رواية جمان الفصل الثالث عشر13بقلم رويدا راشد
من الشجاعة مواجهة مخاوفك....
بعد مرور سنة...
جمان: كبرت المسافة بيني وبين نضال وكأنه قلبي كان حاس بصدمة اكبر خلال السنة هاذي
تزوج محمد سهى ...حور ولت قريبة مني لابعد حد ....كأنها اختي.
في يوم جتني حور بتتغدى عندي وبحكم انها معاش غريبة لانها من اصحاب المكان استئذنت
منها وخشيت بندوش ....
طبعا صادف انه هيا في المطبخ ونضال برا ع اساس بنخش للحمام للي في جناحي وبعدين لقيته مشوار قلت يلا نخش للي تحت وخلاص ..
فجأة نسمع في صوت كلام بشوية في الاول ماقدرتش نميز الكلام لكن بعدين....
حور: الحوش للي مفروض يكون ليا قعدت فيه شغالة ...
نضال : اسكتي مش وقته الكلام توا تسمعك جمان.
حور: خلي تسمع ياسر مااسكتت انت حقي مش قتلي واخدها باش نحرق قلب عصام خلاص طلاقها وارتاح منها.
نضال: مجنونة نطلقها بدون سبب.
حور: خلاص زي ماقتلت علي دير روحك بتطلع انت وياها واقتلها وبعدين قولهم بنتكم متعت استراحات صفوها للي تبع فيهم..
نضال: نقتلها ارحم من انه نطلقها وترجع لحبيب القلب عصام .
حور: انا درت كل شئ ع خاطرك سحرت اختها باش خليتها خاتم في يدي..
جمان: من كمية الصدمات للي وراء بعض عقلي معاش استوعب وقررت نخش لداري راسي بيتفجر قعمزت في الزاوية بكيت بكيت ولعت الدوش باش مايسمعني حد ...
بعدها جمعت قوتي خشيت تحت المية وكأنها تغسل الهموم للي ع قلبي ..
كيف نتصرف من بيصدقني اصلا قصة حتى في الخيال ماتصيرش توا فهمت عدوانية وجدان معاي للي كنت نشوف فيها بدون مبرر
رجعت بيا الذاكرة يوم فقدنا وشاح وجدان من ع المنشرة ولما قالت وجدان انه لقت اثر جنب المنشرة......
طلعت ونزلت ولا كأني سمعت حاجة اصعب شعور انك تضحك في وجه انسان تعرف انه عدوك ...
لازم تجامله وتحكي معاه هيا تهدرز وانا في خاطري انت انس اوجن كيف فيه ناس بالقسوة هاذي ماكفهاش انها تبيه يقتلني وفوقها تخطط كيف يشوه سمعتي....
ليس الشتاء وحده موسم البرد
فالجفاء برد والخيبة برد الخدلان برد والفراق برد وكسر الخواطر برد
وبرد الروح ابشع من برد الجسد
الطمأنينة دفء الحنية دفء والأمان دفء وجبر الخواطر دفء
فأمطرو من تحبون بدفء دائم
فإن القلوب إذا جفت صدأت ثم هترأت ثم قست.....
جمان: الو سهى نبيك في موضوع امتا تبدى بروحك بنجيك.
سهى:شن فيه احكي شغلتيني.
جمان : لما نتلاقو نحكو راك تتكلمي ولا تقولي كلمة لحد نقتلك.
سهى: متعاركة مع نضال ..
جمان: لا بعدين نفهمك طلع هوا وانا مكسدة في الحوش رن هاتفي شفته لقيتها امي.
سالمة: الو وينك ياجمان .
جمان:قعدا في الحوش.
سالمة: عندي ليك خبر يصدمك
جمان: نسمع في صوت وجدان تتكلم جنبها...
وجدان: اسمعي تعالي صدمة مش حتصدقي من جاء بيخطبني.
جمان: كل شى بالبركة.
سالمة: توا نكلم محمد يفوت عليك ايجيبك.
جمان: مانبيش نتعبه ساده.
قعدت نفكر كيف نتصرف شن بنقولهم راجلي خاين وقاتل وانسان حقير من بيصدقني.
سهى: شن فيك وضعك مش عاجبني بكل..
