رواية ملك الاقتصاد والقط الاسود
بقلم شيماء طارق
بجوار احدي المحلات تجلس روما ونهي مع الطفل الذي يدعي هيما...
روما وهي تعطي هيما احدي العصائر التي اشترتها له
روما : قولي بقي يا بطل مين المعلمه دي وبتسرحكو ازاي
هيما بسعاده وهو يأخذ العصير : المعلمه سعديه دي اكبر معلمه في المنطقه دي والمناطق الي حوالينا بتجيب العيال الي زي حالاتي لا اب ولا ام وبتربيهم وبتقولنا بكسب فيكو ثواب
نهي : يعني في زيك كتير
هيما : يوووه يا ابله كتير قوي وفي اصغر مني واكبر مني احنا عندها كتير الي ملوش اهل او اتخطف من اهله ممكن تلاقيه عندها
روما : خطف
هيما : يا ابله احنا بنخطف ونسرق وننشل ونعمل كل حاجه احنا متقسمين مجموعات مجموعه تسرق ومجموعه تخطف ومجموعه تراقب العيال ومجموعه تبيع مخدرات
روما ونهي في صوت واحد : مخدرات.... نظرو الي بعضهم في صدمه ولكن لم يبالي لهم هيما واكمل حديثه وهو يأكل ما اشترته له روما
هيما : ايوه يا ابله مخدرات وبانجو وبودره احنا شغالين في كل حاجه ولينا نسبه كمان امال اي مش بنعرق ونتعب
روما : وانت وصلت عندها ازاي
هيما : معرفش هي قالتلي انها لاقيتني علي باب ميتم فخادتني تربيني معاها بس الله اعلم ممكن تكون خطفاني بس انا كبرت وانا معاها مليش اهل معرفش يعني اي ابويا ولا يعني اي امي معرفش اذا كان عندي اخوات ولا لا الي اعرفه ان انا من غير اهل ولازم اشتغل مع سعديه عشان افضل عايش
روما : اي!!!!
هيما : ايوه هما ممكن يقتلرني عادي دا اذا كان احنا عندنا مجموعه مخصصه للقتل والبلطجه عارفه يا ابله ايام الثورات والشغب في البلد احنا كنا بنطلع نعمل مشاكل ونضرب في الكل وبنموت كمان
نظرت نهي الي روما ولم تعلق فقالت روما
روما : وانت اي الي جابرك علي كدا
هيما وهو ينهض من جوارهم : رقبتي غاليه عندي يا ابله اطير انا بقي...... وغادر من امامهم في لمح البصر
روما : هيما... هسما استني...
نهي : خلاص يا روما مشي
روما : انتي سمعتي الي قاله اذاي في اطفال بتضيع طفولتهم كدا ازاي حد يقدر يعمل كدا فين البلد فين المسئولين كلو مغيب عن الحقيقه كلو عامل نفسه مش واخد باله مدام بعيد عن المشكله رغم ان دي هي المشكله
نهي : طيب ممكن تهدي
روما : اهدي ازاي وفي طفوله بتغتصب في سرقه ومخدرات وارواح بتتهدر بسبب سعديه والي زيها والمسئولين في بيوتهم نايمين
نهي : والمطلوب مني اعمل اي دلوقتي اروح اصحيهم من بيوتهم واقولهم تعالو معايا شوفو الي بيحصل ما هما نايمين وعارفين الي بيحصل بس هما شابعنين مش جعانين زي الاطفال دول هما نايمين في حضن عيالهم وغيرهم قلبهم بيتقطع علي عيالهم الي هما احتمال يكونو واحد من مجموعه من المجموعات الي قالها هيما احنا لازم نفكر ازاي نأخد خطوه تحرك المسئولين بس نفكر صح عشان لما نتحرك نتحرك صح..
