رواية جمان الفصل الرابع4بقلم رويدا راشد
قد يدخل البعض لحياتنا صدفة ولكن هذه الصدفة كفيلة بتغير مجرى حياتنا....
عمر: شن نعطيك التحية ع الفضيحة للي درتها انا نبي نفهم امتا تحط عقلك في راسك اضحك علينا في الناس علاش قطعتلي وجهي مش قادر نطلع لشارع من تصرفاتك .
محمد:وعد يابوي والله اخر مرة ندير مشكلة ولانخش في مشكلة.
عمر: هو انا عارفك كذاب ووعدك اهو مش رح يفوت شهر بالكثير وترجع لعمايلك.
محمد: لالا ،المرة هاذي غير.
جمان: خلاص اعطيه فرصة خليه يتبث انه يستحق.
عمر: امشي اقلب وجهك من قدامي لنرتكب فيك جريمة.
طلع محمد وسالمة وجمان خشت لغرفتها ...
سالمة: سلم ولدي ريحني وفكني من المشاكل الناس كلها مرتاحة الا انا.
محمد: شد ايديها وراسك ياغالية بجديات خلاص انا قريب خسرت جمان في المشكلة اكيد هذا انذار من الله باش نتوب ونرجع.
سالمة: مسحت ع شعره ربي يكملك بعقلك ياولدي.
محمد: اسمعي يما نبيك تفتحي موضوع مع بوي الولد للي كنت متعارك معاه امس رجعنا لبعض وهو حاس بالذنب لما عرف الرصاصة جت في اختي وطلب يخطبها وانا قتله نشوف
العيلة ونرد عليك.
سالمة: بالك متع مشاكل وانت عارف اختك تمشي تحت الحيط وتقول يارب الستر .
محمد: يما خلي يتقدم وبعدين القرار ليها انا مستحيل نجبرها عليه.
سالمة: شوية نمشي نشوفه ونرجعلك .
ناضت سالمة واحكت لعمر رغم انه كان متردد لانه كلمة انه صاحب محمد ولاعدوه تخليه يعيد حسابتها الف مرة ...وبعد الحاح من سالمة.
عمر: خليه ايجئ وبعدها .. نسأل ونقرر.
سالمة: باهي .
محمد: يلف في المربوعة ماشي وجاي من التوتر لين خشت عليه امه.
سالمة: في الاول مثلت عليه انه رفض وبعدين قتله يقدر يكلم بوك.
محمد: نعرف انا مافيش حد يفري فيه الموضوع غيرك ...وطلع في الشارع باش يكلم العكشة...بعد ثالث تضبيحة جاه الرد.
العكشة: ها شن صار معاك.
محمد: توا نبعثلك اسم الوالد وتقدر تكلمه وربي يسهلك ...
رغم انه وقت صارت المشكلة ماشفتش ملامح وجهها وفكرة اني نخطبها فقط من جانب تأنيب الضمير ...اكيد هلبا يقولو كيف كيف مجرم وعنده ضمير...
لكن احيانا في قمة القوة يكمن الضعف الناس للي زي العكشة رغم البهرجة الخارجية والشو
متع السلاح وجو الشامخين الا انه الواقع عكس الشئ هذا تمام تلقاه هش من داخل غير محتاج.من يزيل ع عيونه الغشاوة....
طبعا الكلام هذا مش المقصد منه الناس للي تقتل لكن الاجرام درجات ومراحل وللي زي العكشة يحتاج من يطبطب ع يده ويقوله
ماتخافش ربي بإذن الله يقبل توبتك.
محمد: شفت هيثم طالع من الحوش ولكن هو ماشافنيش مانعرفش علاش لحظة استعباط
عقلي قالي برا خبط الباب مرات تشوف سهى وفعلا زي الغبي تحججت اني نبي هيثم.
سهى: اهلين تفضل محمد.
محمد: ااااه قتلك هيثم قاعد .
سهى: كيف طلع ماليش هلبا تتقدر تتصل بيه.
شوية وسمعت صوت كميلة من داخل من ع الباب ياسهى .
سهى: محمد ولد عمتي سالمة يسأل ع هيثم .
محمد:سامحيني عطلتك وانا كيف بنمشي لين جت عمتي كميلة.
كميلة: خش يامهذوب الشيره سلم حتى بالغلط ولا كان رفيق السوء ماهانش بتروح.
محمد: واك في خاطري مش وقت التسخيط توا
لالا عيب ياعمتي كيف مانسألش عليك.
كميلة: امك قعدا في الحوش.
محمد: بابتسامة خفيفة قعدا راسها وراس عمر وخلاص.
كميلة: غيبت كبير الحوش عازة اسألني انا واحد من يوم هاجر معاش دورنا يكلمنا مرة بعد وين والثاني نصارع فيه تقول ثور اعقلوا سلم ولدي الموت كل يوم ترفع راهو فكروا في مستقبلكم .
محمد: حاضر حاضر وروحت.
كميلة: توا انت ماتتحشميش مادة وجهك جنبي زي المالقي خشيتي علاش قعدتي راشقة .
سهى: عادي شن فيها.
كميلة: العادي هاذي قوليها قدام خوك وتوا تشوفي الرد خشي للي اديري فيه انا نعرفه.
سهى: ووواك ياربي الصبر وخلاص ياريتني جيت ولد راني هجيت حتى انا.
