رواية مصريه سمراء الفصل الثاني2 بقلم جمانه السعيدى
سناء...دخلت للبيت عصبيه امي حست اكو شي لان اني متعوده على المشاكل
امي..هاا خير هم اتعاركتي
سناء...اي تعاركت ومنا وهيج اشيل وياي سجينه ناس ما تفتهم
عايفين حياتهم ومركزين وياي هاي خلقت الله قابل
اني خلقت نفسي
امي...هلمره وين تعاركتي
سناء...وياا ابو المخضر اني جاي اشتري اباوع يئشر للعامل
ويضحكون عليه
اخذ فلوسك وانطيني مخضر ليش هاي السوالف التعبانه
امي...ايجوز مو عليج
سناء...لا عليه يغمزله ويكول حتى الباذنجان احلى منها
من اي مزبله جايه ماادري
امي...خاف مره من المرات تنكتلين
سناء...كلبت العربأنه بلسوك وخليت الي ما يشتري يتفرج عليهم حتى يكونون عبره الاي واحد يحاول يتحرش بيه
لو يطخني
ابتعدت عنهم وكمت اشمر عليهم حجار
حيل بيهم فرجت امة لا اله الا لله عليهم
امي...بعد ما اطلعين اني اروح اجيب مسواك لان انتي على يوم اجيبيلنا مصيبه من هاي الطلايب
جمانه السعيدي
نرجع المحمود الي صورة سناء وهي تتعارك مافاركت باله
قرر ثاني يوم يروح يشوفها ويراقب تصرفاتها
الساعه عشره الصبح راح بلمنطقه الي عايشه بيها سناء
وبقى كاعد بلسياره ويراقب بيتهم
ام سناء احتاجت صابون من السوبر ماركة
ام سناء...روحي جيبي صابون وتعاي بسرعه
سناء...انتي مو كلتي بعد ما اطلعين تخافين من المشاكل
ام سناء...رجليه يوجعني مااكدر انزل واصعد
منا من الشارع جيبي وتعاي بسرعه
سناء...يمتى اخلص من هاي العيشه ماادري حتلو اشتغل عدكم خدامه هم اكو يوم استراحه
ارحموني صرت عبالك ولد كافي تعبت منكم
اليه يوم اعوف البيت واهج
امي...دروحي وين تهجين منو يقبل تسكنين ويااا
موزين احنا متحملينج
سناء..هاي فوكاها لان اخلص الشغل كله منو كايللكم اجيبوني مو حلوه لو انتم عليكم تخلفون واني عليه انحمل
ام سناء...دروحي روحي السانج شطوله
نزلت سناء للشارع بس شافها محمود نزل وكف يم السباره
شافها دخلت على السوبر ماركت دخل وراها
سناء...اريد صابون
محمود واكف وعيني عليها
دخل ولد من المنطقه وواحد بلا اخلاق
سناء...مشيني اريد صابون
الولد الي دخل ...عمي حسن لو صابون الكره الارضيه
كله ماراح تنضف انت اسود من بلاط الاسفلت ( جير الشارع )
طبعا الكل يتحرش بيها حتى تتعارك ويكعدون يضحكون عليها
سناء....روح نضف حياتك يله تحجي على النضافه
أوصخ واحد بلدنيا يحجي على النظافه
واحد ساقط بلا اخلاق
....اني بلا اخلاق ميخالف ولد بس بنيه ولا خلقه ولا اخلاق ماكو هيج نموذج ابد
سناء اخذت الصابونه وضربته على وجها
تقدم عليها يريرد يضربها راسا محمود صار بينهم
...انت منو ليش واكف بلنص
محمود...عيب الرجال يضرب بنيه مايصير هاي مو اخلاق الرجال
سناء.. عوفه خل يضربني اله اخلي يبات بلسجن اليله
وواحد مكبسل مايعرف وين راسه ووين رجلي
... مكبسل حتى اتحمل هاي الخلقه كمت اخاف اطلع بلشارع لا اشوف هاي الجهره حتى القرد احلى منج
وين ترحين مني اله أفرج الناس عليج
محمود...ممكن تاخذين الصابون وترجعين للبيت
لان الضاهر هاي المشكله مراح تخلص
سناء... بعصبيه وانت منو وشنو دخلك بلموضوع
اخذت سناء الصابون وطلعت
اما محمود
طلع وراها صعدت الدرج التفتت لكته جاي وراها