روما : معاكي حق... يلا بينا
نهي : علي فين
روما بإبتسامه تعرفها نهي جيدا : هتحرك صح
نهي : مش مرتحالك
روما : وانتي من امتي مرتحالي يلا بقي.... ثم دفعتها امامها وتحركا الاثنان في طريقهم الي العوده
*********************************
مها : اتفضل يافندم آسر بيه في انتظار حضرتك..
تقدم ابراهيم الناجي من غرفه المكتب وهو يحاول ان يمتص غضبه من آسر بسبب تركه في الخارج...
طرقت مها باب مكتب آسر ودلفت بعد ان سمح لها آسر بالدخول..
مها : ابراهيم الناجي يافندم
وقف حسام لكي يستقبله ويرحب به ولكن نظرات آسر جعلته يجلس مكانه مجددا.... دلف ابراهيم الي المكتب
ابراهيم : السلام عليكم آسر بيه
آسر : وعليكم السلام.. اتفضل
جلس ابراهيم علي المكتب في مقابله حسام فقال حسام
حسام : منورنا يا ايراهيم باشا
ابراهيم : المكان منور بالي فيه
آسر : خير
ابتلع ابراهيم ريقه بصعوبه ثم تحدث في توتر واضح
ابراهيم : كنت بعت لحضرتك اوراق الص...... قاطعه آسر
آسر : انا عارف ده قولي سبب الزياره
ابراهيم وهو ينظر الي حسام الذي كان ينظر الي آسر ابراهيم : كنت بطلب من حضرتك انك توافق يعني... آسر : جاي عندي وبتقولي اوافق علي ثفقه بيني وبينك ممدوح الشامي ليه يد فيها بس من تحت لتحت عشان ميظهرش في الصوره قدام آسر الرفاعي
ابراهيم وحسام نظرو الي آسر حسام يحاول فهم ما يحدث وابراهيم ينظر بخوف وتوتر من القادم.....اكمل آسر حديثه
آسر : مخدرات بملايين هتدخل البلد وبما ان آسر موجود في الصوره ف مش هيبقي في تدقيق اثناء تفتيش الصفقه عشان سمعه آسر الرفاعي بس نسيت ان مش آسر الرفاعي الي بينضحك عليه
أبراهيم بتوتر : مم مخدرات اي يا آسر بيه اكيد في غلط
آسر : اه سوري نسيت مخدرات وسلاح
نظر له حسام بصدمه بينما كان ابراهيم يود لو يستطيع الفرار من امامه الان
آسر : طلبك مرفوض ابراهيم الناجي واعمل حسابك هتكون قريب انت وممدوح الشامي في السجن وهكون انا الي وراء دخولكو... ودا وعد مني وآسر الرفاعي لما بيوعد بيوفي... شرفت
نظر له ابراهيم بخوف واضح علي قسمات وجهه من القادم ثم غادر من امامه مسرعا وكأنه يهرب من ذئب يقف له بالمرصاد ...
حسام : انا عايز افهم انت عرفت دا كله ازاي
نظر له آسر ثم هب واقفا وارتدي جاكيت بدلته وعدل من ثيابه ثم نظر الي حسام قائلا
آسر : يلا عشان اتأخرنا علي البيت وانت عارف الي في البيت مبيھزروش ..ثم غادر من امامه
حسام : هتجنني معاك يابن عمي.. ثم هب واقفا مسرعا خلفه. ..يالهوي في البيت مش بيھزرو وميعرفوش ملك اقتصاد ولا غيره. عندهم قانونهم وبس....
**********************************
.....خلاص يا مازن بكره هعرفلك هي ساكنه فين..
مازن وهو يقترب منها : انتي مش طايقاها ياقلبي وانا هكسرهالك
هايدي بدلع : بس مش انت الي تقرب منها
مازن : هو انا اقدر اجي جنب واحده تانيه غيرك.. ماتيجي شويه
هايدي : لا مش عايزه
مازن وهو يشدها : لا مش وقت عايزه ومش عايزه خالص.......
********************
في فيلا اسر الرفاعي......
