رواية بين قلبين
الفصل الاول1
بقلم رويدا راشد
"ليس هناك أجمل من اختيارات القدر"
وعد: طلعت للمدرسة جاني في الطريق شفته كيف مكسور طارق مش مجرد حبيب بالنسبة ليا طارق رفيق السنين ....انا وعد م89
طارق: كل مانمشي خطوة نحس الدنيا تردني ألف خطوة للخلف ....
وعد: تهون تهون زي ماهانت هلبا أمور انت كنت تشوف فيها مستحيلة.
طارق: نعرفك تواسي فيا مافيش حاجة هانت الا وانت كنت معاي فيها قرايتي كنت تساعدي فيا ولولا هكي ماكنتش تخرجت راني مازال نرسب ونعاود...
وعد: تتفكر كيف تعرفنا وحبينا بعض.
طارق: 😂كنت نريش فيك من شعرك ونخنب منك في فطورك...
وعد: لين استخدمت القوى الخارقة متعي وبديت ندبل في عيوني وخليتك تحبني.
طارق: اسنين تجري تقول امس صار مازال نتفكر في كل شئ ....احيانا ياوعد نحس في روحي ظلمتك لما خليتك تستني معاي وضيعي في عمرك.
وعد: تعرف مازال تقول الكلام هذا وربي نزعل بجد انا اخترتك وانا واعية لعواقب الموضوع ومش نادمة...
طارق: نحس بنتزوجو واحنا في عمر 40.
وعد: وشن فيها اقلها وقتها يكتمل نمو عقلك وتريحني من المشاكل.
طارق: باهي خليك هكي بكرا تندم ياجميل خفي خفي روحك قبل مايشوفك حد وانت تسنتري....
وعد: وصلت المدرسة أول مرة نكون مع طلبتي جسم بلا عقل كان عندي مبلغ 20 الف شقى السنين كل مرة نحول من مرتبي جزء ع جنب كنت مقررة نخليه لاي ظرف طارئ يصير وشكلي توا وصل الوقت للي لازم نتصرف فيه...
كملت وروحت ..
صفاء: خيرك نحس فيك مش ع بعضك وراك تقوليلي طارق ثاني..
وعد: مدامك عارفة الاجابة علاش تسألي فيا.
صفاء: سلم اختي انت اكبر واعقل مني وفي امور مفروض تعرفيها بروحك الراجل لما يحب ايدير المستحيل باش يوصل للي يحبها وانت بسببه ضيعتي هلبا فرص من عمرك ماتبيش اديري عيلة ماتبيش تسمعي كلمة ماما ...
وعد: اكيد نبي وخصوصا انه احنا بنتين وأمجد ربي يحفظه وين ماكان.
صفاء: ضربتها ع رأسها ماهو لو قعدتي هكي مش رح تسمعيها معاش تعطيه فرص نصيحة من اختك...رغم اني نعرف تفكيرك الفرخة هاذي كبرت وبدت تنصح فيا...
وعد: نبي نطلع انا وياك بعدين ضروري اتسبلي قولي نبي حاجة من المكتبة..
صفاء: لالا مش سبلة نبي ورق بحث...اصلا 😂😂.
وعد: ابشري ومعاهم احلى شكلاطة ...جماعة شكلاته ❌️ الصح شكلاطة😂🤣.
طلعت الفلوس وطحيتهم في الشنطة هدرزتع امي شوية كانت هيا بوي..
خيرية: شن فيك كم يوم جوك مش عاجبني.
وعد: ضغط عمل بس فترة اختبارات ونبي طلبتي يسكرو الدرجات نبي نشوف ثمرة تعبي معاهم.
ابوبكر: حتى الطلبة شايلة همهم انت درتي للي عليك سلم بنتي ...معاش تحرقي دمك .
وعد: ان شاء الله بنطلع انا وصفاء وانجي.
خيرية: لما تروحي في موضوع نبي نهدرزو فيه وفكينا من كلمة لا.
وعد: شافت لامه بكل برود اكيد لا قتلك راك تفتحي معاي أي موضوع وطلعت.
خيرية: بنتك بالك فيها حاجة شن ناقصها زين وعقل وين نجيبلها موضوع الخطوبة تنقلب ...
ابو بكر: بالك تحب 😏 مش شرط تكون ملبوسة ومسحورة ...
خيرية: وتقول فيها فرحان بالك تحب.
ابوبكر: عادي نسيتي قداش قعدنا نتلاقو بالسر ولا توا كبرتي ونسيتي.
خيرية: كبرت في عينك انا قعدا صغيرة وألف من يتماناني.
ابوبكر:غير اعبي بيها مزلت صغيرة اهيا...
