رواية الكاهن وراس الغول
الفصل الثالث عشر 13
بقلم محمد منصور
وبدات تمسك بحجارة صغيرة وتحدفها في وش الحراس اتوجعوا الحراس وبداو يهددوها بانها تبعد عنهم لكنها فضلت تحدفهم بالحجارة. نزلو الشبكة علي الارض وبداو يجروا ورها. هنا ظهر حورس وراح ناحية الشبكة بمنتهي السرعه مستغل انشغال الحراس بالجري وراء اولجا ونط وسط الغزلان وفضل يوسع لنفسه طريق لغاية ما بقي تحت الخمس غزلان وغرق وشة بدم الغزلان وهدومة كمان علشان يتوهه وسطيهم وبمجرد ما انتهي رجعوا الحراس وشالو الشبكة وما خدوش بالهم من حورس. واتحركوا ناحية القصر. واتفتحت بوابة القصر ودخلو بالشبكة واتقفل البوابة وراء منهم. وحورس اصبح جوة قصر تيتوس. ودخلو الحراس بشبكة الغزلان الي داخل المطبخ وحطوها قصاد رجل في الخمسينات وهو الطباخ روبرت. اللي بص لهم وقال
كام غزالة المرة دي
واحد من الحراس قال
خمسة
روبرت وهو بيفحص الغزلان قال
تمام.
وشاف روبرت شعر حورس فقال للحراس
طيب امشوا خلاص وسيبوني اقطع فيهم واجهزهم لعشاء سيدنا تيتوس
الحارس
طيب خلينا نساعدك زي كل مرة في اخراج الغزلان
روبرت
مش محتاج مساعدة المرة. دي. انا معايا مساعدين كتير
الحارس
زي ما تحب.
وخرجوا الحراس والطباخ روبرت لسة بيمد ايدة ناحية حورس خرج حورس بسرعه البرق من تحت الغزلان وفي ايدة خنجر وحط سن الخنجر علي رقبه روبرت وقال
اي كلمة منك وهخليك في خبر كان
روبرت وهو بيبص ل حورس بخوف
انا شوفت شعر راسك من تحت الغزلان يعني عارف انك موجود لو عايز اذيك ما كنتش امرت بخروج الحراس من المطبخ
حورس وهو بيبص ل روبرت بشك قال
وانت لية تعمل كدة
روبرت
علشان انا عارف انك جاي
حورس باستغراب
وانت تعرف منين
روبرت
كنت حاسس ان نهاية تيتوس قربت. واتمني انها تكون علي ايدك
وبص روبرت للخنجر
هنفضل نتكلم وانت مهدد حياتي ب الشكل دة
حورس
مش مطلوب مني اني اصدقك وأمن ليك. كفاية انك شغال مع الظالم تيتوس بتعمله اكل واهل قريتك بيموتو من الجوع
روبرت
انا مش من القرية انا من روما كنت سيد من اسياد روما. سمع تيتوس عن بنتي جواليا وجمالها اللي ماتخلقتش بي بنت زيها. جالي لغاية عندي وطلب ايد بنتي جوليا. رفض وطردة وكان ردة علي الاهانه دي انه خطفها وحرمني منها. جيت وراء منه لغاية هنا علشان ارجع بنتي رفض وعذبني وعرض عليه اما انه يخرجني من القرية حي. وانسي ان ليا بنت. او اعيش في قصرة مجرد طباخ والاكل اللي اعمله. بنتي هتاكل منه الاول علشان يطمئن انه مستحيل احط له سم في الاكل. رفض اسيب بنتي وبقيت مجرد طباخ في قصر تيتوس بس المهم اشوف بنتي جوليا
حورس
ولية ما حاولتش تاخد بنتك وتهرب من القصر
روبرت
حاولت لكن بنتي بمجرد ما بتخرج برة القصر بتتحول لست عجوزة في سكرات الموت
حورس
سحر اسود
روبرت
تيتوس يا ابني بيحكم القرية بالسحر الاسود. واكبر دليل علي كدة اللي يعدي برة السور غيرة هو وعيلته بيتحول لمجرد تمثال من حجارة. عايز اية دليل تاني اكتر من كدة
ورجع روبرت تاني يبص للخنجر. حس حورس ان الخنجر مابقاش لي لزمة ونزل الخنجر بعد ما حس بنبرة الصدق في صوت روبرت وقال روبرت.
