رواية جمان الفصل الثالث3بقلم رويدا راشد
أحيانا الطيبة تعمي عيوننا ع الحقيقة للي تكون جلية وواضحة قدامنا....
جمان: توا هاذي عملة اديرها ياوجدان وين باقي الملابس ناقصات.
وجدان: هذوما للي لقيتهم في المنشرة جبتهم شن نقص فيهم مش مصدقة اطلعي تأكدي بروحك.
جمان: بخيلة وبايرة توا نطلع بروحي نتأكد مستحيل نعبئ عليك في حاجة بكل.
طلعت نشوف في المنشرة مالقيت شئ الا اثار اقدام تحتها...
خشيت ولكن قلت اكيد هاذي وجدان لما جت بدخل الملابس تجاهلت الموضوع وللي كان مفقود ملابس لوجدان ...بعد لقيتها هيا فايتة الموضوع ايست حتى انا وخشيت ونسيت الموضوع....
محمد: شن خير نفختهم وانت تبعثلي مع نضال شن تبي .
العكشة: اول حاحة الحمدلله ع سلامة اختك وانا جاية نتأسف ونبدأ صفحة جديد بدون دم.
محمد: وشن الحن هذا للي نزل عليك فجأة وين كان عقلك لما جيت وتضرب في الشارع.
العكشة: بصوت صارم انا مواجهتي مع بني جنسي اما اني نضرب بنت مش من طبعي وانت عارف والكل عارفين انه اختك طلعت فجأة لا اكثر ولا اقل.
هيثم: صح يامحمد في هاذي قال الحق .
نضال: نشوف لمحمد وانا كلي رجاء انه يسامحه ..
محمد: ياسيدي نعتبروا اني فتحنا صفحة جديدة شن مازال.
العكشة: انا نبي نخطب اختك.
هيثم: انا من الصدمة قعدت فاتح فمي بجديات هذا ولا يبصر.
نضال: اه بجديات انت تحكي ولا تبصر.
العكشة: شافله ع جنب بعقلك انت ولاشن موضوعك .
محمد: الكلمة الاولى والاخيرة ليها ولبوي نشوفهم ونرد عليك.
العكشة: تمام نستنى منك في هاتف.
هيثم: شن تنوض نروحوا محمد ولا مازال بتكسد.
محمد: لالا. خلاص بنروح .
ناض الكل قعد نضال مقعمز من الصدمة مش قادر مستوعب ولا يعارض لانه يعرف العكشة شن ممكن يطلع منه .
..../كنت ع جنب الطريق الدم للي نزف كفيل انه يشكل بحيرة دم قدام عيوني خلاص شكلها النهاية لين فجأة سمعت صوت قدرت نميزه رغم انه مرت سنين وسنين مامرش ع مسامعي هو نفس الصوت هو نفس الشخص للي خليته .
تعرفوا من هوا الشخص للي مايتعوضش
الشخص للي اختارك وانت ف عز ظلامك
الشخص للي ف وقت انشغاله وزحمة الناس جنبهه يختار انه يفضي روحه ليك
الشخص للي بكلمه منه تحس روحك هديت
الشخص للي مستعد يسيب الناس كلها ويقعد معاك
الشخص للي متحمل كل عيوبك ويشوف فيها مميزات
الشخص للي مستعد يتحمل تقلباتك المزاجيه
الشخص اللي تقدرر تتصل بيه فب اي وقت وتحكي اللي تبيه
الشخص للي محادثتك معاه ماليهاش بداية ولا نهاية
الشخص للي يسعى ديما انه يشوفك فرحان
الشخص للي لما الدنيا كلها توقف ضدك حيكون هوا جنبك
هاذا هوا الشخص للي مايتعوضش..
محمد: ساند راسه لكرسي السيارة وسارح واضح انه كان يفكر في شئ.
هيثم: في حاجة شاغلاتك .
محمد: اخر حاجة نتوقعها العكشة يبي يخطب جمان.
هيثم: من اي ناحية بالزبط .
محمد: جمان طيبة وقلبها ابيض هادئة مش شريرة زي وجدان ماتستحقش شخص زي العكشة.
