رواية جمان الفصل التاسع9بقلم رويدا راشد
عصام: شعور صعب لما تشوف للي راهنت عليه يخون فيك رجعت للمعرض بكيت وبكيت بحسرة بعدها غسلت وجهي هذا اختبار من الله ليا حتى لو سيبتها مستحيل نرجع لطريق الغلط .
جمان: كنت مصدومة من للي صار ولكن كان دعائي الوحيد....
وأخرجني منها بالستر ، وحُسن الذكر ، وأنت راضٍ عنّي يا الله 🤲🏻
وجدان: خلاص انت مظلومة وصدق انك خاينة فوتيه ياجمان مش من ثوبك.
جمان: ومن من ثوبي نضال متع المشاكل انا مش في وضع يسمح اني نفكر همي كله انه مايشوهش سمعتي ...
حور: نوضي كولي وسعي بالك كله ينحل راهو.
جمان: شفتلهم بقرف وهما ولا ع بالهم وكأنه للي صار شئ كان يستنو فيه وقفت وكانت معاي سهى بس وطلعت.
سهى:وربي في حاجة غلط انا متأكدة ...في شئ.
جمان: وقتها كنت مشغولة في مشكلتي مافكرتش بكل.
علي: كنت في طريق تفكرت انه نسيت الرخصة قدر الله وماشاء فعل نرجع ناخدها خير مايتعبوني في البوابات .
وانا راجع تفكرت اني خليتها في المعرض رجعت لقيت عصام .
عصام: شن رجعك مفروض توا انت في الطريق.
علي: نسيت الرخصة ورجعت.
عصام: تمام تعالى شوفها وين.
علي : شن صاير معاك وجهك مقلوب فيه حاجة.
عصام: قصة طويلة برا توكل ع الله توا ولما تروح نفهمك وراك طريق.
علي: لا مش طالع لين نفهم شن صاير معاك.
عصام: اليوم شفت جمان فتحت الباب لنضال وتعاركت معاها.
علي: شن قصدك .
عصام: المدة للي فاتت رن عليا رقم مانعرفاش قالي راهو الميه تجري من تحت رجليك المهم لصقت كلامه ع الحيط وقلت كذب بعدها رن عليا قالي راهو هيا اليوم كذا بتقولك عندي لمة عندي عمي وبتشوف نضال غادي.
علي: فخ ياغبي .
عصام: حتى انا هكي قلت في البداية لكن بعدين تأكدت لما مشيت وشفتها واقفة عليه وتتكلم معاه.
علي: مش سبب يخليك تخونها ياعصام.
عصام: لالا، انا فهمتها انه ممنوع تكلم ولاتشوف حد مات الكلام اليوم وراه غدوا راهو يقعد واحد زي نضال يفكر فيا انه كلم مرتي لا.
علي: باهي ومحمد شن بدير معاه.
عصام: صحبتي مع محمد مستحيل ننهيها ع خاطر اخته رح نمشيلها ونتفاهم معاها ونقولها ترفض وتحجج بأي شئ وتمت .
علي: ربي يكملك بعقلك هكي الصح وقربت حطيت يدي ع كتفه ربي يعوظك بالأحسن منها ولو الخيره فيها صدقني رح ترجع وتقسملك لو بعد سنين.
عصام: طريق السلامة ياصاحبي وراك تنسى صلاتك .
علي: مش محتاج توصي عليها.
..../ اهو طلع من المعرض توا.
...../ تعبنا معاه هو ماشي جاي .
...../ اقعدوا وراه لين يوصل الطريق الصحاراوي .
" للي يدورك يلقاك"
علي : شديت الطريق وتوكلت ع الله وصلت طريق الصحاروي كان الوقت مغرب وانا متوضئ نزلت نصلي .....وماكنتش نعرف انه النزلة هاذي بتكون اخر صلاة ليا انا مش نادم ونحمد ربي ع حسن الخاتمة مش الناس كلها
تموت وهيا تصلي ....
وهو يصلي فاتت سيارة وفجأة صارت الرماية
مات علي السند لعصام بعد الله عز وجل مات للي ماسيبش صاحبه للي قاله انا معاك وين ماتمشي ...
محمد: علي طول ياراجل قال توا نطمنكم وفاتنا.
هيثم: توا منسجم في الطريق اهو توا نتصل بيه.
بدا الهاتف يضبح قبل مايفصل جاني الرد من الطرف الثاني ....
الو ....الو
هيثم: غريبة مش صوت علي هذا من معاي.
..../ والله انا فايت لقيت السيارة واقفة ع جنب الطريق والسواق متعها غارق في دمه ميت .
هيثم: لا إله الا الله .
محمد: وقفت ع جنب شن فيه تكلم .
هيثم: علي توفى.
محمد: كيف صار ياراجل ....قتلوه عرفت توبة عصام مش رح تفوت ع خير.
هيثم: عرفت المكان ....وع طول كلمت نضال لانه صعب نكلم عصام ...
من قتل علي وشن الغاية من وراء قتله