رواية جمان الفصل الحادي عشر11بقلم رويدا راشد
بعد مرور شهرين من موت علي...
"اشتقت لوجه لأدري مافعل التراب به"
محمد: شوف روحك لعند وين تبي توصل احنا كنا لما نضعفوا ناخدوا في وقتنا منك شوف لعند وين وصلت ...
عصام: راني دفنت علي علي دفنت بيديا انا للي درجته للقبر فاهم الكلام هذا كنت نقوله توا
يوم عرسك جنبك لين تخش حوشك راح علي وقعد حوشه...
هيثم: كل من عليها فاني من للي بيخلد انا وانت وكلها للموت نوض شوف رزقك حرام الكلام هذا...
سهى: زعمك عصام فاته الموضوع متع نضال والفيلم للي صار.
جمان: اكيد لا، لانه من يوم عزيته في صاحبه معاش كلمني .
سهى: كلميه انت مش شرط هو للي يكلمك بكل.
جمان: مستحيل.
سهى: شن وضع وجدان توا قعدا تكره عصام زي قبل .
جمان: لالا ،عادي جدا.
سهى: زعمك في خاطري وجدان ليها علاقة بشئ للي صار .
طلعت روحت وبديت نفكر زعمك شن بيصير بين جمان وعصام ....
كميلة: شن وضعك انت ومحمد يكلم فيك ولا،لا.
سهى: لالا، يكلم فيا خيره فيه حاجة .
كميلة: ردي بالك عليه وراعيه في كل اموره الراجل يبي المرأة للي تحتويه...
ثاني يوم ....
عصام: محمد اعطي لبوك العلم اليوم نبي نجئ نهدرز انا وياه.
محمد: تمام روحت وكلمت بوي وقال يتفضل في أي وقت...
جاء عصام لعمر وصراحه انه معاش فيه نصيب بينه وبين جمان ولما سأله ع السبب تحجج بحزنه ع موت صاحبه وانه بيقعد سنين مش رح يفكر في الزواج ومايبيش يوقف في نصيبها ويعلقها بيه ...
وجدان: تعرفي جاي والشر في عيونه اكيد فيه شئ.
جمان: مش ناقصة توتر انا توا ياوجدان.
سالمة: خيره عصام لاشرب قهوة لا عصير.
عمر: خليه ربي يعينه ويريح قلبه نادي ع جمان نبيها شوية وبدون مايجيني حد .
سالمة: صايرة حاجة
عمر: بعدين تفهمي...
خشت سالمة ضبحت ع جمان .
جمان: طلعت وانا كنت عارفة بابا شن بيقول قبل مايتكلم ...
عمر: تعالي بنتي الغالية جمان...تعرفي علاش سميتك جمان لانك تشبهي حبات اللؤللؤ..
قعمزي نبي نهدرز معاك شوية..
جمان: حاضر.
عمر:"أمَّا السَّفينةُ..
وأمَّا الغُلامُ..
وأمَّا الجِدَارُ..
لو لم تُخرق السفينة ... لسُلبت
لو لم يُقتل الغلام ...لأشقى والديه ...
لو لم يُقم الجدار ... لضاع حق اليتيمين ...
أمور ظاهرها المصائب والابتلاءات وباطنها الرحمة و الخيرات
الخير فيما إختاره الله...
فاللهمَّ صبراً على ما لم نُحِطْ به خُبراً...
جمان: زاد توتري شن فيه يابابا احكي.
عمر: قبل مانحكي بنقولك ع قصة ولو تفهميها فيها عبرة عظيمة.
كان في ملك معروف بقوته ونوفده ولكن للاسف ماكانش حكيم في تصرفاته
المهم هذاك الملك كان عنده وزير ذكي وحكيم كان دائما معاه..
المهم يوم من الايام كان الوزير مقعمز ياكل هو والملك جرح الملك صبعه المهم قال للوزير صبعي قريب انقطع وكذا ..
رد عليه الوزير الخيره فيما اختاره الله غضب الملك من الوزير وقال هذا يستهزي بيا انا الملك وامر بحبسه .
وبعد حبسه وجاء الملك واقف ويشوف للوزير بعين الشماتة ضحك الوزير وقال الخيره فيما اختاره الله غضب الملك اكثر وامشى وخلاه كان الملك متعود يطلع للبر يصطاد هو والوزير
لانه كان يعرف حدود ارضيهم كويس المهم اخد معاه اثنين من الحراس وكذا وقال انا نعرف خير من الوزير وطلع اصطاد شن كتب ربي شاف غزالة حاول يصطادها لكن هيا تجري.
والملك وراها خلا الحراس في مكانهم قالهم نلحقها نصطادها وبعدها نروحوا خليكم في مكانكم المهم الملك خش ارض مش ليه وشوده قبيلة جابوه باش بيقدموه قربان للألهة متعهم
المهم شدوه وفجأة صاح فيهم واحد قلهم لا .
هذا صبعه مصاب والقربان لازم يكون سليم شافو صبعه وفعلا لقوه مجروح جرح كبير طلقوه .
رجع هذاك الملك للقصر متعه وهو مرعوب لانه سلم من المووت قالهم جيبولي الوزير ..
جاه الوزير وقعمز قدامه .
سأله الملك قاله بنسألك انت لما جرحت صبعي قعدت هازي وتقول الخيره فيما اختاره الله حبستك قولتها شن قصدك .
رد عليه الوزير قاله لما نجرحت وقلتها لانه ماتعرفش انت الخير وين ولما حبستنى قلت لعله خير لين عرفت القصة للي صارت معاك صبعك للي انت اعترضت ع جرحه كان سبب نجاتك من الموت اما الحبس كان سبب نجاتي
انا ...
رد عليه الملك وقاله كيف.
رجع الوزير جاوبه قاله قبل كنت انا نطلع معاك لصيد لو كنت معاك المرة هاذي راهو ذبحوني انا قربان للألهة لانك مصاب وانا السليم.
رد الملك وقاله فعلا الخيره فيما اختاره الله.
يابنتي عصام معاش يبيك تكملي معاه وجاء وطلب مني نفهمك هو حزين ع صاحبه وقال انه مايبيش يعلقك معاه.
جمان: حسيت غصة في قلبي وشديت دموعي غصب قدام بابا.
عمر: ماضايقيش روحك البنت يخطبوها مية وتقسم لواحد وانت ياجمانتي ألف من يتمناك.
جمان: نضت بنطلع الحمدلله ع كل حال وطلعت من جنبه وصلت مكاني بكيت بكيت لين دهشت..
وجدان: نوضي نوضي فاضية انت.
....../توا نقدر نقولك الف مبارك .
نضال: فسخوا قصدك .
...../ايه فسخوا الطريق مفتوحة قدامك.
نضال: زعمك توافق عليا.
....../انت وشطارتك توا.
نضال: اخير جمان ليا.....