رواية جمان الفصل السادس6بقلم رويدا راشد
عصام : كنت نستنى امتى حد ايجئ يفيقني يقولي افتح عيونك انت تحلم معقولة بجد انا بنكون راجل جمان نتفكر في كلام الناس ...
هذا من بترضى بيه؟
ناقص غير نعطي بنتي لواحد زيك؟
عاهدت الله عز وجل انه طريق الغلط والحرام معاش نخشها بكل وبديت نبني في حياة جديدة ع اساس صحيح .
علي: شن ناوي ادير.
عصام: ديرلي حصر لسيارات للي في المعرض للي خاشهم دينار حرام وتتفكر في السيارة المخنوبة للي شرينها .
علي: للي جاء صاحبها يترجى فيك تردها وانت رفضت.
عصام: بزبط اهو الراجل تجيبه من تحت الأرض مازال محفور في دماغي الموقف لما هددته انه لو وقف قدام المعرض رح نقتله.
علي : لكن راهو يكون في علمك الكلام هذا يعني نصف السيارات بتمشي في حب الله ..
عصام: عادي ولو تقعد سيارة وحدة المهم حلال.
علي :طلعت وقعدت يومين لين طحت في الراجل ومسكين من الخوف مش مصدق.
عادل: لالا انا ياولدي معاش نبيها السيارة ربي يسهله بيها.
علي: لالا،كون مطمن ياعمي عليك امان الله والله تمشي معاي وترجع وانت معزز مكرم.
عادل: خلي نخش نبلغ اهلي باش كان معاش رجعت يبدو عارفين شن صار معاي.
علي: عذرته لانه للي شاف عصام كيف يعيط ويهدد فيه من حقه يستغرب لما يطلبه ثاني.
عصام: ها بشر شن صار معاك.
علي: لقيته اهو جاي معاي غير بالله عليك اضحك في وجهه فكنا من الجو الراجل خايف .
عصام: حاضر نرقصله حتى الرقص جيبه ياخد حقه ويروح .
في الحوش عمر.
سالمة: خيرك اللطف من يوم وافقت جمان وانت قالبة وجهك ومخليه فرحت اختك في حلقها شن فيك.
وجدان:افرحو شن لازم كلنا مثلا نفرحوا انا مش عاجبني للي قاعد ايصير.
محمد: وانت من طلب رايك اصلا المهم هيا موافقة .
وجدان: شن دخلك انا نكلم في امي.
محمد: نصيحة مني ليك سكريه فمك خير نطيحلك تاكم سنونك مازال غير الفرخات يحلو فمهم ....
جمان: رغم خشونة ملامحه وحدتها إلا اني شفت فيه براءة الاطفال يوم قعمز قدامي ...
رغم انه فرحتي ناقصة بسبب عصبية وجدان للي ماليهاش مبرر.
..../شن صار ع اساس انه مستحيل تاخده وميتة وذايبة فيك .
نضال: اصلا هذا كله باش تغيضني بالعقل معقولة جمان تقبل بواحد زي عصام.
..../ قبلت ورح تعيش معاه اميرة الا لو انت شغلت دماغك.
نضال: من معاي قبل كل شئ .
...../ حد يبي مصلحتك ويعرف انك تحب جمان.
نضال: وشن يضمن انه كلامك حق بالك فخ وتبوا تحصلوني فيه.
..../بعد تتأكد انه مش فخ الرقم عندك وتقدر تتصل .
نضال: سكرت وانا نفكر في الاتصال اهو وشن قصته ومن وراه لين خطرت في بالي فكرة علاش مانمشيش لعصام ونقوله انا كنت مداير معاها علاقة ....
عند عصام في المعرض ساند ظهره للمقعد ويستنى في جية علي لين خش عليه نضال.
عصام: اهلين كيف الحال نضال شن اخبارك.
نضال: الحمد لله شن امورك انت.
عصام: بخير من ربي.
نضال: غريبة من امتا هو يتكلم هكي...يالا اكيد يمثل .
عادل: خاش يرعش انا والله ماقلت لواحد عليها ومعاش نبيها .
علي: غير قعمز ياحاج ووسع بالك مافيه كان كل خير.
عصام: نضت من مكاني وشفته كيف يعرش وخايف تفضل قعمز وانت معزز ومكرم وتاخد حقك وفوقها مانبي منك غير السماح.
عادل: بالله بالحق ولا تبصر ...
عصام: سيارتك انباعت لكن نعطيك وحدة نسختها واحسن منها وماطامع منك في شئ غير في السماح.
عادل: انا مسامحك دنيا وآخرة عمري ماتوقعت ترجعلي يوم للي وقفت عليك وقتلي انساها
قلت ربي يعوضني خير.
علي: واهو ربي عوضك خير ياحاج الدنيا نصيبات ...وع نياتكم ترزقون.
عادل: ايه والله صدقت ياولدي ربي يفتحها عليك دنيا وآخرة ويوم تحتاج حد في مدينة...قول دلوني ع عادل.......وشوف الرجال.
عصام: سلمت عليه بيديا الاثنين نتلاقو ع خير
ياحاج .
نضال: شن السيناريو اهو اكيد يبي يطلع بمنظر الملائكة باش نشكره قدام ناسبته...هههه يحساب بيفوته عليا.
