رواية جمان
الفصل الثامن8بقلم رويدا راشد
أنا تغيّرت ...
أنا فعلا تغيرت كثيرا ، تغيّرت الكثير من الأمور في حياتي كبرت وأدركتُ أنّ كل شيء له أجل وينتهي، فلم أعد أتعلّق كثيرا ولا أرفع سقف توقعاتي في أي شيء... عرفتُ أنّ القلب الطيب يُجرح في آخر المطاف، وأن الحياة ليست عادلة بما يكفي لتقف في صفّي ... عرفت أن الأصدقاء قد يرحلون وأنّ كلّ من نحبهم قابلون للتلاشي في أي لحظة من حياتنا ... لم أعد تلك التي تثق كثيرا ولا تلك التي تندفع بكل مشاعرها وراء أي شيء ترغب فيه، صرتُ أتصرف باعتدال في كل شيء، في علاقتي مع نفسي ومع الناس في رغباتي وأحلامي ... لكثرة ما عشت خيبات أكبر من عمري صرت متأكدة أن هذا العالم يحتاج أحيانا لأن تكون قاسيا حتى لا يتم القضاء عليك...
أنا تغيرت فعلا، صرتُ أركز فقط على نفسي، لم أعد كثيرة الشكوى، لم أعد بحاجة لإهتمام أي شخص لأشعر بقيمتي ، هذا التغيير لم يأت من فراغ، بل هو نتيجة تراكمات امتلأ بها قلبي.....
قبل اربعة ايام من الحادثة...
علي: عصام تعالي هاتفك يرن.
عصام: من المتصل وكله امل انه الاتصال يكون من جمان.
علي: رقم غريب.
عصام: بسرعة امسحه من دماغك جيت نجري رديت الو.
الطرف الثاني: الو كيف الحال.
عصام: من معاي.
الطرف الثاني: وحدة تبي مصلحتك وتشوف في المية تجري من تحت رجليك.
عصام: سكرت الخط ثواني وصلتني رسالة "نصيحة رد الموضوع يخص جمان" طول عاودت الاتصال بالرقم خيرها جمان.
الطرف الثاني: اسمعني بعقلك مش بقلبك وبعدها ليك حرية التصرف .
عصام: تكلمي.
الطرف الثاني: بعد ثلاثة ايام جمان بتمشي لحوش عمها وبتتسبل انها بنت عمها حور عازمتهم.
عصام: باهي شن المشكلة في الموضوع.
الطرف الثاني: وحدة من البنات الموجودة معاهم مسرة اخت نضال .
عصام: اه تمام فيلم جديد من نضال.
الطرف الثاني: قتلك اسمع للأخير.
عصام: سكتت استكملت هيا الكلام.
الطرف الثاني: بيجيب اخته وبيتلاقى مع جمان اعتبرني كذابة وانت ماخاسر شى كل التفاصيل رح توصلك في رسائل تعالى شوف بعيونك لو انا كذابة اهو تتأكد انه الانسانة للي غيرت حياتك ع خاطرها تستاهل طلع كلامي حق اهو فتحت عيونك ع الحق.
عصام: سكرت الخط وقررت نتصرف بحكمة المرة هاذي.
"لسنا مجبرين على تبرير المواقف لمن يسئ الظن بنا من يعرفنا جيدا يفهمنا جيدا
فالعين تكذب نفسها إن احبت والاذن تصدق الغير إن كرهت"
علي: من اتصل بيك فيك حاجة.
عصام: انت بتمشي في مكاني المرة هاذي وانا
بنقعد في المعرض لكن بدون مايعرف محمد وهيثم.
علي: شن صاير.
عصام: برا وتعالى توا تفهم خليني نتصرف بعقلي الفترة هاذي.
علي: ع راحتك.
وجدان: جمان نبي نحكي معاك.
جمان: تفضلي خشي نسمع فيك.
وجدان: اسمعي مدايرين سهرية في حوش عمي انا وحور وانت وسهى ومسرة ومافيش اعذار بتمشي معانا.
جمان: حوش عمي متأكدة علاش مش في حوشنا وخصوصا انت عارفة الوضع.
وجدان: حور تبي تفتح صفحة جديدة معانا واحنا قداش بنت عم عندنا خلي نصفوا القلوب
جمان: يلا عندك وجهة نظر في الموضوع خلي نبعث لعصام رسالة .
وجدان: ايه لازم تعطيه علم.
جمان: شديت الهاتف وبعثله رسالة بعد غدوا نبي حوش عمي.
عصام: مجرد مافتحت الرسالة حسيت قلبي بيطلع من بين ضلوعي معقولة يكون الكلام حق للي قالته البنت .
بديت نعد ونحسب في الوقت بالثانية نستنى في اليوم الموعود.
نضال: نصف المبلغ تلقيه مع مسرة .
..../ اصبر بس توا تشوف شن ايصير.
نضال: معقولة يخليها .
..../ اكيد.
وجاء اليوم وتلاقو البنات في حوش نجية وهيا طالعة عند اختها .
حور: مسرة شوية وتوصل .
سهى: قولها اتصلي توا نوض نفتحلها.
وجدان: لا يافالحة بتخشي معاي نطيبوا البيتزا بتهربي عاد .
سهى: من عيوني نطيب معاك.
ومقيولة الخانب يغلب العساس الوقت هذا كانت التفاصيل توصل ع السريع لعصام وهو كان مقعمز في سيارته يراقب بعيون مليانة رجاء انه للي سمعه غلط ....
شوية ورن هاتف حور جمان حبي خلي نكمل للي في ايديا عادي تفتحي الباب لمسرة.
جمان: عادي طلعت فتحت الباب وانصدمت انه للي واقف نضال ومسرة راجعة لسيارة.
نضال: كيف الحال اختي جمان .
جمان: تشحمت نتجاهل سؤاله الحمدلله بخير هيا مسرة .
نضال: شن وضع يدك توا.
جمان: لالا مشت امورها.
وماهي الا لحظات وشفت سيارة عصام واقفة قدام حوش عمي .
عصام: نزلت نسفق حلو حلو خطيبتي للي محافظ عليها واقفة ع حبيبها الاول وانا للي غيرتي حياتي وقلبتها لانه واخدة انسانة نظيفة طلعت مغفل.
نضال: شن تقول انت اعرف شن اطلع من فمك.
عصام: قربت وخنقته احمد ربي انك جيت في وقت للي نظفت فيه كان هذا ندفنك مكانك...
شكرا ياجمان يانظيفة ياعفيفة انا تضحكي عليا شن درت باش تكافيني هكي.
جمان: والله مافي حاجة انت انت فاهم غلط وغلبوني دموعي.
عصام: شفت بعيوني ياسرك منه جو الضحية كش ملك ...طلعت وخليتها نسوق ومش عارف وين بنمشي نار والعة في قلبي ...نحس في حاجة سخونة نزلت من عيني شن هذا دموع
انا انا عصام نبكي ع خاطر مرأة ..
اصعب شعور الخدلان لما يغدر بيك من تحديت نفسك ع حبه ونظافته معقولة كانت تتفادى في الكلام معاي باش تقدر تكلمه هوا ...
وجدان: شن الدوشة اهيا طلعت لقيت جمان منهارة وتبكي .
مسرة: شافها عصام تكلم في نضال يحسابها تخون فيه.
وجدان: امسحي دموعك هذا مايستاهلش وحدة زيك مريض شكاك ...