رواية الكاهن وراس الغول
الفصل الثاني 2
بقلم محمد منصور
★هنا يسمعوا صوت خبط علي باب البيت وصوت الحرس بيقولو.
افتحوا الباب
بصو كلهم للباب والرعب امتلكهم. وقال ايريس
هتساعدني ولا
العجوز
مع انك من الكهنة بس باين عليك غبرهم. اطلع بسرعه فوق الدور التاني واستخبي في اوضة الاحجار
طلع ايريس بسرعه جدا للدور التاني وصوت الحراس بيقول
افتحوا الباب والا امرت بكسروا،،
الكاهن وراس الغول
كتابة واقتباس
محمد منصور. منص
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
راحت البنت فتحت الباب هجموا الحراس عليها وقال قائدهم
هو فين
العجوز
هو مين وازاي تدخلو علينا بالقوة دي
ضرب قائد الحراس العجوز بالكرباج في وشة وقال
الكاهن ايريس. جيرانك شافو بيجري ودخل عندكم
العجوز وهو علي الارض بينزف
ماحدش دخل هنا
ضربوا قائد الحراس بالكرباج مرة تانية وقال بمنتهي الشر
انطق هو فين والا قومت بتعذيبك بقوة عقيدة راس الغول
البنت صرخت فيهم وهي بتقوم جدها من علي الارض.
احنا ما شوفناش حد.
بص القائد للحراس اللي معه وقال
دوره في البيت كله.
بداو الحراس يدورو في كل اركان البيت لغاية ما وصلو لاوضة الاحجار فقال الحارس الاول
تفتكر يدخل في اوضة الاحجار
الحارس التاني
ممكن يعملها لية لا.
الحارس الاول
ما حدش يقدر يستحمل ريحة الاحجار
الحارس التاني
لازم ندور. والا القائد يامر بتعذيبنا لو عرف اننا ما دخلناش اوضة الاحجار
وفتحوا الاوضة ودخلو الحراس وبداو يلفو في الاوضة يدورو عن ايريس لكنهم مالقوش اي حد خرجوا من الاوضة ونزلو للقائد وقالو
الكاهن مش هنا
قائد
متاكدين
الحراس
متاكدين
القائد
طيب يلا. ندور عليه في باقي البيوت
وخرجوا وقفلت البنت وراء منهم الباب وبصت البنت ل جدها اللي كان بينزف وقالت
انت بخير
العجوز
خلصنا من ظلمة علشان نقع في ايد ظلمة.
البنت
تقصد الكهنة و حراس راس الغول
العجوز
اقصد كدة. انما راح فين الكاهن دول دخلو دورو في اوضة الاحجار
البنت
هطلع اشوفه
وطلعت البنت للدور التاني ودورت علي الكاهن في الاوضة مالقتش حد فندهت بصوت خافت.
سيدي ايريس
اتفتح صندوق صغير كان قدام باب الاوضة وخرج ايريس اتفزعت البنت فقال لها
متخافيش انا الكاهن اييس
بصت لي البنت وهو بيطلع من الصندوق بصعوبه وقالت
انت دخلت هنا ازاي
ايريس
انا جسمي لين جدا بقدر اخلي ينحني لدرجة ما يقدرش يقوم بيها الانسان العادي. المهم الحراس مشيوا
البنت
مشيوا
ايريس
طيب عظيم
ونزل للعجوز اللي كان بينشف الدم النازل من قورته وقال
انا السبب في اللي حصل لك دة
العجوز
طالما انت انسان طيب وتستاهل التضحية. انا مش ندمان. انما انت هتهرب منهم ازاي وهما بموتكم اصبحوا حكام كِمِيتأوكيمى **مصر زمان كان اسمها كدة **
ايريس
مش المهم انا دلوقتي المهم عندي اوصل ل مراتي وابني
العجوز
تفتكر انك ممكن تقرب منهم. دول اكيد خلصو عليهم
ايريس بفزع شديد
ما تقولش كدة. عندي امل في ربي. انهم لسة بخير. ولازم اروح اطمئن عليهم بنفسي
العجوز
انت مش هتخرج من هنا الا بالليل.
