رواية الكاهن وراس الغول
الفصل السادس 6
بقلم محمد منصور
ومن الجنوب ووقت ما كان ايريس يقف في الدكان يلاقي موكب كبير وحراس عقيدة راس الغول في كل مكان بالسوق وجسر. وسط منهم علي الحصان بتاعه وفي ايدة عصا الجن الاسود. اتصدم ايريس وخاف ل بعرف جسر بوجوده. وبدا عليه التوتر وهو بيبص علي جسر اللي بيتجول في السوق وفجاة يقف جسر قدام دكان ايريس وينزل من فوق حصانه ويبص ناحية ايريس. وايريس يحط ايدة علي خنجرة وجسر يبص له وفجاة قال ل حراسة.
هاتو
انطلقو الحراس ناحية صاحب الدكان اللي جنب ايريس وبداو يسحبو بمنتهي القوة. والراجل بيصرخ وبيقول
الحقوني.
لكنهم وبلا اي رجمة جروا علي الارض. وكان صعبان جدا علي ايريس اللي كان بيفكر يدخل ويلحقة من ايديهم واللي بيعملو في. لكنه توقف في اللحظة الاخيرة وفضل يبص ل جسر ورجالته وهما بيسحبو الراجل وفضل واقف محله وهنا ينضم لي حور ابن الكاهن اوسر كاف واللي قدر يهرب من مذبحة جسر للكهنة وعائلتهم. وبص حور للي بيعملو وقال
افتري جسر وحراسه.
ايريس
لازم يكون للظلم نهاية
حور
ومين يقدر علي جسر. بعد ما خلص علي كل الكهنة
ايريس
هيجي يوم ونقدر نخلص عليه وقريب اوي الناس هتعرفو علي حقيقتة. ،،،،،،،،
ونرجع ل روما والحرب بين الامبرطور افيتوس والعبيد بقيادة الملك الاسود غيبا. وكان في مقدمة العبيد ابن ايانا رع ويتشابك الجيشين وبين ضربات السيوف وتطاير الاعناق وجريان الدم علي رمل الصحراء زي الماء. يظهر افيتوس ويقف قدام منه رع ويقول بتحدي
انا جاي لك ومعايا قوة الاموات وبقوتهم هقدر عليك
ضحك افيتوس ورع بيهجم عليه وفجاة تظهر شبكة من خلف افيتوس عليها طلاسم سحرية تنهي اتصال رع بالاموات ويقول افيتوس للسحرة اللي في ايديهم الشبكة
خدوا بعيد عن الحرب. لازم يرجع للقصر الملكي وهو حي
صرخ غيبا وقال في جنودة
لازم نحرر. رع. دة دليل الاموات للخلاص من افيتوس
وبص غيبا ل افيتوس وقال بحدة
مش هخليك تحرمنا من الدليل
ومع تاني صرخة ل غيبا يخترق رمح صدرة ويتطاير الدم منه ويقع علي الارض جثة وهنا يبدأ العبيد في التراجع بسقوط الملك غيبا. وضياع الدليل. ،،،،،،،،،
ومن جوة مخباة العبيد تجري ايانا ومعها حكا والامبرطور افيتوس وكام جندي من جنوده. وكلهم متجهين ناحية مقيرة العبيد المكان اللي سابو في حورس وبالفعل وصلو للمقبرة وقدرت ايانا تفتحها علشان تلاقيها فاضية ما فيهاش حد اتصدمت وبدات تنادي باعلي صوتها
حورس. حورس. ابني
افيتوس
انتي متاكدة انه كان هنا
ايانا وهي بدور عليه زي المجنونه
متاكدة.
افيتوس
مش عايزك تقلقي بعد اللي عملتي علشاني اصبحتي في حمايتي واولادك كمان في حمايتي. وحورس هيرجع لك في اخر الدنيا
ايانا وهي بتعيط
لو كان لسة عايش.
افيتوس
اكيد عيش
ايانا
انت لية متاكد انه عايش. انا بقول لك سيبته لوحدة وسط الاموات
افيتوس
لو كان مات ايانا فين جثته واحنا قدام مننا المقبرة كلها فاضية
ايانا وهي عماله تبص حوالين منها
طيب لو هو عايش يكون راح فين،،،،،،،،،
ومن الصحراء كان حورس يمشي وعلي كتفة يقعد رجل عجوز اسود تخطي ال 200 من عمره وكان لافف رجله حوالين رقبه حورس وكانها طوق من حديد. وحورس كان باين عليه التعب الشديد وبيبص ل هذا العجوز وبيقول
انا تعبت. هفضل ماشي بيك كدة لغاية امتي
العجوز ويدعي شازيم. قال بشر
انا كان اتفاقي معاك واضح وصريح. انقذك من الاموات وانت تبقي ليا مجرد عبد. او بديل ل رجلي اللي ما قدرش ادوس عليها لكنها اقوي من الحديد. والسبب في كدة لعنه كاهن ابيض البشرة من اسياد كِمِيتأوكيمى الكاهن تونتيز الخبيث اللي انقدم مني علشان شوفته بيغتصب مراتي وحاولت ادافع عن شرفي واقتله كل اصحاب البشرة البيضاء. سواء كان من الكهنة او اسياد روما ملاعين. وانت بقيت عبد عندي. ولو رفض خدمتي هسلمك للاموات. يا ابن الكاهن ايريس
حورس
انا مانستش كل اللي انت عملته علشاني وانك قدرت تنقذني من مصيري. اللي كان هيبقي الموت. لكن انا بشر وتعبت من كتر المشي محتاج ارتاح شوية.