صفاء: صراعات المراهقين متع امك وبوك مش عارفة امتا بتكمل .
وعد: هيا تتكلم وانا شادة الهاتف ونستنى امتا يفوت طارق .
صفاء: انا خاشة للمكتبة نضمي امورك ونطلعلك مافيش داعي يفهم انه احنا عائلة اجانب وفاقشتها مع اختك الصغيرة...
وعد: رتبت الكلام قبل مايوصلني وقف قدامي.
طارق: شن فيك شغلتيني.
وعد: طلعت الكيسة السوداء للي فيها الفلوس شد اهما وبرا اشرئ سيارة..
طارق: شن هدوما من وين ياوعد .
وعد: كنت داستهم امتا ربي يكتب النصيب بينا لكن انت محتاجهم.
طارق: خليهم عندك ربي يرزق...
وعد: انا مانشاورش فيك برا اشري سيارة وبعدين تفرج .
طارق: وربي ماني عارف كيف نكافيك ع وقفت معاي...
وعد: اخدم باش تقدر اتجئ تخطبني بس هذا مانبي .
طارق: قريب قريب ان شاء الله....
صفاء: خليتها تكمل كلامها معاه وبعد روح ضبحت عليها ادفعي 😁😁.
وعد: وربي انت للي يقدرك يحاسبني...روحنا وكلمني طارق في الليل ...
طارق: انا شبه حصلت سيارة ،ونبي نطلب منك طلب .
وعد: ادلل عيوني ليك..
طارق: نبيك تلبسي خمار معاش تطلعي بلاه.
وعد: حاضر تعرفو شن معناها تحب الدنيا ع خاطر شخص ....انا كنت نشوف في الدنيا طارق .
صفاء: ياليلى سكري بنرقد غدوا وراي جامعة ومحاضرات ..
وعد:خلاص غدوا ان شاء الله نحكو.
طارق: تصبحي ع خير .
وعد:تلاقي الخير .
صفاء: دهشت منها انا القصة للي معاش تمت بكل ....
ثاني يوم فات زي أي يوم لعند ماروحت صفاء من الجامعة كانت حايسة في روحها ومش مرتبة ع غير العادة....
خيرية: خيرها اختك .
وعد: اهو بنشوفها خشيت جنبها حسيتها كانت تبكي شن فيك صفاء حبيبتي تكلمي..
صفاء: مافيا شئ مريضة بس ....انت تعرفي الايام هاذي من كل شهر نمرض.
وعد: رغم انه كلامها مش مقنع لكن قلت يلا مانبيش نضغط عليها خليتها وامشيت نطيب في العشاء مع امي.
خيرية: شن قتلك اختك.
وعد: مريضة عادي .
خيرية: شن قلتي عليه الراجل ارمل وعنده ولد وبنت تربيهم يابنتي وتربحي فيهم الاجر .
وعد: لا ياما لا مانبيش.
خيرية: انا مش رح نعيشلك العمركله قوليلي سلم بنتي تبي حد فهميني حيرتيني معاك..
وعد: مانبي حد وبعدين اهو صفاء معاي.
خيرية: صفاء في وحدة مكلمتني عليها واحتمال بتجئ اليومين الجايات بدير مقابلة شرعية..
وعد: لكن هيا مازالت صغيرة.
خيرية: سالتها وقالت نشوفه وبعدين نقرر خلي اختك في حالها ساد انت مسكرة راسك..وبعدين شن قصة الخمار للي طلعتي بيها خلي وجهك هكي بالك الناس تشوفك وايجيك نصيبك.
ابوبكر: وشن النصيب بيشده الخمار ...احسن قرار ربي يكملك بعقلك يابنتي..
وعد: كان بابا ديما يشجع فيا ربي يحفظه خشيت لصفاء شن قتلي امي في ناس بيجوك وانت موافقة حق.
صفاء: من تحت البطانية ايه وشن فيها ماهو طبيعي ايصير هكي.
وعد: ربي يكملك ع الخير ...
فاتوا اليومين في التجهيزات للضيوف وشريت ونسقت كل شئ ماخليتش حاجة تنقص أختي وجت اللحظة للي نستنوا فيها ومعانا بنت عمي
بسمة ...
خيرية: حي العار توا يشوفوكم في الروشن شن بيقولو...
وعد: بنشوف نسيبنا....وخشت السيارة كان واضح عليها جديدة وانا واقفة وامي مشت لما نفتح الباب ونزل وشفته حسيت قبري انفتح اختي بتاخد طارق حب الطفولة من الصدمة عيطتت وطحت معاش حسيت بروحي...
شن بيصير وين بتوصل وعد وكيف اختها بتاخد حبيبها .