رواية جمان الفصل الثاني عشر12بقلم رويدا راشد
الانسان مايعرفش قيمة الشئ للي يملكه الا بعد خسارته..
جمان: يارب عوضني كل خير وعوضه بالانسانة للي تعرفه قيمته..
وجدان: فتحت الباب وخشت تدعيله ثاني ربي ياخده اما انتي ربي عوضك فعلا البسي وتعالي مسرة وصالحة البرا.
جمان: شن يبو هدوما .
وجدان: ولدهم نضال جاي طالب القرب منك راجل مصنع منع شاريك ويبيك بالحلال.
جمان: وقفت من قلك راجل مصنع منع بعقلك انت ناخدها باش نلبس تهمة هكي باش يقول عصام فعلا هيا كانت تخون فيا وكان عاجبك لدرجة هاذي اطلعي استقبليهم وخوديه مانبيش انا افهميها..
وجدان: لو عاجبني راهو خديته لكن مشكلة لما تبدأ اختك الكبيرة ماتعرفش مصحلتها.
سالمة: شن فيكم اصواتكم واصلة لبرا البسي
ياجمان واطلعي المراة تسأل عليك..
جمان: اهو جاية لبست عباية رغم انه في حوشنا مش خاطري نشوف حد ولا نكلم حد طلعت وسلمت عليهم وقعمزت معاهم شوية.
صالحة: كيف حالك ياجمان كيف حال صحتك.
جمان: الحمدلله.
مسرة: سامحيني والله بنكلمك بعد للي صار لكن تحشمت.
سالمة: شن للي صاير .
مسرة: والله يوم تلقينا في حوش عمتي مريم احنا والبنات طلعت جمان فتحت الباب وبالصدفة كان نضال موصلني سلم عليها وشافها عصام وفهم الموضوع غلط وصارت مشكلة بينهم.
جمان: في خاطري نقولها شن قعدا تقولي .
سالمة: وانا اخر من يعلم ياجمان.
جمان: خلاص حسيت روحي معاش قادرة نتنفس الموقف بايخ .
سهى: حي ياوجدان مسرة شن قعدا تقول توا تشوفي امك كيف تقلب الدنيا ع جمان .
وجدان: حمار ها المسرة هاذي توا العياط بيسمعوه في راس الشارع .
صالحة: ها شن قلتي ياجمان موافقة خلي ايجو الرجالة بدون مقابلة لانه شايفك ويعرفك مافيش داعي.
جمان: نفكر وغدوا نرد عليكم.
مسرة: خلاص احنا بنروحوا نضال يستنى فينا برا.
صالحة: ان شاء الله نستنو منكم في هاتف وربي يسخر للي فيه الخير.
سالمة: ان شاء الله واحتمال الليلة نردوا عليكم.
طلعوا صالحة ومسرة وروحت وراهم سهى باش تعطيهم مساحة ويحكو ع راحتهم .
سالمة: جمان اطلعي فهميني شن الكلام للي سمعته توا.
جمان: ماما انا كنت نبي نحكيلك هو موقف عادي وصار صدفة .
سالمة: وانا اخر من يعلم اسمعيني كويس هما كلمتين مافيش ليهم ثالث نضال بتوافقي عليه رضيتي مارضيتش امورك انا الليلة بنتصل نبلغهم الموافقة.
جمان: لكن انا للي بنعيش معاه.
سالمة: ومن طالب رأيك لما تكوني واضحة بعدها يعطوك الثقة وانا للي نقول جمان مافيش حد زيها جمان مستحيل ادس عليا كلمة جمان وجمان طلعتي ماتستاهلي ربع الثقة للي حطيتها فيك واحمدي ربك انه نضال طلع راجل وجاء يصلح في غلط ماليش علاقة بيه.
جمان: الظلم ظلمات وكيف لو كان الظلم جايك من اقرب الناس ليك واقفت امي ع نضال وخلال اسبوع كان قارئ فاتحة تقول في سباق مع الزمن او خايف انه نبعد عليه...
تزوجت نضال خلال شهرين للي قهرني يوم عرسي جابلي محمد خوي تاكم ذهب هدية وبعد وقت عرفت انه من عصام.
هيثم: مدامك قاعد تحبها علاش سيبتها ياعصام لعند وين بتوصل بيه العناد هذا.
عصام: شفتها بعيوني واقفة وسلمت عليه .