شازيم
نوصل لاقرب قرية. وهناك هسيبك ترتاح
حورس
طيب لفة رجليك حوالين رقبتي. قوية جدا. حاسس اني بتخنق وبتنفس بصعوبه
شازيم
عايزني مالفش رجلي حوالين رقبتك علشان تقدر تهرب مني
حورس
انا مش ههرب بس
هنا ظهر كرباج في ايد شازيم وضرب بي حورس علي ظهرة واتوجع حورس وقال شازيم
امشي وانت ساكت يا ابن الكاهن يا ملعون
مشئ حورس وهو مش قادر لكنه مشئ غصب عنه، ،،،،،،،،
ومن جوة قصر الامبرطور افيتوس يقف افيتوس في بالكونة القصر وفي ايدة راس الملك الاسود غيبا قائد ثورة العبيد وقدام القصر يقف عدد مهول من شعب روما والكل فرحان بنهاية الحرب بين افيتوس والعبيد. وانتصار ملكهم افيتوس اللي كانت جنب منه ايانا وهو بيقول باعلي صوت وسط هتافات الشعب باسمه
مش انا اللي استاهل التحية دي وبس. انا صحيح قدرت اخلصكم من غيبا وتمرد العبيد لكن صاحبة الفضل في الانجاز دة هي ايانا. سيدة من سيدات روما. بل هي الان السيدة الاولي في روما. اهتفوا كلكم باسم ايانا السيدة الاولي في روما
وبدأ الشعب يهتف باسم ايانا. اللي بصت ليهم وحيتهم ودخلت جوة القصر دخل ورها افيتوس وهو بيقول
دخلتي لية بسرعه كدة. والشعب بيحيكي
ايانا
افيتوس انا مش محتاجة اي القاب او تحية شعب روما ليا انا كل اللي عايزا. حورس ابني لو عايش يرجع تاني ل حضني. وانت وعدني بكدة. ومن ساعه ما جينا القصر واحنا في احتفالات.
افيتوس
ازاي ما احتفلش بعد نهاية غيبا. سنين كتير مات فيها الالاف من اسياد روما بسبب حربنا مع غيبا. وفي اليوم اللي قدرت اخلص روما من شرة. عايزاني اوقف الاحتفالات. انتي من اسياد روما ولازم تفرحي بالانتصار دة زي ما كلنا فرحنا
ايانا بعصبية
انا قبل ما اكون سيدة من اسياد روما انا كنت زوجة ل كاهن عظيم. مات بسبب غدر. جسر. صاحب عقيدة راس الغول. وبعدها بسنين ايانا الام تفقد ابنها الاكبر. حورس. وانت بتطلب مني اني افرح واحتفل معاكم. اي منطق دة. واي عقل يقبل اني احتفل وسط اشجار من الاحزان
وبدات تنهار ايانا من العياط افيتوس اتاثر وقال
ايانا. انا هاخرج بنفسي علي راسي كتيبة كاملة من افضل الجنود وهدور عليه في كل مكان.
وهنا يدخل عليهم حكا وهو بيجري وشكلة مرعوب وبيقول
مولاتي ايانا. الحقي رع
اتفزعت ايانا وقالت
ماله رع، ،،،،،،،،،،،،،،،
ومن جوة احدي اوض القصر كان رع بيصرخ بشدة وبيحاول يكسر اساور الحديد اللي حوالين ايدة واللي مربوط بيهم بامر من سحرة الملك افيتوس لحماية افيتوس من الاموات اللي جوة رع. واللي بيتحكموا في دخل الاوضة بسرعه ايانا ومن ورها افيتوس وحكا وبصت ايانا ل رع واتوجعت علي صرخاته اللي وراء بعضها وكلها تعبر عن الغضب وقال افيتوس ل حارس من حراسة
نادي علي الساحر بولس
خرج الحارس بسرعه وايانا بتقرب من رع وبتقول له
رع. انا ايانا امك
بص لها رع وقال بصوت ملعون. صوت اموات العبيد
انتي خونتي رع. وبلغتي افيتوس باللي هيحصل. ونهايتك هتكون نفس نهاية افيتوس.
ايانا بحدة
ابعدوا عن ابني. هو مش منكم. وعمره ما كان منكم
صوت الاموات
سلمينا افيتوس نحرر جسد ابنك مننا
ايانا
مستحيل اعمل كدة. مستحيل اقبل ان ابني يتحول ل قاتل.
صوت الاموات
اخترتي انه يقبي مقتول
وبدأ رع يصرخ بشدة والوجع كان لا يحتمل وتبدأ الهدوم تتقطع من علي جسم رع ويخرج من دماغ رع ايد سوداء ومن رقبته ايد. ومن صدرة ايد. و