رواية ملك الاقتصاد والقط الاسود
الفصل الثامن8
بقلم شيماء طارق
كان الوضع هادئ ويسود الصمت في سياره آسر كانت تجلس بجواره تختلس له النظرات تري ملامح وجهه جامده لا تعلم ما يفكر به ولكنها علي علم تام انه لن يتركها هي خالفت اوامره ولم تعطي الحرس العنوان التي ستذهب اليه... وفوق كل ذلك تشك في انه يعلم انها هي القط الاسود الذي يهاجمه بلا سبب..... وصل آسر الي الفيلا ثم دلف من البوابه الرئيسيه ووقف بالسياره وما ان وقف حتي ترجلت روما منها مسرعه كمحاوله للهروب منه ولكنه اوقفها بصوته القوي
.آسر : روما هو انا اذنت لك تمشي......
تسمرت مكانها وهي تستمع لكلماته وابتلعت ريقها في خوف من القادم.... أحست بخطواته تقترب منها حتي اصبح خلفها أمسكها من معصمها بقوه رفعت نظرها اليه وجدت وجهه خالي من التعابير فأخفضتها بخوف....
سحبها خلفه في صمت كان يسرع من خطواته وهي كادت ان تتعثر أكثر من مره.... وصل بها الي غرفه مكتبه ثم تركها واغلق الباب خلفه....
ذهب وجلس خلف مكتبه بينما هي مازات واقفه بالقرب من الباب مكان ما تركها كانت تتابع خطواته وتحركاته في صمت وخوف تحاول مداراته وهي تشجع نفسها بخفوت ببعض الكلمات : روما انتي قويه.. متخفيش.. هو مش هيعملك حاجه... هو مش هيمنعك من حاجه.. انتي خايفه كدا ليه .....
قاطع حديثها مع نفسها صوته الهادئ
آسر : انتي واقفه عندك ليه تعالي اقعدي.... ثم أشار الي الكرسي الذي امامه
ابتلعت هي ريقها وتقدمت منه وجلست مكان ما أشار وهي ما زالت مخفضه رأسها...
آسر ببرود وهدوء مميت : ليه....
روفعت نظرها اليه بعد مده فهي كانت تفكر في هذه الكلمه ليه... ماذا يقصد.. أيقصد لماذا غادرت بدون اعطاء الحرس خبر عن مكان ذهابها وهذا ضد قوانين آسر الرفاعي الذي يضعها لها ام لانها وضعت نفسها بالمخاطر مع صابر الدمنهوري ام يقصد لماذا تهاجمه في الصحافحه.. هي ايقنت انه يعلم انها هي ولكن لديها سؤال كيف علم ....
قطع تفكيرها وهي تنظر اليه هو صوته
آسر : هتفضلي تبصيلي كتير
تنحنحت روما ثم اخرجت صوتها التي حاولت ان يكون طبيعيا بسبب موجه الخوف التي تهاجمها..
روما : هو حضرتك تقصد اي ب ليه
ابتسم بسخريه ثم أردف : اه ما مصيبك كتير ماشاء الله مش قادره تحددي انا اقصد انهي مصيبه فيهم
روما بصوت عالي بعض الشئ: تقصد اي انا بعمل مصايب
نظر لها آسر فعلمت انه غاضب بسبب ارتفاع صوتها في وجوده.فهتفت مسرعه : اسفه والله مقصدش صوتي علي لوحده
رفع حاجبه لها فأكملت : مقصدش اعليه والله
آسر : ليه يا روما خرجتي من غير ما اعرف انتي رايحه فين
حمدت ربها انه لم يسئلها عن سبب مهاجمتها له فتحدثت : كنت مستعجله وخرجت مع نهي بسرعه
آسر : وانتي شايفه ان دا عذر
روما بضيق وبنبره غاضبه : ما هو انا مش مسجونه هنا اخرج بأمرك وادخل بأمرك وبعدين اشمعنا انا الي المطلوب مني اقول رايحه فين وانا خارجه
آسر ببرود : مجاوبتيش علي السؤال
روما : سؤال اي يا آسر
آسر : طيب بلاش السؤال دا نسأل غيره
روما بخفوت : غيره
آسر : كنتي فين امبارح
روما وقد ايقنت انه يعلم ولكن يلعب معها فقررت ان تجعل خوفها جانبا وتتحدث بثقه
روما : أظن ان آسر الرفاعي متفتهوش حاجه زي ديه خصوصا لو حد من اهل بيته خرج اكيد هو عارف هو رايح فين
اعجب بثقتها في نفسها رغم خوفها منه الذي تحاول تداريه فتحدث قائلا
آسر : طيب اي الي خلاكي تمشي وراء الولد دا وكمان مكنتيش عارفه تروحي لولا كريم
نظرت له وعلمت لماذا كريم هو الذي تحدث معها واخرجها من المكان اعترفت بغبائها امام ذكائه
آسر : ساكته ليه
روما : آسر بيه مالو شاغل باله بواحده اهلها شغالين عنده ليه ...أظن ان انا من حقي اتحرك واروح واجي براحتي انا مش تحت امر حضرتك ولازمحتاجه أخد الاذن منك
كانت تتحدث بقوه وهي تنظر في عينيه الذي حاولت جاهده ان تبدو طبيعيه امام عينيه هذه........ كان يتابعها بإنفعالاتها وقوتها وثقتها بنفسها وهي تحادثه .......