تدلف روما من البوابه الرئيسيه اثناء دلوف آسر وحسام بالسياره...
آسر : ازيك يا روما
روما : الحمد لله يا بيه
آسر : مش قولنا بلاش بيه ديه
روما : العين متعلاش علي سيدها يا بيه
آسر : بس انا بعتبر عمي محمد و الداده سعاد بعتبرهم زي اهلي بالظبط
روما : ما هما عملتنا حلو وكويس حضرتك هتفضل بيه واحنا في خدمتك عن اذنك عشان عندي مذاكره
آسر : اتفضلي .......تنهد آسر تنهيده طويله بعد مغادرتها فوجد حسام يربط علي كتفه وكأنه يواسيه
حسام : هتتعدل صدقني هتتعدل وهتلاقي حل
آسر : بقيت بحلم بيها نفسي تحس بمشاعري وساعتها مستعد اركع قدامها عشان توافق تتجوزني بس هي مصممه تظهر ليا الفرق الي بينا
حسام : روما تركيبه غريبه بس صدقني هيجي اليوم الي هتحس بيك وساعتها هرقص انا في فرحكو... اكمل جملته بضحكه خفيفه جعل آسر يبتسم ويترجلان من السياره ويدلفو الي الداخل
...
حسام : الله الله علي الريحه الجميله انا هموت من جوع
آسر : صوتك عالي
حسام : بقولك اي انا في البيت مش في الشركه حل عن دماغي
هدي : حبايبي انتو جيتو
حسام : لا لسه هناك
تقدم إسر وقبل يديها : عامله اي ياحبيبتي
هدي وهي تمسح علي رأسه بحب : بخير يا قلبي
حسام وهو يفتعل حركه الكامنجا وبتأثر مصطنع : تيرا را را را
نظر له آسر وهدي فأعتدل في وقفته وتقدم الي هدي وقبل يديها هو الاخر : وحشتيني
هدي : عشان كدا لما رجعت من السفر جيت علي البيت
حسام : والله آسر هو الي اتصل عليا عشان اروح الشركه
آسر : اسيب الشغل يتعطل عشان حضرتك عايز جاي من السفر وعايز أجازه
هدي : بس انا كنت عايزه اشوفه يا آسر
آسر : بس يا ماما هو مقاليش كدا
حسام : نعم... دا انا قعدت اتحايل عليك عشان تسيبني ساعه اجي اسلم عليها وارجع تاني وانت رفضت يا اخي دا انت حتي مقولتليش حمدلله علي السلامه سئلت علي الشغل علي طول
آسر : مش مشكلتي المهم الشغل لاني عارف استهتارك
هدي : كملو كويس صوتكو العالي في وجودي
صمت الاثنان ونظرو الي بعضهم وتحدثو معا.: سوري ماما
هدي : اتفضلو علي فوق بدلو هدمكو وانزلو الغداء
صعد الاثنان الي الاعلي ليفعلو ما امرت به هدي هانم ........هدي الرفاعي. عمت آسر وحسام امرأه في العقد الرابع من عمرها تحب آسر وحسام بشده طيبه القلب ولكن لا تقبل بأن يتعدي احد علي قوانينها في المنزل رفضت الزواج وهي من تولت تربيه آسر وحسام بعد وفاه اهلهم في حادث لم يصل أحد الي الجاني حتي الان ولكن آسر رفض ان تستمر التحقيقات وطلب اغلاق القضيه....
هدي : سعاد.. يا سعاد
سعاد : ايوه يا ست هانم
هدي : من فضلك يا سعاد قوليلهم يحضرو الغذاء
سعاد : تحت امرك يا هانم
.................
دلفت روما الي غرفتها وجلست علي سريرها يشغل تفكيرها آسر والي متي ستظل تتجنبه وتبتعد عنه الي متي ستظل تحبه وهو لم يشعر بها قط هو ابنه الخادمه فكيف تكون زوجه ل ملك الاقتصاد هزت رأسها رافضه تلك الافكار..
