رواية الكاهن وراس الغول
الفصل الثاني عشر 12
بقلم محمد منصور
من قرية الغابة اللي عايش فيها حورس يقف حورس قدام قصر تيتوس وجنب منه اولجا البنت اللي اتعرف عليها في القرية وقدام منهم في بالكونة القصر يقف تيتوس وكان بيقول بشر
حاسس ان في ناس كتير بدات تتعب وما حدش بقي قادر يستحمل الجوع لدرجة ان الدكاكين بتاعتي اتسرقت في اخر يومين. تلت مرات. ودة يدل علي ان سكان قرية الغابة بداو يتحولو الي مجرمين. مجرمين بيهددوا امن وسلامه عيلتي عيلة تيتوس. سيد البلد ودة مخليني افكر كتير ازاي اخلص من اي فقير في القرية يسبب ليا كل المشاكل دي. عارف. ان في منكم هيقول. سيبنا نخرج من القرية ندور علي اكل وشرب برة بعيد عنك. هنا لازم ارد واقول وازاي احس ان سيد. من غير عبيد. ووقت لما يموتو اللي في خدمي اجيب منين اللي يخدمني. اوعي تفتكروا اني انا عايش في القصر باكل وبشرب اكتر منكم. لا. والالهة تشهد علي كلامي انا زي زيكم اللي بتاكله منه انا باكل منه. وعيلتي كمان تشهد علي كلامي. لكن الموجود في قريتنا من خير قليل اوي علي كمية البشر الموجودة في القرية علشان كدة لازم اعدادنا تقل علشان نقدر نعيش كلنا والاكل اللي موجود في قريتنا يقضينا. لسنين وسنين وانا اتفقت مع عيلتي علي اننا نزود لكم نسبتكم من الاكل والشرب. بس اللي هياكل ويشرب هما اللي يقدروا في يوم يخدموني انا وعيلتي واللي مايقدرش يعمل كدة. الموت اختاره وانا اخترت نهايته
وهنا حراس كتير من حراس تيتوس. وبداو يسحبوا اي عجوز في القرية او مريض اتعصب حورس ولسة هيتحرك مسكته اولجا وقالت بصوت واطي
هتعمل اية لوحدك ضد الحرس دة كله
حورس وهو بيبص علي العواجيز اللي بتتسحب بالعافية قدام اهاليها وقال
الناس دي بيتعمل كدة فيهم بسببي انا اللي كنت بسرق
اولجا
انت كنت بتسرق علشان تاكلهم.
حورس
واهم هيموتو وانا السبب. انا السبب
وحاول حورس انه يتحرك تاني لكن اولجا منعته. والحراس بداو يرمو العواجيز والمرضي برة سور القرية علشان يتحولو لحجارة. شاف حورس المنظر زية زي باقي اهل القرية لكنهم رجعوا بصوا تاني لتيتوس اللي كان بيقول
كنت ممكن اخلي اي حد غيري يعمل اللي انا عملته دة لكن انا ما حبتش ان غيري يشيل مسئولية قرار خطير زي دة. انا عملت كدة علشان مصلحة القرية صدقوني
ودخل تيتوس قصرة وساب اهل القرية واقفين وكل من لي حبيب اتحول لصخر. عمال يبص له وبيصرخ. ورغم ان حورس ماكنش لي اي حد وسط الناس دي الا انه حس انهم كلهم اهله ووجعه ما كانش يقل عن وجع اي واحد منهم ومشي واولجا مشيت وراء منه وقالت
رايح فين
حورس
هدخل قصر تيتوس
اولجا
انت مجنون صح
حورس
مش مجنون. انا عاقل واعقل منكم كلكم. وتيتوس دة لازم يموت
اولجا وقفت قدام حورس ومنعته من انه يتقدم وقالت
اللي ماتو دلوقتي كانو هيموتو لو ماكنش النهاردة هيبقي بكرة. لازم تفكر صح وانا معاك في اي خطوة عايز تعملها علشان نكتب نهاية تيتوس. بس مش نهايتنا احنا. لانك باللي انت عايز تعلمه دة لو عديت اول حارس التاني هيكون قطع راسك
بدأ حورس يقتنع وبدأ يفكر بهدوء. وبص ل حراس القصر وقال
لو عايز ابقي حارس لقصر تيتوس اعمل اية
اولجا
حراس قصر تيتوس. مش من اهل القرية. علشان الرحمة ما تعرفش طريق لقلوبهم لو شافو حد من اهاليهم بيتعذب بسبب الجوع
حورس وهو بيفكر بمنتهي السرعه. وعقله لا يتوقف
يعني مش هقدر اكون من الحراس
اولجا
صعب
حورس
لكن اقدر اكون من الاكل اللي بيحضروا الحراس
اولجا باستغراب
تقصد اية
حورس
الحراس هما اللي بيصطادو وانا شوفتهم قبل كدة في رحلة لصيد الغزلان. في شمال القرية
اولجا
تيتوس بيحب لحم الغزلان وهما فعلا اللي بيصطادوا. بس احنا ممنوع علينا نروح ناحية شمال القرية
حورس
عارف. وعلشان كدة انا هستناهم لغاية ما يرجعوا بالغزلان
اولجا
وهتعمل اية لما يرجعوا بالغزلان
حورس
هكون واحد من الغزلان. وهدخل القصر.
