رواية بين قلبين الفصل الثاني2بقلم رويدا راشد
بسمة: وعد وعد شن فيك خيرك بسم الله الرحمن الرحيم ...افتحي عيونك مشيت نجري جبتلها اميه مصقعة غسلتلها وجهها...
وعد: كنت نتمنى انه يكون كابوس وبنفيق منه وقفت نسمع في بابا يقوله تفضل ياولدي طارق انت توا من العيلة...
والله نكون مقصرة لو نقول دموعي كانوا نار تنزل ع خدي ...انا للي مادرتش معاه غير الباهية هكي يكافيني هكي يكافي عمري للي ضاع وانا نستنى فيه...نبكي دموع من غير صوت خفت يسمعوني كنت نشوف في عيون بسمة ألف سؤال ....
جيت بنوقف خانوني رجليا ماهو للي صار معاي لو صاير مع جبل راهو انهد....
تخايلوا انا كنت نجهز في الضيافة ولبس اختي وكله باش تاخد الشخص الوحيد للي حبيته في حياتي ....
بسمة: الليلة ضروري تروحي معاي وراك موضوع مش دوخة ولا تعب في شئ كبير انا متأكدة.
وعد: جمعت قوتي وخشيت شفت امه سلمت عليها وقعمزت نهدرز مانعرفش من وين جتني القوة...فجأة .
حليمة: اكيد انت وعد الحنينه .
خيرية: تعرفيها .
حليمة: وعد كانت زميلت طارق في الدراسة وكانت تساعد فيه...
خيرية: بنتي شاطرة غير النصيب الله غالب.
حليمة: كل ساعة وفرجها والنصيب بيد ربي ماتعرفيش ربي شن كاتبلها زين وعقل وعلم ربي يحفظها ويخفف قسمها...
ناضت خيرية للمطبخ ..
حليمة:صفاء تموت فيك ديما تحكي عليك لطارق لدرجة انه طارق حتى وعد وعد.
وعد: ابتسمت وانا زي من شاد موس ويقطع في قلبي حتى انا نحبها قداش عندي صفاء انا.
صفاء: تشوف لاختها ومستغربة من ردة فعلها..للي كانت متوقعة عكسها طلعت لطارق .
خيرية: بسمة خيرها وعد جوها مش عاجبني صاير شى.
بسمة: تعبانة مبكري اغمى عليها.
خيرية: تجري وراء الدنيا وناسية روحها لا ماكلة لاشراب ...خلي نمشي للمرأة .
وعد: نستأذن منك ومعرفة خير ان شاء الله.
حليمة: سلمها وسلم كلماتها..
فات اليوم وانا نشوف في اختي للي خانتني وللي كان المفروض انه يكون حبيبي وخطيبي مع غيري ومن مش أي حد اختي...
استأذنت من امي وامشيت مع بسمة لحوشهم ..
بسمة: تعالي تعالي حطي رأسك ع رجليا واحكيلي شن صاير معاك.
وعد: قولي شن للي مش صاير شفتي للي خطب صفاء اليوم...
بسمة:حطت يدها ع فمها من الصدمة راك تقولي هذا نفسه طارق للي تحبيه.
وعد: اه ياكسرة قلبي فيه وفي اختي احتي معقولة هنت عليها وهيا للي عارفة قداش ضيعت من عمري ع خاطره.
بسمة: مش كاتب ياقلبي خليك قوية نصيحة راك تباني قدامهم ضعيفة نعرف للي نقول فيه مش ساهل ولكن تحملي وخلاص.
وعد : نار في نحس فيها نار يابسمة ...
بسمة:ادعي ربي يصبرك ويبرد نارك ويرزقك بلي يستاهلك...
وعد: امين يارب.
حليمة: ارتحت توا وخطبناها معاش تكلمني لين ادير حل اخدم واجر حوش..
طارق: يما نبي نسألك شفتي اختها وعد.
حليمة: شفتها وماأحلاها هالوعد تهبل زي العسل دمها واسلوبها .
طارق: كيف حالها ياما...شن وضعها.
حليمة: هو المفروض تسأل ع صفاء مش وعد امرك غريب.
طارق: اسكت عرف انه غلط بسؤاله.
وصلوا للحوش وحليمة كان عندها خوها م86
مش متزوج واصلا من الأساس مش حاط الفكرة في باله بكل اسمه سامي....
طارق: اهلا خال كيف الحال.
سامي: مشيت لبست الطوبو غبي مش عارف علاش مستعجل ع النكد ملحق عليه راهو.
طارق: لالا ،غالط من قال نكد قمر .
حليمة: ياودي القمر اختها وعد غزالة ياسامي زين ومنطق...
طارق: كملي وم89 كبيرة من مازال ياخد فيهم اصلا هما...
سامي: كلمي كلمي.
بدت حليمة تحكيله عليها رغم انه سامي مش مقتنع اصلا بالفكرة ولكن قعمز وبدأ يسمع طبعا طارق مش مدور بكل عارف رأي خاله...
وبعد كملت حليمة الكلام بشوية سامي قالها كلميهم نبو نمشولهم...خلي نشوفها الجوهرة النادرة هاذي.
