رواية دجي القلوب الفصل السادس6
بقلم رويدا راشد
"تكلب المكلوبة وماتكلش لحم ذرعانها"
أمل: كنت فرحانة طايرة من الفرحة القصر هذا بنعيش فيه من دلال أهلي إلى دلال راجلي روحت معاه وانا طايرة بيه جمال ومال وعلم والأهم ولد خالتي مش رح ترضى فيا شئ...وانا في السيارة جوه مازن ومهاب...
مهاب: ها مانبيش نوصيك الله الله في أمولة راهي الدلوعة عندنا...
مازن: ايضايق اختي هاتف بس تلقي خوك جنبك .
قمر: وراهم واختك التريسة موجودة كان الفرخة حور درهت كبدك...
معز: ابتسامة خفيفة شد يدها امل في عيوني مش محتاجين توصوني عليها...
سعاد: واقفة جنب اختها وتتفرج عليهم من بعيد .
حور: ابتسامة مليانة خبث رح تعيش معاه ملكة .
فاطمة: فنصت في بنتها...
حور: حبيبتي ربي اعطاها ع قيس نيتها بالزبط الفال لي قمورة...
"قسمك ايجيك وأجلك تمشيله"
ديما الإنسان يدعي ربي يرزقه بالشخص للي يخاف الله فيه الشخص للي يخاف الله لأنه يخاف الله عمرك ماتخافي الرجال تختاريه ع دينه وخلقه مش فلوسه وجماله لأنها امور زائلة
في حوش سعيدة دجى مقعمزة في الشباك مقابلة السوق والشجرة للي طلبت انها تقعد.
سعيدة: جت جنبها وحطت يدها ع كتفها وقالت بصوت مليان الله يرحمهم يابنتي...
دجى: ابتسامة رغم الدمعة للي في عيونها.
سعيدة: مضايقة يابنتي.
دجى : لالا.
سعيدة: احيانا ملامح الانسان هيا للي تحكي حتى لو هو ساكت ...وبدت تقولها...
كرموس يوفى ،، والورق يتورق ،، والموجعه في القلب ماتـدرق
كرموس يوفى ،، والورق ياليمة ،، والموجعة في القلب تقعد ديما
كرموس يوفى ،، وبلادنا نولّوها ،، والموجعة في القلب ماننسوها
كرموس يوفى ،، والورق يازعتر ،، والموجعة في القلب ماتتبعتِر ..
حقك لو ماخديته في الدنيا مش رح ايريح عند ربي خشت سارة سمعت الابيات محلاه الكلام .. لكن تلزمه تكملة..
الموجعة في القلب يامصعبها
تخطر عليا لو وقف صاحبها
الموجعة في القلب يامقواها
يبال عز الناس هو مولاها
دجى:صدقتي ياسارة كيف تنسى وللي قاتل اهلك قدام عيونك ....تنهدت وقالت:
يدور الزمان وتكبر الزيتونه......ويقعد رماد النار في كانونه .
سكرت بابي و النفوس ارتاحت .......ع ناس هلبا من عيوني طاحت .
تحزمت بيكم درتكم في صفي......حطيتكم في ايدي نقبتوا كفي .
موجوع خاطري من حبايب خانوا .....نسو عشرتي ياريتهم ماكانوا .
اللي قال فيا القول قل قلاله.......يلقاها في صحته وقلل ماله .
خلي يقولو ماعليا فيهم......قلبي كبير ونيتي تصفيهم .
لا تقلقي يا عين ولا تحتاري ......يجي يوم يعدلها الكريم الباري .
في حوش معز أمل نزلت وقعمزت نستنى فيه في الدار لكن للي صار يقعد محفور في ذاكرتي لين نموت...
معز: بملامح باردة خش عليها اسمعي انت بتعيشي معاي زي اختي لاأكثر ولا أقل قلتي باهي اقعدي مش عاجبك توا نردك....راني تزوجتك ع خاطر امي بس .
أمل: انا من الصدمة معاش عرفت نرد خفت كان يخوف اخد بيجامته ونزل يقول....