نجية: سمعت العقرب وبناتها شن عندهم .
حور: من وين بنسمع اصدميني .
نجية: عمك قال لبوك انه في واحد متقدم لجمان.
حور: مضروبة بالرصاص وهمها هم ويخطبوا فيها وكان صحيحة كيف راهم طوابير.
نجية: القصة مش اهنا القصة في الشخص للي متقدملها.
حور: راك تقولي نضال للي رمت روحها قدامه.
نجية: لالا،يامضحكة الراس الكبير تعرف ع من تنصب للي ضربها.
حور: نبي نعرف شن السر للي عندها تجدب بيه في الناس هكي.
نجية: ساهلة البسي قناع انك طيبة واحنينة توا تشوفي كيف تاكلي الحو منها لكن انت وارثة الغباء من بوك.
حور: خشيت نفكر كيف بنتصرف قررت نصبر لين تكمل المقابلة ونمشي نبارك زي الناس اصلا كلام امي بعيد ع الواقع والناس هاذي نكون معاها خير مانكون ضدها بالك ياخدوني لخوهم
محمد خير مانقعد عانس طول حياتي...
نضال: نشوف فيك فرحان شكله الجماعة ردوا
عليك .
العكشة: خلاص الحمدلله بنبدأ حياة جديدة مع انسانة اقل مايقال فيها نظيفة...
" غريبة هي الدنيا يديروا العلاقات ويزنو ويوم يفكر حياة جديدة رح يختار البنت للي مارضتش تكلمه للي مارضتش تعيش معاه حب محرم ويسيب للي هو فسدها بحجة "انا نحبك"
انا رح نكون راجلك ....لذلك اختاري تكوني
الانسانة للي صاينة نفسها بعيدة كل البعد عن العلاقات المحرمة والغراميات الفاشلة"
لانه مابني ع باطل فهو باااااااطل.
نضال: هو يحكي وفرحان وانا بنموت مغيوض ولكن في نفس الوقت مانقدرش نوقف في وجه العكشة ونقوله عاجبتني نسمع فيه يوصي ع باقة ورد طبيعي يفكر شن بيرفع معاه شارق بعد بوها قاله تعال. غدوا وتفاهم معاها لو وافقت بعدين ساهل لكن صوت داخلي يقولي
انسانة مستقيمة وظال زي العكشة مستحيل تصير.....
يوم المقابلة.
محمد: تفضل خش والله تبارك الله تقول عريس.
العكشة: اسكت ماتعقدنيش.
خشت اخته وامه واستقبلتهم وجدان وسالمة وكميلة .
سهى: اهما وصلوا ناس شكلها عندها ذوق محملين بالخير كله.
جمان: انت راك توتري فيا ...وفوق ماانا مش متقبلة الفكرة .
سهى: اسكتى وسكري فمك خلي نمشي نضيهم انا واختك.
تعرفواالنساوين ع بعض وانسجموا في الهدرزة امنة ام العكشة كانت انسانة طيبة لأبعد حد.
عمر: اسمع انا كونه قتلك تفضل لانه هكي الأصول وللي متعارف عليه لكن الراي الأول والأخير لبنتي.
محمد: ان شاء الله ربي يقدم للي فيه الخير.
عمر: مانا نستأذن منك انا توا ...طلع وخلا فرصة باش تخش جمان وتتكلم معاه.
جمان: طلعت سلمت ع امه واخته ولبست عبايتي وامشيت قعدت واقفة برا.
محمد: خشي ياجمان .
جمان: السلام عليكم ...
العكشة: وعليكم السلام في خاطري نقول عليها عيون تقول عيون الريم وقد وبياض وحشمة من زيك ياعصام كان هاذي توافق عليه .
محمد: احم احم بتتكلموا ولا شن موضوعكم .
العكشة: كيف حالك.
جمان: تفرك في اصايع ايديها من التوتر ...بدون رد .
محمد: موالكم مطول بنخش نجيب القهوة من داخل ولما تقررو تحكو ساهل طلعت باش تقدر تتكلم .
العكشة: انا اسمي عصام عمري 34 سنة .
جمان: بصوت مليان توتر انا جمان ع 24 سنة.
عصام: حلو فرق العمر للي بيني وبينك اولا انا اسف ع للي صار يومها واكيد انت تقولي بي أي وجه جاي بيخطبني حيوان زيه.
جمان: تحشمت حشاك.
عصام: انا مش رح نكذب عليك ونقولك انا انسان مستقيم ولكن والله يشهد عليا ونذر في رقبتي ليوم الدين لو انت توافقي عليا رح نسيب كل شئ حرام انا مستعد نتغير ....
جمان: انا ساكتة نستمع وبس معقولة انا نكون سبب في هدايته ولا رفضت رح ايزيد في ضلاله خيار صعب .
عصام: فكري براحتك للي تبيه انت انا فيه ماعنديش معاك مشكلة في اي شئ لو ربي سخر الا العمل والسواقة انا راجل نغار ومانحبش من يقرب حاجتي .
جمان: تمام نفكر ونرد عليك وطلعت لقيت محمد برا خش وراي طول.
محمد: بجد الكلام للي كنت تقول فيه ولا باش تضحك عليها وتوافق.
عصام: انت تعرف اني لما نقول كلمة نفدها يامحمد.
.......هل بتوافق جمان ع العكشة وهل نضال بيتخلى عليها بالساهل..