طارق: كان شاد مق قهوة طاح منه.
حليمة: وين عيونك لولا الخبر الحلو هذا راهو بهدلتك.
"أحيانا الانسان مايعرفش امتا ايجيه الفرج والعوض"
وعد: الساعة1 في الليل فقت ع صوت الهاتف رغم اني راقدة نوم المهموم يعني مش نوم راحة ..شديته شفت الرقم لقيته هو سكرت عليه وسكرت الهاتف ورجعت لمكاني كنت في كل ثانية ندعي ربي ينزل عليا الصبر ثاني يوم لبست وطلعت للعمل وبدل مدرسة وحدة بديت نخدم في اثنين صبح وعشية ولما نروح نكون تعبانة ويالا نحضر الدروس بديت نتجنب في الكلام مع صفاء الراجل يخون عادي هاذي طبيعتهم لكن أختي أختي تخوني هاذي للي مش عادي في يوم كنت مقعمزة نتفرج مع ماما رن الهاتف متعها...
خيرية: ألو اهلين حليمة كيف الحال.
حليمة: الحمدلله كيف حالك انت وحال البنات .
خيرية: لا الكل بخير تنشد عليك الصحة.
حليمة: نهاية الأسبوع بنديروا فضانية وتلبيسة لصفاء وخوي يبي ايدير مقابلة ويشوف وعد بالك ربي يخفف قسمهم ويكتبهم لبعض.
خيرية: هاذي الساعة المباركة وبدت تزغرت .
صفاء: شن فيه اللطف .
خيرية:الحمدلله وعد كلمتني حليمة خوها يبي يشوفك ربي يجعله من قسمك يارب...
صفاء: هذا علاش الدوشة ماتعبيش روحك بنتك وتعرفي ردها..ماتبيش.
وعد: وانت كيف تقرري عليا وتقولي مانبيش قررت عليك يوم للي جاك المنتف خلي ايجئ يما انا موافقة.
خيرية: تحضن فيها سلم بنتي يارب.
صفاء: انصدمت من ردة فعل اختها للي تعودت عليها ديما ساكتة وماتتكلمش .
طلعت وعد لحوش عمها عمر وقالت لي بسمة كل شئ صار معاها .
بسمة: خلي يموت وينقهر توا نطلعوا نختاروا لبسة حلوة زيك وعمرها الدنيا ماتوقف ع حد صدقيني ولوحيه الخمار هذا.
وعد: الخمار سترة ليا حتى لو هو معاش معاي لكن هو موكلة فيه ربي وكل ليلة نحسب فيه للي داره صعب ننساه ولا نسامح عليه معقولة هاذي جازاتي ...
ماتنعاف الحرة حرة 👌
كيف السيل يعقب جره😍
كنت ندعي ربي مايعلقش قلبي بحد غيره شديتها ع الصلاة والدعاء وربي عمري ماكنت نتوقع حب ومواقف السنين تتنسى في أيام قلبي تحجر معاش يهمني زيه زي اي غريب كنت نلبس بنطلع انا وبسمة...
صفاء: لعند امتا بتقعدي تتجاهلي فيا امي حاسة انه فيه شئ راهو.
وعد: انت شن طينتك بالزبط مش سادك للي درتيه فيا.
صفاء: شن درت حبيت انا في البداية ماكنتش نعرف انه نفسه حبيبك وبعد عرفت كنت حبيته معاش قدرت نبعد.
وعد: من بين الناس الكل مالقيتي غيره هوا.
صفاء: بيا ولا بلايا ماكانش ناوي ياخدك قلت علاش نضيع فيه انا أولى بيه.
وعد: فعلا انت أولى بيه ..وطلعت .
ثاني يوم كان اليوم المنتظر ابوبكر ينسق والحوش زحمه خشت وعد لبست كانوا متفاهمين المقابلة قبل الفضانية والتلبيسة..
خشت لي سامي وشافها وطلع وهو فرحان .
طارق: ها شن صار.
سامي: هاذي البنت للي نبيها بعدكم طول بنقرأ الفاتحة.
طارق: اسكت لانه عرف انه وعد تمت نقطة ع السطر في حياته سامي خاطي انه خاله شخصيته قوية ومايقدر حد يقرب حاجته طلع سامي وطارق تحجج انه يدور في مفتاحه في المربوعة.
وعد: كانت فرحانة طالعة ترتب وخشت ولقاته.
طارق: وعد نبي نقولك.
وعد: الف مبارك عليك .
طارق: ماتقتلنيش بتصرفاتك هاذي ديري اي ردة فعل عيطي سبي أي شئ انا قابل بيه.
وعد:بكل قوة خسارتك خلتني نكسب راجل راجل زي سامي مستحيل يتكرر في حياتي شكرا لانك كنت السبب...وجاي بتطلع.
طارق: مسكينة انت لو تفكري انه بنخليك ترتاحي..
ع خشت ابوبكر : شن لقيته المفتاح .
طارق: ايه وطلع ....
قصة وعد توا بدت شن ناوي طارق وشن قصة سامي