رواية مصريه سمراء الفصل الخامس5 بقلم جمانه السعيدى
سناء...لمدت شهر كامل واني كل يوم اروح
أعرض نفسي على الرجال
بلمناطقه الراقيه بس ولا واحد عبرني ولا واحد نضرلي نضرة إعجاب وحده
اصلا يشمئزون من شكلي اعرف اني مو حلوه
والرجال اهم شي عدهم الجمال
حتلو البنيه كانت تكدي بلشارع بس حلوه
يميلون الها واني حايره شمسويه بنفسي
ولا بسه لبس راقي من غير الذهب الي لابسته والسياره الحديثه
بس ولا واحد عبرني و لا واحد التفت عليه
هذا الشي خلاني اعصب واضوج
اصمم اكثر على الخطيئه
رغم بهذا الوقت رب العالمين كان يريدني ارجع عن هاي الفكره ومااعصي من ارجع للبيت واني مامرتكبه هيج
خطيئه لازم احمد ربي الي حماني ان ارتكب هبج معصيه
لان الزنا من الكبائر
بس الشيطان كل يشعل هاي الفكره بعقلي
ويبقى يلح عليه ويصورلي هذا الشي مو حرام بلعكس حق من حقوقي ولا زم احصله
حالي حال كل النسوان
جمانه السعيدي
تمددت بليل واجتني فكره
هاي الفكره جابها الشيطان وزرعها بعقلي
ليش مااروح للأماكن العامه الأماكن الفقيره
واشوف واحد فقير واشتري بلفلوس حتى انفذ الشي الي بعقلي
ثاني يوم كعدت بدلت وتعطرت على اخر حبايه
وطلعت افتر بلمناطق الشعبيه
امشي واباوع بلكت الكالي صيده
الحد ما شفت ولد شاب يخبل طول وعضلات وجسم وشكل حلو
يشتغل عامل نضافه لازم مكناسه ويكنس بلشارع
ويشيل بزباله ويخلي بسياره الزباله
طفيت السياره وبقيت واكفه واباوع علي من داخل السياره
الولد حيل عجبني شكله كلش حلو
جماعته ابتعدو عنه وهو بقه كاعد على الرصيف طلع جكاره وبدا يدخن
سناء...طلعت من السياره واشرتله تعال
عمار....أشر على نفسه وكال اني
سناء...اي
كام من مكانه وعبر الشارع واجا عليه
عمار...نعم
سناء....شلونك
عمار... الحمد لله تمام
سناء....عندي شغله تخلصها وتأخذ اي مبلغ يعجبك
عمار...اي مبلغ اي مبلغ
سناء...اي اي مبلغ
عمار...شنو هاي الشغله
سناء...تعال وياي واني اكولك شنو هاي الشغله
عمار... شنو يضملي مجاي اضحكين عليه لو عندج ملعوب
سناء...يعني اني بهذا وضعي ومكانتي ممكن اضحك عليك
شلون اضحك عليك شنو عندك يخليني اسوي هيج شي
عمار... ووين المكان
سناء...اصعد وانت تعرف
عمار...اصعد وياج بهاي السياره
سناء...اي
عمار ....خاف تتوصخ
سناء....فدوه الك خل تتوصخ اصعد هنا يمي بلصدر
عمار....حاضر الضاهر اليوم الحظ ضحكلي
جمانه السعيدي
سناء..واني امشي اتصلت على الخدامه وكتلها اليوم احازه
روحي ارتاحي
وباجر تعاي الصبح
عمار....ممكن اعرف شنو نوع الشغل بناء تنضيف
نقل غراض وشكد راح تنطيني
خل نتفاهم من البدايه حتى ما نختلف بعدين
سناء...انت شكد تاخذ اجور يوميه
عمار....يعني شي قليل بس احنا هم شغلنا قليل
سناء...اني راح انطيك بلدولار
عمار...بلدولار انت شنو نوع الشغل الي تردين اشتغله
بسلا ممنوعات
اني رجال فقير وامي واختي بركبتي
سناء...انت مزوج طبعا اني امشي بلسياره واسولف علي اريد اضيع وقت هم اتعرف علي وهم الخدامه تعوف البيت
عمار...منيين ازوج هو اني شعندي
سناء....اني راح انطيك مبلغ محترم على كل ساعه عمل
عمار...اتفقنا اني اشتغل اي شي يعجبج
سناء...لا تخاف مو شغله متعبه
عمار....اي موافق
سناء وصلنا للبيت فتحت الباب الخارجي على الريمون ودخلت السياره
سناء...ابقى بلسياره لمن ااشرلك تعال تجي
عمار...تمام
سناء...دخلت صحت على الخدامه مالكيتها طالعه
ااشرتله تعال
نزل من السياره واجا دخل
بقا مبهور بلفله يمشي ويباوع منا ومنا
سناء...اكعد خل اجيبلك مي ونتفاهم
كعد على طرف الكرسي يخاف يتوصخ الكرسي من ملابسه
