رواية هبة السلطان الفصل السابع7والثامن8 بقلم جني محمد السمنودي
نوفيلا هبة السلطان الفصل السابع قراءة ممتعة متنسوش اللايك
سلطان بمجرد ما سمع اسمها غضب جدا لدرجة ان عيونه احمرت و عروقه برزت و بص لمليكة و قال بشر "يعني انتي اللي باعتاه يا مليكة"
مليكة "لاه مش اني"
سلطان مدلهاش اي اهتمام و رجع بص للراجل تاني و قال "كمل كانت طالبة ايه الولية دي"
مليكة "هو انت مصدجه يا سلطان ده كذاب"
سلطان "اخرسي خالص عاوز اعرف منيه"
الراجل "بص يا باشا انا هقولك كل حاحة بس طلعني من هنا عايش انا بعمل كل ده بالاجبار"
سلطان" محدش بيتجبر انه يعمل حاجة وحشة"
الراجل "لاه و الله انا مراتي و عيالي مخطوفين و لو معملتش كده هيقتلوهم "
سلطان" طب جول في ايه و اني هحبسهملك "
الراجل" دلوقتي مليكة رنت على واحد اسمه طارق كنت بشتغل معاه زمان بس دلوقتي خلاص سبته بقالي سنة و بطلت شغل معاه و فتحت محل اكل و فجأة لقيته خطف عيلتي امبارح و يا أنفذ اللي هو عايزه يا اما يقتلهم "
سلطان" و هو كان عاوز ايه بجى"
الراجل" كان عايزني اقتل واحدة اسمها شمس ساكنة في الدور التاني هنا و واحدة تانية اسمها هبة "
سلطان قاطعه بشدة مهما حصل دي مراته و حبيبته و قال" كانت عاوزاك تجتلها هي كمان "
الراجل" لأ كانت عايزني اقول كلمتين كده و انت قدام الباب على اساس انك اسمع صوت راجل في شقتك فتكتش ان هي بتخونك "
سلطان بص لمليكة يتوعد و لكنه معملش حاجة و رجع بص تاني للراجل و قال "طيب بص يا.. هو انت اسمك ايه"
الراجل "اسمي عز يا باشا "
سلطان" بص يا عز عيلتك هتكون عنديك الليلادي بس بشرط كل اللي حصل ده هتعمل محضر بيه و اني هعرف اتصرف في الباجي و هسامحك المرادي بس علشان اني مش ظالم هاه جولت ايه"
عز "قولت امين يا سلطان بيه"
سلطان بص لجده و قال بحزم" جدي اني طالع اوضة مكتبي اجيب شوية حاجات انزل الاجيك ماسك مليكة معاوزهاش تهرب منيك و انتي يا عمتي جميلة روحي فكي عز و هاتيله كوباية مية مش كبير النجع اللي يعذب حد "
طلع سلطان اوضة مكتبه فعلا بين ما جميلة جابت كوباية مية و فكت عز و ادتهاله يشرب اما الجد كان ماسك مليكة بقوة و ناصرة كانت بتبصلها بغل و فرحة
و مفيش دقيقة و سلطان نزل تحت تاني و حط الكلبشات في ايد مليكة و هنا شقت جميلة و قالت" ايه دول يا سلطان هو انت بتشتغل ظابط من ورانا"
سلطان "لاه طبعا يا عمتي جدي و جدتي عارفين اما الباجي دول ملهمش صالح مني يعرفوا او لاه اما انتي يا مليكة فخلاص اني جبت آخرتي منيكي و هحبسك دلوكيت و جابليني لو خرجتي منيها"
قرب سلطان من عز اللي الصدمة خلته واقف مش عارف يعمل ايه و قال و هو بيطبطب على كتفه "متخافش يا عز مش هعمل فيك حاجة بس عاوزك دلوقتي تساعدني علشان اخلص متيها بجى "
راح سلطان مع عز على القسم و معاه عز و كان لسة مكلبش مليكة و فضل في القسم ده ساعتين اما هبة في الساعتين دول كانت صحت و نزلت تحت و لما ملقتش سلطان قالت لجميلة اللي كانت قاعدة سرحانة "ايه يا اما هو سلطان فين و مالك جاعدة أكده كده ليه"
