رواية هبة السلطان الفصل الخامس5 والسادس6 بقلم جني محمد السمنودي
و بعد ما الفرح انتهى طلع كل واحد و مراته على شقتهم و في شقة سلطان و هبة سلطان قال "هبة انتي عارفة كويس اني شغلي داير في أمريكا فالخيار دلوقتي جدامك اما تيجي معايا هناك اما تجعدي اهنه"
هبة "انت عارف اني بحبك؟ "
سلطان "و الله اني كمان بحبك جوي بس جاوبيني"
هبة "اكيد هاجي معاك و اني اضمن منين انك مش هتبص لواحدة من بتوع أمريكا"
سلطان "لو أكده كان زماني اتجوزت واحدة من هناك من زمان بس اني عحبك انتي و محدش يجدر ياخد مكانك في جلبي ابدا "
هبة "و الله اني معرفاش اجولك ايه و لا ارد على كلامك الجميل ده ازاي بس اني كمان بحبك جوي و كبير النجع "
سلطان" ده انتي عليكي واحدة كبير النجع تجيبني الأرض"
و عند مليكة في اوضتها كانت بتكلم نفسها و بتقول" يعني اني اربي و اكبر علشان تيجي حتة بت يتيمة و تاخد مني ابني على الجاهز... و الله لهفرجكم عن بعض باي طريجة لو كان فيها موتي "
مليكة قالت الكلام ده و بعدها فتحت تليفونها و كلمت حد و قالت" ايوة بجولك ايه اني عاوزاك تجتل واحدة"
قال الشخص ده بغموض "ابعتي صورتها و اسمها و المكان اللي هي قاعدة فيه "
مليكة" تمام كل ده هيكون عنديك بكرة "
المجهول" طب و المقابل ايه "
مليكة" اي فلوس انت هتطلبها هتكون عنديك"
المجهول " طالما كده يبقى بمجرد ماتبعتي الصورة و محل الإقامة اعتبري طلبك اتنفذ"
مليكة "تمام اني هجفل بجى "
و نطلع فوق في شقة شمس و هلال.. هلال كان قاعد جنب شمس و قرب منها و قال" بصي يا شمس طبعا انتي عروسة جديدة فلازم تروحي تجضي شهر العسل بتاعك في مكان حلو اختاري اي مكان في اي دولة انتي تتمنيها "
شمس استغربت من كلامه اي مكان في اي دولة فردت عليه و قالت" اي مكان اي مكان"
هلال "ايوة"
شمس"اي دولة اي دولة"
هلال "في ايه يا شمس هو انتي مش فاهمة كلامي و لا ايه "
شمس" لاه بس يعني مش عارفة اطلب ايه "
هلال" جولي اي مكان يخطر على بالك و انا هوديكي "
شمس" خلاص اني عاوزة اروح الغردجة"
هلال "خلاص ماشي بكرة هنروح نحجز و نجهز و نسافر علطول "
نروح بقى في الصالة كان الجد هارون و مراته الحاجة ناصرة و العمة جميلة قاعدين تحت و الجد كان متعصب جدا من اللي حصل ده و قال" اني مش راضي عن اللي حصل ده سواء كان من هلال او سلطان او شمس او هبة "
جميلة اتضايقت لأن كل حاحة مشيت بتخطيط من سلطان مبين قوصين كده كبير النجع فقامت وقفت بعصبية و قالت "لاه بقى يا حاج المرادي الغلط كله على كبير النجع سلطان علشان هو اللي خطط و جهز كل حاجة حتى اني مكنتش اعرف انه مجهز لفرحه هو هبة بتي غير من شوية بس كل اللي اعرفه انه اللي هو عمله ده مش غلط و الغلط الحجيجي يبجى غلطك انت علشان انت اللي خليته كبير النجع انت اللي خليت كلمته تمشي على الكبير جبل الصغير "
نزلت مليكة على الصوت العالي ده و قالت" لاه يا جميلة اني مش معاكي في رايك اني مع الحاج لأن العيال هما اللي غلطوا لما مشيو ورا كلام سلطان جال كبير النجع جال.. كبير النجع ده يبجى كبير النجع فعلا لو الحاج مات بعد الشر غير أكده يبجى عيل زي بجية العيال و يمكن اجل منهم كمان مش كفاية انه جوز ابني بت يتيمة ملهاش اهل "
