رواية فتيات الميتم
الفصل الخامس عشر 15
بقلم شيماء طارق
توجهه فهد الى سيارته وركبها وتحرك بها الى مقر الشركه ......عندما وصل ترجل من سيارته ورأى سياره عز مصفوفه فى مكانها ...
دلف الى شركته بهيئته المعهوده بالثقه ...يقف له كل من يراه احتراما له ...
صعد الى مكتب عز ودلف دون طرق الباب
فهد : مشيت يعنى من غير ما تقولى
كان عز يجلس على كرسيه خلف المكتب مرجعاًرأسه الى الخلف ومغمض عينيه هو لا يستطيع التفكير فى الشغل ولكن كان عليه الهروب من المنزل ....
فهد : عز انا بكلمك
عز : وبعد اما تكلمنى هيحصل اى
فهد : مالك ياعز
عز : نفس الى فيك ياصحبى
فهد : وهتستسلم
نظر له عز وقد اعتدل فى جلسته وقال فى اصرار تام
عز : مش هتكون لغيرى لازم تدينى فرصه اتكلم
فهد : رغد فى البيت مع معتز لسه مخرجتش وريم فى النادى هى وغاده ومعتز ورغد هيرحولهم
عز : انت عرفت ازاى
فهد وهو يقف ويتجهه الى الباب : بنفس الطريقه الى عرفت بيها هما مين ......
...غادر فهد مكتب عز بينما عاد عز كما كان حاله قبل دخول فهد ثم نهض فجأه
عز : هو انا هفضل قاعد كدا مش هعمل حاجه ....انا لازم اشوفها ....
تحرك عز الى خارج مكتبه ثم الى خارج الشركه كلها
______________________
فى فيلا أل سالم ...
تمسك ناهد بالهاتف تحاول الاتصال بجيسيكا ولكن جيسيكا لم ترد
ناهد : مش بتردى ليه ...عايزه اقولك انهم اجلو الجواز ..لازم تيجى وتبقى جنب فهد عشان نخطط من تانى يتجوزك
مروه : هى مين دى يا مامى
ناهد : ..هااا. .. مفيش مفيش ..انتى رايحه فين
مروه : هروح النادى اجرى شويه
ناهد : طيب خلى بالك من نفسك
مروه : حاضر
أحمد : قاعده كدا ليه يا ناهد
ناهد : مفيش هروح اشوف الخدم ينظفو ..وتركته وغادرت
أحمد : مش مرتحلك ياناهد
________________________
فى فيلا معتز الدمنهورى ..
فى غرفه المكتب يجلس معتز خلف كرسيه بينما يجلس امامه مصطفى ورغد
معتز : خير يا مصطفى فى حاجه فى الشغل
نظر مصطفى الى رغد ثم الى معتز ففهم معتز ما يرمى اليه
معتز : اتكلم عادى رغد بنتى وهتبقى فى مكانى من بعدى
رغد : ربنا يخليك لينا يابابا
مصطفى : دا ملف الحسابات بتاع اخر الصفقات جبته لحضرتك عشان ترجعه ..ودا ملف مكتوب فى اسماء الماكينات الى احنا محتاجين اننا نغيرها ونجيب بديل ليها بسبب انها مش بقيت تشتغل كويس ..
كان معتز يمد يديه ليأخذ ملف الماكينات ولكن سابقته رغد واخذته ...
رغد : شوف انت يابابا الملفات الى مع الاستاذ وانا نشوف الملف ده
معتز : ليه يا رغد ..انتى بتفهمى فى الماكينات
رغد بمرح : شوف شغلك ياحج ...انت مش واثق فيا ولا اى
معتز بضحك : لا ياختى واثق بس ياريت متبوظليش الدنيا
رغد : لا من الناحيه دى اطمن هى بايظه لوحدها
ضحك معتز ورغد وكان ينظر لهم مصطفى فى دهشه لاحظها معتز
معتز : شوفى شغلك يا رغد ....يلا يامصطفى كمل شغل
مصطفى : يافندم دا ملف شركه سالم الى المفروض هيبقى فى شغل بين شركتنا وشركتهم
انتبهت رغد للاسم ونظرت الى معتز الذى نظر لها هو الاخر ولكنها اشاحت وجهها بلامبالاه ثم عاده النظر الى الملف فى يديها مره اخرى ..القى معتز نظره اخيره ثم اكمل عمله مع مصطفى .
استمر العمل لساعات ثم نظر معتز الى رغد التى كانت مازالت ماسكه بالملف فى يديها تتفحصه بعنايه شديده
معتز : ها يا رغد وصلتى لأى
رغد : انا شايفه ان مش لازم نكلف نفسنا التكلفه دى كلها ونشترى مكن جديد واحنا عندنا المكن ممرش عليه سنتين احنا لو هنغير مكن كل سنتين كدا ميزانيه الشركه والمصانع هتقل وهتحتاج سيوله واحنا بنضيعها على المكن
معتز : امال عايزه تعملى اى
رغد : صيانه للمكن
مصطفى : مهندسين الصيانه فى المصنع كشفو على المكن وهما الى طالبو يتغير وكتبو تقرير بكدا ومع حضرتك فى الملف
رغد : لو المكتوب فى التقرير دا صحيح يبقى ملوش لازمه اننا نغير المكن بس يظهر ان المهندسين بيستسهلو ومش عايزين يبذلوا مجهود او يتحركو من مكانهم
معتز : عايزه تعملى اى يا رغد
رغد : عايزه اكشف انا على المكن يابابا لو سمحت
معتز بدهشه : هتعرفى
رغد : طبعا ..انت لسه متعرفنيش
معتز بإعجاب : خلاص يا رغد بكره هتيجى معايا المصنع ونشوف الموضوع ده
مصطفى : طيب عن اذن حضرتك انا بقى كدا الشغل خلص بس يافندم لازم حضرتك تنزل تتابع الشركات بنفسك
معتز : ان شاء الله يا انا هبقى موجود او رغد والى يبقى موجود تابع معاه
مصطفى : حاضر يافندم...عن اذن حضرتك ..فرصه سعيده يا انسه رغد
رغد : انا اسعد ....
