رواية الكاهن وراس الغول
الفصل السابع عشربقلم محمد منصور
وسند الطبيب روبرت ودخل بي اوضة الكشف والباب بيتقفل بتاع الاوضة كان روبرت بيبص علي حورس وهو بيهجم علي العبد وبيكسر رقبته واتقفل الباب وحورس سحب العبد الميت الي وراء احدي عمدان القصر وبدأ يبدل هدومة مع العبد وبمنتهي السرعه. وساب جثة العبد وراء العمود. وخرج في الطرقة ومشي بالظبط خطوتين علشان يلاقي تيتوس قدام منه برق حورس من هول الصدمة وتيتوس ابتسم وقال
حاول تقتلني بسرعه قبل ما اقتلك انا.
وبص تيتوس ل جثة العبد وسابو ومشي استغرب حورس وبص ل تيتوس وهو بيخرج من الطرقة وبعدها سمع حورس باب اوضة الدكتور بيتفتح خرج جري ودخل الساحة اللي فيها العبيد وفي نفس الوقت كان روبرت بيبص للطبيب وبيقول
شكرا جدا يا طبيب. انا حاسس اني دلوقتي بقيت احسن
الطبيب
ابقي طمئني عليك يا روبرت
ودخل الطبيب الاوضة بتاعته وقفل الباب وروبرت راح للعمود بسرعه وشال جثة العبد واتاكد ان الطريق خالي من اي حراس وخرج بسرعه متجهه الي المطبخ وحط العبد في اذان كبير مليان مية بتغلي وكان حاسس باشئمزاز. لكن ما بالايد حيلة، ،،،،،،،،،
ومن الجنوب تقعد نفس تو قصاد ايريس المصاب واللي حاول يقعد لكن نفس تو قالت له
رايح فين
ايريس
هقوم اشوف الاطفال
نفس تو
حور معاهم. ما تقلقش
ايريس
محتاج اطمئن عليهم بنفسي
وسندته نفس تو وخرجو الاثنين للساحة اللي فيها حور بيدرب ابناء الكهنة. وقال ايريس
قابضي الارواح. عاملين اية
فرحوا الاطفال السبع لما شافو وراحو. جري عليه. ما عدا مناع. خدتهم في حضنة. وقال بصعوبه
بالراحة.
وبص ل مناع اللي واقف بعيد رغم فرحتة وقال
للدرجة انت زعلان اني لسة عايش
مناع عيط وقال
انا فرحان جدا انك عايش لكني زعلان من نفسي علشان انا السبب في اللي حصل لك
راح ايريس لغاية عنده وخدة في حضنه وقال
بس انا مش زعلان وفرحان بيك اوي. لانك قدرت تنقذ نفس تو وتنقذ نفسك من ايد الشر
مناع
بجد سيدي الكاهن
ايريس ضمة اوي ل صدرة وقال
بجد مناع. انت واللي معاك هتكونو اشد المقاتلين في حربنا الاخيرة ضد الشر
مناع
جسر
ايريس
عدوك وعدونا وعدو كل مخلوق عقيدته ضد عقيدة راس الغول
وفي الوقت دة يسمعوا صوت زاهية تقول وهي لسة علي حصانها
انت لسة هنا يا ايريس
بص لها حور. وقال
زاهية
نزلت من فوق الحصان وعديت حور وهي بتقول
كلامي مش معاك
وراحت ناحية ايريس ووقفت قدام منه بالظبط وقالت
كان في بينا اتفاق انك تاخد اللي ليك هنا وترحل
ايريس
وانا لسة عند اتفاقي معاكي. بس اخف الاول. لان اللي في حالتي ما يقدرش يسافر
زاهية
ايريس الكاهن. بيلعب بعقل زاهية. وفاكر اني هصدقه زي ما والدي الطيب صدق انه مجرد تاجر بسيط الكهنة سرقو
ايريس
انا كنت بهرب من الموت. وما كنتش عايز اكدب علي والدك لكن اخوكي منكاو وكرهه للكهنة قفل في وشي اي باب للصدق
زاهية
ما انتو برضو اللي عملتو ما كنش قليل
ايريس
صحيح في منا اللي ظلم وافتري. لكن في اللي كان رافض اللي بيحصل دة. وانا كنت واحد منهم
زاهية
كل دة بالنسبة لي كلام ملهوش قيمة. لان ظلم اللي منك. سبب عاهة للي مني
واتحولت لهجة زاهية للتهديد وقالت
اخر ليلة ليكم في المعبد هي الليلة دي. والا
وسكتت زاهية فقال حور
هتقتليني وتقتلي معانا الاطفال اللي انتي دفعتي عنهم
خرجت زاهية خنجرها وحطته علي رقبه حور وقال
هقتل الكبار اللي بيعرفوا يكذبوا ويخدعوا. وانت اولهم
حور مسك الخنجر بايدة وبص في عيون زاهية اوي وقال
اقتليني لو تقدري زاهية. بس انا عارف انك ما تقدريش علشان بتحبيني زي ما انا بحبك
رغرغت عيون زاهية بالدموع. وهي بتبص ل حور اوي. وقلبها بيقول أمين علي كل كلمة قالها حور. لكن عقلها بيقول دول اللي ذنب والدك في رقبتهم. الكهنة اللي خرجوكم من بلدكم كِمِيتأوكيمى. ونزلت الخنجر وقالت
يمكن انا ماقدرش اقتلكم لكن في اللي لو عرف بمكانكم يقدر يعمل كدة.