جمان:بديت نبكي ونرعش انا انا مصدومة مش مستوعبة شئ كل يوم حياتي اسوء من اليوم للي قبله ...
سهى : اهدئ واحكي...
جمان: قعمزت وبديت نحكيلها للي سمعته كله.
سهى: وربي كنت متأكدة انه في شى مش طبيعي وجدان وتعاملها معاك وللي صار يوم اللمة كلها حاجات تخليني نشك في انه في حاجة غلط قعدا تصير....
جمان: مافهمتش الحقد والحسد معقولة يوصل الانسان للمراحل هاذي.
سهى: واكثر من هكي حسداتك في عصام وزادت انقهرت انه نضال يبيك وبيهبل عليك خشتله من باب المساعدة وانها الطيبة الحنينة
وبعدها لفت عليه.
جمان: وكله كوم وانه هو للي قاتل علي الله يرحمه كوم ثاني ماكنتش نتوقع انه يكره عصام لدرجة انه مستعد يقتلك ويخطط.
سهى: الكره يخليك ادير اكثر من هكي ياجمان لكن انت توا كيف بتتصرفي.
جمان:انا اصلا هذا علاش جيتك اسمعي انا مانبيش من يعرف لكن نبي نكلم هيثم ع موضوع....
سهى: شن المعنى هيثم.
جمان: لانه لمن بنحكي مثلا محمد للي طول بيحكي ويتكلم وتصرفاته مش راكزة.
سهى : تمام في هاذي عندك حق ...ومنها بيحكي لعصام كل شئ وهكي تكوني ضربتي عصفورين بحجر.
وجدان: شن استاذة جمان ع اساس جيتنا احنا
فجاة نسمعوا صوت السيارة اهيا تخش جمان اهيا توصل ...
سهى: ههههه حسدتيني يامرت خوي ..
جمان: اه قصدكم العريس هيثم.
وجدان:ايه هو ياحنا هذا وين ربي سخر وزالت الغشاوة من ع عيون الافندي وشاف الجمال هذا كله 🤣🤣 قريب قطنت جنبه.
سهى: مبردك هذا فاش فالحة ربي يصبر خوي وخلاص....
تولد السعادة من رحم الحزن.
بدت وجدان تجهز للخطوبة وفرحانة واصلة حدها بهيثم..
هيثم: مازال مصممة ياجمان ع رأيك خلي نحكي لعصام صدقيني رح يوقف معاك.
جمان: بصفته شن كان خطيبي مثلا ماهو لو الاخ حكم عقله راني انا مش هكي حالي توا.
هيثم: الموضوع مش لعبة راهو مرات تجيك في قطع رقبتك.
جمان:{قُل لَّن يُصِيبَنَا إِلَّا مَا كَتَبَ اللَّهُ لَنَا هُوَ مَوْلَانَا ۚ وَعَلَى اللَّهِ فَلْيَتَوَكَّلِ الْمُؤْمِنُونَ} سورة التوبة (51).
اسمع لو ربي كاتبلي شئ بنشوف ولو ساعتي وقفت موتي حيجئ سواء منه او من غيره انا انسانة نؤمن بالقضاء والقدر.
هيثم: يوم للي يقولك اركبي معاي بنطلعوا بنعطيك حاجة خليها معاك .
جمان: حاجات شن.
هيثم: يوم عصام سلم السلاح للي كان عنده وكلني انا ومحمد بالموضوع كانت منضمنهم
لبست واقي من الرصاص صح ثقيلة لكن رح نعلمك كيف تلبسيها اقلها تحميك شوية.
جمان: بارك الله فيك ونترجاك خلي الموضوع بينا انا وانت وسهى من نبي حد يعرف.
احيانا الانسان يمشي لموته برجليه...مش يأس من الحياة ولكن تحدي لظالم انا نعرف لو ربي كاتبلي بنعيش لو تجتمع الناس كلها عليا مش رح يصيرلي شئ...
تمت الخطوبة ع خير وبعدها تحديدا بخمسة ايام اتصلت بيا حور قتلي بنجيك نطلعوا نزردوا انا وياك ونضال....وكنت عارفة انه الوقت قرب لمخططهم ....وافقت ورحبت بالفكرة...
وانا نعرف ومتأكدة مرات نمشي ومعاش نرجع
وجاء اليوم المنتضر......