رواية الكاهن وراس الغول
الفصل السابع7
بقلم محمد منصور
وبدأ رع يصرخ بشدة والوجع كان لا يحتمل وتبدأ الهدوم تتقطع من علي جسم رع ويخرج من دماغ رع ايد سوداء ومن رقبته ايد. ومن صدرة ايد. و هنا يدخل الي الاوضة الساحر بولس. ويتمتم ب. طلاسم سحرية تخلي اي ايد ظهرت تختفي وكل دة بيحصل وصرخات رع لا تتوقف لغاية ما جسم رع ينهار تماما. ويغمي عليه
فتجري عليه ايانا وتتفحص حالته وتبص ل للساحر بولس وتقول
انت عملت في اية
بولس
ماتخفيش جسمة طبيعي انه ينهار بعد سيطرت الموتي عليه. لكن انا قدرت اطردتهم
افيتوس
وهيرجعوا لي تاني
بولس
اكيد. خلاص جسمه منهم مش بالساهل يا جناب الامبرطور وخصوصا انهم عايزين روحك. ممكن يا جناب الامبرطور اتكلم معاك علي انفراد
راح افيتوس ناحية الساحر وسط نظرات من الترقب والشك. وهي نظرات ايانا. اللي بصت ل حكا وفي نفس الوقت كان افيتوس بيقول ب صوت واطي
انت مجنون. اقتله ازاي
بولس
مولاي الولد دة. نهايتك علي ايدة لو ما كنش اليوم هيبقي في يوم تاني. دة خطر عليك. وعلي حياتك. الاموات هيرجعوا تاني لي. ويقدروا يتحكموا في جسدة ووقتها مش عارف هقدر انقذك ولا. لا.
افيتوس
اقتل ابن ايانا اللي ساعدتني في حربي مع غيبا. وبسببها قدرت اهزمة هو وجيوشة
بولس
يعني يفضل عايش وحياتك تفضل مهددة بالخطر
افيتوس
شوف اي طريقة تحرم بيها الاموات من التحكم والاتصال بي.
بولس
خايف اقول اني ما قدرش اعمل كدة
افيتوس بغضب ولكن بصوت واطي
يبقي حكمت علي نفسك بقطع راسك. وهامر التباع باختيار ساحر جديد غيرك
بولس بخوف شديد
تقطع راسي.
افيتوس
لو خايف علي عمرك شوف حل ونهاية لاتصال الاموات ب رع. والا امرت بقطع راسك
بولس
امرك
في الوقت دة كانت ايانا بتقول ل حكا بصوت واطي
حكا انا مش مطمئنة وحاسة ان في شئ مريب بين الساحر وافيتوس وشر هيطول ابني
حكا
معقوله يا مولاتي الامبراطور افيتوس. يكون بيحضر ل شر ينال من سيدي رع
ايانا
اومال تفتكر اية اللي يخلي الساحر يطلب انه يتكلم معه بعيد عننا. الا لو كان في امر مريب
وبص حكا بطرف عينه ناحية افيتوس اللي كان لسة واقف مع الساحر بولس وقال
وانت شايفة المفروض نعمل اية يا مولاتي
ايانا
نهرب
حكا باستغراب
هنهرب نروح فين. احنا في روما وكل شبر في الارض دي تحت قبضة الامبراطور افيتوس ، ولو هربنا الوقت اللي هيحتاجة افيتوس في الوصول لينا مش هيكون اكتر من يوم
ايانا
طيب اعيش ازاي وانا حاسة ان ابني رع تحت تهديد افيتوس بعد ما سمع بنفسه ان الاموات هتستخدم ابني في الانتقام منه
حكا
نصبر يا مولاتي. وانا هكون ديما موجود هنا ل حماية سيدي رع
هنا ينضم لهم افيتوس ويبص لهم ويقول
مالكم كنتو قريبين من بعض جدا وبتتكلمو بصوت واطي
ايانا بارتباك شديد
مافيش
افيتوس
ايانا انا عارف انك خايفة علي رع مني. لكن رع في امان. معايا. انا قطعت علي نفسي عهد انتي واولادك في حمايتي وحتي لو نهايتي علي ايد رع. همنع النهاية دي انها تحصل.
وقرب افيتوس اوي من ايانا وقال
بعد ما كنتي السبب في انتصاري علي الملك الاسود غيبا مستحيل امسك او امس اولادك بسوء. ودلوقتي انا هستعد للخروج مع الجنود للبحث عن حورس وارجاعه ليكي،،،،،،،،،،
وبعد خروج افيتوس مع جنوده يروح بولس للجناح الملكي اللي في تعيش زوجة افيتوس السيدة. صوفيا ويطلب بولس الاذن بالدخول. من خادمة صوفيا. فتذهب الخادمة. لصوفيا وتقول لها
الساحر بولس بيطلب مقابلتك يا مولاتي
صوفيا
ودة عايز اية.
