رواية جمان الفصل العاشر10بقلم رويدا راشد
النفس تبكي على الدنيا وقد علمت
أن السعادة فيها ترك مافيها
لادار للمرء بعد الموت يسكنها
إلا التي كان قبل الموت بانيها
فإن بناها بشر خاب بانيها
أموالنا لذوي الميراث نجمعها
ودورنا لخراب الدهر نبنيها
أين الملوك التي كانت مسلطة
حتى سقاها بكأس الموت ساقيها.
مثل"يقتل القتيل ويمشي في جنازته" مانقالش من فارغ لانه ينطبق ع هلبا ناس.
نضال: خشيت عليه لقيته في المعرض.
عصام : تفضل شن ناسي وتبي تكمله ثاني عندك وجه مازال وجاي تقابل فيا .
نضال: خلي للي صار ع جنب لا إله إلا الله ياعصام.
عصام: خلاص حسيت الدم وقف في عروقي من للي مات .
نضال: علي اعطاك عمره ياعصام.
عصام: خيانة جمان نتحملها اما فقد رفيقي لا من الصدمة نضحك ههههه نكته مات مات قبل ساعات كان جنبي ويهدرز عليا اخيه عليك يادنيا اخيه انا شن درت باش ايصير معاي هكي بعد ماعيطت استغفرت ربي هاذي كلها امتحانات من الله والدنيا دار عبور مش دار بقاء ....
مسحت دموعي وسكتت وقلبي من داخل يعيط الف عيطة في اللحظة ....
محمد: الحقونا في مستشفى.....
نضال: تمام اهو في الطريق مسافة الطريق ونكونو عندكم.
هيثم: ساند راسه للخلف ع الكرسي كيف بيتحمل عصام الصدمة هاذي وكأنه الايام تقوله لازم تدفع ضريبة الغلط القديم .
محمد: حرام عليك الكلام هذا راهو كلها اختبارات من الله لقوة ايمانه.
هيثم: اسمع يوم عصام اعطنا السلاح باش نسلموا لقيت حاجة حسيتها رح تلزمه في الايام الجاية وحولتها.
محمد: حي عليك راك تتكلم قدامه والله لما ايدير العار.
هيثم: من بيقوله الا لو انت ماتقدرش تسكت ممكن..
محمد: انساه الموضوع مش وقته توا للي فينا كافينا.
هيثم: بيني وبينك ارتاح علي من زيه مات وهو يصلي ياريتني نمووت نفس موته .....
محمد: والله مافي واحد راضي ع حاله ...غريبة
حال الدنيا.
وجدان: نوضي كان بتاكلي ولا خلاص بتموتي ع خاطره ولا كيف.
جمان: مش خاطري .
سالمة: خيرك شن فيك من وقت روحتي من حوش عمك وجهك مقلوب.
جمان: مافيا شئ.
وجدان: علاش تكذبي انت قولي لامي الحق .
سالمة: تكلمي ياوجدان.
وجدان: امشينا بنغيرو جوما كلمتني مسرة اخت نضال قلتلها تعالي معانا طق الباب والكل مشغولين مشت هيا فتحت الباب لقت نضال سلم عليها وسألها ع حالها عادي لين طلع سبع البورومبا عصام وردها خيانة وماخلا عليها كلمة.
سالمة: لاه عليك ياجمان لاه ...بعقلك تفتحي الباب وانت فاهمة طبع عصام وشن يبي ...
وجدان: شن ياماما خلاص تمت الدنيا عنده شن ناقصها هيا يد ولارجل توا ايجيها سيده.
سالمة: في ناس في حياتنا لو خسرناها مستحيل حد يعوض مكانها.
"من اعتاد العزف ع آلة الخداع لن يعرف أبدا لحن الحقيقة"
كميلة: اسمعي انا حور هذي مش مرتاحة لوجها بكل نحس فيها كتلة خبث تتحرك.
سهى: والله حتى انا قلت ليها يد في القصة للي صارت لكن انا للي قاهرني وجدان متغيرة مع اختها وكأنها متشمتة فيها ولا عدلت بكل.
كميلة: اخوت يوسف غيرتهم منه لانه أفضل منهم خلتهم يحاولو قتله يعني لما تشوف وجدان الفرق بينها وبين جمان ودائما الناس تشوف في جمان أفضل منها هذا يصنع نوع من الغيرة والحقد في قلبها ...
