رواية الكاهن وراس الغول
الفصل الثامن عشر 18
بقلم محمد منصور
★وبعدها راح ايريس ناحية فرشته وسحب سيفة والدرع بتاعه وقال ل حور
يا قاتل يا مقتول
حور وهو بيمسك سلاحة قال
بس دي زاهية
ايريس بعصبية
اللي جائيين علينا اتنين عايزين يقتلونا. حط الجملة دي في دماغك. النهاردة ل تكون قاتل ل تكون مقتول
حور
حاضر سيدي الكاهن
وخرجوا الاثنين ل ساحة المعبد رافعين سيوفهم مستنين زاهية ومنكاو. وهنا يجي سهم جنب ايريس بالظبط ولكن السهم انطلق من وراء منكاو ركز ايريس اكتر وشاف 21 رجل علي احصنتهم في مطاردة. زاهية ومنكاو وهنا قالت زاهية باعلي صوت عندنا
حراس عقيدة الغول يريدون قتلنا. انجدنا يا ايريس
هنا استعد حور للهجوم وركب حصانه وراح ناحية زاهية وهو بيقول
زاهية انتي هنا هتكوني في امان
ركب ايريس هو كمان حصانه وامسك بالقوس والسهم بتوعه وبدأ يضرب سهم وراء سهم في اتجاة الحراس ووصلت زاهية ومنكاو الي بوابة المعبد وكان منكاو مصاب بسهم في ظهرة. ونزل من دم كتير بص له ايريس ومنكاو كان بيقول
حرقو الجنوب وقتلو والدي خفو
ايريس
الشياطين زي ما عملو معانا عملو مع اهل الجنوب. بدأو يبانو علي حقيقتهم ومش هيجي من وراهم الا الخراب والنار
وبص ايريس ل زاهية وقال
خدي منكاو وادخلي بي المعبد واقفلي البوابة من جوة. ومهما يحصل اوعي تفتحي البوابة. مفهوم
زاهية
انا هسلم منكاو ل نفس تو تسعفة لكن الحرب دي حربي ولازم اكون فيها معاك
هنا يمر جنب منهم بالظبط سهمين وطي ايريس ل تحت ومن وراء منه زاهية وقال
مش وقت كلام نفذي اللي قولته وبسرعه
ودخلت زاهية منكاو جوة المعبد وقفلت البوابة وراء منها وراح ايريس وراء صخرة كبيرة واختبي وبدأ يصطاد حارس وراء حارس ب الاسهم اللي معه. وكان في نفس الوقت حور بيضرب اللي يقابلة بالسيف ضربات مميتة وسريعه. لكن اعداد حراس راس الغول كانو كتير علي اثنين هنا ندهه ايريس علي حور وقال
تعالي هنا
حور تراجع وراح ناحية الصخرة المستخبئ وراء منها ايريس لكن قبل ما يوصل ل ايريس يصاب حصانه برمح حراس راس الغول ويقع الحصان ب حور. فيصاب حور في رجله ويروح له ايريس ويسحبة من تحت الحصان وهو مختبي في جسم الحصان من سهام الحراس ورجعوا وراء الصخرة واختبوا وهنا بص ايريس ل حور وقال
انت كويس
حور
رجلي اتصابت وشكلي مش هقدر اقف عليها
ايريس بص للحراس اللي مات منهم 6. واتبقي 15. وكانو بيقربوا من الصخرة وقال ل حور
حاول توصل للبوابة وادخل المعبد واوعي تخرج مهما حصل
حور
واسيبك لوحدك في موجهتم
ايريس
كمل اللي انا بداته حتي لو مت. افضل درب الاطفال وانهي حياة جسر.
حور
مش هكمل المشوار دة من غيرك
هنا يسمعوا صوت واحد من الحراس يقول
انا من رايي انكم تخرجوا من وراء الصخرة. وتوجهوا نهايتكم ب شجاعه
بص ايريس تاني ل حور وقال
انا هطلع لهم واسلم نفسي وانت تستغل الوقت دة وتدخل المعبد. بلاش كل اللي عملنا يضيع
حور
مش هسييك لوحدك سيدي الكاهن
ايريس بعصبية
نفذ اللي امرتك بي حور. ودلوقتي
حور خدة بالحضن وهو بيعيط وقال
هيقتلوك يا سيدي الكاهن
ايريس
لو مكتوب لي اموت. مش هموت جبان مستخبي وراء صخرة
صوت الحارس كمان مرة.
