رواية الكاهن وراس الغول الفصل الرابع عشر14 بقلم محمد منصور

الفصل الرابع عشر 14

بقلم محمد منصور 

ومن جوة قصر تيتوس وفي طرقات القصر يمشي تيتوس بسرعه شديدة وهو بيبص يمين وشمال ويقف قدام احدي الحوائط ويبص تاني يمين وشمال ويتاكد ان ما فيش حد شايفة ويحط ايدة علي الحائط دة يتحول الحائط الي مياة يدخل فيها تيتوس وترجع الحائط بعد دخوله الي شكلها الاصلي وتيتوس وراء الحائط جوة اوضة فاضية تماما ما فيش في الاوضة الا مريا مغطاء بالقماش يمسك تيتوس القماش الموجود علي المريا ويسحبة لتحت يظهر زجاج المريا يبص تيتوس للمريا للحظات ويتمتم بطلاسم شيطانية تهتز المريا بشدة ويظهر جوة منها عجوز شكله مخيف ومريب يبص له تيتوس ويقول

 زمعاء  انا في مصيبة ومحتاج مساعدتك يا ملك ملوك الجن الاحمر

زمعاء بصوت ملعون

حصل اية يا تيتوس.  

تيتوس

رع. هرب من القبر

زمعاء

الام ايانا قتلت المنسوخ

تيتوس

قتلته ودة اللي ما كنتش عامل حسابة ما كنتش اتوقع ان ام تقتل ابنها

زمعاء

انت اللي ديما مستعجل وعايز الدنيا كلها تكون تحت ايدك خليتك تمتلك قرية الغابة بكل الخير اللي فيها. طمعت في حكم روما. قولت لك تستني بعض الوقت علي حكم روما لكنك صممت تلجاة. ل اموات العبيد ولعنتهم علشان تحكم وعن طريق العجوز شازيم زرعت اللعنه في المنسوخ من رع ابن ايريس وايانا وحكمت بالسجن ل رع. واطلاق المنسوخ في روما. وافتكرت ان الام ايانا مستحيل تقتل ابنها مهما عمل 

تيتوس بعصبية

انا مش جايبك دلوقتي قدام مني علشان تحاسبني انت نسيت انك يا زمعاء مجرد خادم عندي

زمعاء

تيتوس المغرور بيقول ل ملك ملوك الجن. انه مجرد خادم عنده 

مسك تيتوس المريا بعصبية وقال

ايوة خادم. طول ما انت سجين المريا دي. انت في خدمتي

زمعاء

قدرت تضحك عليه وتخليني سجين مريا الذنب اللي بقيت سجينها بسبب حبي ل جواليا. بنت الطباخ روبرت 

تيتوس

وهو انت ما تعرفش ان متحرم علي الجن عشق بنات الانس ازاي طيب وانت ملك ملوك الجن

زمعاء بعصبية

انت يا ملعون اللي خدعتني وجبت جواليا لغاية هنا علشان اتعشم اكتر واكتر في انها ممكن تبقي ملكي وبمجرد ما قربت منها. سلمتني لعشائر الجن العشر.  وحكموا عليه باني اكون مجرد سجين ل مريا الذنب وخبيث زيك يمتلكني

تيتوس بعصبية

ادب. يا زمعاء وانت بتتكلم مع سيدك والا امرت المريا بالانتقام منك. لغاية نهاية عمرك 

زمعاء 

انت ما تقدرش تخلص مني. انا اللي رجعت لك لعنه اموات العبيد للدنيا انا اللي قدرت احبس اهل قريتك جوة القرية بلعنه تخلي اللي يخرج ومش في جسمه دمك يتحول لحجارة. انا خليت جواليا سجينة القصر دة وما قدرتش تخرج والا تتحول ل عجوز في سكرات الموت. ولكل لعنه نهاية. ومسير جواليا تقابل اللي يحبها اكتر مني ومنك وساعتها هتهرب وتسيبك.  

