رواية ملك الاقتصاد والقط الاسود
نهي :يلا يا روما عشان نروح
روما : حاضر جايه اهو.. يلا
...تحركت روما ونهي للخارج واستلقو احدي المواصلات وتوجهوا الي فيلا آسر الرفاعي
هايدي : زي ما فهمتك تمشي وراهم وتعرف هما هيروحو فين
السائق : حاضر يا ست هانم
هايدي : اوعي تغيب عن عينك انت فاهم
السائق : متقلقيش ياهانم هي اول مره
هايدي : طيب يلا اتحرك هما اتحركو اهو
السائق : ماشي يا هانم ....وانطلق خلفهم
هبه : هتمشي عم سيد وراهم
هايدي : ايوه لازم نعرف بيتها
هبه : انا مش معاكي انتي ومازن روما مش سهله وانتي عارفه
هايدي بغضب : انتي بتدافعي عنها وواقفه معاها ليه انتي صحبتي ولا صحبتها
هبه : انا صحبتك وعشان كدا واجبي اوعيكي كفايه جوازك من مازن من وراء اهلك لازم تفوقي
هايدي : مازن هايجي يتقدملي هو بس مستني شويه
هبه : مستني اي يكون نفسه ولا ابوه مش هيرضي فوقي يا هايدي مازن بيضحك عليكي متنسيش ان ابوكي وابوه شركاء يعني جوازكو مصلحه ليهم مازن بيتسلي بيكي زي ما هو عايز يتسلي ب روما بالظبط
هايدي : انتي متضايقه مني عشان هو بيحبني ومبيحبكيش
هبه بصدمه : انا... انا يا هايدي هبص لحاجه بتاعتك. مازن دا لو اخر راجل في الدنيا انا مقبلش اتجوزو مش هقولك عشان هو جوزك ولا عشان هو بتاع بنات لا انا مش هوافق اتجوزو عشان هو مش راجل ومش قد كلمته... سلام يا صحبتي
هايدي : في ستين داهيه
حازم وهو يأتي نحوها : لي دا هبه راحت فين
هايدي : متجبليش سيرتها انا ماشيه... وتركته وغادرت
حازم : اي المجانين دول.. انا مالي انا همشي..
**************************
ايوه هنا لو سمحت......... قالتها روما للسائق التاكسي عند وصولها امام فيلا آسر...
السائق: اتفضلو يا هوانم
ترجلو من السياره ودلفو الي الداخل بينما كان يتابعهم سيد سائق هايدي ظل يتابعهم الي ان دلفو الي فيلا آسر الرفاعي
سيد : لازم اقول للست هانم... واخذ هاتفه واجري اتصال ب هايدي...
سيد : الو يا ست هانم
هايدي : ايوه يا سيد عرفت حاجه
سيد : دول داخلو فيلا يا ست هانم
هايدي : فيلا.... بتاع مين دي
سيد : فيلا آسر الرفاعي
هايدي : انت متأكد يا سيد
سيد : ايوه يا ست هانم متاكد انا لسه واقف قدامها اهو
هايدي : خليك واقف لحد اما تخرج ولو مخرجتش تتصل بيا
سيد : حاضر يا هانم
......اغلق الخط ......بينما في الداخل تدلف روما ونهي معا الي غرفه والدتها
روما : عامله اي دلوقتي يا ماما
سعاد : الحمد لله يا حببتي هدي هانم ربنا يبارك ليها جابتلي دكتور وكتبلي علي علاج وهي اشترتهولي وقالتلي مشتغلش الا لما اتحسن وانتي تروحي كليتك عادي في خدم كتير في القصر
روما : ربنا يبارك لها هي كويسه معانا
نهي : شكلكو ناسيني ولا اي
سعاد : نهي حببتي ازيك عامله اي
نهي : الحمد لله يا سوسو الف سلامه عليك ياجميل
سعاد : الله يسلمك ياحببتي والله وحشاني
نهي : قال بتسالي يعني
سعاد : هتفضل طول عمرها لسانها طويل البت دي
