رواية دجي القلوب الفصل الثامن8
بقلم رويدا راشد
دجى: رغم انه وائل مش الشخص للي نبيه وخاطري نرتبط بيه لكن ماحبيتش نكسر خاطرهم وهما للي جبروني وقت للي كسرتني اقرب الناس ليا...
سارة فرحانة تجهز لخطوبتها مع مهاب قداش فرحتلها
والناس الاوله قالو:
للي مايسمع كلام كبيرة
لاخير فيه ولافي تدبيره
سعيدة: فرحتي انك من نصيب وائل اكثر من فرحتي بخطوبة سارة.
دجى: والله ماتهون عليا نقولها مانبيش ونكسر خاطرها...
مهاب: امي نبيك تمشي تخطبيلي...
سعاد: هاذي الساعة المباركة .
مهاب: لكن مانعرفش لو عرفتيها تقعدي ع نفس الرأي ولا تتغيري.
سعاد: تغيرت ملامح وجهها من هيا.
مهاب: سارة بنت عمتي سعيدة.
سعاد: شن شن عمتي قال عمية تعمي عيونها هذا مانقص انا ناخذ لولدي بنت سعيدة انسى الموضوع....
مهاب: انا مانشاورش فيك بتمشي باهي مش ماشية ع راحتك...
سعاد: مش راضية عليك لو تفكر تاخدها وتكسر كلمتي ولا ماتعرفش الجنة تحت أقدام الامهات.
مازن: توكل ياخوي حديث الجنة تحت أقدام الأمهات ضعيف كما قال الألباني،لكن معناخ الصحيح والثابت في حديث آخر وهو قوله صلى الله عليه وسلم للذي جاءه يستأذنه في الغزو معه وله أم :الزمها ،فإن الجنة عند رجلها.
الرسول صلى الله عليه وسلم قال: ".....فاظفر بذات الدين...." وانت للي بتعيش معاها أما أمي للي تأمر وتنهي فينا وجت توا تحجج بالدين امتا قتلي تعالو صلوا امتا اعطيتينا نصائح ياأمي انا مش متفكر حتى انت شفتك تصلي.
سعاد: لالا كبررت كبرت يامازن وبديت تفتي في الدين.
قمر : نسمع في كلامهم وساكتة اصلا هذا الكلام للي كان مفروض تسمعه امي من زمااان مش توا نزلت بنمشي لبوي ...
سعاد: وانت يانذير الشؤم ةين ماشية بسلامتك.
قمر: بنمشي لبوي نطمن عليه ولا ممنوع لين ناخد الموافقة.
حسين: امي امي امي ...
قمر : خشيت وانا نتبسم لانه بوي يضبح عليا امي مع انه لما يشوف في امي يضايق وتتغير ملامح وكأنه ذاكرته محتفظة بشئ من للي صار..
أمل: كنت بعيدة ع ربي بديت نقلب ع قنوات التوحيد ونتعلم شوي شوي ع الدين كنت نحس اني مطرودة وربي غاضب عليا من قلة صلاتي....
اغتسلت وجددت اسلامي وقررت نتجه إلى الله عز وجل أصلا ماليش غير الله تعالى...انا كنت تائهة وضايعة نهتم بي أمور للأسف كلها طلعت أوهام زائلة لكن هذا وين تحولت الغشاوة من ع عيوني ...
كنت مقعمزة بنصلي قيام الليل نسمع فيه يتكلم بصوت عالي
معز: غبية وتقعدي طول عمرك غبية قتلك معاك قناص محترف بدل ريحتي روحك منه خليتيه
ينفد بجلده....
حور: نحبه مع انه مايستاهلش ...الحب لكن الله غالب ..لو زاد غلط مش رح نفوتها.
معز: ضعيفة متخلفة مستواك تعيشي دليلة زي امك نسيتي نسيتي شن الهدف الاساسي...
فاطمة: نست اصلا انه امي زمان بعد موت بوي خلتني لخوالي ونساوينهم للي يضربو فيا ويعذبو فيا مازال اثر الضرب في جسمي..نسيتي ياحور نسيتي يابنتي سعاد سعاد سعاد سلبت مني طفولتي وجاية توا بتسلب مني صغاري...
معز: انا معاك ياأمي رح ندمرهم عائلة تامة صبرك بس تعرفي ولدك يحب يتمتع بالضحايا متعه...
حور: حتى انا مش ناسية انك عشتي وحيدة
ع خاطر امك فضلت عليك سعاد وبوها.
فاطمة: ولذلك سلم بنتي تعاملي مع مازن ع اساس انه لعبة لعبة وبس .
معز: كان تشوفو اللعبة للي فوق شن مقررلها ..
أمل: تصدقوا لو نقولكم نحس بأحشائي ترعش من داخل طلعت عائلة سفاحة كلها الولد قتال قتلة....والبنت وحدة مريضة والأم منتقمة لانها عايشة عقدة في صغرها شن ذنبنا انا وخوتي في حرب ماليناش بيها علاقة...
بديت نحس فيه مجهزلي مكان جنب حبيته للي قتلها...
في حوش سعيدة....
سارة: خيرك يادجى نحس فيك مش فرحانة .