قامت الحاجة ناصرة داخلة في الكلام هي كمان و قامت بعصبية و قالت" بت يا مليكة غوري من وشي السعادي بجى انتي ام انتي هو في ام تعمل أكده في أيتها و تبجى مش عايزة تجوزوا البت اللي عيحبها اومال بجى او كانت بنت شوارع كنتي عملتي ايه بنت ناس محترمين و لا انتي و لا عشرة منيكي يجيبوهم اصلا ده انتي حتة حشرة احنا منستنضفش نجعد معاها بس اني مش عارفة الواد ابني شاف فيكي ايه عدل علشان يتجوزك بس الحمد لله هلال مطلعش شبهك الواد طالع محترم شبه ابوه مش شبهك "
مليكة" مين ده اللي محترم ده رفع صوته عليا ناجص شوية كان عيجي يضربني "
جميلة" لاه هلال عمره ما يعملها "
و هنا كان الجد فاض بيه الكيل خلاص و قام وقف هو مكان و ضرب الأرض جامد اوي بعصايته و قال" بس اخرسي يا ولية منك ليها كلمة كمان يا مليكة و مش هتبجي اهنه في الدار تاني احنا مخليينك جاعدة هنا علشان هلال مش اكتر فتسكتي خالص أكده و تطلعي فوج على اوضتك "
مليكة طلعت فوق و الغضب بينهش فيها
بعد ما طلعت الجد بص لجميلة و قال "و انتي كمان يا جميلة اني معوزكيش تزعلي من اللي حصل ده و بالنسبة للعيال اني هسكت و هسامحهم بس ياريت ميعملوش أكده تاني اطلعي فتح بجى علشان تنامي الوجت اتأخر "
جميلة" حاضر يا حاج "
طبعا ناصرة دلوقتي قاعدة مع الجد لوحدهم فقررت تستفرد بيه و تعاقبه على نار هادية فقالت بخبث" تعالى يا حاج عاوزاك في كلمتين في اوضتنا "
هارون قام بريبة كان حاسس يا عيني ان ناصرة بتخطط لحاجة بس مش عارف هي ايه فدخل الاوضة و ناصرة دخلت بعده و قفلت الباب كويس و قربت منه و قالت "جولي بجى با حاج انت شايف من البي غلطان"
هارون "سلطان هو اللي غلطان"
ناصرة" و سلطان غلطان ليه بجى "
هارون" علشان عمل كل ده من ورايا"
ناصرة يعني لو كان عمل كل ده باتفاج معاك مكانش هيبجى فيه مشكلة مش أكده "
هارون" ايوة أكده "
ناصرة" لكن تصرفاته و ترتيبات كلها صح"
هارون اتنفخ و قال بثقة "ايوة طبعا مهو علشان كده اني خليته كبير النجع"
جت ناصرة بقى فرقعت نفخته دي بردها و قالت "خلاص يبجى متلموش عليه لوم على نفسك علشان خليت كبير النجع و بعدين لما حد بيعمل حاجة صح بنجوله شاطر مش بنحول عليه غلطان "
و فوق في اوضة مليكة.. مليكة فتحت تليفونها و بدأت تدور على اي صور تخص هبة و شمس و اخيرا لقت الصور قامت بعتت للشخص اللي كانت بتكلمه رسالة بتقول فيها" دول صور البنات اهم العنوان دوار كبير النجع الدور التاني و الدور التالت اجتل البت اللي في الدور التاني و اسمها شمس اما بجى البت اللي في الدور التالت دي دبر ليها خيانة و اسمها هبة و هبعتلك كل المعلومات المهمة عنهم اهم حاجة محدش يعرف عني اي حاجة"
رد المجهول عليها برسالة بيقول فيها" بس ده دوار كبير النجع سلطان "
مليكة" ايوة ما هو ده اللي انت هتخلي مرته تخونه "
الفصل السادس
المجهول قال بفزع مجرد ما عرف انه هيعمل كل ده في بنات دوار كبير النجع "ايه ده انتي عايزني اخاطر بنفسي و لا ايه ده سلطان ممكن يقتلني فيها"
مليكة قالت بمقاطعة "خمسين الف جنيه يرضوك؟."
