اني و جميلة و في الاخر خالص كلمتك قمتتغرش فيها و تفكر نفسيك حاجة علشان سلطان نفخك بكلمتين لاه يا حبيبي انت بعد كلامك ده متسواش شلم في سوج الكبار "
هارون" شوفت اني مرضتش اتكلم و سبت الكلام للحريم شوف هما عملوا فيك ايه عارف لو اني اللي اتكلمت كنت هتكلم ازاي كنت هنزل كف على وشك يفوجك جولي بجى مين اللي جالك الكلام اللي ملهوش جيمة ده "
هلال بص في الأرض باحراج و قال" عز واحد اسمه عز كنت مكلفه ينجل اخباركم ليا و يعرفني كل كبيرة و صغيرة عنيكم و يطمني "
هارون" اهو عز ده هو اللي كان جاي يجتلهم يا فالح "
هلال" ايه ازاي لاه مستحيلة عز راجل طيب و صادج و مستحيل يعمل أكده "
هارون اتغاظ اوي من كلامه و قال "يعني عز طيب و ميعملش أكده اما سلطان اخوك اللي مكبرك يعمل اسخن من أكده "
هلال" لاه و الله يا حاج بس اصل الصور اللي معايا بتدل على الكلام ده"
هارون" بس و لا مبسش خلاص خلصنا و الكلام ده ميتفتح... "
الحاج هارون كان هيكمل كلامه بس مقدرش لانه سمع خبر في التليفزيون على لسان المزيع بيقول" الطائرة الوحيدة التي كانت ستقلع إلى أمريكا اليوم تعرضت إلى قصف حربي من طائرة أمريكية حربية لأن هذه الطائرة كانت تحتوي على ضابطاً امريكياً مهما جنسيته مصري و لكنه يعمل لدى شرطة أمريكا و يدعى سلطان و هو الآن في ذمة الله هو و من كان معه نرجوا منكم جميعا الدعاء لهم بالرحمة "