سناء...نعم شعندك جاي وراي لا تفكر بذني الكلمتين الي حجيتهن راح تصاحبني
لا دير بالك اني عشره مثلك اخليهم يفترون على نفسهم
بس محمود بقه يصعد الدرج وهي واكفه وعينها علي
وصل قريب عليها
محمود...وين شقتكم
سناء...اباوع علي ملابسه ماركه وشكله حلو والعطر
فاخر كلت بكلبي هذا شيريد مني
سناء..ليش تسئل على شقتنا خير بس لا تكون تريد تناسبنا
محمود....اي
سناء...اي شنو
محمود...اريد اناسبكم مجاي اشوف بايديج حلقه
اكيد ما مرتبطه
اريد اطلب ايدج من اهلج
سناء...لا انت عبرت كل الناس الي بحياتي
لا تتخيل بكلمتين تضحك عليه روح بابا انت غلطان بالعنوان
محمود....لا ما غلطان اني جاي اطلب ايدج
سناء...وكفت اباوع علي هذا شبي
سناء...انت شارب شي تتعاطى
محمود...لا بس ادخن واذا ما عجبج التدخين ابطل
سناء...درت وجهي ومشيت صعدت لان شقتنا بلدور الخامس
امشي واكول هذا شبي مخبل
لو جاي يضحك عليه اكيد يضحك عليه
هوو وين واني ووين
بس اذا دخلت للشقه واجا وراي اله انزع الي برجلي وعلى راسه
جمانه السعيدي
سناء..وصلت وطلعت المفتاح افتح الباب وهو يصعد وراي بس على كيف
دخلت وطبكت الباب شويه ودك الباب
دنكت نزعت النعال وفتحت الباب
سناء...اسمع روح منا لا أفرج الناس عليك
محمود...شبيج نازله عليه مثل القطار وجهج يطير شرار
اريد ابوج احجي ويااا
هنا امي سمعت صوتي واجت اصيح
امي...هااا خير شبيج ليش شايله النعال بايدج شلون ما نخلص مشاكلج هنا صابونات جيبيهن وتعاي
لو تعلمتي على المشاكل
سناء...يله تفضلي جاي وراي للشقه
امي...شو ارجعي خل افتهم
نعم تفضل اكو شي
محمود...اقدملج نفسي اني محمود ذياب جاي اتقدم اطلب ايد سناء
سناء...لا تصدكين يجذب
محمود...اريد ابو سناء تحجي ويااا اني انسان معروف
عندي فله وشركه وعندي رصيد مستعد الكل طلباتكم
سناء...امي بقت صافنه بوجها
محمود...يمتى اكدر اجي احجي وياا ابو سناء
امي...انت تحجي صدك لو تشاقا
محمود...معقوله هو هذا الكلام بي شقا
اكيد احجي صدك
امي...تفضل خاله تفضل عيوني هسه ابو سناء على جيه
عشر دقايق ويوصل وتكدر تحجي ويااا
محمود...دخلت جوه
امي...روحي جيبي مي لا جيبي عصير
محمود...ماكو داعي بس احدد موعد وياا ابو سناء واروح
امي..لا مايصير لازم تشرب شي
خاله انت تحجي صدك ترا هاي سناء شفتها بعينك
هي هاي ماعنده بنيه غيرها
هي مو وكحه بس الناس تجبرها تحجي
محمود...خير انشاء الله اي اني شفتها
هذا الكارت مالتي واني ارجع بليل اتفق على كل التفاصيل
وياا ابو سناء
تكدرون تاخذون وقت تسئلون عني
وترجعون خبر
امي...لا لا تروح فدوه لا تروح هسه ابوها على جيه
سناء. .خلي يطلع الجهال راح يكسرون سيارته
مو هاي سيارتك الحديثه الرصاصي الواكفه برا باب عم حسن
محمود...اي هي
امي..ما يحتاج نسئل انت مبين ابن أصول واحنا موافقين عليك
محمود...لا اني امشي بلاصول اريد ابوها يكول موافق
حتى نعقد ونمشي بلاجراءات
سناء...اباوع علي هذا منيين طلع شنو جاي يخطبني
هذا وين واني وين
هذا شايف نفسه بلمرابه شكد حلو وشيك
لو العطر الي متعطر بي الشقه تفوح من عطره
الله اعلم شكد سعره
هذا لو واحد نصاب لو واحد مختل عقليا
وحده منهن