روما : هي ديما كدا يلا ابتلاء ولازم نستحمله
نهي وهي ترفع حاجبها : دا الي هو انا
هزت روما رأسها بأبتسامه فتوجهت اليها نهي واخذت تضربها وهي تضحك بينما روما كانت تحاول تفادي ضربها وصوت ضحكاتهم يعلو شئ ف شئ..... كانت نظرات سعاد الي ابنتها ملىئه بالمحبه كانت تود لو تخبرها بأنها يجب ان تظل هكذا مبتسمه دائما كانت تنظر لها بدمع يتراقص في عيناها وإبتسامه مرسومه علي شفتاها
نهي : انا مش هسيبك بقي
روما : خلاص بقي يابت تعبتيني
نهي : انتي الي بدأتي
روما : بدأت اي يا متخلفه انتي الي جايه ضرباني الاول
نهي : بردو مش هسيبك
سعاد : خلاص يا نهي عشان خاطري
نهي : عشان خاطرك انتي بس يا طنط هاسيبها.. ثم نظرت الي روما... سماح المره دي
روما : ياقلبك الكبير
نهي : طبعا يا بنتي وهتلاقيه مليان حنيه بس مجهده شويه
تعالت ضحكات روما وسعاد واتبعاتهم نهي بضحكاتها فدلف اليهم محمد راسما البسمه علي وجهه بسبب رؤيه السعاده في عين زوجته وابنته
محمد : ازيك يا نهي
نهي : ازيك يا عمو واحشني جدا والله
روما : البلد كلها وحشاكي انا عارفه
نهي : يابت اتلمي
محمد : سيبك منها انتي عامله اي وباباكي عامل اي
نهي : احنا كويسين يا عمو وبابا بيسلم علي حضرتك كتير وبيقولك عايز يلعب دور طاوله
محمد : قريب هلعب واخسرو
روما : يا بابا يا جامد
محمد : طيب يا حببتي انتي وهي يلا ادخلو حضرو الغذاء
نهي : عمو انت بتجمعني ليه المفروض انا ضيفه ف من القواعد بتاع الضيوف ان الضيف يقعد واصحاب البيت يجيبلو الاكل لحد عنده
روما : اسكتي..
نهي : اي
روما : مش القواعد دي اتلغت ونزلو جديد في السوق
نهي : بجد مقالوليش
روما : ايوه زي مابقولك كدا تعالي معايا المطبخ بس وانا هفهمك كل حاجه..
ذهبت روما ونهي لتحضير الغذاء في وسط ضحكاتهم وابتسامه من محمد وسعاد فهم يعاملان نهي كأبنتهم لا يفرقو بينهم ابدا يرو ان الله رزقهم بإبنتين وليست واحده..
محمد : عامله اي دلوقتي يا سعاد
سعاد : بخير طول ما انا شايفاك جنبي وشايفه ضحكت بنتي هعوز اي من الدنيا تاني
محمد وهو يمسك يديها ويقبلها : ربنا ما يحرمنا من حسك في الدنيا ياحببتي ويحفظك لينا
سعاد وهي تلقي نفسها في احضانه: ربنا ما يحرمني منك ياحبيبي
فا هو زوجها وحبيبها منذ الصغر فقد احبته واحبها وتقبلت جميع ظروفه وعاشت معه في سعاده رغم حياتهم المليئه بالصعاب وازداد حبها له بعد ان علم بأنها لم تستطيع الانجاب مره أخري بسبب نزيف حدث لها بعد ولادتها ل روما ادي الي فقد الرحم ولكنه تمسك بها ولم يتركها واخبرها انه يحبها هي لا لانها تنجب وقال لها انه اكتفي بإبنته منها ولم يتزوج مره اخري كما طلب منه اهله لينجب الولد ولكن تمسك بها وابتعد عن كل ما يزعجها....
*******************************
حسام : سيبك من الباب... انا عرفت مين هو القط الاسود
آسر وهو ينظر له بأنتباه واهتمام : اي عرفته.. وهو مين
حسام بسخريه : قصدك هي مين
آسر بصدمه : ايه بنت!!!!