روما : لا لا لازم افوق كفايا لحد كدا هو فين وانا فين مش هينفع اكمل في الحب دا الحب الي محكوم عليه بالاعدام من البدايه لازم اطلعو من قلبي وعقلي هو اكيد عمرو ما هيحس بيا ولا يرتبط بواحده زيي واحد زيو هيحب يرتبط بالي يشبهه انما انا هفضل في نظرو بنت الخادمه....
ياليتها تعلم ان اسمها محفور في قلب الاخر وصورتها تحفر بدقه في مخيلاته
.....صوت طرقات علي الباب ثم فتحت والادتها الباب
سعاد : يلا يا روما الغذاء يا حببتي
روما بإبتسامه : حاضر يا ماما ثواني وهاجي
سعاد : ماشي بس متتأخريش عشان بابا مستني
روما : حاضر
..... علي طاوله الطعام..
محمد : عملتي اي يا روما في الكليه
روما : الحمد لله يا بابا متقلقش هبقي الاولي زي كل سنه بإذن الله
سعاد : ان شاء الله يا حببتي
محمد : ربنا يكرمك يابنتي
روما : ربنا يحفظك لينا يا بابا
*********************************
يعني اي يا ابراهيم....... هتف بها ممدوح الشامي بعد ان اخبره ابراهيم الناجي بما حدث في مقابلته مع آسر الرفاعي
ابراهيم : يعني آسر متابعنا وعارف كل خطوه احنا بنتحركها
ممدوح : آسر مش هينسي اننا وراء قتل ابوه وعمه واكيد هينتقم وسكوته دا مش في صالحنا ابدا
ابراهيم : آسر عارف
ممدوح : تبقي لسه متعرفش مين هو آسر لوكان عندك مجرد شك ان هو ميعرفش آسر عامل زي الاسد المجروح بس مستني الفرصه الصح الي ينقض بيها علي الفريسه وساعتها هتبقي ضأربه قاضيه علي الفريسه بتاعته
ابراهيم : ولما انت عارف كدا مبتبعدتش ليه
ممدوح : مبقاش ينفع وابني مصمم انو يواجهه آسر ويقف قدامه وانا مش عارف ابعده عنه وكمان مش هينفع اسيبه لوحده
ابراهيم : انا همشي من البلد آسر مش هيسكت
ممدوح بسخريه : وانت مفكر ان آسر هيسيبك تخرج كدا عادي
ابراهيم : ههرب هعمل اي حاجه بس ابعد عن آسر
ممدوح : فات الاوآن يا ابراعيم ودلوقتي وقت الحساب والي زرعناه زمان هنحصده دلوقتي...
********************************
يجلس وهو يضع الكمبيوتر المحمول علي ارجله يرتشف القليل من مج النسكافيه الذي يمسكه بيديه يفتح الميل الخاص به ثم يبتسم وهو يري اسمه.. القط الاسود... يبتسم بإنتصار فيقوم بفتح قائمه الرسائل لديه ويكتب ما يريد ثم يرسله الي الجرنال الذي يعمل به ويتواصل معهم عن طريق هذه الشاشه ويتم محاسبته ماليا بإرسال راتبه الشهري علي الحساب الخاص به في احدي البنوك
يبتسم عندما يري ما ارسله بعد ان تم الانتهاء منه ..ثم يغلق اللاب توب الخاص به ويضعه بجواره علي السرير ثم يطفئ الانوار ويذهب في ثبات عميق..
*******************************
في صباح اليوم التالي.....
آسر : صباح الخير يا ماما
هدي : صباح النور يا حبيبي اقعد افطر يلا
آسر : حاضر...
هدي : سعاد يا سعاد....
روما : تحت امرك يا هانم........ ما ان ظهرت روما امام آسر ظل نظره معلق بها..