استسلمو انتو اتنين واحنا 15. تفتكروا انكم تقدروا علينا
ايريس شاور ل حور بالتحرك ناحية البوابة وهو قام وقف ورمي سيفة والقوس والسهم وهو بيحط ايدة علي دماغه
انا لوحدي اللي كان معايا مات
بصو الحراس لي وقال قائد الحراس
الكاهن ايريس. انت اللي هربت من المذبحة
بص ايريس لقائد الحراس اللي كان واحد من الكهنة لكنة بالخيانة بقي مع جسر وقال
انت يا سورمان. بقيت مع الشبطان جسر. تكفر بعد الايمان
سورمان
انا عمري ما كنت مؤمن انا لبست توب الايمان علشان انتم اللي كنتو بتحكموا. لكن دلوقتي الحكم في ايد كافر لازم اكون كافر زيي. انا عايز اعيش يا ايريس. مش مهم تحت حكم مين المهم اني اعيش
ايريس
للدرجة دي العقيدة والايمان ملهمش ثمن
سورمان
وهي فين العقيدة والايمان دول. معاكم انتم يا كهنة. دة انتم سرقتوا ونهبتوا باسم الايمان.
ايريس
في مننا اللي كان رافض اللي بيحصل مش زي عقيدة راس الغول اللي كلهم موافقين علي الظلم والغدر
سورمان
ايريس سيبنا من الكلام اللي ما يسواش اموال. وخلينا في راسك اللي تسوي كتير عند جسر
ونزل سورمان من علي حصانه وخرج سيفة من جرابه وحط السيف علي رقبه ايريس وقال
جاهز تروح تشوف احبابك. الكهنة
ورفع السيف ولسة هينزل علي رقبه ايريس تفتح بوابة المعبد وتقف زاهية وتبص ل سورمان وتقول
زي ما راس ايريس تسوي عند جسر كتير. فهي لينا تسوي اكتر
سورمان باستغراب شديد
انتم مين
تخرج زاهية سيفها من جرباها وهي بتقول
قابضي الارواح
ومن فوق سور المعبد يظهر السبع اطفال وكل واحد منهم يمسك قوس ب سهم مسنون ويطلقون سبع اسهم في توقيت واحد. وكل سهم يصيب حارس. ويقع من فوق حصانه ميت. ويحصل هرج. ويستغل ايريس الموقف ويمسك سيفة من علي الارض ويغرز السيف في بطن
سور مان. وهو بيقول
نهاية اي منافق الدم.
اتوجع سورمان واستغل هجوم اتنين علي ايريس وركب حصانه وهرب ودمة بيتصفي والاطفال يصطادون الحراس بمنتهي الدقة وحور يقف علي رجل واحدة ويحارب ويطعن بسيفة اللي. يقابله وزاهية تقطتع الرؤس وهي تصرخ ومنظر والدها بيذبح قدام منها وانتهت المعركة وراح ايريس ل زاهية اللي وشها اتملي دم. دم مخلوط بالدموع ووقف قدام منها وهي بتطعن شخص ميت اكتر من طعنه مسك منها السيف وقال
اهدي
زاهية
قطع راس والدي العجوز بلا اي ذنب. والسبب اننا رفضنا تسيلم الدكان والبيت ل حراس راس الغول اللي عايزين هما يمتلكو الجنوب واحنا نشتغل عندهم عبيد
ايريس
الانتقام جاي. وحقك وحق كل اللي اتقتلو هيجي
حور وقف قدام منها وقال
طول ما ظهرنا في ظهر بعض ما حدش هيقدر علينا
زاهية
اخر ما كنت اتمني اني احط ايدي في ايد الكهنة للانتقام
حور
مبقاش فيها كهنة. احنا منكم وانتم مننا. احنا شعب كِمِيتأوكيمى.