آسر : بس انتي عارفه القوانين
روما : القوانين هنا هدي هانم الي حاطاهم وهي كانت عارفه انا رايحه فين اظن ان مفيش اي حاجه انا عملتها تخالف قوانين لان انا استأذنت من هدي هانم
آسر وهو يقترب منها : بس انا قولت ليكي قبل كدا انك انتي بالذات تأخذي الاذن مني
روما وهي ترجع الي الخلف وتبتلع ريقها بخوف : بس انا قولتلك مش شرط
آسر : بس انتي عارفه ان كلمتي واحده
روما : طيب بص خلاص هسمع الكلام بعد كدا بس ابعد
آسر : بس انتي لسه متعاقبتيش
روما : عقاب.. لا يا آسر بالله عليك
استمتع آسر كثيرا بسماعه اسمه بدون القاب منها ولكنه مازال مصر علي معاقبتها حتي تستمع له ولا تخالف كلامه مجددا
آسر : بس يا روما انتي عارفه ان انا مبحبش حد يكسر كلامي وانتي كسرتيه...... ابتعد عنها وذهب ليجلس مكانه وهي مازالت واقفه في مكانها تتابعه بنظاراتها الخائفه...أكمل حديثه ولكن بجديه وملامح جامده
آسر : مفيش خروج لمده يومين حتي للجامعه.. مفيش تليفون او اي وسيله اتصال بأي حد من زملائك وخصوصا نهي.. خروج بره باب الفيلا ممنوع.كلام مع اي شخص غير والدك ووالدتك وانا وعمتي ممنوع حتي الكلام مع حسام ممنوع.......لسه روما هتتكلم.... اي اعتراض علي الكلام الي انا قولته دلوقتي هتكوني ممنوعه من الخروج الا علي الامتحانات وبس ..
روما : بس.......
قاطعها قائلا : حاليا دا عقابك علي خروجك من غير ما تعرفي الحرس طريقك انما العقاب علي انك القط الاسود لسه متأجل
نظرت له بصدمه وأعين مفتوحه فأبتسم بسخريه علي حالاتها
آسر : اتفضلي دلوقتي وياريت اللاب بتاعك والتليفون يكونو عندي في خلال خمس دقايق
كانت مازالت تقف لم تتحرك فهتف... اول ثانيه... الثانيه.. التالته... استوعبت ما يفعله فهرولت من امامه مسرعه.....
ضحك هو علي حالتها تلك وهتف بين نفسه : مجنونه بس لازم تتعلم انها متتحركش الا بإذني مقدرش اسيبها في مكان من غير ما أعرف هي فين... قاطع حديثه دلوفها وهي تحمل اللاب الخاص بها والهاتف خاصتها ثم وضعتهم امامه
آسر : بقيتي بتسمعي الكلام بسرعه
روما بخبث : طيب هو انا ممكن افتح اللاب بتاعي ثواني بس وبعدين حضرتك تأخذه
آسر : افتحيه
أخذته من امامه ثم فتحت الميل الخاص بها.. رفعت بصرها اليه وجدته ينظر لها ويتابعها بإستغراب.. نظرت مره أخري الي اللاب وأخذت تعبث به وتكتب بعض الكلمات ثم اغلقته ووضعته امامه مجددا
روما : حاجه تانيه
آسر : كوبايه قهوه وبعدين تروحي تنامي ممكن
روما : اه طبعا
خرجت من امامه متوجهه الي المطبخ وهو مازال في غرفه المكتب
آسر لنفسه : بحب فيها اي دي انا مش عارف ربنا يعيني عليها
***********
كانت تضع البن علي النار منتظره ان ينضج كانت تحادث نفسها وعلي وجهها ابتسامه نصر..