الخادمة
ما عرفش يا مولاتي
صوفيا
خلي يدخل
راحت الخادمة ورجعت ومعها بولس اللي انحي قدام صوفيا وقال
جاي لك يا مولاتي في امر خطير يخص حياة الامبراطور افيتوس
بصت صوفيا لكل الخدم اللي كانو حوالين منها وقالت
اخلو الجناح الملكي
خرج كل اللي كانو موجودين وفضل بولس وصوفيا وقالت صوفيا
عايز تقول اية
بولس
عايز اعرف ازاي يبقي في سيدة اولي غير مولاتي صوفيا
صوفيا
انت تقصد اللقب اللي اهداء افيتوس ل ايانا
بولس
تمام يا مولاتي
صوفيا
دة اقل شئ نقدمة للي ساعدتنا في الخلاص من العبيد
بولس
انا معاكي يا مولاتي انها تستحق اللقب. بس اللي انا اقصدة ان واضح انه مش لقب وبس
صوفيا بتركيز شديد
عايز تقول اية بولس
بولس
مولاتي ابن ايانا الصغير يدعي رع ودة علي اتصال باموات العبيد اللي بيستخدموا في الخلاص من الامبراطور والانتقام منه. وطول ما رع عايش حياته بتهدد الامبراطور افيتوس
صوفيا
انت الساحر الاعظم للمملكة امنع اتصال الاموات ب رع
بولس
مهما اعمل مش هقدر امنعهم للابد مسيرهم يرجعوا تاني دة اتصال ملهوش نهاية الا موت رع. او موت الامبراطور افيتوس
صوفيا
خلاص يموت رع
بولس
الامبراطور رفض. ودة بسبب حبه الشديد ل ايانا
نار الغيرة بدات تدتب في صدر صوفيا وقالت
بتقول اية يا بولس. دة كلام خطير
بولس
مولاتي. انا ساحر الامبراطورية. من سنين. واعرف باللي كان بين ايانا وبولس. قيل ما تهرب وتتجوز الكاهن ايرليس وواضح ان الحب دة رجع تاني يدق ابواب. قلب الامبراطور افيتوس لدرجة تخلي يضحي بحياته في سبيل ابقاء رع حي. وهو اللي هيقتله مهما طال الوقت
صوفيا
والعمل بولس
بولس
تساعديني يا مولاتي في قتل رع
صوفيا
مستحيل اساعدك في قتل طفل. احنا مش مجرمين بولس
بولس
خلاص تقنعي الامبراطور بنفي ايانا وابنها رع لمثلث الجليد
صوفيا
ما حدش راح مثلث الجليد وفضل عايش
بولس
وقتها مولاتي اللي هيكون خلص علي رع وامه هي الطبيعية. مش احنا خالص
سكتت صوفيا مش عارفة تقول اية وبولس قال
مولاتي ايانا خطر علي قلب زوجك. ورع خطر علي عمره بنفي الاثنين انتي بتحمي الامبراطور افيتوس. وكمان هتطمئني انه يفضل زوجك المخلص
صوفيا
ما تستناش مني رد دلوقتي سابني وامشي وخليني افكر، ،
ومن الجنوب وبالليل يقف منكاو ابن التاجر اللي شغال معه ايريس. قدام باب الاوضة اللي عايش فيها ايريس وحور وكان منكاو ماسك القوس والسهم بتوعه وزاهية اخته واقفة وراء منه وبتقول
منكاو رايح فين في وقت متاخر زي دة
منكاو
عرفت المخباة اللي عايش في ابناء الكهنة اللي قدروا يهربوا من مذبحة جسر ليهم ورايح اصطاد منهم اللي يشفي غليلي
زاهية
منكاو ارجع عن اللي انت ناوي تعمله والا بلغت والدي خفو
منكاو بتهديد صريح
لو فكرتي تعرفي والدنا خفو انا هقتلك انتي الاول وبعدها هروح اقتل ابناء الكهنة. ودلوقتي غوري من وشي
خافت منه زاهية ورجعت لاوضتها جري كان في نفس الوقت ايريس بيبص ل حور وبيقولو بصوت واطي
سمعت اللي انا سمعته
حور
سمعت. وعلي قد ما فرحت ان في ناس مننا لسة عايشين علي قد ما زعلت علي اللي ناوي يعملو فيهم منكاو
ايريس وقف وحط خنجرة في جرابه وقال
وتفتكر اني هسيبة يعمل كدة فيهم
حور وقف هو كمان وقال
ناوي تعمل اية
ايريس
ابناء الكهنة هما اللي هيخلصو كِمِيتأوكيمى. من شر جسر وعقيدة راس الغول.
حور
كدة انت هتخلي منكاو واهله يعرفوا اننا من الكهنة ومنكاو ممكن يقتلك
ايريس
مش مهم دلوقتي اية اللي هيحصل لي المهم انقذ ابناء الكهنة
وخرج ايريس من الاوضة وخرج وراء منه حور فقال له ايريس
انت رايح فين
حور
جاي معاك
ايريس
ارجع الاوضة
حور
واسيبك ل وحدك
ايريس
قولت ارجع الاوضة
وانطلق ايريس وراء منكاو اللي كان يمشئ علي رجله وفي ايدة القوس والسهم، ،،،،،،،،،،
ووراء شجرة كبيرة يقف منكاو ويبص علي مكان مضاء بالنار وحوالين النار يلعب اطفال صغيرة مع اماهتهم المخباة عبارة عن اطفال معظهم في سن العاشرة. ونساء. ضحك منكاو بجنون وقال
ابناء الكهنة. ناهيتهم لازم تكون نهاية حقيرة تليق باللي عملو الكهنة فينا
وخرج سهم من جرابه ورش علي راس السهم. سم الافعي وكان بيقول
كدة الموت يصبح مؤلم اكتر واكتر
وحط السهم في القوس بتاعه وبص علي طفل يجلس امام بوابة المخباة. ويلعب. قال منكاو وهو مصوب السهم ناحية هذا الطفل
اخر فرحة مع اخر نفس انا هكون سببهم. انا قابض ارواح ابناء الكهنة
وسحب السهم وهو جوة القوس وانطلق السهم