هز حسام رأسه مؤيدا حديثه ثم قال
حسام : بنت في كليه الاعلام في السنه الاخيره ليها تعمل في الجريده بإسم مستعار القط الاسود محدش يعرف عنها اي حاجه خالص ولا هي مين ولا منين مدير الجريده بيقبل بشغلها معاه عن طريق النت لان مقالتها بتجمع ليه نسب مشاهده عاليه ونسب بيع اعلي بيتعامل معاها عن طريق حسابها في البنك بيبعت ليها مرتبها كل اول شهر عليه
آسر : وانت طبعا عرفت اسمها عن طريق رقم حسابها في البنك
حسام بمرح : بسم الله ماشاء الله عليك نبيه جدا
آسر : حسااام اخلص هي مين
حسام : محدش يعرف يهزر معاك
نظر له آسر نظره يعلمها حسام جيدا فأردف حسام قائلا : خلاص خلاص بنت اسمها نهي محمود طالبه في سنه رابعه اعلام بنت ناس متوسطه الحال متعرفش اي حد ممكن نقول انها بتشتغل لحسابه
آسر : امال بتهاجمني ليه
حسام : السؤال دا رده عندها هي مش عندي انا
آسر : طيب يلا بينا
حسام : علي فين
آسر : هنروح البيت عشان عايز ارتاح
حسام : هتعمل اي مع نهي
آسر بأبتسامه : هسيبها تعمل الي هي عايزاه بس لازم اقابلها
حسام : مش مطمنلك
آسر : دا الطبيعي.. ثم غادر من امامه
حسام : هيجنن الي خلفوني معاه.. استني يابني هاجي معاك عربيتي بايظه...
غادر حسام مع آسر متوجهين الي الفيلا....
*****************************
هايدي في الهاتف : زي ما بقولك كدا سيد واقف قدام فيلا آسر وبيقول ان هي دخلت جوه ومخرجتش
مازن : يعني اي طيب هي تعرف آسر منين
هايدي : ممكن يكون اهلها شغالين عنده ما احنا عارفين انها بنت الخدمين
مازن : طيب خلي سيد يفضل لو خرجت تبقي مش عايشه هناك انما لو مخرجتش تبقي عايشه في الفيلا زي بقيت خدم آسر
هايدي : اه اصل آسر قلبه كبير والخدم بتوعه بيعيشو معاه في الفيلا
مازن : احنا مالنا.. المهم انتي وحشاني قوي هتيجي امتي
هايدي : استني يومين كدا عشان بابا متوتر الايام دي ومكهرب البيت عندنا
مازن : ليه حصل حاجه
هايدي : مش عارفه بس شكل في حاجه في الشغل انت متعرفش حاجه
مازن : لا معرفش حاجه بابا متابع هو كل حاجه يلا اقفلي دلوقتي وابقي اكلمك بعدين ولو سيد قالك حاجه تتصلي بيا تعرفيني
هايدي : حاضر...
اغلقت الخط وتنهدت تنهيده قويه ثم تذكرت حديث هبه صديقتها وما قالته عن مازن شردت كثيرا في كلامها ثم هزت رأسها لتجعل تلك الافكار تبتعد عن عقلها
هايدي : لا مازن بيحبني مش ممكن يغد رو بيا او يوجعني هبه غيرانه مني ايوه غيرانه هي بتغير مني اصلا عشان انا اغني منها ومازن بيحبني ومفيش حد بيحبها...
***********
علي الصعيد الاخر عند مازن بعد ان اغلق الخط مع هايدي ظل يفكر في سبب وجود هذه الفتاه في فيلا آسر الرفاعي وكيف دخلتها بتلك السهوله فإنه من الصعب الدلوف الي فيلا آسر الرفاعي..