روما : ههه مفكر ان هو كدا بيعاقبني.. طيب انا هوريه بكره في الجرنال.. وبعدين فيها اي يعني لما اخرج من غير اذنه هو مفكر ان انا جزء من ممتلكاته.. بس ماشي.. كلها سواد الليل وهو يشوف.. انا عملت اي...
نظرت الي القهوه وجدتها نضجت فأخذتها وذهبت اليه وضعتها امامه ثم غادرت الي مسكنها بينما هو ظل منكب علي اوراق يتابع عمله عليها... جائها اتصال فنظر الي الهاتف ثم تحدث
آسر : الو..... اي مات....ازاي.... جلطه... تمام.... امرهم بإنهم يفتحو تحقيق مع ممدوح كفايه عليه كدا...... سلام.
آسر بتنهيده : مات قبل ما انتقم منه بس راح للي هيجبلي حقي وحق اهلي منه.......
*****************************
في صباح اليوم التالي... استيقظت روما وقامت بإعداد الفطار لعائلتها..
سعاد : اي دا انتي مش هتروحي الجامعه
روما بغيظ : لا مش هروح يومين
سعاد : ليه
روما : مفيش يا ماما مليش مزاج اقعدي افطري انتي يلا عشان العلاج امال فين بابا
محمد من خلفها : انا اهو يا حبيبه بابا
روما : صباح الخير يا حبيبي
محمد : صباح النور..... آسر كان عايز منك ايه امبارح كنت شايفك راجعه معاه ودخلتي الفيلا
روما بتوتر : ها.. هيكون عايز اي يعني... قالي ان هو عايز قهوه عملتها ورجعت نمت
محمد وهو يحاول كبت ابتسامته فهو علي علم بحب آسر لها فقد أخبره آسر بذلك وايضا علي علم بتحكمات آسر بها.. ولكنه يصمت بسبب ان آسر أخبره بأنه يريدها تحبه كما يحبها هو...
محمد : طيب مش هتروحي الجامعه ليه
روما : مفيش يا بابا بس هريح كدا يومين
محمد : طيب كويس امسكي انتي الشغل مكان سعاد في الفيلا عشان هي لسه تعبانه
روما : هااا.. الفيلا
محمد : اه في حاجه
روما : لا لا مفيش حاضر هبقي مكان ماما....
نظرت سعاد ل محمد وفهمت ما يرمي اليه فهو قد اخبرها بما اخبره به آسر...
سعاد : طيب روحي بقي
روما : دلوقتي
سعاد : ايوه عشان تقولي للخدم يحضرو الفطار
روما : هاا.. طيب حاضر..
************
هدي : اي يا روما هي سعاد حصلها حاجه تعبت تاني
روما : لا يا هانم هي بخير بس بترتاح شويه وانا هبقي مكانها
هدي : طيب وكليتك
روما بغيظ : مش هروح يومين
هدي : ليه.....
كدت ان تتحدث ولكن قطع حديثها نزول آسر
آسر : صباح الخير يا ماما صباح الخير يا روما
هدي : صباح الخير يا حبيبي .....مقولتليش يا روما مش هتروحي الجامعه ليه
نظر لها آسر بإبتسامه فنظرت له بغضب
روما : مفيش يا هانم تحبي نحضر الفطار دلوقتي
حسام وهو. يهبط من الاعلي : اه يا ريت عشان الحق اروح المزاد
نظرت له روما ثم غادرت
حسام : هي مقالتليش ماشي ولا انا بيتهيألي
آسر : ملكش دعوه بيها وركز في المزاد لو المناقصه دي مرسيتش علينا هزعلك
هدي : دا مش وقت شغل
روما : السفره جاهزه يا هانم
حسام : انتي مروحتيش الكليه ليه يا روما
نظرت له روما ثم اخفضت نظرها لأسفل
حسام : مبتروديش عليا ليه هو انا عملت حاجه
لاحظت هدي نظرات آسر الي روما فتيقنت انه وراء ذلك فقالت
هدي : خلاص يا حسام امشي انتي يا روما .....بعد مغادره روما
حسام : هي مالها
هدي وهي تنظر لآسر : انت عملتلها حاجه
آسر : انا هروح افطر عشان عندي شركه...وتركهم وتوجهه الي السفره
نظر حسام الي هدي : من واقعرخبراتي ان ابنك آسر وراء حاله روما دي
هدي : وانا بقول كدا بردو متكلمهاش يا حسام لحد اما نشوف في اي عشان متعملهاش مشاكل مع آسر
حسام : اوك
*********
روما في المطبخ : ماشي يا آسر ماشي ..يارب يعدي علي خير بعد اما يقراء الجرنال.... ثم ابتلعت ريقها.. كان لازم اكتب يعني ..بس هو الي عصبني... يوووه.. ربنا يستر بقي
*******************************
مازن : ازيك يا حازم
حازم : الله مازن بنفسه هنا اي الي جابك الكليه
مازن : روما هنا
حازم : لا شكلها مجاتش النهارده
مازن : ليه
حازم : معرفش.... انما فين هايدي
مازن : في المستشفي تعبانه... سلام.... ثم غادر
حازم : سلام...... هه لازم تكون في المستشفي امال هتكون فين واكلين البلد وبتاجره في كل حاجه ربنا ينتقم منكو.. ربنا بياخد حقك يا مصطفي ربنا يرحمك.....
