رواية دجي القلوب الفصل السابع7
بقلم رويدا راشد
دجى : طالعة لسوق وخشت للمكان للي كانت توقف فيه سيارة بوها قعمزت تحتها....تسترجع في ذكريات الطفولة...لقت الباب القديم مسند ع السور وقفت تخبط عليه مرة واثنين وثلاثة
مررت بدارهم شوقاً إليهم
لعلي ألمح الأحباب فيها
فما من نائم في الدار يصحو
وما من زائر يدنو إليها
سألت الجار : ما الأخبار قل لي؟!
فقال : الدار أبقىٰ من ذويها
أمَا تعلم بأن الناس تمضي
وأن الدار تنعي ساكنيها
ولسان حالنا جميعا نقول بعد فراق الاحباب
يا طارق الباب رفقاً حين تطرقه
فإنه لم يعد في الدار أصحابُ
تفرقوا فى دروب الأرض وانتثروا
كأنه لم يكن أنسٌ وأحبابُ
إرحم يديك فما في الدار من أحدٍ
لا ترجُ رداً فأهل الوُدِّ قد رحلوا
ولترحم الدار لا تُوقظ مواجعها
للدُور روحٌ كما للناس أرواحٌ
بعد كملت الابيات انهارت بالبكاء وبالصدفة كان مازن جاي للسوق شافها....
مازن: خيرك دجى شن فيك تكلمي .
دجى: نبي اهلي انا نبي امي نبي بوي.
مازن: اذكري الله دحى انا نعرفك قوية قبل شن صارلك.
دجى: انا نشوف في للي قتلهم حي وهما تحت التراب انا نبيهم.
مازن:من للي قتلهم.
دجى: امك امك السبب ربي ينتقم منها ومن كثر العياط والدوشة للي دارتها سمعوها وائل ومهاب جو يجرو...
وائل: خيرها شن فيها.
مازن: شادها من اكتافها باش توقف...
ع فوتت معز كملت الحفلة...
مهاب: دجى تقدري توقفي شن صاير معاك.
مازن: تسندي عليا انا نروح بيك خليكم انتم توا نجيكم.
دجى: بدون قصدك سندت راسها ع كتفه ...
الثلاثة واقفين يتفرجو عليهم معز ومهاب ووائل.
روح معز لاخته حور ...كان شفتي للي انا شفته اليوم.
حور: وشن شفت انت اليوم قول.
معز: شفتلك دجى ساندة راسها ع كتف خطيبك وهو خايف عليها شفت اللهفة في عيونه لما هيا تبكي ومنهارة .
حور: اصبر شوية ويخش لجهنم من اوسع ابوابها.
أمل: كنت نسمع وخايفة طلع مش هو بس مريض حتى اخته زيه قداش كنت غبية وظالمة اختي قمر لما تتكلم....
" في لحظات من الإدراك ترجع بنا الذاكرة لبعض اللأحداث المركونة في زاويا الذكريات ننفض الغبار عليها فتصبح الصورة واضحة ولكن ....بعد فوات الآوان...."
قمر: شن صاير في حوش عمتي سعيدة ...
مازن: دجى اليوم انهارات لما تفكرت بوها وامها اصلا عندها حق نتهار مش منها للي فات عليها لو فات ع جبل راهو انهار.
قمر: مسكينة ربي يعينها ع ايامها الجاية....
مازن: لكن دجى في لحظة انهيارها قالت شئ ماقدرتش نفهمه قالت امك امك السبب.
قمر: تغيرت ملامح وجهها....
مازن: انت تعرفي حاجة ولكن داستها عليا تكلمي شن تقصد دجى بالكلام هذا انا نعرفها كويس مستحيل تقول كلام هكي وخلاص....
قمر: مانعرف شئ انا خليني في حالي....
مازن: تكلمي نوعدك مش رح نحكي قدام حد نهائي ...
قمر: في يوم انتم كنتم طالعين......وبديت نسردله في للي صار من وقت سمعت امي تتكلم مع خالد لعند شهادة الزور للي امي جبرتني نشهدها ...
مازن: من الصدمة معاش عرف يتكلم شن بيقول وهو مازال مش قادر يستوعب توا فهمت علاش دجى قالت هكي وناض.
قمر: بالله عليك تشوف في حال بوك سلم خوي مش ناقصين مشاكل احنا....
مازن: ايصير خير ...بننزل نشوف بوي .
قمر: انت وعدتني ووعد الحر دين .
نزل مازن لبوه للي كان في حجرة بروحه بعد فقدت عقله طلعاته سعاد من غرفته بحجة باش لو حد يبي يشوفه يقدر ايجيه في أي وقت بدون إحراج...
