رواية مصريه سمراء الفصل الاول1 بقلم جمانه السعيدى
لمن سئلته شلون اتابع قصص عراقيه مكتوبه بللغه العاميه
لان اللغه العاميه بلنسبه للمصريين حيل صعبه
مو مثلنا هلكد ما شفنا افلام ومسلسلات مصريه
نعرف كل لهجاتهم
اللهجه المصريه الي يحجون بيها اهل القاهره
ولهجة الصعايده ولهجت اهل سواهاج
ولهجت اهل اسكندريه
كان ردها مفاجئ أن ابوها كان يشتغل بالعراق لمدت ثمن سنوات
ويعرف اللغه العراقيه
بلبدايه متابعتها للقصص العراقيه كان شي صعب عليها
لان ما تفهم الكلام
بس كانت كلما تصعب عليها كلمه ترجع الأبواها حتى تفهم
معنى الكلام
تكول الموضوع كان صعب عليه بشكل مو معقول
بقيت اتلث سنوات يله تعلمت افهم معاني الكلمات
الي اقراها
البنيه تريد تنقل قصة بنيه من منطقتهم
بما ان هي فاهمه القصه راح تكون القصه سهله بلنسبه الها
هاي القصه انتشرت بمصر وكانت حديث الناس
اغلب البرامج المصريه نقلت هاي القصه
اكيد اني راح اكتبها بللغه العراقيه العامه
بطلت القصه ميته الله يرحمها ممكن محد يتحسب عليها بسبب
غلطتها لان التحسب على الميت حرام
جمانه السعيدي
بطلت القصه من عائله فقيره
البنيه اسمها سناء سمره طوخ شعرها اجعد طولها ١٦٠
أسنانها متراكبه عيونها زغار
البنيه موحلوه كلش موحلوه
هلكد ماجان شكلها موحلو الناس كلها تتنمر عليها
اولهم اهلها
والجيران والصديقات والاقارب
اذا يردون يضربون مثل على شي موحلو يكولون يشبه سناء
مرات يكولون هذا الشي موحلو حتى سناء احلى منه
واذا شغلها ما تعجبهم يكوولن تشبه سناء
ذوله اهلها واقرب الناس الها
سناء امها وابوها موجودين وعدها اخوان ثنييت
ازغر منها واحلى منها
بنات عمتها وبنات خالتها وصديقاتها كلهن ازوجن
اله هي اصلا محد يقبل يباوع بوجها
هلكد مو حلوه
طبعا هي تعرف نفسها موحلوه و متقبله الموضوع
بلعكس صارت انسانه شرسه
الي يقلد على شكلها ابد ما تسكتله
ترجع الكلمه بعشره وممكن تتفل علي او اضربه
تحولت إلى انسانه جسره ووكيحه لان مجاي تخلص من كلام الناس لا القريب ولاالغريب
اهلها كانو يدزونها اجيب مسواك اوي اي شي يحتاجو من السوبر ماركة
لان مايخافون عليها
هي تخوف عشيره محد يكدر يقرب عليها لو يتحرش بيها
سناء تبين قويه كدام الناس ويمكن تضحك اذا اي احد تنمر عليها من اهلها
بس من داخلها انسانه حزينه
لان مالها حظ بلدراسه ولا الها حظ بلزواج
شلون راح تخلص عمرها
حتى اذا رادت تشتغل محد يقبل يشغلها بهذا شكلها
اكيد الزباين اذا شافوها يشردون
هي هم ماعدها اي تحصيل دراسي
بسبب تنمر البنات والمعلمات عليها تركت المدرسه
كل يوم امها رايحه وراها للمدرسه لان كل يوم مشكله
البنات يغلطن عليها لو ما يقبلن يلعبن وياها
هذا الشي خلاها انسانه عدائيه
ممكن تضرب اي وحده
تغلط على اكبر وحده ما يهمها
محد كان يقدر ان هاي
خلقت رب العالمين هي مابيدها شي
بلاضافه الوضع اهلها التعبان
كان لبسها مو هلكد وهذا الشي ازم الموقف اكثر
واكثر
اخر شي امها قررت تخليها تعوف المدرسه
وتكعد بلبيت تشتغل بلبيت بمكان امها
وهيج امها تخلص من شغل البيت وتخلص من المشاكل الي كل يوم سناء داخله بيهن
سناء حتى ما خلصت ابتدائيه للخامس وتركت المدرسه
هنا امها اعتمدت عليها بشكل كلي
تخلصلها كل المشاوير الخاصه بلبيت
تروح اجيب مخضر تروح تجيب الملابس من الخياطه
تروح اجيب شغلات من السوبر ماركة
اطلع الزباله
سناء اصلا عافت المدرسه لان البنات يتنمرن عليها هن والمعلمات
كعدت بلبيت حتى تخلص من المشاكل