اتت اليه هبه : مصطفي.. لسه فاكره يا حازم
حازم : وهو حد بينسي اخوه
هبه : ربنا يرحمه يارب... ثم اكملت بدمع.. وحشني قوي يا حازم
حازم : ادعيله يا هبه وادعي ان ربنا ينتقم من الي كانو السبب
هبه : يارب ....
.......مصطفي... اخو حازم وخطيب هبه توفي علي ايدي ابراهيم الناجي وممدوح الشامي......
************
نهي : لا بقي كدا البت فيها حاجه.. تليفونها مقفول وهي مجاتش النهارده ...دا ممكن يكون آسر عملها حاجه امبارح... لا انا هقوم اروحلها هو انا هقعد احط احتمالات....
***************************
........ما قولك فيما هو منسوب اليك
ممدوح : كدب
وكيل النيابه : انا قدامي اوراق بتثبت العمليات المشبوهه الي تمت في المستشفي بتاعتك دا غير الفيديوهات الي من قلب اوضه العمليات الي بتوضح ازاي بتسرقو الاعضاء وكمان في المصنع بتاعك فيه فوق ال2 طن مخدرات علي هروين دا غير السلاح الي لاقوه في المخازن بتاعتك.. اي الكدب بقي.. من الاحسن تعترف لان كل الدلائل ضدك
ممدوح : دا كلو تلفيق وحد هو الي حططهملي عشان ينتقم مني
وكيل النيابه : حد زي مين وينتقم منك ليه
ممدوح : معرفش انا ليا اعداء كتير....
وكيل النيابه : امرنا نحن بحبس المتهم ممدوح حين الشامي علي ذمه التحقيق مع مراعاه له التجديد في الميعاد....
ممدوح : انت مجنون انت مش عارف انا مين
وكيل النيابه ببرود : متهم وهترجع السجن دي كل معلوماتي.. خده يا عسكري......
مازن : بابا ...
ممدوح : خرجني من هنا يا مازن
مازن : حاضر يا بابا والله بعمل الي اقدر عليه
ممدوح : آسر الرفاعي
مازن : ماله
ممدوح : هو الي وراء الي حصل دا
.العسكري : يلا يا متهم.... ثم أخذ ممدوح وغادر
مازن بغضب : آسر تاني تاني يا آسر.....
*****************************
هدي : هتتأخر في الشركه يا آسر
آسر وهو يقلب في الجريده : لا يا ماما مش هتأخر
حسام : هخلص المناقصه وهاجي علي الشركه
آسر : لا تعالي علي هنا مفيش حاجه يعني تستاهل هخلص انا كل حاجه في الشركه....... ثم القي بالجريده فنظرو له بإستغراب ولكن انتفضو في اماكنهم أثر صوته العالي
آسر بصوت عالي : رووووووووووووماااااا
.......
استمعت له روما فقالت في نفسها : مكانش يومك يا روما يا صغيره علي الي هيجرالك يا روما كان لازم تأخدي حقك ياختي اهو هتأخدي علي دماغك
.........
هدي : في اي يا آسر
حسام : اهدي يا آسر مالك
ولكن آسر لم ينتبهه لهم كل ما يهمه الان هو ان يري روما امامه كانت ملامحه تدل علي الغضب ولم يرد علي أحد ولكن هتف مجددا بصوت عالي..
رووووووووووماااااااا