تيتوس بعصبية شديدة

اللي يفكر يقرب من جواليا هيكون الموت بداية طريقة ونهاية مصيرة.

وضغط تيتوس علي المريا اكتر واكتر وبدأ يختنق زمعاء. وتيتوس بيقول

ودلوقتي قولي يا ملعون ازاي اقدر ارجع تاني واتحكم في شعب روما.

زمعاء بصعوبه

شيل ايدك من علي المريا هموت

تيتوس

موتك قصاد كلامك

زمعاء

رع. لازم يجي هنا ومن تاني جسمة يكون بوابة لخروج الاموات

تيتوس

بقول لك رع خرج من القبر وما عرفش راح فين

زمعاء

تدور عليه وتجيبة

شال تيتوس ايدة من فوق المريا وهو بيقول

اجيبة وبنفسي، ،،،،،،،،،،،

ومن روما تقف ايانا وحكا وصوفيا قصاد مجموعه من الحراس كانو يحفرون قير ل رع المزيف اللي كان علي ايد ايانا اللي بتعيط وبحرقة وهي بتبص له وبتقول

سامحني يا ابني. بس الشر عدي كل الحدود كان لازم يكون لي نهاية

صوفيا

ايانا لية ما خلتناش ندفن رع في المقابر الملكية

ايانا

ابني مش ملك ولا امبراطور. ابني مجرد طفل عادي بسببي اصبح كائن ملعون. وعلشان كدة مش هيدفن زي الملوك هيدفن زي اي حد من شعب روما 

وانتهي الحراس من حفر القبر فقال واحد منهم. لصوفيا

خلاص يا مولاتي. القبر اصبح جاهز

عيطت ايانا بحرقة وفضلت تبص ل رع وقلبها بيموت من الحزن. راح حكا ناحيتها ومد ايدة ياخد رع منها بصت له ايانا وقالت

لا. مش بسرعه كدة.

حكا

مولاتي الحزن مش هيرجع اللي فات

وقدر حكا ياخد منها الطفل وحطة في الحفرة. وبدا الحراس يرتمو عليه بالرمل وايانا فضلت تبص للمنظر لغاية ما رجلها بدات تخونها واغمي عليها من صعوبه المشهد، ،،،،،

ومن الجنوب. يقعد منكاو قدام نفس تو اللي كانت مربوطة في شجرة واثار الضرب والتعذيب باينه عليها  وقصاد من منكاو الطفل مناع وعلي رقبه مناع خنجر منكاو وكان بيقول بتهديد واضح وصريح

فين باقي ابناء الكهنة. دة لو انتي عايزا الطفل. دة يعيش 

نفس تو

احنا مش من الكهنة وماعرفش انت بتتكلم عن اي مخباة

منكاو

انا اعرف كل اهل الجنوب وابناهم.  الطفل دة من كِمِيتأوكيمى. زي ما انتي من كِمِيتأوكيمى. وعارف انكم اخر الهاربين من مذبحة جسر.  وشوفتكم قبل كدة وانتم في المخباة دة. قبل ما حد منكم قدر يضربني علي دماغي من الخلف وهرب

نفس تو

كل الكلام دة مش صحيح

منكاو

انتي امراة قوية جدا وانا اشهد لك بكدة لانك قدرتي تستحملي تعذيني ليكي. لكن تفتكري ان الطفل دة يقدر يستحمل خنجر مسنون زي اللي في ايدي يقطع رقبته

نفس تو

انت مش هتقدر تقرب من الطفل دة 

منكاو

لية 

نفس تو

لانه من ال 7. قابضي الارواح.  

