رواية جمان
الفصل الخامس5بقلم رويدا راشد
"تأتي الأفراح حين تؤمن أنها ستأتي
فإن أقداركم تؤخذ من أفواهكم "
جمان جالسة قدام مرايتها تمشط في شعرها وتفكر ....الحمل اكبر مني معقولة يتوب وينوبني اجر ع ثوبته ولا نوافق عليه ونندم بعدين ويقعد ع نفس حاله نخاف نكون ...سبب
في استمراره في الشر وبين دوشة الافكار سمعت صوت الباب لفيت نشوف من للي خش .
وجدان: لعند امتا بتقعدي تفكري اسمعي الموضوع من وجهة نضري منتهي هذا شخص
مجرم وانت انسانة تخاف الله كيف بتتفاهموا .
جمان: ومرات يتوب ويرجع لله عز وجل ويسيب كل شئ وراه.
وجدان:مشكلتك انك عايشة في عالم موازي عكس واقعنا تماما اصحي تم زمن المعجزات للي تصير بسبب الحب لاانت عبله ولا هو عنتر.
جمان: انت نضرتك سلبية اصلا وهذا قراري مانبيش من يضغط عليا فيه .
وجدان: امورك انت حرة .
سهى: خيركم صوتك واصل لعند برا شن فيه.
جمان: تعالي قعمزي تعاركت انا ووجدان .
سهى: علاش.
جمان: ع موضوع عصام .
سهى: انا نعرفك اذكى من كل شئ مافيش أفضل من انك توكلي امرك لله صلي وانت زين العاقلين بعد تصلي استخارة تقرري وانت ع بينة باش ماتقعديش تلومي في نفسي وتاكلي في روحك.
جمان: والله حق .
عند الشباب بعد روح عصام وتلاقو في الشارع .
هيثم: شن صار اليوم معاكم.
محمد: تعرف ماتقول هذاك العكشة للي كلامه كله سلاح صفقات انا واقف برا نسمع فيه يتكلم مش عارف علاش ولكن حسيته صادق مش كذاب .
نضال: هههه طلعت مضحكة بعقلك انت العكشة
بيسيب كل شى هكي فجأة اكيد واره موضوع ولا من قبل طاح عينه ع اختك.
محمد:شن قصدك بيها الكلمة هاذي نوض روح ياعيل ومعاش اتجيني لين تعرف شن اطلع من فمك.
هيثم: صلوا ع النبي ياشباب ماصار شى وسع بالك يامحمد نضال مش قصده .
محمد: شن مش قصده واضح كلامه .
نضال ناض روح بعد ولعت بيه وبين محمد .
سالمة: تعالي ياجمان مرت عمك جاي تبي تبارك ع الخطوبة للي مازال ماتمت.
جمان: انصدمت من وين عرفوا اهما باهي اهو جاية لبست وطلعت.
نجية: ربي يكمل ع خير كل شئ بالبركة .
حور: الف الف مبروك تستاهلي كل خير.
جمان: تسلموا لكن هو راهو مازال نضرة شرعية بس.
نجية: فال وعليه الكمال ماتخافيش اكيد بيصر وين يحصل وحدة زي القمر زيك الشعر للخصر وشقرا من ربي وطول وقد .
سالمة: في خاطري نقول لاحول ولاقوة الا بالله
لكن ماقلتيش من قلك يانجية .
نجية: سلم سلفي الباهي عمر هو للي قال لخوته هما قداش ماهو ثلاثة بس ربي يحفظهم.
وجدان: ياسلام كملت معناها حوش عمي فوزي عندهم علم .
حور: ايه واصلا عمتي مريم اهو شوية وجاية ورانا.
سالمة: تشرف في اي وقت .
جمان: في خاطري خيره بوي شن جاه من طبعه يحكي ع امور تخصنا شن المعنى توا.
شوية وسمعنا صوت الجرس يرن طلعت حور تنقز تبي تفتح واضح من الحركة للي دارتها انه مريم مرت عمي فوزي.
سهى: في المطبخ مع جمان تقدم في فروض الولاء والطاعة بالك مريم تاخدها لواحد من اولادها الاربعة.
جمان: حالة هاذي راهي حلمها كله راجل.
كميلة: كملت بجيت العقرب الكبيرة عاد ربي يهديه بوك وخلاص.
جمان: انا كل مانفكر فيها نلقاه ماتجيش كيف تكلم مافهمتش .
عصام: الو محمد انت وين.
محمد: في الشارع انا وهيثم .
عصام: تعالوا للإستراحة مداير عشاء .
محمد: تمام شوية وانجوا.
" من رحم العداوة تولد المحبة"
كنت دائما نقول مستحيل في يوم نكون صديق
العكشة مجرد ذكر اسمه قدامي نحس نفسي نقرف...لكن الانسان تغيره في عينك المواقف.