مازن : يا تري حكيتك اي مع آسر كدا الحسابات هتتغير لو ليكي علاقه بآسر...ثم ابتسم بخبث وتمتم... شكلها هتحلو اكتر وهقدر اكسر آسر بس اعرف انتي بالنسبه ليه الاول....
**********************************
تركض خلفها في الحديقه وهي تضحك بصوت عالي بينما روما تنظر لها وتخرج لها لسانها وهي تصيح بقوه...
روما : مش هتعرفي تمسكيني
نهي : همسكك يعني همسكك وساعتها مش هسيبك.. ظلت تركض خلفها...
....دلف من البوابه الرئيسيه بسيارته وترجل منها
حسام : يعني مش هتقولي ناوي علي اي مع الناجي والشامي
آسر : هتعرف الصبح
حسام : هو محدش يعرف يأخد منك حاجه
آسر : لما انت عارف بتزن ليه
حسام : بيبقي عندي امل
آسر لسه هيرد عليه سمع لصوت ضحك تالي رفع عينيه لمصدر الصوت هو وحسام وشافو روما وصحبتها وهما بيلعبو وبيجرو وراء بعض آسر فضل سرحان في ضحكات روما وفرحتها الي بتظهر من اقل حاجه حسام فضل يبص علي صحبتها ويفتكر هو شافها فين قبل كدا بس مش مجمع معاه
حسام لآسر : مين البنت دي
آسر : مش عارف اول مره اشوفها بس شكلها تعرف روما
حسام : طيب انا هروح اشوفها
آسر بحده : لا يا حسام انت عارف النظام هنا في البيت اي فرد من افراد الفيلا هنا ليه الحق انو يتحرك فيها بحريه حتي لو كان من الخدم مش هقبل بأنك تحرج البنات وتقطع لعبهم في الحديقه وممكن ساعتها يفتكرو ان احنا كدا بنقولهم متلعبوش تاني هنا
حسام : بس انا حاسس اني شوفتها قبل كدا
آسر : يبقي مش هنا مش دلوقتي لما يبطلو لعب ويهدو ممكن تروح وتشوفها يلا نتغدي
حسام : تمام يلا....
......دلفو الي الداخل ووجدو هدي في انتظارهم كالعاده
هدي بصرامه : اتأخرتو
حسام بخفوت لآسر : قابل يا معلم
نظر له آسر بإشمأزاز وهمس : معلم ثم التفت الي هدي التي تنظر لهم بحده وقوه
آسر : سوري يا ماما بس الشغل و........... قاطعته هدي بقوه
هدي : انا قولت قبل كدا ان البيت هنا ليه نظام مش مهم عندي انت مين وشغلك اي المهم عندي مواعيد والتزام انا حدد ليك مواعيد لشغلك ومواعيد للبيت ومواعيد للخروج انما تيجي علي حاجه مقابل حاجه دا الي مش بسمح بيه ابدا وانت عارف كدا كويس يا آسر
آسر : معلش يا ماما مش هتتكرر تاني
حسام : ايوه بالظبط مش هتتكرر تاني
هدي : ميعاد الغذاء فات تقدرو تطلعو غرفكو او تقعدو مفيش مشكله انكو تنتظرو العشا
حسام وهو ينظر لآسر ثم اليها : غذاء اي الي فات ماما عقبيني بأي حاجه تانيه بس انا جعان والله وانتي منعانا من اننا نشتري اكل من بره لما نجوع معلش المره دي بس اكل دلوقتي
هدي : قوانين البيت في ايدي انا يا استاذ حسام علي اوضتك انت وهو والعشا هيبقي جاهز في الميعاد
حسام وهو ينظر لآسر : ربنا علي المفتري ادي اخره الي يسمع كلامك في حاجه بعد كدا عايز تعرف اي حاجه عن اي حد ابقي اعرفها بنفسك انا مليش دعوه..... ثم نظر الي هدي مره اخيره وقال... طيب مفيش حاجه اصبر بيها نفسي لوقت العشا
هدي : لا النظام نظام
حسام : هو انتي ليه محسساني اني جيت علي نظام الحكومه