انا مستعد اساعدك في اللي انت دخلت القصر علشانه. في مقابل خروجي انا وبنتي من هنا.
حورس
وانا محتاج لمساعدتك لانك اكيد تعرف الكتير عن مداخل ومخارج القصر
مد روبرت ايدة ل حورس وقال
يبقي عهد بيني وبينك. مافيهوش الخيانه
مد حورس ايدة وسلم علي روبرت وقال
عهد ما فيهوش خيانه، ،،،،،،،،
ومن روما تقعد ايانا ومعها حكا وصوفيا وراء اي جدران بيوت روما وشايفين اموات العبيد بينتشروا في روما زي النار. ودة خلي اهل روما الاصليين يستخبئون في بيوتهم خائفين من الموت. وقالت صوفيا
الوضع بقي سئ جدا.
حكا
ولسة هيبقي اسوء واسوء. اللي بيحصل دة لازم يكون لي نهاية والا روما كلها هتصبح عبارة عن اموات العبيد
ايانا بصوت حزين
لازم رع يموت
بصو لها الاثنين باستغراب شديد وقالت صوفيا
انتي اللي بتقولي كدة
ايانا
رع عبارة عن بوابة بيمر منها ارواح الاموات لعالمنا ولو مات هتنتهي اللعنة دي للنهاية
حكا
تقتلي ابنك يا مولاتي
ايانا بصوت بيصرخ صرخات الحزن والاسي
ما بقاش ابني. مابقاش ابني.
وبدات تعيط وهي بتقول
مش دة الطفل اللي كان في بطني. رع اتحول ل كائن خطر علي نفسه وعلي كل البشر. ولازم يموت
حكا
مولاتي اكيد ف،،،،،،،،
ايانا قطعته وهي بتقول
هيموت يا حكا. وزي ما كنت سبب للعنه دي هكون سبب لنهايتها
وبصت لهم هما الاثنين وقالت
وانتم هتساعدوني في كدة
صوفيا
ايانا. انتي محتاجة تفكري صح
ايانا وهي بتمسح دموعها اللي اختلطت بكحل عيونها
هنرجع القصر بالليل وانا بايدي هنهي كل دة.،،،،،،،،
ومن الجنوب ومن داخل معبد الرهبان تقف نفس تو مع احدي ابناء الكهنة وكانت بتقول له بعصبية
يعني اية مناع. خرج من المعبد احنا مش قولنا ما حدش يخرج من هنا مهما حصل
الطفل قال
هو قال انه رجع المخباة اللي كنا في علشان مش حابب المكان هنا
نفس تو
طيب خليك في المعبد وانا هروح اجيبة واجي بسرعه واوعي حد يحس. ولما يجي الكاهن ايريس عرفه انا فين. واوعي تعرف اي حد باللي حصل وخصوصا والده مناع
وخرجت نفس تو من المعبد بسرعه رهيبة قاصدة المخباة القديم، ،،،،،،،،،،
ومن جوة المخباة القديم يقعد هذا الطفل قدام الصخرة اللي كان بيحب يقعد قدام منها وهنا تقف نفس تو وراء منه وتقول له
مناع
بص لها مناع وقال
نفس تو. انتي جيتي ليه ورايا
نفس تو
علشان اخدك ونرجع تاني للمعبد.
مناع
انا ما بحبش المعبد ومش حابب الضرب بالسيف والمصارعه اللي بيعملهم لينا الكاهن ايريس. وعايز افضل هنا. هنا انا كنت بلعب وبس. ودة اللي انا عايزه.