دخلت جبت فلوس وكلاص مي
رجعت علي خليت الفلوس كدامه
وانطيته المي لزم الكلاص بس ماشرب من شاف الفلوس انذهل بقا صافن عليهن
عمار...شنو الشغل اني مستعد حتلو تردين انضف التواليت انضفها ماعندي مانع
سناء...لا مو الهلدرجه
عمار....اي اسمعج
سناء...اخذ هاي الفلوس خليها بجيبك
عمار...كلهن
سناء...اي كلهن تستاهل
راسا اخذهن وهو ما مصدك وخلاهن بجيبه
سناء...اني مزوجه صار اكثر من سنه وزوجي عاجز
وتعرف اني مره حالي حال النسوان
اريد احس بانوثتي انت ممكن تحل محل زوجي
لمدت ساعه مقابل هاي الفلوس
وكل مره اتصل عليك وتجي تاخذ بكد هاي الفلوس
هااا شكلت
بقه يبلع بريكه ومصدوم من كلامي ساكت ويباوع عليه
دخل ايده بجيبه يتلمس الفلوس
حس نفسه مايكدر يرجع هيج مبلغ
عمار....موافق
سناء...تعال ادخل الحمام اسبح واني راح اجيبلك ملابس نضيفه وعطر
فعلا دخل للحمام من طلع انطيته من ملابس محمود
يلبس وتعطر
طلع يخبل شكله كلش حلووو
بعد اقل الساعه طلع من البيت وهو يمشي ويضحك ما مصدك حصل هيج مبلغ بهاي السهوله
بعد مااخذت رقمه واتفقت وياي بس يصير عندي وقت واطلبه يجي للبيت
حسيت بهاي اللحظه رضيت غروري
اني ماعندي نقص اني بنيه شابه اطالب بحقوقها
حالي حال كل البنات
عدا هذا اليوم عادي
وبدينا نكرر هاي الشغله اليوم الي نتواعد بي
انطي الخدامه اجازه واحضر نفسي
وهو من يجي احضرله الحمام واجهزه العطور والا جواء
الحلوه وياخذ مني فلوس ويروح
كمت اطلع اشتريله ملابس حلوه واحذيه وعطور وساعات
وفرجه ومعجون اسنان ومرطب بشره
واني اشتري ملابس نوم حلوه وجديده
من يوم زواجي لليوم مالبست سيت نوم حتى ملات عرسي بعدني مالابستهن
بعد مااكررنا هاي الشغله أكثر من خمس مرات
بدا يطلب فلوس اكثر ويطلع حجج
امي مريضه اريد اخذها للدكتور اختي اجا عريس عليها
واريد اجهزه
مره اتصلت علي مايرد
كام دمي يفور ليش مايرد عليه
تالي اتصل من رقم غريب
سناء...ليش ماترد فورت دمي
عمار...تليفوني انباك مني جاي اتصل من صديقي
اريد تليفون جديد
سناء.. اي تعال واني اجيبلك تليفون
عرف نقطة ضعفي كمت من اتصل علي مايرد يطلع كلبي
ويفرض عليه مبلغ معين يله يجي
واني مااكدر ارفضله طلب
خاف يعوفني واني ماصدكت لكيت واحد يقبل بيه
كنت ادفعله اي مبلغ يطلبه
وهيج كنت كل مره اوكع اكثر واكثر انزل بمستودع الرذيله اكثر من المره الي قبلها
الشيطان مسح عقلي وابد ماكنت انتبه النفسي
امشي مثل العميه ورا
وهو جاي يستغلني كل مره اكثر من المره الي قبلها
مر شهرين على هذا الوضع
الحد ما كعدت مره من النوم واني كلش مريضه
راسي مااكدر ارفعه من الفراش
رحت للحمام بس اتقايئ وتعبانه كلش
جمانه السعيدي
ماتوقعت اي شي غير صار عندي برد لان احس جسمي مكسر ومالي خلك
ثاني يوم اجاني عمار هلمره هو اتصل عليه محتاج فلوس
اجا شافني مريضه اخذ الفلوس وطلع
ماطول عشر دقايق
بعدها اني صعدت السياره ورحت اسوي تحليل
لان مجاي اصير زينه
دخلت اسوي تحليل بقيت انتضر
طلع التحليل حامل
ام التحليل كالت مبروك انتي حامل
واني كعدت على الكرسي اريد اوكف مااكدر
هذا الشي الي ماجنت حاسبه حسابه
رغم اني كنت ماخذه كل احتياطاتي
اني حامل يبووووه عليه شلون حامل ومحمود
شلون راح اخلص من هذا الطفل
بقيت كاعده وراسي يفتر حايره شلون راح اخلص من هاي المصيبه
طلعت برا امشي اسحل بروحي سحل ووجهي مخطوف نساوه وتعب ونوب
حايره شسوي
راسا لكيت محمود واكف يم السياره
ينتضرني وعيونه اطير شرار
اخذت التحليل وخليته بلجنطه بين عليه الخوف ولارتباك
قربت علي وهو واكف يم السباره وعيونه كلهن غضب