ايريس
اية هتقولي ل منكاو
راحت زاهية ناحية الحصان بتاعها وركبته وقالت
كنت اتمني اني اقول. لا. لكن دة اللي عمله. اخلي المعبد ايريس. قبل شروق شمس بكرة
وانطلقت بالحصان وكل اللي واقفين بيبصوا عليها وقالت نفس تو
هتعمل اية سيدي الكاهن
ايريس
مش هتقول ل منكاو.
نفس تو
ازاي تطمئن انها ما تعملش كدة
ايريس
اللي تهجم علي اخوها علشان تنقذ ابناء الكهنة منه. مش هتيجي دلوقتي وتقول ل منكاو علي مكانهم
حور
انا رايي من رايك
نفس تو
يعني هنكمل هنا في معبد الرهبان
ايريس
مش علي طول. ،،،،،،،،،،،،،
ومن جوة بيت خفو يقف منكاو قصاد زاهية ويقول لها
كنتي فين
زاهية
كنت بجيب بضاعه للدكان. انا قايلة لوالدي
منكاو
يعني ما تعرفيش فين ابريس وحور
ارتبكت زاهية وقالت
واعرف منين
خفو والدهم قال
منكاو انت تاني هترجع تشك في اختك
منكاو
وما شكش فيها ازاي. وانت بنفسك قولت لي انها رجعت بيا وانا فاقد الوعي. بعد طعني ل ايريس وضرب حصان حور ليا
زاهية
ما وقتها قولت لك ان حصانك هو اللي جابك علي البيت
منكاو
ومين ركبني الحصان وانا كنت فاقد الوعي
زاهية
وانا هعرف منين. ممكن ركبك ايريس ولا حور
منكاو
ايريس اللي طعنته بالخنجر في بطنه هينقذني . ولا حور اللي شوفته قبل ما يغمي عليه وهو عايز يغرز خنجرة في صدري
زاهية
انا ما عرفش وقولت كل اللي اعرفه وسابني بقي علشان تعبانه
ودخلت زاهية اوضتها واترمت علي سريرها وفضلت تعيط وكانت بتلوم نفسها وبشدة
تاني حب يا زاهية. وتحبي مين ابن كاهن. انتي اية ازاي غبية للدرجة دي. لا. يا زاهية فوقي وخلي قلبك ينسي ويبعد عن الحب دة. مهما كان وهما لازم يسييوا الجنوب حتي لو اضطرتي تعرفي منكاو مكانهم
ومسحت دموعها وقعدت علي السرير وقالت
مش هخلي قلبي تاني يكون نقطة ضعفي. ،،،،،،،،،،
ومن جوة مطبخ قصر تيتوس يقف روبرت قصاد لحم العبد بعد ما استوي وبدأ يقطع في ويخرج العضم منه ويرمي جنب منه وسط عضم الغزلان وهنا يفتح باب المطبخ ويدخل تيتوس فيفزع روبرت ويبص له بترقب شديد وتيتوس يقترب منه ويقول
خلصت اكل الحراس
روبرت
اول مرة تسالني يا مولاي
تيتوس
اصلي المرة دي مشتاق جدا لطعم الغزلان
ومسك حتة من اللحم وحطها في بوقه وبدأ يندغها وروبرت يبص له ودقات قلبه سريعه. وبلع تيتوس حتة اللحمة وقال
لحم غزلان دة يا روبرت
روبرت بارتباك شديد
طبعا يا مولاي
وفي لمح البصر حط تيتوس ايدة وسط العضم وطلع عضمة رجل العبد وقال
الغزلان عندك في المطبخ عضمها يشبة عضم البشر
ورمي تيتوس العضمة وسط العضم تاني وقال
روبرت الطباخ. اصبح مخادع.