بصت له اولجا باستغراب شديد، ،،،،،،،،،،،
ومن روما ووقت ما كانت صوفيا تمشي في احدي طرقات القصر تقف ايانا قدام منها فتقول لها صوفيا
جاية تقتليني زي ما ابنك قتل بولس
ايانا
انا جاية وطالبه مساعدتك
صوفيا
مساعدتي في اية
ايانا
في ازاي تبقي ملكة روما.
صوفيا بصت ل ايانا باستغراب شديد، ،،،،،،
ومن جوة الجناح الملكي ل صوفيا تقعد ايانا قدام صوفيا اللي كانت بتقول
انا مش قادرة اصدق انتي يا ايانا جاية بنفسك لغاية عندي علشان نغدر با بنك رع. ونشيلة من علي كرسي العرش. وانا اللي كنت فاكرة انك وصلتي للي بتحلمي بي وخططي له
ايانا
صوفيا انا حكيت ليكي قبل كدة حكاياتي واظن مش محتاجة اقولها تاني انا جيت ل روما هربانه بولادي الاثنين من بطش وظلم جسر اللي قتل ايريس وكان عايز يقتلنا. وصدقيني انا مش فرحانه بان ابني بقي امبراطور والدم ملطخ ايدة. دة طفل. بس مع الاسف اصبح طفل ملعون بيتحكم في الاموات.
صوفيا
واحنا نقدر نعمل اية
ايانا
نفكر سوي ونشوف لعنه اموات العبيد دي. اتغلب عليها ازاي. وازاي اقدر انقذ ابني من مصير اسود
صوفيا
الوحيد اللي كان يقدر يساعدنا الساحر بولس. ومات
ايانا
بولس اللي قال ان اللعنه تنتهي بموت افيتوس او رع. واهو افيتوس مات واللعنه مستمرة. لازم نعرف اساس لعنة اموات العبيد
صوفيا
ودة بس هنعرفها ازا،،،،،،،،،
وهنا يفتح باب الجناح الملكي. بتعبير ادق ينكسر ويدخل الملك الاسود غيبا ومعه جواري سود تتصدم ايانا وحال صوفيا ما كنش يختلف عنها ويروح غيبا ناحية ايانا ويبص لها ويقول
الاموات عائدون. احتفلي
وطلع خنجر ولسة هيغرزة في رقبتها. يخترق سهم دماغ غيبا من الخلف مع صوت حكا بيقول
اهربي يا مولاتي
يبص غيبا لحكا ويمسك السهم بايدة ويكسره بمنتهي السهوله وتخرج ايانا. وبعدها صوفيا من الجناح الملكي مع سؤال ايانا ل حكا
حكا هو اية اللي بيحصل
حكا وهو بيضرب كذا سهم وراء بعضه علي غيبا
نهرب من هنا دلوقتي وبعدين نتكلم يا مولاتي
ويجروا الثلاثة بمنتهي السرعه خارجين من القصر. ،،،،،،،،،
ومن الجنوب كان حور ماشي وراء زاهية وبيقول لها
واية الغريب في اني بحبك وعايز اتجوزك
زاهية وقفت وبصت له وقالت
انا ما عرفكش علشان احبك.