بس المشاكل وراها وين ماتروح
مجاي تكدر تخلص من تنمر الناس عليها
لان اي واحد يشوفها بلشارع يسمعها كلمه
اي شخص تشتري منه يضحك على شكلها
والي مايضحك عليها يبقى يباوع عليها
لو يأشر الصديقه من يشوفها ويبقون يتهامسون عليها
هذا الشي خلاها تصير عدائيه اكثر واكثر
ممكن تدخل عركه وياا اكبر واحد
ممكن تضرب اي شخص تشوفه يقلل منها
جمانه السعيدي
صارت انسانه عدائيه حيل
كل هذا بسبب الناس المحيطه بيها وأولهم اهلها
الي كانو يتنمرون عليها كدام الاقارب حتى يضحكوهم
وتصير الكعده حلوه ومسليه
على حساب مشاعر هاي المسكينه
ابدماكنو حاسين بغلطتهم هي موحلوه وهمه يتنمرهم عليها حولوها وحش
يمكن صارت قويه بسبب كلام الناس عليها بس من داخلها انسانه حزينه
كانت تطلع للشارع دائما وهي لابسه بنطرون وقميص
ابد ما تلبس ثوب لو فستان
اصلا ماعدها غير هذا البنطرون تطلع بي
ماكو شي بحياتها اسمه عنايه وترتيب
ولا اكو اي احد يعلمها تعتني بشكلها تغير حالها
الي تصبح بي تمسي بي
الحد مافديوم صار شي بحياة هاي المسكينه غير حياتها كليا
بيوم راحت تشتري مخضر سمعت ابو المخضر يضحك عليها هو العامل الي ويااا
راسا هجمت عليهم وبدت تطشر المخضر بلكاع
وهي تغلط وتسب
حاول العامل يضربها انهزمت وكامت تشمر علي حجار
الحد مانهزم منها
كانت تمشي وتغلط عليهم
لا ابوكم لا ابو الي يجي يشتري منكم
خلت السوك كله يتفرج عليهم لان المخضر الي يبيعون بي ترس الكاع
هاي المعركه كان اكو شخص شاهد عليها
شخص كاعد بسيارته الحديثه ويتفرج عليها شلون كانت تتعارك
وابد ماكانت خايفه منهم
شلون تشمر عليهم حجار وتمشي وتسب وتغلط عليهم
هذا الموقف ماكان موقف عادي بلنسبه الهذا الشخص
الي اول مره يشوف بنيه هلكد وكحه
وهلكد ما تخاف
بقه يباوع عليها وهي تمشي بعصبيه
قرر يمشي وراها حتى يعرف هي وين ساكنه
شنو الشي الي شده الهاي المسكينه مايعرف
رغم هي مو حلوه ووكحه بس مع ذالك بقه يمشي وراها بسيارته لمن عرف وين مكان بيتهم بلضبط
نزل من السياره وقرريسئل عنها
محمود....وكفت يم أقرب محل قريب على العماره الي ساكنه بيها هاي البنبه
محمود... اريد جكاير
....اي نوع
.محمود......هذا الباكيت الابيض
...تفضل
محمود...شكد الفلوس هاك
...دقيقه ارجعلك الباقي
محمود...لا خلي الباقي علمودك بس اريد اسئل سؤال
...تفضل جمانه السعيدي
محمود...اكو بنيه لابسه بنطلون وقميص سمره شعرها اجعد رابطته ورا
ساكنها بهاي العماره شفتها تتعارك بلسوك
...تتعارك وسمره هااا عرفتها قصدك سناء
محمود...اني مااعرف اسمها
...اي على هاي الموصفات هاي سناء احنا نسميها الوحش لان هي مثل الوحش
مو بس مو حلوه لا ووكحه وتعارك وما تخاف من اي واحد
شبيها تعاركت وياك
محمود....لا ما تعاركت وياي بس استغربت طريقته
شلون تتعارك وياا ابو المخضر وطشرت غراضه وماتخاف
...اهووو انت بعدك ما شفت شي منها
بس تريد الصدك الناس همه الي يتحرشون بيها
محد يقبل يعوفها بحالها ابد
اهلها ناس طيبين وعلى كد حالهم امها ماتكدر تطلع
دائما ادزها هي الي تخلص شغلاتهم
واجيبلهم مسواك
محمود...سمعتها شلونها بلمنطقه عدها علاقات
...اي علاقات الله يخليك منو يقرب عليها كبار وزغار تقلد على شكلها
الصراحه اني ما شفت عليها شي بس لان موحلوه
محد يقرب عليها
محمود....شكد عمرها تعرف
...تقريبا عشرين سنه
محمود...شكرا اخذت من وقتك
...انت ليش تسئل عنها
محمود...هيج مجرد فضول لان شفتها تتعارك
...حقها محد.يقبل يعوفها بحالها ابد
محمود...شكر حجي
يتبع