جميلة" سلطان في مشوار شوية و هيجي يبجى يحكيلك بجى علشان اني مش جادرة اتكلم "
جميلة قالت كده علشان خافت تحكي حاجة لهبة فقررت تخليهم هما الاتنين يتصرفوا مع بعض بالإضافة لكل ده ان هي ضغطها عالي و فعلا مكذبتش لما قالت إنها مش قادرة
هبة" طيب يا اما مالك انتي كويسة "
جميلة" اني كويسة شوية أكده بس و هرتاح "
هبة" ما تقولي انتي فيكي ايه"
جميلة "جولتلك مفيش"
هبة "خلاص جومي نروح المستشفى و نشوف مالك"
جميلة اتعصبت اوي من هبة و قالت بصوت عالي و هي بتضرب رجلها في الأرض و قالت "جلتلك مفيش حاجة
سيبيني فحالي بجى "جميلة قالت كده و أغمى عليها بسبب ارتفاع الضغط عليها هبة صرخت بقوة" ماما "
و في ساعتها خرج هارون و ناصرة على صوتها و بسرعة كلموا الإسعاف و جت الإسعاف خدتها على المستشفى
و في الغردقة عند شمس و هلال كانوا قاعدين على الشط و شمس قالت" هلال اني عاوزة انزل البحر"
هلال "لاه طبعا تنزلي البحر و الهدوم تمسك فيكي و الناس كلها تشوفك هتفرجي ايه عن بنات الشارع"
شمس "يوه بجى علفكرة انت رخم"
هلال "افهمي يا شمس أكده حرام و اني جوزك و مسؤول منيكي فلازم ابعدك عن الحرام و لا ايه إياك"
شمس "خلاص تعالى نركب مركب من اللي بيمشوا في البحر دولت "
هلال" لو أكده ماشي بس اوعي تكوني بتتعبي من موج البحر "
شمس" لاه متخافش بس يلا بجى عاوزة اركب المركب"
هلال "بس أكده احلى مركب لاحلى شمس "
و فعلا هلال اخدها و ركبوا مركب في البحر جميلة اوي و كانت فاضية مش موجود فيها غير السواق و اللي طبعا قاعد في غرفة القيادة و كانت متزينة و شكلها جميل اوي فشمس قالت" ايه ده هو فين باجي الناس ده مفيش حد غيرنا على المركب "
هلال "ايه لاه مهو اني ماجر المركب دي ليا اني و انتي و بس"
و شوية و اشتغلت اغنية رومانسية و قام هلال و شمس و بدأو يرقصو بشكل رومانسي على الأغنية
و نروح في المستشفى كانوا كلهم واقفين في الاوضة و الدكتور وجه كلامه ليهم و قال" هي كويسة متجلكوش بس الضغط علي شوية عليها و هي دلوجتي بجت سليمة و تجدر تخرج من المستشفى دلوجتي"
جميلة ردت على الدكتور و قالت "طيب لو سمحت يا دكتور اكتبلي خروج علشان اني مش بحب جعدة المستشفيات"
و فعلا روحوا كلهم على البيت و في البيت لقوا سلطان واقف قدام الباب مستنيهم و اول ما دخلوا سلطان قال" ايه كنتوا فين كلكم أكده مختفيين "
هبة" مفيش حاجة بس ماما ضغطها كان علي و وديناها المستشفى و هي دلوقتي بخير "
قالت كده و بعدها قربت منه بشك و قالت" و انت بجى كنت فين و ليه و مليكة الحرباية فين"
سلطان قال بتوتر تقريبا اول مرة يتكلم بيه "هو يعني بصي كده يا جميلة هو يعني أكده في حاحة عاوز اجولهالك "
جميلة" ايه في ايه يا سلطان و مالك خايف أكده ليه و مجلتليش برضك فين مليكة"
سلطان بدأ التوتر يسيطر عليه و بدأ يعرق و قال" هو الحكاية كلها أكده ان اني عاوز اسافر أمريكا علشان شغلي اللي هو أن اني بشتغل ظابط و ده الجزء اللي انتي متعرفيهوش و مليكة كمان حسبتها
