رواية دليل برائتي الفصل الثالث3 والرابع4 بقلم ساره عادل
سامر بغضب لعدم استجابتها ليه خبطها برجله عشان تقوم وقال بغضب قومي يلا بطلي شغل التمثيل دا مش هيدخل دماغي
عم الصمت المكان وملقاش اي استجابه وطي بخوف يشوف نبضها لقاه منخفض شالها وراح بيها للمستشفي
بعد ساعه
سامر ببرود:مفكرة نفسك هتمو تي وترتاحي لا بعدك انتي لازم تتعذبي وتدوقي المرار الاول
روز بصمت بصتله بشرود واتنهدت تنهيدة تدل علي ما تشعر به من الم وإحباط
..........
ريم بخبث: أنا قلت اقلك علي اللي ابنك بيعمله بس ياريت سامر ميعرفش حاجه هيقول اني براقبه ومش هيسبني في حالي
عزيزة بحدة:متأكدة أن البنت دي عائشة معاه وبصفة اي
ريم:معرفش حاجه كل اللي سمعته أن ليها علاقة بم وت حفيدك
عزيزة بصدمة:انتي بتقولي اي اقفلي دلوقتي
عزيزة بتوتر وصدمة رنت علي سامر كذا مره مردش عليها نادت علي الخادم وقالت بحدة:جهز العربية حالا هنروح القاهرة
..........
سامر بجمود:ادخلي تروحي تشوفي شغلك كله ولما تخلصي تيجي علي المكتب وكلي حاجه لتفرفري مش هنقعد نجري علي المستشفيات
روز بصمت دخلت بكل هدوء وهيا ساكتة مما أثار عصبية سامر اكتر
عزيزة بصوت يرج القصر كله:انتي اللي قتل تي حفيدي قربت منها بخطوات كلها غضب وحقد ولسه هتضربها
سامر بزعيق خد روز وراه وقال:انتي بتقولي اي يا امي مفيش منه الكلام دا
عزيزة بزعيق:انت معيش قات لة ابنك في القصر وبتقولي فيه اي أنا اللي هخلص عليها بايديا
سامر بضيق:دي خادمتي والكلام اللي سمعتيه دا كله غلط ياريت الكلام دا ميتقلش تاني
عزيزة بغضب:انت بتداري عليها ومن أمتي وانت عندك خادمات خاصة وكنت فين معاها دلوقتي
سامر بضيق:انتي هتحققي معايا يا عزيزة هانم خليكي في حياتك وبلاش تدخلي في حياتي ثانيا بقي حكاية ابني دي بلاش انتي اللي تتكلمي فيها دا ميغنيش انك استغنيتي عن حفيدك وكنتي هترميه لناس تانية وعشان ايه بقي لانك مش حابه مراتي اهم راحوا الاتنين اظن انك ارتحتي اتفضلي يا امي انتي ضيفة في قصري ومش عايز مشاكل كتير غرفتك هتكون جاهزة في خلال ساعة
عزيزة بضيق بصتله بجمود وبصت ل روز واتوعدتلها
..........
ام ريم بحقد:شاطرة مفيش حد هيحل المشكلة دي غير عزيزة
ريم بخوف: مش عارفه مش مطمنه للبنت دي ازاي سامر لسه سيبها عايشة معاه ولكئن حصل حاجه
ام ريم:هتعرف كل حاجه اصبري بس عايزين نروح القصر عشان نكون قريبين منهم
الفصل الرابع
مطلوب القبض عليك يا استاذ سامر في إجبار الآنسة روز في العيش معاك هنا
سامر بغضب:مين اللي قال كدا روز تبقي مراتي ولا هيا مغصوبة ولا حاجه ثواني اجبلك اللي يثبت كدا
عزيزة بصدمة:استني عندك مراتك ازاي انت بتخرف تقول اي
سامر:اللي سمعتيه اظن كلامي واضح بصلها بحده وترقب لتعبيراتها لما ملقاش ردة فعل خد بعضه وراح جاب الاوراق واداها للظابط
سامر ببرود:اظن حضرتك اتاكدت دلوقتي اتفضل بقي وياريت قبل ما تتهم اي حد بحاجه تتأكد الاول بدل ما تتعب نفسك على الفاضي
الظابط بضيق:اسفين علي ازعاج حضرتك
..........