هدي : روما امال فين سعاد
روما : ماما تعبانه النهارده وانا هكون مكانها
هدي : وكليتك
روما : مش مهم النهارده يا هانم تؤمريني ب حاجه
هدي : اطلبي من الخدم يحضرو الفطار وانتي روحي كليتك
روما : انا هشتغل مكان ماما
هدي : لا هتنزلي الكليه يلا مش عايزه جدال كتير
روما : حاضر......
غادرت من امامه ولكن عيناه مازالت تتابعها يريد ان تشبع عيناه منها ولكن ما حال القلب العاشق التي تتفنن هي بتحطيمه
هدي وهي تعرف بنظرات آسر الي رما التي تخبر الجميع بأنه يكن لهذه الفتاه حباً كبيرا
هدي : مشيت خلاص
آسر وقد انتبه اليها : ها... مين دي
هدي : الي شاغله قلبك
آسر وهو ينظر لها قاطعته هدي قبل ان يتحدث
هدي : متحاولش تكذب عشان نظراتك فضحاك
وضع آسر عينيه أرضاً ثم تحدث بحزن : ديما مصممه تبين الفرق بينا مش عايزه تتعامل معايا الا بإني انا البيه وهو بنت الخادمه دايما عايزه تفكرني بحسها بتبعدني عنها مش بتديني فرصه اعبر بيها عن مشاعري اتجاها مش فاهم ليه بتعمل كدا بس الي اعرفه ان انا من غيرها هموت انا تعبت قوي في حياتي ومش هستحمل انها تضيع مني..
تقدمت له ندي واحتضنته : متقلقش هتكون ليك وهتحس بيك سيبها بس ترتب امورها وانا بنفسي هجوزهالك
رفع آسر رأسه بأمل : بجد
هدي بإبتسامه : بجد ياحبيبي
حسام بدراما : ااااه ..اخويا وامي العااار يا ولدي العار نظر له آسر هو وهدي فقال بآبتسامه : صباح الخير عليكو جميعا اتمني انكو تنسو الي انا قلته من شويه وياريت يعني لو مش هتقل عليكو مش عايز تجاوزات بالايد
ضحكت هدي عليه بينما هز آسر رأسه بإستنكار منه فإقترب منهم حسام وما ان جاء ليجلس اتت اليهم روما
روما : الفطار جاهز يا هانم
حسام : والله بنت حلال يا روما كنت لسه هقعد تقومي تلحقيني اصل انا مقدرش اقعد واقف اقعد واقف اتعب
نظرت له روما بعدم. فهم فتحدثت هدي قائله
هدي : روحي يا روما الكليه وانت يا حسام اتلم شويه
كان آسر ينظر الي حسام بغيظ وغضب فضحك حسام وتوجهه الي طاوله الطعام بينما خرجت روما لكي تلحق ب محاضرتها....
**********************************
نهي : اتاخرتي ليه
روما : ماما تعبانه ومكنتش هاجي اصلا
نهي : الف سلامه عليها مالها
روما :شويه برد مخليها مش قادره تتحرك
نهي : هاجي معاكي اشوفها واحنا مروحين
روما : ابقي تعالي
نهي وهي تنظر لبعيد : شوفي مين جاي علينا
نظرت روما الي ما تنظر اليه نهي ثم نظرت الي نهي بإستغراب..
.....هاي عليكو
نظرت نهي الي روما بينما كانت روما تنظر للماثله امامها بإستحقار
روما : هاي يلا يا نهي عشان الجو بقي خانقه
نهي : فعلا
هايدي : مش هتقعدو معايا
نظرت لها روما وهي ترفع احدي حاجبيها : ومن امتي واحنا بنقعد معاكي
هايدي : طيب ممكن اتكلم معاكي شويه
روما : هاتي من الاخر وقولي عايزه اي
هايدي : هعوز اي يعني كنت عايزه عنوانك عشان.....