عصام: ها شن نضال حسيت في فمك كلام احكي.
نضال: شاف لي علي ماهو مانقدرش نحكي قدام حد الموضوع شخصي شوية.
علي: نستأذن انا توا ياعصام بعدين بينا هاتف.
عصام: مع انه علي صندوقي الأسود ولكن يالا اهو نسمع فيك .
نضال: اسمع والله متحشم ومش عارف شن نقول لكن ماتهونش عليا تقعد مغفل.
عصام: شن فيه خش في الموضوع يانضال.
نضال: تبي الحق تتفكر في اليوم للي صارت فيه المشكلة .
عصام: اكيد.
نضال: خروج جمان ماكانش بالصدفة.
عصام: كيف يعني.
نضال: اما كنت معجب بجمان وهيا معجبة بيا ولما عرفت انه انا واقف برا طلعت.
عصام: شديت اعصابي خفت لحظة غضب تريح كل شئ باهي شكرا لحرصك عليا...
نضال: في خاطري نقوله هكي بس هذا للي طلع منك بعد للي سمعته زعمك يسيبها ولا يقعد معاها.
نضت طلعت شن هذا خيره هكي ولا عديم الشعور ...
علي: شن يبي منك هذا مش عارف علاش واقفلي في الحلق ماقدرتش نبلعه .
عصام: جاي قلبه عليا ويقولي انه جمان كانت معجبة بيه مسكين مايعرفش اني سألت عليها الشارع كله مافيش من قال عليها حرف غلط.
علي: خبيث هذا يضحك في وجهك وتلقاه يتكلم عليك في ظهرك .
عصام: فكنا منه غير ياخد حسناتك توضأ وجهز نفسك لصلاة .
وانا كيف طالع ...
علي: شن بدير بفلوس السيارات للي بعثهم .
عصام : انا فهمت انه الاقربون أولى بالمعروف.
علي: والمقصد!
عصام: عندنا في المنطقة ست حالات مصابة بالسرطان ومحتاجين حق العلاج .
علي: كيف عرفت.
عصام: يومين وهما شغلي الشاغل نحط راسي ع المخدة بنرقد نحلم بيهم يطلبوا مني في مساعدة مانعرفش هل الحلم اشارة من الله باش نعرف وين نحط فلوسي المهم قررت نتكفل بعلاجهم.
علي: لين عيوني دمعوا من يقول وراء القسوة مختبئ اللين هذا كله.
عصام: والسلاح والمصفح الدولة أولى بيه رح نسلم كل شئ الا سلاحي الخاص رح نرخصه ويقعد عندي الواحد مايعرفش الوقت شن داسله.
فات اسبوع نضم فيه عصام اموره كان عنده شوية فلوس شراء منهم راس باش يبدأ يخدم عليه طبعا المحيط متعه كلهم مصدومين من التغيير الجدري للي صار معاه....
جزء حسد وجزء يفكر شن وراه وبرا سبحان الله تصدقوا انه في ناس تحسدك حتى ع تمسكك بالدين...
قال الامام الجوزي رحمه الله...
اكتم عن الناس ثلاثة ذهبك وذهابك ومذهبك.
اما ذهبك فهو مالك وماتملك واما ذهابك ماذا تفعل واين تسافر أو متى تخرج او زواج خطوبة وأما مذهبك اي لا تتحدث عن نفسك كثيرا ماذا تحب وماذا تكره فكل ذي نعمة محسود.
يقول عمر بن الخطاب رضي الله عنه ندمت عن الكلام مرات ولم اندم عن الصمت مرة...
وجدان: انا بنطلع نحس في روحي مضايقة .
حور: انا جايه معاك .
سهى: شن المسرحية اهيا خيرها اختك ياجمان من امتا وجدان تحب حور وتطلع معاه نقص يدي لو الموضوع مافيش إن...
كميلة: نخصته سكري فمك يوم خطوبتها تنكدي فيها عليها .
جمان: تفاهمت معاه تلبسني امه خاتم وخلاص لاني بصراحة ضد فكرة الدبلة نحسها تقليد اعمى للغرب وكل شخص ووجهة نضره .
ام عصام: تبارك الرحمن غزال مصور ربي يحفظك.
نجية ومريم بيهبلوا ...
سالمة: ربي يكمل ع خير ياررب.
سهى: في المطبخ مع العاملات تجهز في ضيافة الرجالة ع خشت محمد.
محمد: الفال ليك ان شاء الله.
سهى: تحشمت كان حجابي حايس ونص شعري البرا سلمك الفال عندك انت وهيثم.
محمد: في خاطري شن بنقولها عاجبتني وماتجيش الحق فكرت فكرت وين وجدان وحور مش معاك.
سهى: وجدان طلعت قالت مضايقة.
محمد: هاذي تبي كسر رقبة وقت طلوع.
عمر: شن بتحيب الضيافة ولا بتفتح هدرزة .
محمد: جمدت معاش قدرت نتكلم عليك حشمة.
عمر: عادي غير اطلع ضيف الناس وبعد نكمل موضوع اختك نخطبلك ولا شن رايك ياسهى.
سهى: انا ذبت معاش قدرت حتى نتنفس.
..../ ههه الفئران لا تستطيع مقاومة الجبن اهو وصل قدامي ....تصرف انت توا.