رواية دجي القلوب الفصل الخامس5
بقلم رويدا راشد
" كأنما تخلق ارواح لتشفى وجع أرواح أخرى"
سارة: دجى شن اسمه ولد عمك الكبير للي جاي معاهم اليوم...
دجى: اسمه مهاب خيره.
سارة: لا مافي شئ غير نسأل بس فضول.
دجى: صح عمري صغير لكن عقلي كبير مافيش حاجة اسمها فضول قولي خيرك.
سارة: حي عليا تقول عقل عجوزة في جسم طفلة .
دجى: ضحكت حال للي تربى مع الكبار شن متوقعة منه.
سارة: حسيته قعد مركز معاي ماعرفتش خيره .
دجى: ممكن .
في حوش حسين ....
مهاب: نزل باش يكلم مازن اسمع نحساب روحي شفت خيال في حوش عمي تعالى نمشو نشوفو من فيه غادي...
مازن: نزلت نجري انا ومهاب لكن لما وصلنا كان للي صاير صدمة بالنسبة لينا.
مهاب: خلي نمشو نجيبو المفتاح من سعيدة وصلت حوشهم وفتحلي وائل وحكيتله سبب طلبي للمفتاح .
وائل : اصبر نجيبه وانجئ معاكم خشيت خديت المفتاح من امي وجبت معاي المقرون وقتها السلاح ممنوع هو حتى المقرون لو نضرب بيه بتصير قصة المهم طلعنا ...
مهاب: وصلنا قدام الحوش فتحنا الباب الامامي وخشينا .
مازن: مافيش داعي نولعو الضئ اهو حتى لامبة الشحن تكفي باش الجيران مايحسو بشئ
واحنا ندورو كيف فقدنا الامل .
وائل : شكلك تتخيل انت يامهاب وخلاص مافي شئ.
مهاب: شن تحسابوني اعمى ولا كيف ...
مازن : عكست الإضاءة ع الأرضية شفت نقط من الدم أول مرة نحس بالخوف قعدت نتبع فيه انا مهاب ووائل لين لقينا الدم يرفع للباب الخلفي وهنايا كانت الصدمة...
جثة مدبوحة زي ماتذبح الشاة الدم كان خافي ملامح الوجه واثر القاتل طالع من الباب الخلفي لين وصل الشارع اختفى فيه الاثر.
وائل: حي لازم نبلغوا وفعلا خلال اقل من عشرة دقائق كانوا الشرطة في المكان.
كاإجراء روتيني الشرطة رفعت مازن ووائل ومهاب لتحقيق ...
وقعدو عندهم ثلاثة ايام بعد تأكدوا انهم ماليهومش علاقة طلقوهم...
تعالو نرجعوا للجثة متع من بعد رفعوا الجثة الصبح تم التعرف ع هوية المقتول ....
خالد خال دجى هو الشخص المقتول؟ من للي قتله وشن جاب خالد الاميال هاذي كلها باش يموت في حوش اخته ...
وكأنه المجرم يبي يحقق العدالة في الارض...
أمل : ترا قولي ياماما من الشخص للي مات مش رح تصدقي.
سعاد: من بيكون يعني.
أمل: خالد خال دجى هو للي لقوه مقتول في حوشهم.
سعاد: كانت توكل في حسين من هول الصدمة طيحت الصونية كسرتها.
أمل: خيرك شن فيك .
سعاد: صدمتيني بصراحة الراجل شن جابه هنايا ...تفكرت انه امس كان يتصل بيها ولكن هيا ماردتش عليه....والف سؤال في سؤال في رأسها ...الكلام هذا معناه في حد يعرف القصة من غيرهم هما....
حلوة الدنيا لما دور وتتغير الاماكن ....
سعيدة: نموت ونفهم خالك شن جابه باش يموت في حوشكم ومن للي قتله...
دجى: توا التحقيق يطلع كل شئ ..
سارة: لكن فعلا ع الكلام للي قلتوه عليه كل ساق سيسقى بما سقى.
سعيدة: هو صح اكل حق دجى لكن هاذي موت يابنتي مافيهاش شماته..
......في مكان مظلم توا الوزير 🤣وبح راح مازال الملك المحاط بالجنود...
مرت ع القصة للي صارت ثلاثة شهور كانوا الثلاثة مقعمزين مع بعض.
مهاب: نفكر بناخد الاذن من دجى باش نطيحو الحوش متع عمي ونديرو سوق كبير..
مازن: معقولة توافق.
وائل : خليه يجرب شن خاسر واصلا الجيران بدو يطلعوا في اشاعات متع يسمعو في اصوات وابصر شن الكل مضايقين منه ...
مازن: هو ممكن في هاذي عندك حق.
قمر: ها شن رأيك يادجى واهو يبدأ عندك مرتب ثابت تصرفي منه براحتك.
دجى: لكن بشرط الشجرة للي كانت في الجنان ويوقف تحتها بابا في السيارة تقعد نبي نشم عليها ريحة اهلى.
رغم انه طلب غريب ولكن مهاب وافق عليه وبدأ ينظف وهد الحوش كله الشجرة جت وراء السوق من الخلف...
وائل : كم يبي باش يكمل السوق .
مازن: لو قعدوا العمال بالنشاط اهو خلاص شهرين يكمل وانديرو الافتتاح .
مهاب: راهو كيف ماوعدتني ياوائل بتخدم معاي فيه .
وائل: ع طول بدون كلام هاذي...