ايريس
واسيب مراتي في وش المجرمين دول ل وحديها
العجوز
هبعت حفيدي تطمئن عليهم لو لسة عايشين تخليك تقابلهم برة. كِمِيتأوكيمى. بالليل. ولو ماتو. انت عارف المفروض تعمل اية
ايريس
اهرب مش تقصد كدة
العجوز
عندك اي حل تاني
ايريس
اسيب بلادي اللي اتربيت فيها واهرب
العجوز
انت الكاهن الاخير موتك لو ما كنش علي ايد حراس راس الغول هيكون علي ايد شعب كِمِيتأوكيمى
ايريس
انا كنت اطيب كاهن زي ما لقبوني. ولازم يساعدوني اخلصهم من شر. جسر. والكفر اللي هيرجعه تاني وسيطهم
العجوز
المعجزات دلوقتي في ايد جسر. بعد ما امتلك عصا الجن الاسود. انت مش هتقدر عليه لوحدك.
ايريس
يبقي الموت عندي اهون ب كتير من الهروب وكاني جبان
العجوز
خلينا في الاول نشوف مراتك عايشة ولا ماتت وبعديها تبقي تشوف المفروض تعمل اية، ،،،،،،،،،
وبعدها بشوية ترجع البنت وتقف قدام ايريس فيبص لها بترقب شديد ويقول
ساكتة لية. قولي فين مراتي وابني
البنت
عرفت من جيران ليك انهم هربوا وحراس راس الغول وراء منهم. بعد ما سرقوا بيتك وحرقو
لسة هيتحرك ايريس ناحية باب البيت مسكة العجوز من ايدة وقال
رايح فين
ايريس
هدور عليهم والاقيهم مستحيل اسيبهم ل وحديهم
العجوز
انت كدة بتقول ل حراس راس الغول اقتلوني وهضبع علي نفسك اخر فرصة للنجاة بحياتك
ايريس بعصبية
انت عايزني اعرف ان مراتي وابني في خطر وافضل مستخبي عندك زي الجبان
العجوز
لا. بس الليل ستار استني الليل واتحرك زي ما انت عايز واكيد مراتك هتفكر بنفس الطريقة
ايريس. ماقدرش يقتنع بكلام العجوز وطلب منه اي هدوم يتنكر فيها علشان يقدر يتحرك في البلد من غير اي خطر، ،
ومع حلول الظلام ومن جوة مخباة بيت الكاهن ايريس اللي تحت البيت كانت النار اللي بتاكل في ارضية البيت من فوق بدات تاكل في سقف المخباة وايانا في حضنها حورس ابنها صاحب ال 10 سنين والخادم. حكا. اللي كان بيبص للنار وبيقول
مولاتي لو فضلنا اكتر من كدة النار هتبدا تاكل جدران المخبا. لازم نتحرك وبسرعه
ايانا
وحراس راس الغول
حكا.