روز بصدمة:ازاي اكيد مزور الورق دا هخلص من الهم اللي انا فيه دا ازاي الطريقه اللي كانت في أيدي ضيعها مني
وقفت وهيا بتتسمع حديثه مع أمه اللي بدأ بزعيق
عزيزة بغضب:اظن فيه حاجه اسمها احترام لقوانيني اظن اني سبتك تعمل اللي علي مزاجك لعند لما بقت دي اخرتها
سامر بضيق:أنا مش عيل عشان تتحكمي فيه اولا ثانيا قوانين ايه ظبطي حياتك انتي الاول وبعدين ابقي فكري فيا بصلها بخبث وهو عايز يوصلها فكرة معينه
عزيزة بتوتر وشك:وهيا مالها حياتي يا استاذ متنساش اني امك تتكلم معايا باحترام وحكاية زواج دي مش دخلت عليا أكيد الورق دا كله مزور هتتزوج خادمة وتكسر نظام العيلة وتحرجنا
سامر بضيق:دا كله اللي يهمك يعني اه هيا بقت مراتي وانتي مضطرة تتقبليها غصب عنك
عزيزة بغضب:انت بقيت شخص قليل الادب مفيش احترام لامك ولا احترام لاي حد ومراتك دي ملهاش قاعدة هنا ولا ليها جزء في حياتنا اظن كلامي واضح مش حابه اكرره تاني والا مش هتشوف خير لا انت ولا هي
سامر ببرود:عندك حق منتي تقدري تعملي كل حاجه كفاية انك مو تي زوجك بالحيا اللي هوا ابو عيالك وخليتهم مفكرين أن ابوهم م يت طول السنين دي انتي قلبك مفيهوش رحمه لا سبتي كبير ولا صغير في حاله
عزيزة بصدمة:انت بتقول اي انت مين اللي قلك كدا
سامر بغضب:مفكرة أن عملتك السو دة دي مش هتتكشف يعني مالك مستغربة ليه انتي قلبك اي اجالك ازاي تعملي كدا شيفانا طول السنين دي بنتعذب علي فراقه محستيش ببنتك اللي فضلت سنين متتكلمش بسبب فقدانه محستيش بيا وانا بعافر طول السنين دي علي امل بس أن ابويا يرجع يوم واعوضه عن اللي اللي سببناه ليه خلتيني وانا طفل حتي قاسي انتي اييييه
عزيزة بغضب:قلتلك متعليش صوتك عليا واحترم قوانين القصر
سامر بجنون:قوانين ايه اللي بتتكلمي عليها انتي مش مستوعبه اللي بقوله انتي اي الجح ود اللي فيه دا
عزيزة ببرود: ابوك كان طمعان في ثروتي وابويا حذرني من العلاقه دي وانا مسمعتش كلامه كان لازم اتصرف كان هيدمر حياتكو
سامر بسخرية:لا برافو هستني تبرير غير دا منك يعني كل حد يدخل حياتنا تبقي حجتك أنه طمعان فينا انتي مستوعبه ده ابونا انتي مستوعبه معني الكلمة
عزيزة ببرود:اه قلي بقي انت اتجوزت القا تلة دي عشان تحرق دمي بس
سامر بجنون: اقلك اي حرام عليكي انتي بتوهي الموضوع الاساسي ليه انتي ليه مستقلة الموضوع دا حياة انتي متخيلاها دمر تيها ودمرتي ولادك معاها واقلك حاجه روز ولا هيا مراتي ولا حاجه وهتجوزها غصب عنك
عزيزة بسخرية وهيا مبسوطه من داخلها أنه كان بيكدب عليها:انسي اللي بتفكري فيه مستحيل دي تبقي مراتك
..........
بنتي حرام عليك انت ودتها فين فين بنتي يراشد
راشد ببرود:اتهدي بقي بنتي بنتي صرعتينا علي بنتك بنتك زي القردة عايشة حياة ولا انتي تحلمي بيها
ام روز بزعيق:كداب يراشد انت اكيد اذتها مستحيل تكون راجل مره في حياتك قلي وديت بنتي فين
راشد بكل عصبية ضربها لدرجه انها وقعت من قوة الضربة وقال بسخرية:ودتها بقي مطرح ما ودتها مش عايز وجع دماغ منك فكري في حياتنا احنا روز شافت طريقها ومع ناس كبار هيهنوها
ام روز بغضب:بعت بنتي يك لب انسي اللي بتفكر فيه دا علي جث تي يراشد هيبقي اخر يوم في حياتي غور من بيتي روح في داهية
يتبع