...../كنت نحس بطيف الموت يقرب مني كل مرة اكثر ....شكلها هاذي النهاية.
لين في وسط الظلام انت تمام انت اقوى من هكي انا نعرف مرت عليك ظروف اصعب مش رح نخليك تموت مازال عندك ايام...
...../ ركبت السيارة وانا بين الايديين نسمع في صوت مألوف معاهم هو نفسه كيف قدر اصلا
يمثل معقولة في بشر تستاهل الدكتورا في الكذب والنفاق كيف يقدرو يتلونو بألف لون ...
كنت نقول لو ربي اعطاني عمر بس باش ننتقم منهم ونذوقهم للي ذقته ...اخر حاجة طلعت من فمي نضال......
وبعدها وقف كل شئ ومعاش حسيت ولاسمعت حاجة....
.....بعد ثلاثة ايام من المقابلة.....
كان وقت عصر بالتحديد...
عمر: جمان جمان تعالي نبيك.
جمان: نعم .
عمر: الراجل اتصل يسأل امتا نردوا عليه وانا الحق خليتك ع راحتك لكن اليوم وتوا بتعطيني
رايك.
جمان: حسيت روحي سخنت ....امي ومحمد ووجدان مقعمزين ..اسكتت وبعدها وقفت باش نطلع .
سالمة: ها تكلمي يابنتي شن رايك في الموضوع.
جمان: انا موافقة ...وطلعت من جنبهم .
سالمة: ربي ايجيب للي فيه الخير والله امه حواء مرأة زي العسل قداش حبيتها.
عمر: بحبحو اهو بتولو نسابة...
محمد: طلعت من جنبهم واتصلت بيه البشارة ياحاج.
عصام: كذبة راك تقولها مستحيلة.
محمد: لالا ، بجد مبارك اهو بوي شوية اكيد ويرد عليك .
عصام: سكرت الخط وخشيت نجري يما يما جمان وافقت .
حواء: رووووري الحمدلله ربي يجعلها من قسمك ويجمع بينكم بالحلال.
عصام: خشيت اغتسلت وكأنه بالغسل هذا غسلت معاه كل ذنوبي طلعت عاودت الشهادة ومشيت للجامع كان يصادف صلاة المغرب ...
مانبالغش لو قلت انه الناس كانت تشوفلي بعيون مليانة خوف هذا شن جابه .
وقفت في الصف الأول صليت بدت الزحمة تخف كل مرة يطلع واحد لين قعدت اناوالامام
بس قربت ياشيخ بنسألك .
الامام: تفضل ياعصام .
عصام: زعمك لو ثوبت وبطلت المعاصي ربي يقبل توبتي.
الامام: باب التوبة مفتوح إلى قيام الساعة
قالَ رسولُ اللَّه ﷺ: وَالَّذِي نَفْسي بِيَدِهِ، لَوْ لَمْ تُذْنِبُوا لَذَهَبَ اللَّهُ بِكُمْ، وَجَاءَ بِقومٍ يُذْنِبُونَ، فَيَسْتَغْفِرُونَ اللَّه تَعَالَى، فيَغْفر لَهُمْ رواه مسلم.
خير الخطائيين التوابين ياولدي كلنا نغلطوا
ولكن نستغفروا ونرجعوا منكسرين لله عز وجل
والله اني استبشرت فيك خيرا عندما رأيتك تقف في الصف الاول للصلاة سأل الله عز وجل ان يثبتك ع هذه التوبة وأي سؤال يخص
العبادة انا موجود.
عصام: طلع الشيخ وخلاني بروحي كلامه كان ليه وقع جميل ع قلبي نضت لرف وخديت منه المصحف وبديت نقرأ في سورة الزمر لعند ماوقفت وانا نتأمل معنى الايات
﴿قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ ٥٣﴾ [الزمر:53]
قداش الانسان مخلوق جاحد وناكر وبعيدة عن الطريق السوي.
طلعت للإستراحة وانا كيف خاش شفت علي جايب معاه شرب ...
عصام: اطلع بيه برا .
علي : خيرك شن فيك للي يشوفك تقول اول مرة نخش بالشرب متعي.
عصام: هذاك قبل اما توا انسى الموضوع نهائي وراك تفكر فيه.
خشيت فضيت جميع انواع المنكرات للي ممكن تتوقعوها وضبحت ع الشباب للي معاي.
علي: تكلم شن فيك .
عصام: من اليوم اسمي عصام العكشة لقب فات ومات من اليوم لابنات ولاشرب ولاسلاح يخشوا هنايا للي عجبه الكلام وقاعد معاي مرحب وللي مش عاجبه يتوكل ولا كأنه عرفني.
طلعوا كلهم وقعدا معاي علي بس لفيت برا معاهم كنت معاك وقت كنت غاطس في الذنوب ع رقبتك نسيبك وانت ثايب بنتوب معاك ع الحلوة والمرة معاك ياصاحبي.. .