ما افتكرش ان لسة في حد منهم بداخل البيت او حوالين منه
حورس
امي فين والدي. ازاي يسيبنا لوحدينا ضدهم
ضمته ايانا ل حضنها وعيطت ومقدرتش ترد. فقال حكا
مولاتي ما فيش وقت للبكاء. لازم نخرج من هنا وبسرعه
وراحو هما الثلاثة ناحية باب في اخر المخباء وفتحوا الباب وخرجوا الي الشارع وقبل ما يتحركوا اي خطوة قال حكا
استني يا مولاتي اشوف الطريق
وبص يمين وشمال واتاكد ان الشارع فاضي. فقال
يلا يا مولاتي
وجريو الثلاثة باقصي سرعه. لغاية ما بقوا في الصحراء قعدوا ياخدوا نفسهم. وبص حكا ل ايانا وقال
هنروح فين دلوقتي يا مولاتي
بصت له ايانا وقالت
لازم ارجع بلادي الاصلية روما
حكا
روما. دة سفر شهور يا مولاتي
ايانا
ما بقاش ليا حد هنا بعد موت ايريس
حكا
والعداء اللي بينك وبين ابن عمك الامبرطور افيتوس اللي كان عايز يتجوزك وانتي هربتي مع مولاي ايريس. دة ممكن لو شافك يقتلك
ايانا
الكلام دة عدي عليه سنين. وافيتوس اتجوز وبقي عنده اولاد من مراته. معقوله يكون لسة عايز ينتقم مني
حكا
دي مخاطرة يا مولاتي اخاف عليكي منها
ايانا
يبقي اللي هتدخل روما مش ايانا. قريبة الامبرطور. اللي هتدخل ررما عبده من العبيد السود
حكا مصدوم
مولاتي انتي بتقولي اية
حورس
ازاي يا امي. مرات الكاهن ايريس تبقي من العبيد
ايانا
مش انا بس اللي هبقي من العبيد. احنا التلاته هنكون عبيد سود
حورس
امي انتي بتقولي اية
ايانا
احنا علشان نسافر لازم نوصل للبحر وهناك عند البحر هنلاقي حراس راس الغول. علشان نقدر نهرب منهم لازم نتنكر في شكل عبيد سود
حكا
مولاتي ان،،،،،،،،،
قاطعته ايانا وقالت
حكا انت ما بقتش خادم انت بقيت حر تقدر تسيبني انا وابني في رحلتنا للمجهول وعيش هنا وسط اهلك واصحابك
حكا
ما قدرش اسيبك يا مولاتي. لو كانت النهاية فداكي انا جاهز للنهاية دي. ومعاكي يا مولاتي في رحلتك
ايانا
يبقي لازم نروح للنهر الاسود علشان ننزل في ونطلع من العبيد وما حدش يقدر يشك فينا
حكا
والثعبان العملاق يا مولاتي اللي بيحرس النهر. دة ما بيسمحش بحد يلمس النهر الا بعد تقديم قربان لي. والقربان دة لازم يكون من البشر
ايانا
لازم نتصرف يا حكا وننزل النهر اللي بي هنقدر نغير اشكالنا لشكل العبيد
حكا قام وقف وقال
انا هتصرف
ايانا
ناوي تعمل اية
حكا
هجيب قربان،،،،،،،،،،،
ومن قدام احدي بيوت الكهنة المحروقة والمسروقة يقف واحد من حراس راس الغول وكان بيعد الجنيهات الذهب اللي طلع بيها من بيت الكاهن اللي قتلو. هنا يظهر حكا ويتحرك في ظهر الحارس دة ببطئ شديد وفي ايدة الخنجر واول ما قرب منه هجم عليه وذبحة. ،،،،،،،،
ومن قدام النهر الاسود يقف حكا وعلي كتفة جثة الحارس وجنب منه تقف ايانا وحورس ويبصو للنهر بترقب شديد مستنين ظهور الثعبان الضخم وفعلا بدا الدم اللي نازل من الجثة يتسرب لغاية النهر والنهر الهادي بدات تظهر له امواج شديدة غاضبة ومن وراء هذة الامواج يظهر ثعبان ضخم يبص لهم بغضب شديد فيقول حكا
القربان. ملك للثعبان الاعظم
ورمي الجثة قدام الثعبان بص الثعبان للجثة وبدأ يصدر فحيح مزعج وراح ناحية الجثة وحطها في بوقه ونزل بيها للمية واختفي بصت ايانا ل حكا وقالت
ننقدر ننزل النهر كدة
حكا
نقدر
راحو الثلاثة ناحية النهر ونزلو النهر وغطسوا في المية طلعوا عبيد سود هنا تظهر عيوان الثعبان تحت المية وهو بيبص ل بطن ايانا والطفل اللي بيتحرك في رحمها وراح ناحية ايانا شافو حكا قال
بسرعه يا مولاتي لازم نخرج من المية
حست ايانا بحركة النهر الشديدة بصت تشوف سبب الحركة دي لقيت الثعبان بيقرب منها طلعت من النهر بسرعه ولكن في اللحظة الاخيرة مسك الثعبان رجليها وساحبها للمية من تاني صرخت ايانا والثعبان بيفتح بوقة وجاهز لانه ياكلها