نفس تو
العب هناك في المعبد وانا مش هخلي الكاهن ايريس يخليك تتمرن بالسيف والمصارعه. احنا ملناش الا بعض ولازم نكون مع بعض للاخر. ولا انت مش عايز تبقي معانا
مناع
لا. عايز افضل معاكم بس انا طفل. ومحتاج العب مش محارب
نفس تو
احنا كلنا في ظروف تخلي اي حد مننا لازم يبقي محارب. علشان القصاص من اللي قتل والدك ولا انت مش عايز القصاص
مناع
عايز
مدت نفس تو ايدها ل مناع. وقالت
يبقي يلا قوم معايا وخلينا نرجع المعبد
مسك مناع ايدها وقام معها ولسة هيخرجوا من المخباة ظهر منكاو وكان معه واحد تاني اتفزعت نفس تو. وضمت مناع لصدرها. ومنكاو ادي كيس في عملات من الذهب للرجل دة اللي فرح جدا وقال
شكرا سيدي منكاو. ولو عايزني اراقب اي مكان تاني انا تحت امرك
منكاو
دلوقتي لا. لكن ممكن بعدين. امشي انت
خرج الرجل من المخباة وساب منكاو بيبص ل نفس تو اللي كانت مرعوبه من بصاته ومنكاو قال
كنت حاسس ان حد منكم هيظهر تاني. وانا احساسي مستحيل يغدر بيا. يا ابناء الكهنة الشياطين
ومد ايدة مسك مناع من رقبته. صرخ الطفل وحاولت نفس تو انقاذ مناع لكن ضربه واحدة من منكاو كانت كفيلة انها توقعها علي الارض مغمي عليها، ،،،،،،،،،،،،
ومن روما و بالليل ومن جوة اوضة رع يفتح الباب علي رع وهو قاعد في نص الاوضة وبيمارس الطقوس الشيطانية دخل عليه حكا ومعه صوفيا وفي ايد حكا القوس والسهم. وصوفيا في ايدها السيف بص لهم رع وابتسم وقال
انتو جائيين تقتلوني مش كدة
صوفيا
اوقف اللي بيحصل في البلاد حالا. وامنع اموات العبيد من الوصول للي هما عايزينة عن طريقك
رع بصوت افيتوس
صوفيا. انا افيتوس حبيبك والعبيد ادوني فرصة تانية اعيش فيها معاكي ازاي ترفضي
بدات صوفيا تميل وقلبها يحن للي كان وكانت بتنزل السيف وهي بتقول
افيتوس حبيبي
حكا
افيتوس مات. لازم تعرفي ان اللي قدامك دة مجرد خدعه
رع بصوت افيتوس
صوفيا. سكتي العبد اللي جنب دة بضربه سيف منك. احنا ياما قتلنا عبيد مش مهم لواحد تاني مات. وتعالي اترمي في حضني
بصت صوفيا ل حكا وبدأ الضعف يبان عليها وحكا
قدر يخدعك اضربيني ب السيف لو تقدري
هنا ينكسر شباك الاوضة وتدخل منه ايانا وهي تقول
ما حدش النهاردة هيموت الا. الشيطان
بص لها رع مصدوم من هجومها لقي حنجر مسموم. بيتغرز في قلبه ودموع عيونها اختلطت بدمه وصوت ام مقهورة بتقتل ابنها بايدها بتقول
اة. يا رع. جنيت عليك ونهايتك كانت علي ايدي
وقع رع علي الارض وهو بيتوجع وفي عيونه مرسومة دموع امه وهو بيقول بصعوبه
انا كنت تعبان اوي يا امي. من الاموات اللي كنت ديما بشوفهم. كنت بخاف انام لا في احلامي يكونو قصاد مني.
كدة هعرف انام وانا مش خايف. مع انك وعديني انك تحميني. لكن خونتي وعدك ليا وبايدك قتلتيني
ايانا وهي بضمة ل حضنها صرخت وقالت
غصب عني. غصب عني. كنت لازم تموت علشان غيرك يعيش
ومات رع. وبدأ اموات العبيد في كل انحاء روما يرجعون الي المكان اللي ينتموا لي. كلهم يصرخون وهم الي تحت الارض عائدون. وتظل صرخات ايانا. اقوي من صرخات كل الاموات العائدون، ،،،،،،،
وفي نفس الوقت ومن جوة قبر العبيد كان رع الطفل قبل الخمس سنين ابن ايانا. متسلسل في سلاسل من حديد بدأت السلاسل تتفك واصبح رع حر. وراح ناحية باب قبر العبيد اللي كان مفتوح وخرج من القبر وبدأ يدور في مخباة العبيد اللي كان فاضي عن اي حد وهو يقول
أمي. ايانا. انتي فين. اخويا حورس. روحتو فين وسيبتوني
وخرج من المخباة للصحراء ومبقاش عارف يروح فين