وقفوا الاطفال السبع وفي ايديهم الاقواس والاسهم وقالو بصوت عالي
احنا قابضي الارواح
خدهم ايريس بالحضن كلهم وقال
انا بقيت مدين ليكم بحياتي
وبص ل حور وزاهية وقال
المهم دلوقتي لازم نسيب المعبد ونهرب ل مكان امن
زاهية
ما فيش أمن من المعبد
ايريس
ازاي. وسورمان هرب واكيد هيروح يبلغ جسر بمكان المعبد
زاهية
اكيد دة هيحصل وهيجي جسر برجاله اكتر. واحنا هنكون في المعبد وماحدش هيقدر يشوفنا
ايريس باستغراب
تقصدي اية، ،،،،،،
ومن قدام احدي الحوائط الموجودة في المعبد تقف زاهية ومن وراها ايريس وكانت حاطة ايدها الاثنين علي الحائط وتقول
الروح تحمي المظلوم. الروح تحمي المظلوم. الروح تحمي المظلوم
انشقت الحيطة نصين وبان سلم ل سرداب اتصدم ايريس وقال
زاهية اية دة
زاهية
تعويذة الراهب الاكبر نكوين. ل مساعدة اي مظلوم. واحنا مظلومين وعلشان كدة ظهر السرداب اللي يودينا للمعبد اللي تحت الارض اللي اتوهب للراهب الاكبر. هدية من الجن المؤمن. واحنا تحت الارض ما حدش يقدر يسمعنا ولا يشوفنا.
وبدات زاهية تنزل درجات السلم وهي بتقول
وتعالي شوف بنفسك
نزل وراء منها ايريس ومع اخر درجة من درجات السلم تفتح حيطة تانية ويظهر معبد مليان الطيور والفاكهة والاشجار والانهار وكائنات صغيرة في خدمة روح الراهب الاكبر. وفي اخر هذا المكان يقف رجل ابيض في ابيض ولي دقن بيضاء تشبة حبات الارز. لف وشة لما حس ب زاهية وايريس وقال
اهلا. بالمظلوم في معبدي المتواضع
ارتبك ايريس وبان عليه التوتو وقال بصوت خافت
مين دة
زاهية
الراهب الاكبر
ايريس
ازاي احنا شايفنه وهو ميت
ضحك الراهب الاكبر وقال
انا مجرد روح في خدمة المظلوم. ببشركم ان بعد صبركم جبر. طالما قلوبكم مليانه بالايمان. مهما طال وقت الشر النهاية لازم تبقي. انتصار الخير. هات اللي منك يا ايريس وحذرهم وعرفهم ان في معبدي هنا ما بتسبقلش الا المظلوم لو في يوم المظلوم بقي ظالم. هيبقي من معبدي مطرود
ايريس
واحنا هنا ما يقدرش جسر يحس بينا رغم انه معه عصا الجن
الراهب الاكبر
ما حدش يقدر يوصل هنا الا المظلوم. الظالم لايسمع ولا يشوف اللي في معبدي. اطمئن وكمل اللي انت بدات في. وكبر الاطفال. قابضي الارواح ورجع حق المظلوم. ،،،،،،،
وبعدها بشوية يقف جسر جوة المعبد بعد ما امر حراسة بكسر البوابة وفعلا ملقاش اي حد. فقال ل سورمان
واضح انهم قدروا يهربوا يا سورمان
كان سورمان باين عليه الاعياء الشديد بسبب الدم اللي نزل منه فقال بصعوبه
مولاي انا بموت وانت وعدتني بمجرد ما عصايتك تلمسني هرجع زي الاول
جسر بص للعصاء اللي في ايدة وقال
انا كنت هشفيك لو كان ليك لزمة. لكن دلوقتي هحتاجك واحد زيك لية. بس دة ما يمنعش اني ممكن ارحمك من سكرات الموت.
وحط العصا علي راس سورمان طلع من العصا حمم بركانية بسببها ساحت راس سورمان وكانها مخلوقة من الشمع وصرخ سورمان ووقع علي الارض جثة بلا راس
وبص جسر. للي معه وقال
ارمو لكلاب الجنوب. كان اعظم منافق انا عرفته. وشكلو نفسيكم لاكتر من مجموعه وابدوا البحث عن ايريس واللي معه.
شالو الحراس سورمان ورموا بعيد وبدأ جسر يلف في المعبد وهو مبهور بي وقال لنفسه
لو اتحول هذا المعبد ل قصر يصبح احلي قصور الملوك.