ررما مقاطعه لها : متكمليش انا دماغي مصدع ومش فيقالك ..يلا يانهي...... ثم غادرت هي ونهي من امامها
هايدي بغيظ : طيب يابنت البواب
حازم : اي مقالتلكيش حاجه
هايدي : قال اي مش فيقالك انا بنت البواب تقولي كدا
حازم : خلاص اهدي كدا ابعتي السواق بتاعك وراها وخلاص
هايدي : ماشي
...............
نهي : عايزه عنوانك في اي البت دي
روما : هتلاقيها عايزه تتريق عليا فتجيب مكان الناس الي اهلي شغالين عندهم سيبك انتي قريتي الجريده النهارده
نهي : مقال تحفه الصراحه
روما : مش هسكت الا لما يتكشفو كلهم
نهي : بس لازم تاخدي بالك عشان اكيد في ناس كبيره وراهم
روما : متقلقيش عليا دا انا حته بنت غلبانه
نهي : اه لو يعرفو انتي مين
روما : مش مهم انا بس مستنيه شويه وهظهر للكل
نهي : القط شكلو هيظهر
روما : مفيش قط بيفضل مستخبي كتير
نهي : طيب يلا نلحق المحاضره
روما : يلا....
***********************************في شركه الرفاعي.......
يمسك بالجريده ويقرأ ما بها....
اطفال الشوارع اصبحو موزعين لتجار المخدرات
اين الرقابه واين الاهالي كيف اصبح هؤلاء الاطفال في الشارع هكذا واين الاطفال الذين اختطفو من بيوتهم هل هم احد هؤلاء الاطفال ام هم من الاطفال الذين اصبحو قطع غيار لأحدي المنظومات التي تتاجر بأعضائهم اين المسئولين يرو ما يحدث في الشوارع من سرقه وتجاره غير مشروعه بكل انواعها اين حق طفوله هذه الاطفال التي اصبحت طفولتهم مختصبه
اين حق الاهالي الذين فقدو ابنائهم بسبب انعدام الامن
هل المسئولين يعلمون ما يحدث في بلدهم ام انهم لا زالو مغيبين عن الواقع
ايشعر احد المسئولين بالالم نتيجه فقد احدي ابنائه او فقد شئ من امواله نتيجه تعرضه للسرقه ام هذا يحدث فقط لباقي الشعب
هل سيظل المسئولين يعبئون في بطونهم من اموال وينامون في بيوتهم بسلام وباقي الشعب يشعر بالخوف في كل لحظه خوف لفقد احدي ابنائه بسبب عصابات الخطف او خوف لفقد راتبه الشهري بسبب تعرضه للسرقه
اين المسئولين يروا ما يحدث في البلد هل طالما لم يمس احدا منهم شئ فذا يعني الامان في البلد
انقذو الاطفال التي تنتهك طفولتهم بوحشيه
انقذو عامه الشعب من فقد امواله التي تسلب منه بالسرقه فربما يحتاج هذه الاموال لعلاج ابنائه
انقذو الاطفال التي تخطف من وسط اسرتهم والي الان لم يتم العثور علي احدهم
انقذو الاطفال من الوفاه والادمان
تحركو فإن الخطر يدق ابوابه وسيصيب الجميع..
#القط_الاسود ..
اغلق آسر الجريده وهو يبتسم علي ما قاله ذلك القط فهو يريد الحق والعداله يريد الحريه بقوانين جميع مقالاته تثبت انتماءه لهذا البلد يريد معرفته ليس لمعرفه من يسبه في مقالاته ولكن لمعرفه من هذا الجريء الذي لا يهاب احد يريد معرفته ليشكزه علي ما يصنع من اجل بلده ف هو يحرك الجميع الي النقاط المغيبه عنهم او ما يعتقد الاخرين انها مغيبه فالمسئولين يعلمون كل شئ ولكن ما دام الامر لا يخصهم فيصبح لا يعنيهم
دلف حسام كعادته بدون طرق الباب...
آسر : يا حسام في باب والله
حسام : سيبك من الباب انا عرفت مين هو القط الاسود......