المجهول "و الله لو ٢٠٠ الف جنيه بحالهم مش هرضى"
مليكة "خلاص و ماله نخليك ترضى ايه رايك في مليون اجنيه كامل هتاخده مجرد ما تنفذ العملية ده غير بجى الحلاوة "
المجهول" خلاص اتفقنا "
مليكة" خلاص الكلام ده يتنفذ بكرة و بمجرد ما تنفذه هديلك فلوسك كلياتها "
المجهول "لأ انا مش هعمل كده غير و انا معايا نص الفلوس انا اضمن منين ان اللي هبعته ده مش هيتمسك"
مليكة" خلاص اعتبره حصل "
المجهول" هجابلك فين "
مليكة" جول انت على اي مكان و اني هكون عنديك في الوجت و المكان "
المجهول" تمام بصي" و بعت ليها اسم محل و قال" المحل ده يخصني هنتقابل هناك "
مليكة" تمام هجابلك هناك بس ميتا "
المجهول" دلوقيت لو تحبي "
مليكة" خلاص ماشي اني جاية "
نزلت مليكة بسرعة و راحت فعلا المكان و كان معاها شنطة فيها ٥٠٠ الف جنيه ادت ليه الشنطة و قالت امسك الحاجة اهي يا طارق بيه بس اللي اني طلبته يتنفذ"
طرق حد ايده على دقنه و بص ليها بغموض و قال "بكرة الساعة خمسة بالظبط استني اللي طلبتيه يتنفذ"
مليكة "تمام ماشي هستنى "
و بعدها رجعت تاني البيت و لا من شاف و لا من دري كله كان في اوضه
و تاني يوم نروح في اوضة هلال و شمس هلال قال" صباح الخير يا شمسي بجولك ايه معاد الطيارة فاضل عليه بالظبط ساعتين يا دوب نلحج نجهز و ننزل يلا اتجهزي على ما اجهز حاجاتنا و ننزل "
و بعد شوية كانوا قاعدين في الطيارة هلال بعد ما الطايرة طارت كلم سلطان و قال "ايوة يا سلطان اخبارك ايه"
سلطان "اني كويس في حاجة و لا ايه بتر دلوق ليه "
هلال" لاه مفيش بس اني رايح الغردجة اني و شمس فحبيت اعرفك اني في الطيارة دلوقيت "
سلطان" من غيري يا كلب بس متعوضة يلا مبارك يا عريس بس اوعى تنساني لحسن و الله لهعلجك"
هلال "و هو في حد ينسى اخوه برضه "
سلطان" حبيبي ترجعوا بالسلامة يا رب "
قفل سلطان مع هلال و بعدها قعد على مكتبه اللي كان في اوضة لوحده و مسك بعض الورق و بدأ يدور على شوية حاجات في الورق اللي في ايده"
سلطان خبط ايده في المكتب بعصبية بعد ما ملقاش اللي هو بيدور عليه و قال "يوه بجى اعمل انا ايه دلوقتي و اجوله ايه و اتصرف ازاي"
هدي سلطان شوية و بعدها طلع برة و خبط على اوضة الحاج هارون
هارون" ادخل "
دخل سلطان الاوضة و قال" جدي هلال سافر الغردجة مع شمس انهاردة و اني هسافر أمريكا بكرة ان شاء الله مع هبة علشان شغلي هناك"
الجد "طيب ماشي يا سلطان "
سلطان" جدي اني مش عاوزك تزعل من اي حاجة حصلت اهنه يا جدي انت اللي مربينا من كبيرنا لصغيرنا و بعد أكده هيجى استأذنك الاول جبل ما اعمل حاحة من وراك "
الجد" يا سلطان اني مش زعلان اني بس عاوزكم تكونوا مع بعض دايما و متتفرجوش ابدا مش دوار كبير النجع اللي يبجى بالمنظر ده و مش عاوزكم تعملوا حاحة من ورا بعض او من ورايا علشان لو حصلت اي حاحة نبجى واجفين في ضهر بعض و نبجى عارفين باللي اللي حصل انت متعرفش ده كل ما تتكلم واحدة من جميلة و لا مليكة يجوموا يتخانجوا مع بعض و شوية و هيشدوا شعور بعض و لا ستك ناصرة بتجوم تمسك فيهم هي كمان و لا كننا في روضة أطفال "