في حوش سعيدة بعد وائل احكى لأمه كل شئ.
سعيدة: كلامك وغيرتك ع دجى دل ع شئ واحد بس .
وائل: انا نخاف عليها زي مانخاف ع سارة .
سعيدة: كذاب ياولد بطني انت تحبها تكذب ع امك صح عجوز لكن نفهم من نبرة الصوت.
تحشم وائل وناض من جنبها ...
يقولو السكوت علامة الرضى...
سارة: خيره وائل مش ع بعضه...
سعيدة: خوك يحب دجى وغار عليها اليوم لما جابها مازن..
سارة: وربي كنت شاكة في الموضوع بعدين قلت لالا انا اكيد نتوهم.
حسين: لما شاف مازن حسن حسن انت حالك باهي.
مازن: حالي مش باهي يابوي .
حسين: بملامح طفل يبكي نبي ماما نبي ماما.
مازن: امك قتلتها ظلم بسبب كذب امي ربي يصبرك ع مصيبتك.
سكت شوية وكأنه يستوعب في الكلام للي سمعه...وبعدها رد...
حسين: نبي نلعب نبي درجيحة حسن ارفعني.
سعاد: وين بيرفعك تحشمه.
مازن: هيا تعالى اطلع معاي نغيرو جونا شوية.
سعاد: استغربت تجاهل مازن ليها ماكنتش تعرف انه عرف كل شئ...
عند أمل طلع لحوش أمه نزلت سكرت الباب ونبهت ع الشغالات مايفتوحش لأي حد..
وتسللت بعد وزعت عليهم المهام لضمان انهم يكونو مشغولات خشت للمكتب كان غريب أرضية سوداء زواق أسود حاجة تغم القلب طاقة سلبية رهيبة فيه ....قربت لقيت صورة بنت جميلة ملامح اشبه بملاك قلبت الصورة لقيت مكتوب تاريخ 2\4\2009 بعد سفر معز لدراسة بسنتين ...
" كنت أجمل أحلامي لم أحب ولن أحب غيرك كنت في قمة السعادة معك وبجوراك إلى أن تحطمت سعادتي أمام صخرة خيانتك"
أمل هنايا تغيرت الكلمات لفيلم رعب بالنسبة ليا كلمت القرايا.
" أجل قتلتك ولو عاد الزمن كنت سأقتلك ألف مرة ورغم خيانتك لم أستطع دفن رفاثك بعيدًا عني لدى قررتك دفنك تحت أرضية مكتبي محبك الدائم"
أمل حسيت الدم جمد في عروقي لحظة إدراك اني متزوجة قاتل قلبي بيوقف حسيت الزمن وقف لين رجعت لعقلي لما سمعت صوت الجرس يرن طلعت نجري لداري وسكرتها ...
معقولة خالتي هكي ترضى ديرلي مش يقولو للي يقول ياخالتي قال ياأمي ولا الدنيا نقلبت ..
حور طلعت مريضة واكتشفت انهم عائلة عندهم هوس وحب امتلاك الشخص...
سكرت الدار وخليت المفتاح في الباب في حال هو حاول يفتح بالمفتاح للي عنده..
ولعت التلفزيون وقويت في الصوت ....قررت نتصل بي خوي مازن ونحدره من المختلة حور.
مازن : الو .
أمل : بنقولك راهو المريضة حور عرفت بللي صار اليوم من خوها ومن بكري تتوعد انها رح تنتقم.
مازن: شن هاذي مريضة رسمي وراجلك هذا مايشدش في فمه كلمة ...
امل: مش وقت كلام المهم اهو عندك علم توا سلام وراك تغلط وتتصل بيهم سكرت منه ورقدت من الخوف طبعا هلبا بتقولو علاش ماقلتيش لخوك ع حقيقته ،بكل بساطة لانه متأكدة يقتلهم بكل دم بارد...
في الليل مكسدين مازن ووائل ومهاب يهدرزو قدام السوق فاتت قدامهم سيارة مظلمة رمت السلاح لكن فوق ...
مهاب: شن قصتهم .
وائل: مليشيات عادي تعود ع الوضع اسمعو عندي ليكم خبر .
مازن: هات شن عندك.
وائل: نبي نخطب دجى.
مهاب: مبارك مبارك وانت تكلمت تكلمت انا نبي نخطب سارة وهكي يولي زيتنا في دقيقنا.
مازن: كان يشرب شرق بالميه....ناض بعيد عليهم شوية شاف خيال بعيد رجع يحساب واحد من العمال للي في السوق....
من الخيال وشن بيصير في أمل