وفضل بضحك ويضحك وهو خارج من المطبخ وروبرت مستغرب جدا. ،،،،،،،،،
ومن جوة مريا الذنب يقف زمعاء والكسر اللي في المريا بدأ يقطع ايدة لكن ببطئ شديد لان الشرخ بيقطع اي جزء يلمسة. بص زمعاء لايدة وصرخ باعلي صوت عنده وقال
تيتوس. ارحمني. وانا هجيب رع لغاية عندك
هنا لقي تيتوس بيدخل عليه ويقول
سمعتك بتنادي باسمي. وتطلب الرحمة
زمعاء
الرحمة. وقبل شروق شمس بكرة رع هيكون قدام منك
تيتوس
يعني يا زمعاء انت كنت تعرف مكان رع من الاول ورفض تقولي
زمعاء
رجع المريا زي ما كانت وانا اعترف لك بكل شئ
تيتوس
اسمع الاول وبعدين احكم ان كنت تستاهل الرحمة ولا. العذاب
زمعاء والشرخ اللي في الازاز. بدأ يقطع ايدة قال بصعوبة
رع مع خادم من الجن اسمه عملاق
تيتوس
ورع بيعمل اية مع الخادم دة
زمعاء
عملاق احدي اتباعي وديما علي اتصال بيا طلبت منه انه يخفي رع في قلب الصحراء منك
تيتوس
اة. علشان افضل ادور علبه وما اوصلش لي واضطر اخرجك من مريا الذنب وبعدها تخلص عليه. دة كان مخططك يا ملعون
زمعاء
سامحني يا تيتوس
تيتوس
سيدك تيتوس
زمعاء
سيدي تيتوس.
تيتوس
امر عملاق دة. باحضار رع للقصر وانا امنع المريا من قطع لحم جسمك
زمعاء
حاضر. بس امنع المريا من قطع لحم جسمي
تيتوس
ما قدرس لاني بستمتع جدا. بعذابك.
وسابه تيتوس وخرج وزمعاء فضل يبص لايدة والشرخ لايزال يقطع فيها وصرخ باعلي صوت عنده من شدة الوجع، ،،،،،،،
ومن جوة كوخ عملاق ووقت ما كان عملاق يلعب مع رع. بالعصا. يقف مرة واحدة وجسمة يتشنج ويكتب علي ذراعه.
★احضر رع لقصر تيتوس ★
ورجع عملاق زي الاول ورع قلق عليه وقاله
اية اللي حصلك دة
عملاق
ما فيش مافيش
وقال في سرة
لية سيدي زمعاء قرر يسلم رع ل تيتوس. حرام طفل زي رع يقع في ايد شيطان زي تيتوس. انا مستحيل اساعدهم
ومسك عملاق ايد رع. اللي كان بيقول
اية في اية
عملاق
لازم نمشي من هنا حالا.
رع
خلاص قررت تدور معايا علي امي ايانا
عملاق
نمشي دلوقتي وبعدين نقرر المفروض نعمل اية
وخرجوا من الكوخ وبص عملاق للكوخ بصة واحدة خليت الكوخ يحترق ومشي هو ورع في قلب الصحراء ،،،،،،،،،،
وبالليل ومن الجنوب ووقت ما كان ايريس واللي معه نايمين يسمعوا صوت صهيل حصانين قام ايريس ومن بعده حور وراحوا يبصوا من طاقة نور موجودة بين جدران المعبد علي مين اللي جاي لغاية عندهم وهنا شافو زاهية علي حصان ومنكاو جنب منها علي حصان تاني. بصو الاثنين ل بعض وقالو في نفس واحد
عملتها زاهية
وبعدها راح ايريس ناحية فرشته وسحب سيفة والدرع بتاعه وقال ل حور
يا قاتل يا مقتول
حور وهو بيمسك سلاحة قال
بس دي زاهية
ايريس بعصبية
اللي جائيين علينا اتنين عايزين يقتلونا. حط الجملة دي في دماغك. النهاردة ل تكون قاتل ل تكون مقتول
حور
حاضر سيدي الكاهن
وخرجوا الاثنين ل ساحة المعبد رافعين سيوفهم مستنين زاهية ومنكاو. وهنا يجي سهم جنب ايريس بالظبط ولكن