..خرج مصطفى من المكتب
رغد : بابا انا هتابع اى انا قولتلك انا عايزه ابدأ من الاول واتعلم كل حاجه
معتز : انا هعلمك كل حاجه بس الوقت الى انا مش تكون فيه فى الشركه انتى لازم تكونى عشان تتابعى مينفعش نسيب شغلنا لغيرنا يمشيه
رغد : تمام .....يلا بقى نروحلهم النادى انا نموت من الجوع
معتز : يلا يا حببتى
رغد وهى تغمز : بعدين ماما تزعل
معتز : لا انا قايلها انى هعكسك
رغد : بتحمى نفسك يعنى
معتز : ايوه هو انا ظستغنى عن عمرى
ضحكو رغد وشاركها معتز وتحرك كلا منهما الى الخارج وركبو السياره وانطلق بها معتز الى النادى
______________________
فى النادى
تجلس غاده وريم على احدى الطاولات .....
غاده : حببتى تشربى اى
ريم : مش هشرب دلوقتى ...هستنى شويه
غاده : ماشى ياحببتى ....هو يعنى
ريم : ماما قولى عايزه اى
غاده : انتى زعلانه بسبب موضوع فهد
ريم : ماما موضوع فهد دا خلاص صفحه وانتهت انا حاليا مش بفكر فى اى حاجه الا مستقبلى وبس
غاده : طيب خلاص حببتى ..متزعليش منى انا بس ...
ريم : انا مقدرش ازعل منك ياحببتى انتى وبابا معتز ورغد الحاجه الحلوه الى فى حياتى مقدرش ازعل منكو ابدا
......مش معقول غاده
غاده بإبتسامه : نهال ازيك وحشتينى
نهال : عشان كدا بتسألى
غاده : معلش متزعليش منى انا كنت مسافره مع البنات وجيت من شهرين
نهال وهى تنظر لريم : متقوليش القمر دى بنتك
غاده بإبتسامه فرحه : ايوه دى ريم بنتى الصغيره وعندى رغد اكبر منها بسنه هتيجى مع معتز احنا سبقناهم
نهال : ربنا يحفظهملك ....ليكى حق تخبى علينا الجمال دا كله
ريم : مرسى ياطنط
غاده : مش مخبياه ولا حاجه هى بس الى كانت عايزه تقعد مع جدتها
....ماما ...ماما
نهال : تعالى يا رامى ....اعرفك ياغاده ..دكتور رامى ابنى ...
غاده : ماشاء الله كبر رامى
رامى : مفيش حاجه بتفضل على حالها ياطنط
غاده : ايوه صح معاك حق ....اتفضلو ياجماعه اقعدو معانا
جلست ابتهال وجلس رامى ايضا .ثم نظر الى ريم ..
غاده : اعرفك يا رامى ريم بنتى اولى طب
رامى : يااه احنا كدا زملاه بقى
ريم بإبتسامه : لا احنا نتعلم من حضرتك يا دكتور
رامى : اى مساعده تحتاجيها انا موجود
ريم : ان شاء الله ........اتى اليهم رغد ومعتز
معتز : السلام عليكم
الجميع : وعليكم السلام ورحمه الله وبركاته
ريم : كدا يابابا انت ورغد كل دا تأخير
رغد : ابوكى السبب
معتز : انا!!!!
رغد : ايوه قعدت اقوله كفايه شغل ريم هتزعل يقولى ما تزعل يا زيزو غاده هتضايق يقولى مش مهم ........
نظرت له غاده فى صدمه
معتز مسرعا : والله بتضحك عليكى متصدقهاش .....هتودينى فى داهيه يخربيت دماغك
كان رامى وريم ونهال يضحكون بشده
نهال : بنتك طالعه ليك يا معتز دمها خفيف
معتز : دمها خفيف بيودى فى داهيه
رغد : انا يا زيزو
معتز : ايوه انتى ...اعملى فيها بريئه
غاده : بس مش هنخلص ....اطلب لينا غذاء يا معتز
معتز بهزر : هو مفيش الا معتز كل حاجه معتز ...ياجماعه انا صاحب اكبر شركات فى البلد يقولو اى لما يلاقونى انا الى بجيب الاكل
غاده : معتز ....
معتز : انا جبت الاكل خلاص ياحببتى
رغد : اوباااا ..الحقى يا ريم زيزو بيخاف
ريم : دا بيجيب وراء على طول
معتز : حسابكو معايا فى البيت
رامى : خلاص ياجماعه هجيب انا الاكل
ريم : خدنى معاك
نظر لها غاده ومعتز ورغد فى دهشه فهى لاتحب الاختلاط بالاناس الجدد ولكنهم فضلو الصمت
رامى : اوك يلا بينا
كانت ريم تسير بجوار رامى الى ان تعثرت فى مشيتها وكادت ان تسقط ولكن لحقها رامى مسرعا
كان يشاهدها وهو يستشيط غضبا يكاد يفتك بأى احد يريد التدخل كان يجلس هو وعز على الطاوله خلفهم مستمعين الى حديثهم رأها وهى تذهب معه كاد ان يفقد عقله وعندما رأها تسقط وهو يساندها استشاط غضبا وذهب فى اتجاهها ...ركض خلفه عز
عز : فهد يا فهد ..استنى ......دى شكلها هتولع .....