لو كان تتحركو من مكانكم مايسمعو كان الجبال تطقطيق عظامكم ويضحك ويعاود فيها خفت بديت نبكي ولكن بدون صوت هو نزل سكرت الباب بالمفتاح غيرت ورقدت من الخوف من القهر هذا كان اول ليلة هكي دار شن بيصر فيا القدام ....ياريتني سمعت كلام مازن لما قالي كيف تاخدي واحد ماتعرفيش ....
شعور الخوف اصعب شعور مش هاذي الحياة للي نبيها حوش بالخدم والحشم ولكن صاحب الحوش اقل وصف ليه مرعب...
فقت الصبح ع تخبيط الباب بكل خوف قلت من جاني الرد من وراء الباب افتحي من بيكون يعني كانت حور...
امل: فتحت الباب وانا كنت نفكر نحكيلها...
حور:بخبث كيف كانت ليلتك مع خوي أكيد ملكية ...
أمل: حسيتها تلقح ع شئ ولما سمعت كلامها اهو فهمت انه فيه موضوع الحمدلله زي اي عرسان.
حور: لالا إلا الكذب معز عمره ماكان زي اي عرسان هههه رح تشوفي الجحيم ع الأرض صبرك بس....
أمل: لما قالت هكي خفت وتغيرت ملامحي...
حور: ههههه شوفي وجهك كيف انقلب نبصر عليك ألبسي هيا المزينة بتجيك.
أمل: فات اليوم وحتى لما جت امي وناسي درت روحي نضحك وخلاص شن بنقولها للي صار ونعيشها في نكد مستحيل...نقدر نتكلم .
قمر: واضح انه جوها ملخبط وين أمل للي تحكي وتحب تاكل الجو من الكل يوم معاه ونحسها ذابلة.
سعاد: مافيها شئ ماتركزيش في وجها ركزي في الذهب المدندش...
قمر: سكتت نشوف في عيون العقرب حور نضرة الانتصار ....
فاطمة: زعمك في خاطري ...قالت لامها ع للي صار معاها...
معز: مقعمز في المكتب متعه وشاد صورة في يده ويلامس في ملامح وجها وكانها واقع مش ملامح جامدة في اطار الصورة...
مهاب: وائل نبي انجئ نهدرز عليك الليلة في موضوع...
وائل: شن جو الرسميات اهيا من امتا بينا .
مهاب: ماهو الموضوع يستاهل الرسميات اهيا كلها😁..
مازن: شبه عرفته الموضوع للي ماشيله ع خاطره.
مهاب: انت اسكت خيرلك.
سارة: للي اكبر مني وللي أصغر تزوجوا إلا انا مافيش من خبط ع بابي تقول نصيبي رايح في الطرق ماعرفش يوصل.
دجى: سارتي حبيبتي اصلا ربي يأجل الشئ لانه يبيلك الأفضل وكله بتساخير الله .
سارة: كان سمعتني أمي راهي قالت خيرها بنتي هبلت...
معز: روحو العيلة المتخلفة للي جايين بالمنبه وراسي وجعني في ناس مازالت ادير هكي 🤮🤮.
أمل: كنت واقفة بعيد وماشفنيش هو واخته.
حور: نكرهم انا ولا ولدهم المتغطرس للي اسمه معز مصدق روحه انه لاقبله ولابعده.
معز: قتلك انا نقدرو ننتقموا منهم بدون ماتاخديه.
حور: لا ناخده ونقتل اخته الحقيرة قمر بيديا ونلوحها للكلاب.
معز: كان تشوفي قداش انا نكره اختها أمل اهيا كان نلقى نقتلها...
حور: رد بالك ساد القصة القديمة ماصدقنا لفينها وبابا الله يرحمه تبهدل معاك وماطلعت من الحبس إلا في الاحداث .
أمل: حي عليا شن العيلة المريضة اهيا تقول عندهم انفصام كيف قادرين يمثلوا دور البراءة بكل هالاتقان..
شن قصة معز وشن الموضوع للي وراه