حور
بقالي فترة شغال عندكم ولسة ما تعرفنيش
زاهية
ايوة ما عرفكش انت واحد ظهرت فجاة زي ما ايريس ظهر فجاة. يبقي اعرفك ازاي ومنين
حور
طيب عايزا تعرفي عني اية علشان تحبيني
زاهية
حور. شوف شغلك احسن من الكلام دة
حور
انتي بتحبي حد غيري
زاهية
انا ما بحبش حد. ومش عايزا احب حد.
حور
لية
زاهية بعصبية
انا حرة.
وسابته ومشيت وسابت حور يبص لها وهو مستغرب معقوله يكون وحش اوي للدرجة دي. او هي تكون بتجب حد غيرة. طيب مين، ،،،،،،،،،،،،،،،
ومن جوة معبد الرهبان ووقت ما كان قاعد ايريس بيتفرج علي تدريبات الاطفال السبع تقعد جنب منه. زوجة احدي الكهنة واسمها. نفس. تو. وكانت بتبص له وتقول
الاطفال بيحبوك جدا. وبيزعلو لما بتسيبهم وتمشي
ايريس
وانا كمان بحبهم اوي ومش حابب اني اسيبهم وامشي بس اخاف حد يلاحظ غيابي وبعديها تحصل مشكلة احنا في غني عنها
نفس تو.
هو احنا ممكن نرجع كِمِيتأوكيمى. تاني
ايريس
ما عرفش.
نفس تو
خايف تقول لا. وتتحسب عليك ولا خايف تقول اة. ويبقي وعد انت مش قد تنفيذة
ايريس
الاثنين لاني ما عرفش بكرة في اية. بس خلينا نحلم ونسعي ل تحقيق حلمنا. يمكن الحلم يبقي حقيقية
نفس تو بصوت حزين
تعرف ان ولا طفل في دول يبقي ابني
ايريس باستغراب.
غريبة دة انتي اقرب واحدة ليهم كلهم
نفس تو
علشان ابني مات قدام عيني في هجوم جسر علينا وسيبته وهربت
وبدات تعيط نفس تو وهي بتكمل وتقول
هربت علشان خوفت اموت. سيبت ابني يموت قدام عيني وهربت. تفتكر لو رجعنا وروحت بيتي وطلبت منه يسامحني. هيسامحني
وبدات تعيط اوي وايريس بدأ يطبطب عليها وهي بتقول
عارفة انه مات غضبان. عليه. لكني جبانه وخوفت من الموت. علشان كدة. عايزا اقتل جسر ميت مرة علشان خلاني اشوف ابني بيموت قدام مني
ايريس
هيحصل. اوعدك انه هيحصل.
نفس تو. مسحت دموعها وقالت
وعدني. خليك قد الوعد دة. وانا لو هعيش. هعيش علشان الحلم دة. ولو مت. وانتم رجعته. ادفني جنب ابني. لو عرفت لي مكان دفن
وقامت نفس تو. من جنب ايريس وايريس فضل يبص عليها وهو حزين علي حالها، ،،،،،،،،،
ومن قرية الغابة وبالليل يرجع الحراس من رحلة الصيد وعلي كتفهم شبكة سوداء فيها خمس غزلان كبار وقبل ما يوصلو للقصر تظهر لهم اولجا وتبص لهم وتقول
جعانه
واحد من الحراس
انتي يا بنت القرية عايزا تاكلي من لحم الغزلان.
اولجا
كدة.
وبدات تمسك بحجارة صغيرة وتحدفها في وش الحراس اتوجعوا الحراس وبداو يهددوها بانها تبعد عنهم لكنها فضلت تحدفهم بالحجارة. نزلو الشبكة علي الارض وبداو يجروا ورها. هنا ظهر حورس وراح ناحية الشبكة بمنتهي السرعه مستغل انشغال الحراس بالجري وراء اولجا ونط وسط الغزلان وفضل يوسع لنفسه طريق لغاية ما بقي تحت الخمس غزلان وغرق وشة بدم الغزلان وهدومة كمان علشان يتوهه وسطيهم وبمجرد ما انتهي رجعوا الحراس وشالو الشبكة وما خدوش بالهم من حورس. واتحركوا ناحية القصر. واتفتحت بوابة القصر ودخلو بالشبكة واتقفل البوابة وراء منهم. وحورس اصبح جوة قصر تيتوس.