وبص لكام حارس معه وقال
ابعتو للمهندسين. وامروهم بتحويل هذا المعبد ل قصر.
وشاور علي الحيطة اللي وراء منها السرداب وقال
واجعلو العرش بتاعي هنا. وبكدة يصبح لي عرش في الجنوب وعرش في كِمِيتأوكيمى. وعرش في وسط البحر وعرش في الغرب. اربع عروش لاعظم ملوك عقيدة راس الغول.
وفضل يضحك زي المجنون، ،،،،،،،،،
ومن روما تجلس ايانا مع صوفيا وكانت صوفيا بتقول لها
لغاية امتي هتفضلي كدة ايانا. شعب روما لي مطالب كتير
ايانا
عارفة صوفيا. واول مطالبهم. اني احرر اهاليهم اللي في قرية الغابة. اللي بيحكمها تيتوس
صوفيا
في عهد افيتوس سمعت كتير عن القرية دي. واللي بيحصل فيها لكن افيتوس حاول كتير. يعرف سر القرية دي وما قدرش يعرف وكان ديما في شئ بيمنعه
ايانا
باين ان في امر خطير بيحصل في القرية دي
صوفيا
اتمني ان اللي فشل في افيتوس تنجحي انتي في تحقيقة
ايانا
أمري باحضار تيتوس لغاية هنا
صوفيا
نرسل له مع الرسول بتاعنا. ولو رفض يجي ليكي.
ايانا
خلي القرار في وقته. بلاش نسبق الاحداث، ،،،،،،،،
ومن جوة الجناح الملكي ل جواليا يقف حورس وراء منها بعد ما حكي لها علي اللي حصل من تيتوس وحكي لها روبرت علي اللي حصل برضو من تيتوس وقت ما كان بينزل لها الاكل فقالت جواليا من غير ما تبص له وبصوت واطي ما يسمعهوش الا حورس ووالدها روبرت
واضح ان تيتوس عرف باللي انت بتخطط لي يا حورس
حورس
ولو فعلا عرف باللي انا بخطط لي لية سايبني عايش
روبرت
نفس السؤال انا كمان بساله لنفسي لية عرف اني بساعدك وبرصو سايبني عايش
جواليا
تيتوس خبيث. وما حدش يقدر يعرف هي بتفكر في اية
في الوقت دة تلاحظ جواليا ان في واحد من العبيد بيبص ل حورس اوي فقالت. ل روبرت اللي لسة بيحط الاكل. وكمان ل حورس
العبد اللي في اخر الجناح الملكي بيبص لك يا حورس اوي.
بص حورس بطرف عينية للعبد وقال
فعلا بيبص لي وبتركيز شديد
روبرت
دة اكيد تبع تيتوس وهو اللي امرة بمراقبتك
حورس
جاهز تطبخ كمان عبد
روبرت
هتقتلو دة كمان
حورس
لو انا ما عملتش كدة. هو اللي هيعملها
جواليا
حورس امنع نفسك عنه. مهما صدر منه. وانا هعرف بطريقتي ازاي ابعده عندك، ،،،،،،،،
وبالليل ومن الاوضة اللي بينام فيها عبيد جواليا اللي منهم حورس يقف ذلك العبد اللي كان بيراقب حورس قدام حورس اللي نايم ولسة هيكتم نفسه فتح حررس عيونه ومسك ايدة وقال
انت مين
العبد
انا اخوة. راميد اللي انت لابس هدومة
وقدر العبد يسلك ايدة من ايد حورس وقال
قتلته علشان تكون مكانه.
وبدأ هذا العبد اللي كان اقوي من حورس خنق حورس بمنتهي القوة وهو بيقول
لية عملت كدة. دة كان اطيب البشر
حورس بصعوبة
انا ما قتلتش حد
العبد
وهدومه اللي عليك
حورس بدأ يضرب في العبد القوي. لكنه مش قادر عليه وبدا حورس يتخنق وقواة بدات تضعف. وعيونه بدات تغرب وفجاة يمسك تيتوس راس العبد ويكسرها ويبص ل حورس ويبتسم ابتسامه غامضة ويقول
مستنيك تنهي حياتي وبسرعه.
ومشي تيتوس وسابه وحورس بيبص له باستغراب شديد ومش قادر يفهم هو لية بيعمل كدة. ،،