استغرب منكاو لكن نفس تو بصت ل مناع بصة المحاربين ل بعض واديته اشارة زي اللي عملهم ايريس وافتكر مناع تدريبات ايريس لي. وفي حركة واحدة زق ايد منكاو بعيد عنه ونزل بدماغه ل تحت ولف جسمة بسرعه علشان ياخد الخنجر من ايد منكاو اللي اتصدم من اللي عمله مناع. ولسة هيستوعب منكاو اللي حصل لقي مناع بيمسك بحجر والحجر جعل من اللكمة اللي اداها ل منكاو في رجلة قوة خلت منكاو يقع علي الارض ويبقي في نفس مستوي مناع. اللي بص له بغضب شديد وضربه لكمة تانية قوية والحجر في كف ايده. واللكمة دي خلت منكاو يفقد الوعي.  وراح مناع بسرعه وفك نفس تو اللي حضنته وقالت

تسلم ايدك 

مناع بفرحة شديدة

انا بقيت محارب 

نفس تو

لازم تكون محارب طالما انت من ال 7 قابضي الارواح. يلا نرجع المعبد قبل ما يفوق 

وخدته وخرجت جري من المخباة، ،،،،،،،،،،

كان في نفس الوقت ايريس في المعبد والطفل بيقوله علي اللي حصل اتعصب ايريس وقال

وازاي نفس تو تروح هناك ل وحدها

هنا قالت والده مناع

انا عايزا ابني 

ايريس

انا رايح المخباة القديم وباذن الله مش هرجع الا بيهم

لسة هيمشي ايريس راحت والده مناع ووقفت قدام منه وقالت

انا هاجي معاك

ايريس بحزم شديد

ما فيش حد منكم هيخرج من هنا. مفهوم

وخرج ايريس بسرعه من المعبد، ،،،،،،،،،،

ومن الصحراء يمشي رع الحقيقي وسط الصحراء وهو خايف وجعان وتعبان وبيقول باعلي صوت

امي ايانا.   اخويا حورس.  حكا.   

ويقف مرة واحدة لما يلاقي قدام منه ذئب بص للذئب والذئب فضل يبص له الغريب ان رع ما خفش من الذئب لانه ما يعرفش ان دة ذئب وراح ناحية الذئب والذئب كرر يهجم علي رع. وهنا يخترق سهم رقبه الذئب بص رع للمكان اللي جه منه السهم لقي رجل ضخم الجثة بيبص له،،،،،،،،،،،،

ومن جوة مطبخ تيتوس يقف حورس مع الطباخ روبرت وكان روبرت بيقول

انا كدة شغلي خلص في المطبخ النهاردة. ومش عارف اخفيك فين

حورس

هو في حد من الحراس بيدخل المطبخ بالليل

روبرت 

ممنوع دخول اي حارس لكن دة وضع ما يطمئنش

حورس

طيب واية الحل

هنا يتفتح باب المطبخ وبتفزع روبرت وحورس وعيونهم علي باب المطبخ ،،،،،،،،،،،،،

ومن الجنوب وفي السوق يقف الرجل اللي دل منكاو علي مخباة ابناء الكهنة وسط السوق وكان شارب خمر وبيقول بصوت عالي

انا اللي ساعد منكاو في قتل ابناء الكهنة انا بطل الاطبال

كانت زاهية واقفة مع حور في الدكان وسمعوا اللي بيقولو الرجل وبصو ل بعض وقال حور

تفتكري الكلام اللي بيقولو الرجل دة صحيح

زاهية

دة شامتن اخبث رجال الجنوب وشغال بصاص للي يدفع له اي اموال. يعني ممكن يكون قدر يعرف مكان ابناء الكهنة فعلا

حور

انتي قولتي ان المعبد دة ما حدش يوصل له

زاهية

دة حقيقية بس باين ان شامتن قدر يوصل لهم 

حور

هو انتي تعرفي فين منكاو دلوقتي

زاهية

منكاو ركب حصانه وما عرفش راح فين 

حور

امتي

زاهية

من ساعتين. وايريس  راح من ساعه للمعبد

حور 

هتبقي مصيبة لو منكاو شافو في المعبد

وبدأ القلق يصيب حور وخرج من المحل بسرعه وهو بيقول

انا لازم اتحرك بسرعه والحق سيدي الكاهن ايريس 

اتصدمت زاهية وقالت

ايريس كاهن

                   الفصل الخامس عشر من هنا 

لقراءة باقي الفصول من هنا