بحكم القصة للي جمعتهم وزيارة مهاب ومازن لي دجى ولت فيه علاقة قوية تربطهم باوائل رغم انه سعيدة كانت ضدها في الاول خوف ع ولدها وحيدها وبعدها عرفت انهم عكس امهم تماما.....
فاتوا الشهرين زي لمح البصر وفتحو السوق ودجى طايرة من الفرحة ....
لعند ماسمعت الخبر للي قالته قمر.
قمر: امي تبي تخطب حور لي مازن وبتعطي أمل لي معز ولد خالتي.
دجى: حور للي تقولي عليها متعجرفة ومدلعة ومازن يقول يكرها.
قمر: ايه حبيبتي لكن هاذي امور عليا مافيهاش نقاش بكل.
دجى:مسكين مازن والله مايستاهل هذا كله لكن هو مازال صغير.
قمر: ماهو امي بتخطبها توا لكن العرس بعد اقل شئ عامين ولا ثلاثة ...وأمل بتتزوج بعد شهور بحكم انه معز واتي واموره طيبة لكن تعرفي يادجى رغم معز اهو نحسه انسان غريب وراه هلبا قصص وكان عايش برا..يعني ماضيه مجهول لكن أمل طايرة بالفرحة بيه وكأنه أهم انجازاتها.
دجى: المهم انتي سلمتي المرة هاذي من امك 🤣🤣.
قمر: غير ماحصلتش لمن تعطيني نحس فيها متعمدة تفتك منا كلنا تقول قاعدين ع قلبها.
دجى:تخوف امك اصلا ترتاحو منها أفضل ريت هالعيشة .
قمر: كل مانشوف بوي قلبي يوجعني انا السبب
في الشي للي صار كله .
دجى:كيف؟
قمر: انا سمعت امي تكلم في خالك وفهمت انه ليه يد في موت امك وبوك مشيت حكيت لي احنينه وهيا وعدتني انها مش رح تقول ولكن انصدمت لما روح بابا ايعيط ويتهم في امي بالخيانة.
دجى: حبيت نخليها تحكي باقي القصة مابيتش نقولها اني نعرف وسمعت كل شئ .
قمر: وبعدها قالها شن قتله احنينه وجتني هددتني انه لو مانقولش انه كذب رح تقتلني كنت ضعيفة وخايفة منها انجبرت نكذب وللي صار كله نتيجة كذبة غبية احنينه ماتت وبابا انجن.
دجى: ماتلوميش نفسك انت صغيرة شن كنت تقدري اديري أصلا كله كاتب وانت مجرد سبب فقط لاغير احنينه مكتوب من يوم انخلقت انه تموت بالطريقة هاذي.
قمر: ارتحت لما دجى قتلي هكي كنت خايفة وتأنيب الضمير يقتل فيا.
تسريع في الأحداث بعد مرور،،،،،،،سنتين...
أمل: أكيد طالعة حلوة صح .
سعاد: طالعة غزالة زي امك بالزبط.
فاطمة: اصلا ولدي مستحيل كنت نرضى انه ياخد وحدة أقل من جمالك.
حور: اصلا خوي ألف بنت تتمناه بنات عمي قريب يموتو لما عرفو انه خطب أمل بيهبلو مش متوقعينها...
قمر: شاكرت العروس ....خليني ساكتة خير بصراحة حتى احنا هلبا اصحابنا انصدمو لما عروفوا انك خطيبة مازن المتعلم المثقف ياخد وحدة امببيه...
سعاد: شن الكلام هذا للي تقولي انت توا دوري من ياخدك.
قمر: ماتخافيش مدامه بنت اختي الفاشلة حصلت معناها انا نحصل.
فاطمة: حالة بنتك هاذي الحمدلله كنتي مش هكي لسانها زي العسل.
قمر: انا طالعة لضيوف قصدك زي المضحكة لو بابا بعقله مستحيل يوافق...
سعاد: الحمدلله انه بلا عقل.
مازن: نبي وجبات لشباب في السوق.
حور: حاضر من عيوني.
مازن: بلامياعة زايدة هاتي الوجبات ولا ضبحيلي ع قمر أختي خير وخير واستري روحك راهو والله لو تقعدي قدامي ليشو ماك عاجبتني سطحية.
حور: سكرت العباية وخشت تحرش في خالتها.
سمعت قمر النقاش وطلعت مدت الوجبات لخوها.
قمر:لمن تبيهم بجديات.
مازن:😅 بنرفع لي دجى وحوش عمتي سعيدة نبيهم حاجة تستر راهو.
قمر: اكيد بدون ماتوصي اصلا.
دجى: زعمك يحسوبني في عشاهم.
وائل: شن رايكم نطلعوا نتعشو برا ومنها تغيرو جوكم.
سارة: بجد ايه ياريت.
وهما قاعدين يتكلموا لين رن جرس الباب .
مازن: دجى .
دجى: حي والله كيف كنت نقول زعمك يتفكروني.
مازن: ولو معقولة انا ديمة متفكرك اصلا.
وائل: جاء من الخلف احم احم هيا تفضل.
مازن: وين نتفضل ماهربت من زيزفونا للي خلينا ونخليك.
دجى: مش هذا اسم جنيه في رواية ليلة في ضيافة الجن 🤣🤣.
مازن: ومش اي جنية بنت ملك الجان في الرواية 😏.
دجى: عرفت توصفها بجد 😅.
من للي قتل خالد ومن للي يخطط الشخصية الغامضة للي رح تقلب الموازين ....