سلطان" يا مري ايه اللي بيحصل ده دول بجوا عيال جوي اني متوجعتش اني هرجع الاجي كل البلاوي دي بتتحدف على دماغي يعني بلاوي اهنه و بلاوي في أمريكا كمان "
الجد" ليه يا بني كده هو فيه مشاكل في شغلك و لا ايه "
سلطان" حاجات بسيطة أكده و هتتحل يا حاج "بعدها بص في الساعة القاها خمسة فقال" يا لهوي معلش يا حاج الساعة خمسة و انتي كنت متفج مع هبة هنروح أمريكا دلوقيت "
هارون" ازاي هو انتوا هتلحجوا توصلوا المطار دلوقيت"
سلطان" لاه يا حاج الطيارة معادها ستة و نص اني هطلع علشان نجهز كل حاجة و ننزل علشان نلحج نوصل المطار"
هارون "بالتوفيج يا ولدي سلام "
سلطان طلع فوق و لقى في وشه حد كان قدام الباب بتاع الشقة بيحاول يفتحه بس لسوء حظه سلطان وصل قبل ما يقدر يفتح الباب و مجرد ما سلطان خد باله منه راح مسكه و ضربه بدماغه روسية خلته يقع على الأرض مغمى عليه و بعدها سلطان شاله و نزل بيه تحت و قعده على كرسي و ربطه كويس أوي و قال بصوت عالي في نص البيت "يا مليكة يا جميلة يا حاج هارون يا حاجة ناصرة"
كلهم اتجمعوا في الصالة على صوته و اول ما جميلة شافت الراجل شهقت بخضة و قالت "هييهه يا مري" و بعدها قربت من سلطان و بدأت تمسكه و تحسس على كل حتة فيه بخوف و قالت "انت كويس يا سلطان و هبة هي هبة كويسة"
سلطان "متجلجيش يا عمتي اني بخير و هبة فوج نايمة لأنها لو صاحية مكانتش هتسكت"
جميلة "طيب هنعمل ايه في الراجل اللي مربوط ده"
مليكة قالت بتسرع و هي خايفة ان أمرها يتكشف "اكيد نجتله طبعا"
سلطان قرب منها بثبات و قال "و نجتله ليه ما احنا ممكن نسيبه عايش علشان نعرف منيه مين اللي بعته على اهنه و كان عاوز ايه "
مليكة بلعت ريقها بخوف اما سلطان فراح على المطبخ و جاب كوباية مية ساقعة و راح كبها عليه الراجل قام برعب و قال "ااا انا. انا معملتش حاجة"
سلطان "لاه بجولك ايه يا حلو انت تفوج أكده معايا و تفتح مخك و تجاوبني "
الراجل" اجاوبك على ايه و ليه "
سلطان" تجاوبني على الأسئلة اللي هسالهالك و ليه علشان مطيرش رجبتك وجتي"
الراجل "بس انا عبده المأمور بنفذ اللي بينطلب مني و بس و مينفعش اقولك مين اللي باعتني"
سلطان" لاه يا حلو مهو انت يا تجول مين اللي باعتك يا تجول سلام لعيلتك علشان تموت "
الراجل" اللي باعتني يبقى طارق بيه "
سلطان" و اني أكده يعني عرفت مين اللي بعتك اني عاوز اعرف مين من اهنه وزك عليا هو انت متعرفينيش و لا ايه "
الراجل" لأ و الله انا مش عارف انت مين"
سلطان" اني كبير النجع اهنه و اخلص و جول مين اللي باعتك "
الراجل" واحدة اسمها مليكة هي اللي باعتاني