دجى: لالا عادي غير تفكرت امي وتمنيت انها كانت عايشة وحضرت هذا كله.
سعيدة: انا امك يابنتي نعرف انه وائل مش من عمرك والفرق بينكم فوق 12 سنة لكن نضمنلك انه وائل يحبك ورح يحترمك ويعيشك مرتاحة.
دجى: في خاطرى والقلب شن اندير فيه ...للي بين ضلوعي اسكتت وابتسمتلها..
سعيدة: ربي يعطيني طولت العمر ونشوف صغاركم .
سارة: ان شاء الله..
في الليل جاء مهاب ومعاه بوه ومازن ...وقمر.
وائل: اهلا عمي حسين شرفتنا.
حسين: ساكت .
مازن: هاك الضيافة وجو طالبين بنتكم باش اديره حتى انت 🤣🤣تفلح.
وائل: درته انت يافالح.
مازن: منا للعقرب للي زبكوني فيها .
خشوا الكل وقمر خشت للبنات الداخل .
قمر: عمتي سعيدة كيف حالك .
سعيدة: الحمدلله وين امك مانشوفش فيها ولا ماتفهمش في الاصول.
قمر: الله غالب.
وائل: شن يامهاب بتخش في الموضوع ولابدير جو الرسميات .
مهاب: ضبح ع امك ياوائل باش تسمع الكلام من توا.
وائل: حاضر.
خش وائل وعرف انه الجو متوتر امي تعالي شوية للمربوعة.
سعيدة: هيا ولدي هي...
مهاب: كيف حالك ياعمتي سعيدة ان شاء الله بخير..
سعيدة: الحمدلله ...كيف حالك ياحسين.
حسين: امي امي...
سعيدة: الله يرحمها ويسامحك ياولدي.
مهاب: ياعمتي سعيدة كان بنتك راضية تعطيها لراجل انا راجل وبإذن الله قول مش فعل وكان بتعطيها لمرأة راهو عمره امي مارح اتجئ معاي لو نموت قدامها حقك عليا بوي جبته وخوي وأختي ...هدوما عائلتي.
سعيدة: انا قبل كنت نحسابك زي أمك لكن بعد شفت عشرتكم مع ولدي عرفت انكم رجال وميزانكم ذهب وانا قبلت نعطيك بنتي لانه مش رح تلقى احسن منك وامك اخر همي انا شارية راجل .
مهاب: بارك الله فيك وان شاء الله عمري مانخونها الثقة هاذي.
سعيدة: مبارك عليكم ياولدي ربي يتمملكم ع خير وانتم جيتو جيتوا وهيا الاصول تقول نمشولكم في الحوش ومعانا الخير كله لكن ظروف انتم تعرفوها انا مهاب طالبة منكم دجى لي ولدي وائل بحكم الوصاية لبوكم لكن الله غالب ربي يلطف بيه.
مهاب: واحنا مش رح نلقوا خير من وائل ويكفي وقفتكم معاها...
وفاتت الليلة ع خير وبعدها بيومين الفضانيات والتلبيسة ....
امل: مبارك عليك ياسارة ومبارك عليك يادجى.
دحى: بارك فيك غريبة التعالي والتكبر كله تبخر في خاطري جاية في عباية ومعاها حماتها العقرب حور.
حور: مبارك عليك يادجى اصلا ديما نقول وائل متفصل تفصيل لدجى.
دجى: من وين تعرفيه انت وائل باش تقرري انه مفصل عليا لكن انا نعرف انه مازن مايشبهلكش بكل كيف خطبك مش عارفة مسكين ولد عمي.
تغير لون حور بعد الكلام للي قالته دجى امل قررت تخش في الحديث ...
أمل: لا يادجى خيرها حور ماشاء الله عليها.
دجى: مانحبهاش .
قمر: وهيا من يحبها غير الغبية أمل.
حور: أمل هيا بنروحوا.
قمر: وجهك وسكري الباب وراك.
روحت حور وهيا مش ناوية ع خير وهيا مروحة شافت مازن.
حور: باهي للي شفتك تعرف الحقيرة بنت عمك لما تندم ماخلت ماقالت.
مازن: قصدك دجى انت هبلتي ولا بلا عقل كيف تقارني روحك بيها هيا وين وانت وين تعرفي تفكري تغلطي فيها نمسحك مسح .
أمل: نغمزله نبيه يفهم وهو شئ ولا فهمني...
روحت وكنت نعرف انها مش ناوية ع خير الطريق كلها وانا نرطب في الجو لين وصلت للحوش.
حور: انزلي ادعي لخوك ربك يتبثه عند السؤال.
أمل: قلبي وقف لما قالت هكي فهمت قصدها
خشيت الحوش وناوية نتصل بيه .
حور: هاتي هاتفك ياأمل نبيه شوية.
أمل: اه خيره هاتفك.
معز: مش خاطرها تتصل منه هاتي الهاتف خير مانكسره ع رأسك .
أمل : مديته وعرفت انها النهاية استودعت خوي لله وفتت الوقت وانا ندعي نسمع فيه يقول .
"نفد"
.......بعض النهايات تكون واضحة من بدايتها لولا طمعنا في السراب.....