هيثم: تعرف بوي الله يرحمه كان ديما يقول الشخص العافن ديما يخفي في داخله طفل صغير غير يحتاج من يقدر يوصل لطفل للي في قلبه واكثر شئ ممكن يضعف الراجل الحب يعني العكشة لو حب بجديات رح تلقاه بروحه سيب المشاكل والشرب وووو للي زيه هوا ناقصه استقرار انسانه قلبه طيب زي جمان تقدر تستوعبه وتحتويه.
محمد: مش عارف الفكرة مش راكبة في راسي من الاساس جمان والعكشة موضوع بعيد ع بغضه لكن انا نقولها وهيا ورايها.
هيثم: ع راحتك انت ادرى وصلنا الحوش واحنا نازلين .
سهى: تكنس في الجنان والوشاح نصفه طايح وشعرها واضح وحاطة السماعات في وذنها
وتغني " كنا في أواخر الشتاء قبل للي فات"
وترقص زي الاميرات بالمكنسة.
هيثم:حسيت روحي سخنت انت ياميتة لاحياة لمن تنادي.
محمد: رجع طلع برا الباب لما شافها هكي.
هيثم: اهما السماعات وعفس عليهم بغل لين كسرهم اقلبي وجهك داخل خير ماندير فيك زيهم واكثر.
محمد: نسمع فيه وهو يعيط عليها تحشمت حسيت روحي قيدت الناس في حوشهم شوية وطلعلي هيثم.
هيثم: بنوت ناقصات عقل ودين خش .
محمد: الليلة بنخش اما غدوا بأذن الله متوكل لحوشنا ياسر عاد.
هيثم: عيب عليك ياراجل الكلام اعو.
محمد: خشيت وانا مبيت النية غدوا راجع لحوشنا.
نضال: توا اكيد محمد مش رح ايضيع فرصة انه العكشة يكون نسيبه الف واحد يتمناه الشئ اهو.
مسرة: انت لو كيف ماتقول معجبة بيك اكيد رح ترفض مستحيل توافق.
نضال: مستحيل ترفضه شخصية وهيبة وفلوس ومكانة اجتماعية.
مسرة: اهو حتى انت فلوس.
نضال: اسكتي لانك مش فاهمة شئ.
سالمة : ها ياحاج خلي يروح محمد الله يهديك.
عمر: توا وليت حاجة ماهو ولد في الموضوع قوليله يروح لا يزيد يمسخها مع حد ثاني.
سالمة :ياودي ربي يطول في عمرك ويخليك تاج ع رؤوسنا .
عمر: مفلحك فيه الكلام اتجيبي فيه مساوي .
طلعت سالمة فرحانة تتصل بمحمد تبشر فيه بأنه بوه قاله روح.
محمد: ها يما.
سالمة: وينك بوك قالك روح خلاص.
محمد: باهي اهو شوية وجاي نضت زي للي كانت محبوس وبيطلع للحرية لميت ملابسي وطلعت نجري حتى هيثم خليته راقد .
وجدان: اهو جاي هو وملابسه تقول كان مهاجر مش عارفة كيف تحمله هيثم واستقبله.
جمان: تحشمي عيب هذا خوك راهو.
وجدان: تعرفي معلومة اول مرة نسمعها صدمتيني ع اساس مش هو للي قريب خلاك تموتي الكلب مايحب كان خانقه وخشت وخلت جمان واقفة.
محمد: اهلين جمان كيف حالك توا.
جمان: الحمدلله خش داخل .
محمد: جمان قولي الحق بوي سامحني. ولا هذا فخ باش نروح.
جمان: ههه خش خش فخ شن خيالك واسع .
محمد: خاش اصلا جايبلك عريس الرجعة للحوش جت في وقتها.
جمان: من اما سوق جبته 🤣🤣 تقول تحكي ع حلوى خش بعدين ساهل.
محمد: زعمك يهزبني.
جمان: اكيد هاذي ماتفكرش فيها....
شن بيصر بين جمان والعكشة وشن دوره في الرواية