رواية جمان
الفصل السابع7بقلم رويدا راشد
لاتعشقني بعينك ربما تجد أجمل مني،لكن أعشقني بقلبك، فالقلوب لاتتشابه أبدًا.
جبران خليل جبران
عصام: ألف مبارك عليا وعليك .
جمان: بارك فيك.
عصام: نعرف انك ماتحبيش كثرت الكلام في الهاتف وانت حاليا غريبة عليا ومانبيش نكلمك انا نبي نحافظ عليك .
جمان: الله قداش كلامه ريحني وفر عليا الاحراج انا مرة مرة نطمن عليك برسالة .
عصام:بإذن الله عندي امور نرتبها وبعدها نقرو الفاتحة وللي تفاهمنا فيه في المقابلة بتمشي عليه.
جمان: بدون ماتوصي.
"هكي طبيعة البشر يخطط ويفكر ويرسم لحياته وينسى انه الاقدار تسير بأمر الله"
عمر: جمان واطمنا عليها ولدك محمد مش عاجبني حاله عيونه مع سهى.
سالمة: ونلقى انا زي سهى بنت جارتي ورفيقتي كميلة.
وجدان: كملت هذا وين بيزيد الصداع بلا خطوبة مش سالكين.
جمان: ممكن نفهم انا شن فيك شن غيرك بالك تعرفي شئ احنا مانعرفوش .
وجدان: مش موضوعك خليك في خطيبك المجرم توا ينفعك.
جمان: ربي يهديك ويصلح حالك بس.
هيثم: اسمع يانضال انت صاحبي ومحمد صاحبي وكلنا عندنا ولايه البنت معروفة بأخلاقها وعمره مافي حد قال عليها حرف انت عندك اخت وانا عندي وللي ماترضاش لاختك راك ترضاه لغيرها.
نضال: اه معناها الاخ عصام احكالك ع كل شئ.
هيثم: ايه قال وع فكرة تمت الخطبة وهيا ولت خطيبته وقريب رح تكون مرته لذلك فوتها .
نضال: هو فاش خير مني.
هيثم: هو يوم قرر يتوب بدأ ع اساس صح نظف قلبه وعقله من السوس.
نضال: وانا مليان سوس والبنت نبيها وعاجبتني.
هيثم: وقفت وحطيت يدي ع كتفه صفي نيتك ياصاحبي وخش البحر والبنت يخطبوها 100 وتقسم لواحد لو كاتبتلك تاخدها تاخدها .
نضال: لالا الموضوع هذا لازم نتصل بالرقم رح نفركش الخطبة كاملة .
..../ انفتح الخط جبنك ظروف وجيت كذاب الغلا ماجابك ورجع الشعير لقلب الرحى .
نضال: انا نبيها نبي مساعدة.
..../ حتى العقرب ماتعطيش السم بلاش المقابل.
نضال: من الدينار لعند العشرة آلاف.
...../ تفاهمنا لانه الحق جمان سعرها غالي واكيد عصام رح يدفع اكثر ولكن انا وانت لينا نفس الاهداف نقولو خمسة .
نضال: كيف بيصير باهي.
..../ كيف وامتا هاذي عليا انا اما انت مهمتك توا تجيبلي شفرة منقزة باش نخدم بيها ع راحتي واطيب الطبخة ع نار هادئة.
نضال: نقولو تم الشفرة غدوا تكون عندك.
..../ كنا نقولو ع نار هادئة خلي تقعد عندك وامتا نبيها نكلمك.
نضال: تمام نستنى في هاتف منك.
...../ سلام ياعاشق.
محمد: شن يابو نسيب وين مغيب.
عصام: نرتب في امور الخدمة ياغالي شن عندك
مادير انت وهيثم.
محمد: بطالة ...وكساد في الشارع.
عصام: اتجو تخدمو معاي ع الراس.
محمد: تحكي بجديات ولا تبصر .
عصام: بجد الجد الشارع ايضيع وانا مانبيش للي عشته يعيشه غيري.
"يسكر ربي باب ويفتحلك ألف باب رب الخير لايأتي إلا بالخير"
روح محمد فرحان بشر امه وبوه وبلغ هيثم..
طبعا طبيعة الخدمة ع الرأس تحكم ع صاحبها
وين ماتكون في خدمة يمشي يعني احيانا المسافة تاخد منهم اربعة ايام ومرات اسبوع وهكذا عصام ع رأس ومحمد وهيثم في رأس.
بعد مرور شهر......
عمر : خلاص للي كان مخلينا مانخطبوش لعمر بحكم انه بلا عمل.
سالمة: شن قصدك نخطبوله توا.
عمر: خير البر عاجله علاش نستنو .
جمان: الو اسمعي ديري في حسابك امي بتجيكم بعدين راك تقولي كلمتك.
سهى: بتهدرز.
جمان: خرفي بتخطبك لمحمد.
سهى: تحكي بجديات.
جمان: ياجو انت ع اساس انت ماتعرفيش انه معجب بيك .
سهى: لكن ماكنتش نتوقع الموضوع يكون بالسرعة هاذي.
جمان: ربي يكمل ع خير.
سهى: تسلمي ياغالية سكرت منها وبديت نجري نسيق ونبخر.
كميلة: خيرك اللطف شن صابك .
سهى: عادي مافيا شئ جتني الحالة قلت نقلب الحوش وخلاص.
كميلة: وعلاش انظيف مافيه شئ قعمزي وريحي عظامك.
سهى: مابيتش نعلق ع كلام امي وكملت حوستي لين جاء المغرب .
كميلة: اردحي توا بعدين ابدي اشكي ظهري ويديا....خلي نشوف زعمك هيثم روح.
سالمة: اهلا كميلة كيف حالك وكيف حال صحتك.
كميلة: شن تعلمتي عبرج سلفاتك نجية ومريم من امتا احنا بينا الرسميات هيا خشي خشي وشن هذا للي جايبته معاك.
سالمة: بكل خربتي برستيجي جاية بنخطب شن تبي نجيب معاي حارة دحي.
كميلة: قعدا تستوعب في كلمة نخطب لين فهمت في الاخير....رووووري تعالي بصحتك ساد.
سالمة: هههه لالا عاد عيب هكي.
كميلة: البنت بنتكم .
سهى: نسمع فيهم يتكلموا فرحت الحمدلله.
..../ غاب القط العب يافأر هات الشفرة.
نضال: غدوا تكون عندك.
..../بينا هاتف.