الفصل الثامن
هبة قالت بصدمة"انت بتشتغل مع الحكومة يا سلطان"
سلطان بص في الأرض كان خايف من مواجهتها و انه خبا عليها رغم حبه ليها و كمان لانه عارف بحبها ليه بس الصدمة كانت لما هبة قالت "يعني انت ظابط و متجوليش افرض يعني عوزت اجتل حد هجتله ازاي و اني معرفش انك ظابط"
سلطان برق من الصدمة ده مكانش متوقع كده خالص كان متوقع انها هتزعق هتنهار لكن هي خرقت كل التوقعات و لما هبة لاحظت شروده و صدمته قالت "جرا ايه يا سلطان هو انت مفكر اني غبية أكده للدرجادي علشان معرفش أن انت بتشتغل ظابط لاه مهي واضحة اصلا بطاجتك اللي طلعتها للماذون علشان
تكتب كتابنا كان مكتوب فيها انك ظابط و كمان سفرك لامريكا و شغلك فيها بأيام و شهور دليل على أنك بتشتغل ظابط فمتتصدمش أكده بجى علشان بتحسسني اني غبية "
سلطان ابتسم على كلامها و قال" خلاص يا ست الذكية طالما انتي عارفة كل حاجة أكده تعالي نجهز علشان معاد الطيارة اللي هتسافر بينا لأمريكا فاضل عليها ساعة يعني نلحج نوصل بالعافية "
جميلة" هو انتوا هتغيبوا هناك يا سلطان"
سلطان دور وشه و بص لعمته جميلة بعد ما سالته السؤال ده و قال "جرا ايه يا عمتي دي مراتي و اكيد محدش هيخاف عليها اكتر مني و متجلجيش هبجى اكلمك كل شوية اطمنك علينا "
هبة قالت بتسرع" في ايه بس يا اما ده جوزي و هيحميني و بعدين ده ظابط جد الدنيا و محدش يعرف يكلمه و لا يجوله تلت التلاتة كام خلينا نسافر بجى"
جميلة "خلاص ماشي يا حبايبي ربنا يحميكم بس أمانة عليك يا سلطان هبة بنتي تحطها جوا عنيك"
سلطان" حاضر يا عمتي متخافيش"
سلطان قال كده بعدها قرب من جده هارون و باس دماغه و قال" مش عاوز حاجة يا حاج اجيبهالك و اني راجع "
هارون" عاوزك سالم ربنا يحميك يا رب "
سلطان قرب من جدته ناصرة و باس ايدها و بعدها باس راسها و قال" مش عاوزة حاجة يا حاجة "
ناصرة "اعوز سلامتكم يا سلطان يا ولدي تروحوا و ترجعوا بالسلامة"
سلطان طيب اني هطلع اجيب شنطنا على ما هبة تسلم عليكم علشان نمشي بسرعة و نلحج الطيارة
و فعلا طلع سلطان الشقة و بعد شوية نزل تاني و معاه الشنط و كل حاجة جاهزة و قرب من هبة اللي كانت واقفة جنب جميلة و قال" يلا بينا يا هبة "
هبة" طيب ماشي يلا "
و فعلا الاتنين مشيوا على المطار و في المطار سلطان تليفونه رن و سلطان ساعتها بص و لقاه اللوا الأمريكي اللي هو بيشتغل معاه فراح لاقرب مقعد استراحة جنبهم و قال لهبة "معلش اقعدي هنا يا هبة على ما اخلص كلام و نروح للطيارة "
و نروح في الغردقة عند شمس و هلال كانوا في شقتهم و هلال قال "شمس معلش روحي اعملي اي اكل علشان اني جعان"
شمس "حاضر يا هلال ثواني و هيكون الغدى عنديك"
شمس راحت المطبخ تحضر الغدى اما هلال فخرح تليفونه و رن على حد و قال" ايوة ها أخبارهم ايه دلوقتي "
الراجل "سلطان طلع ظابط و قبض على مليكة"