هيثم: قصدك المسرحية للي صارت في حوش عمها اسمع انا لاعندي فيكم ناقة ولا جمل لكن شهادة بالله انه الموضوع صدفة او تخطيط شيطاني من نضال اما البنت نظيفة ومعندها في الامور الغلط بكل.
عصام: توا هذا للي صار ونحمد ربي انه محمد طلع عقله كبير وماقطعش علاقته بيا لانه بعد مات علي معاش عندي حد نوثق فيه الا انت ومحمد ومانبيش نخسره تحت اي ظرف من الظروف.
هيثم: اصلا محمد مايحبش نضال ويكرهه لكن نصيبات وان شاء الله ربي يبعثلك النصيب للي ينسيك في كل شى صار معاك.
عصام : طلع هيثم صليت المغرب ومشيت للمقبرة قريتله قران وقعمزت جنبه خانتني الدمعة ماقدرتش نشدها ...للي حبيتها وحافظت عليها جاء غيري واخدها مني غيرتي عمت ع عيوني ...ثاني خسارة تكسر ظهري بعد خسارتك انت تعبت والدنيا كل مرة تعطيني كف من جهة ...
امك تسلم عليك حالها يبكي الحجر ويلين الحديد قداش تقهر فيا لما نمشيلها وتقولي انت من ريحة الغالي سامحني كنت انا للي مفروض نمشي لكن القدر اختارك انت مزلت مش ناسي دمك طال الزمان ولا قصر رح نعرف من قاتلك .
جمان: حوش عمي جايين عندي اليوم وخليتلك ورقة فيها شن نبي.
نضال: تمام ربع ساعة وكله بيكون عندك.
جمان: تمام .
نضال: مافيش في حفظ الله حبيبي حضن اي لقطة تدل ع الاهتمام.
جمان: تعرف ماعنديش فيها الحركات هاذي .
طلع نضال وكانت حور وامها جايين ومعاهم وجدان قعدت نجهز ونبخر باش نستقبلهم .
شوية ورجع نضال ومعاه البضاعة للي وصيت عليها رتبت الضيافة في المطبخ باش مانقعدش حايسة في روحي قدامهم.
وجدان: الو جمان احنا قريب نوصلوا .
جمان: تمام كل شئ جاهز .
وصلو وضيفتهم كانت حور مبهورة في جمال الحوش وديكوره كانت تقول جاية مكان مش موجود منه ضيفتهم وطلبت مرايا دخلتها داري
حور: في ريحة عطر حلوة واضح انه راجلي .
جمان: هذا عطر نضال واشرت بيدي ع العطر لكن تصرفها صدمني
حور:وبنحط منه شوية انا نحب العطور الرجالية تحسيها قوية وفخمة مش زي النسائية .
جمان : انا نتفرج وساكتة شن بنقولها .
نضال: ها وينك توا.
..../ مع جمان في الصالة خيرك شن تبي.
نضال: مشتاقلك نبي نشوفك..
...../صدقتك انا عاد
نضال: والله لولاك انت كنت ضغت مانعرفش شن ايصير فيا.
..../سيبتها وخديتني وريحت روحك .
نضال: شوية صبر وكل شئ في وقته حلو اصبري ع خاطري بس.
...../ يعني توا تبي تقنعني انه انت ماتحبهاش واخدها هكي وخلاص.
نضال: باش نحرق قلب عصام عليها بس.
جمان : كنت نشوف فيه وهو شاد الهاتف ويحكي قريب ربع ساعة لكن مش مهم عندي لانه بصدق لا حبيته ولا عمري رح نحبه لكن مع الوقت والشئ للي صار كان صدمة ليا..
نعرف في ناس زي نموذج نضال لكن عمري ماكنت نتوقع الكره والحقد يعمو ع عيونه...
...../ الحمدلله ع السلامة.
...../عمري ماننسى وقفتك معاي راهي بدنيا عندي.
....غير انت شد الهمة وصحصحِ والباقي ساهل.
..../ انا مش عارفة شن نقول اسفة ع كل شئ صار.
رجعت بيا الذاكرة قبل مانطلع .
..../ البسي الدنيا فيها كل شئ وربي يرجعك سالمة رغم اني ضد الفكرة.
..../الاعمار بيد الله .
...../ ونعمة بالله..
احيانا الانسان يمشي لموته بكامل ارادته..