سهى: معقولة .
كميلة: ايه واكثر زمان كان في وحدة جارتنا عندها بنتين تؤم ...وحدة خدت راجل تتمنيه لكل احبيب المهم يوم للي جاء الراجل يخطب كانت وحدة من التؤم احلى من الثانية ورغم الشبه الا انه وحدة جمالها ملفت تزوجها الراجل وبرا يازمان تعالى يازمان جابت ولد زي فلقت القمر ....يوم زادت امها طلبت من اختها تمشي
تقعد معاها وتعاونها ...لما مشت وشافت الحب للي في عيون راجلها والعز والمال لقيتها اميرة في حوشها زادت نار الغيرة في قلبها وفي يوم
هيا قالت لاختها بنطق في حوشنا نشوف امي ونرجعلك وقتها مافيش سلاح لكن كانت في فترة السوادين يخشوا للحياش المهم كرت واحد واعطاته ذهب خداته من اختها وقتله اقتلها وخلي ولدها وفعلا خش السوادني قتل المرأة وسيب ولدها وفاتت ع انه واحد بيخنب
وقتل صاحبة الحوش لما شافته...
سهى: باهي وشن صار.
كميلة: للي صار قعد الولد والمتعارف عليه انه لما تموت المرأة وعندها صغار اختها تكون اولى
بمكان اختها خداها الراجل في مكان اختها وجابت معاه الصغار برا يازمان تعالى يازمان مرضت بالخبيث وخلاص كانت ع فراش الموت
نادت راجلها وولد اختها واحكتلهم هيا شن دارت وكيف قتلت اختها.....
سهى: معقولة الحقد والحسد ايدير هذا كله.
كميلة : ايه يابنتي يما ايدير اسألي امك .
سهى: معقولة وجدان تكون تبي عصام هذا علاش شامتة ومش معدلة.
كميلة: حور قاطعة يدها من ربي فوتيها لو تبي رضيا عليك.
سهى: حاضر .
شوية وسمعنا صوت دوشة طلعنا لقينا هيثم روح ...
كميلة : خيرك مش عندكم خدمة شن فيه.
هيثم: ولد صاحبنا مات رجعنا .
سهى: راك تقول عصام خطيب جمان.
هيثم: لالا صاحبه علي ربي يصبره وخلاص .
كميلة: البقاء لله وحده.
محمد: بوي انا روحت وعندنا جنازة ولد صاحب ماتنشغلش عليا.
عمر: لاحول ولاقوة الا بالله كيف مات راك تقول حادث.
محمد: لالا مصفينه بسلاح .
سالمة: رد بالك من روحك سلم ولدي.
جمان: ربي يصبر عصام موت علي يكسر الظهر .
وجدان: وتفكريله انت والله مضحكة.
جمان: انا نحبه تفهميها.
وجدان: الطيور ع اشكالها تقع معروفة وطلعت وخليتها...
عصام: وصلت لقيته بارد بلا روح مش قتلي انا معاك لو تمشي للموت انا في ظهرك من مازال بيقولي انا معاك وسندك انت خوي للي جابته الايام كيف بنمشي اموري من غيرك ياعلي من مازال بينصحني من مازال يشاركني همومي من بنلقاه يفهمني من غير مانتكلم ...
اصلا انت للي قعدتلي في وقت سيبوني فيه الكل كسرتلي ظهري ياعلي كيف بنفتح المعرض
من غير ماتكون فيه من بيتصل بيا ويفكرني في كل كبيرة وصغيرة .
محمد: كلنا معاك معاش تقول الكلام اهو الله غالب ساعته وقفت وانت زين العارفين.
هيثم: توا بعد توبت ياعصام غلط للي ادير فيه.
عصام: فاهمين ناار نحس فيها تحرق فيها من داخل حاس انيبنولي رماد بعده وللي قاهرني مات مقتول علي مش متع مشاكل مفروض انا
للي نموت وهو للي يعيش.
...../ هاذي صخرة كان يستند عليها وبح راحت اختفت.
..../ قريب يكون الملك بدون الحاشية متعه ويسهل وقتها قتلها.
..../ كش ملك.