هدي : حسااااااااام
حسام : حسام طالع خلاص انا هنام وابقو صحوني علي العشا
هدي : بس النوم ليه ميعاد وانت عارف
حسام : لا بقي لا مش نافع كدا دا مبقاش بيت دا انا هقعد في الجنينه بره ولا دا بمواعيد كمان
هدي : لا تقدر تقعد بس بعد اما تغير هدومك ولا هتقعد في الجنينه بالبدله وكمان تراعي ان روما معاها صديقتها وقاعدين في الجنينه هما كمان
حسام : انا طالع........ وتركهم وصعد الي غرفته بينما نظر آسر الي هدي
آسر : يعني مش هناكل
هدي : لا
آسر : طيب مين الي مع روما دي
هدي : صحبتها وروما حبت انهم يلعبو شويه وانا سمحتلها بإنها تلعب لانك عارف قوانين هنا كل شخص ليه الحريه حتي لو كان من الخدم
آسر : قلبك كبير...... حسام وهو ينزل من علي السلم بعد ان ابدل ثيابه
حسام : قلبها كبير وطيب مع الخدم ومعايا تقولي الاكل بمواعيد طيب قدري كلت وجوعت بعدها ساعتها اي الي هيحصل
هدي : حسام انت عارف ان العقاب مش عشان اتأخرتو علي ميعاد الغذاء العقاب عشان لما اتأخرتو محدش فيكو اتصل يبلغني انكو هتتأخرو سيبتو الاكل علي السفره ومحدش فيكو عرفني انكو هتتأخرو كنت ساعتها هأجل ميعاد الغذاء لحد اما انتو تيجو بس انتو معبرتوش الناس الي في البيت ومحترمتهمش
حسام : اسف يا ماما بس مجاش في بالي والله اسف مره تانيه
هدي بأبتسامه : محصلش حاجه والاكل علي السفره اتفضلو اتغدو بس مش هتتكرر تاني
حسام وهو يقبلها : والله ما في منك .....وذهب مسرعا الي السفره
آسر : مش بقولك قلبك كبير
هدي : طيب الحق يلا اتغدي قبل ما حسام يخلص علي الاكل كله.
آسر : حاضر....
*****************
نهي وهي تجلس علي العشب: خلاص يا روما تعبت
روما وهي تجلس بجوارها : وانا كمان
نهي : وصلتي لحاجه في مقالك الجديد
روما : خليه مفجأه وصلت لحاجات مش لحاجه واحده
نهي وهي تعتدل في جلستها امامها : بجد طيب احكيلي يلا بسرعه
روما : لما المقال ينزل هحكيلك
نهي : وهو هينزل امتي
روما : هينزل بكره الصبح في اول طابعه
نهي : هستني تحكيلي
روما : وانا هحكيلك بس بكره
نهي : طيب انا كدا تمام هقوم اروح بقي
روما : لا استني مش بابا قال هيروحك هو عشان متروحيش لوحدك
نهي : اه صح نسيت بس كدا هتأخر
روما : لا اقعدي بابا اتصل بباكي و عرفو ان هوالي هيجيبك
نهي : اشطا....
.....اتي اليهم حسام وآسر
آسر : ازيك يا روما
روما وهي تنهض ونهضت نهي ايضا خلفها : الحمد لله يا بيه
آسر : تاني يا روما
روما : لازم افتكر انك البيه عشان العين متعلاش علي الحاجب يا بيه عن اذنك
حسام : لا استني..... نظر له الجميع بإستغراب
حسام : اقصد يعني متعرفناش علي الانسه
روما وهي ترفع احدي حاجبيها : نهي صحبتي زملتي في الجامعه
حسام وقد ربط الاسم في مخيلته مع صورتها فهتف سريعا : نهي محمود....... فهو عرف صورتها من الاستعلامات في الكليه بحكم علاقاته
نظر له آسر بدهشه ثم نظر الي نهي فنظر روما ونهي الي بعضهم البعض في استغراب فتحدثت نهي قائله
نهي : هو حضرتك تعرفني....