رواية الكاهن وراس الغول
الفصل الخامس عشر
بقلم محمد منصور
★زاهية
من ساعتين. وايريس راح من ساعه للمعبد
حور
هتبقي مصيبة لو منكاو شافو في المعبد
وبدأ القلق يصيب حور وخرج من المحل بسرعه وهو بيقول
انا لازم اتحرك بسرعه والحق سيدي الكاهن ايريس
اتصدمت زاهية وقالت
ايريس كاهن
ارتبك حور وحس قد اية هو خرب الدنيا فقال
انا،،،،،،،
لكن زاهية بصت له بغضب شديد ومشيت بسرعه من قدامه بص لها حور وبقي محتار يروح وراء منها ولا. يروح ل ايريس وبعد تفكير للحظات لقي نفسه بيقفل الدكان وبيروح ل ايريس. ،،،،،،،،
ومن جوة قصر تيتوس كانت جواليا بنت روبرت تقف قدام حورس وهي بتبص له وفي عيونها اسئلة كتير وبتقول ل والدها روبرت اللي كان بيلتقط انفاسة بصعوبه
برضو مش عايز تقول مين دة وبيعمل اية هنا
روبرت
سيبيني الاول اخد نفسي بعد الفزع اللي عشت في. لما دخلتي علينا المطبخ
ضحكت جواليا وقالت
افتكرتني حد من الحراس
روبرت
هو كدة فعلا
جواليا
للدرجة دي خايف علي هذا الغريب
وبصت ل حورس اللي كان مسحور بجمال جواليا وقال روبرت
وما خفش عليه ازاي وانا حاسس ان دة اللي هيقدر ينقذنا من تيتوس
جواليا وهي لسة بتبص ل حورس
وقدر ازاي
وسكتت وبصت ل روبرت وقالت
لسة مش عايز تعرفني اسمه
روبرت
دة حورس
حورس
انا حورس ابن الكاهن ايريس وابن ايانا
روبرت رجعت تبص ل حورس وقالت
اخيرا سمعت صوتك. دة انا حسيت انك اخرس
حورس ابتسم وقال
مش اخرس لكن الفزع زي ما قال العم روبرت كان لا يحتمل
جواليا
وازاي قدرت تدخل قصر تيتوس رغم الحراسة اللي عليه
روبرت
دخل وسط الغزلان. صيد الحراس
جواليا باعجاب شديد
باين عليك شجاع وذكي
حورس
الجوع برة القصر خلي قلبي ما يعرفش. الخوف
جواليا
وداخل القصر طالب مساعدة
حورس
داخلت القصر طالب راس تيتوس الظالم
ضحكت جواليا. وقالت
انت تقدر تشوف الشيطان. بعيونك
حورس
لا. بس اقدر احس بي
جواليا
اهو تيتوس زي الشيطان. كلكم تقدروا تحسوا بي وبافعاله لكن ما حدش يقدر يشوفو غيري
حورس باستغراب
مش قادر افهم. تقصدي اية. بس للعلم انا شوفت تيتوس في اخر خطاب لي وقت ما امر الحراس برمي العواجير برة القرية وتحوليهم الي مجرد حجارة
جواليا
اللي شوفته انت وغيرك وقت الخطاب واحد من تلاته يشبهون تيتوس.
اتصدم حورس اكتر واكتر وجواليا قالت
ما تستغربش. تيتوس ملك السحر الاسود وفي خدمته ملك ملوك الجن. زعماء اللي جعل من تيتوس تلت نسخ. واحد هو الاصل والاثنين التانين منسوخين. وما حدش يقدر يفرق الاصل من المنسوخين. الا انا لان الاصل هو اللي بينام جنبي في السرير
روبرت
انا اول مرة اعرف الكلام دة
جواليا
انا لسة عارفة الكلام دة من وقت قليل. واتاكد منه. بعد ما تيتوس جه اوضي وودعني وقالي انه خارج في رحله صيد وبعدها شوفت اتنين جوة القصر يقدر تيتوس وهو مش موجود في القصر يشوف بعيونهم ويسمع بودانهم كل اللي بيحصل وقت غيابه
روبرت
دة اخبث من الشيطان
جواليا
دة اللي عرفته واستغليت انه برة وجيت لك المطبخ علشان اقول لك. انك لو ما قدرتش تخلصني من العذاب دة. انا هموت نفسي
قام روبرت وخد بنته في حضنه وقال
وانا ازاي اقدر اعيش من غيرك جواليا
جواليا
انت بعيد عنه. مهما كنت قريب لكن انا اللي مكتوب عليه اني احس بانفاسة وهو في حضني. انفاسة الكريهة اللي كلها شر
حورس
جواليا. انا صحيح ما عرفكمش لكني بقيت منكم. واعتبري اللي هقولو دة وعد مني. انا دخلت قصر علشان راس تيتوس. بس. لكن بعد ما شفتوكم هقدم لك فوق راس تيتوس خروجك من هنا انتي والعم روبرت
جواليا بصت ل حورس وقالت
هتقدر تعمل كدة
حورس
هقدر. بس محتاج مساعدتكم
جواليا
نقدر نساعدك ازاي
حورس
تيتوس علشان يموت لازم يموت وهو نايم جنبك علي سريرة. علشان اتاكد انه هو. وعلشان كدة لازم نفكر في ازاي اقدر اعيش جوة القصر من غير ما قلق من ان اي حارس يشوفني.
جواليا
ما فيش غير انك تكون واحد من الخدم اللي عندي
روبرت
بس علشان يبقي من الخدم لازم يكون ملهوش في الستات
حورس
تقصد اني اكون مش راجل.
روبرت
هو كدة
حورس
ودة بيحصل ازاي هنا
جواليا
الخدم اللي كبروا في السن بامر من تيتوس بيترموا برة القصر. وبيجي سيد العبيد من روما معه خدم في سنك كدة. بيختار منهم تيتوس اللي يقوم بخدمتي. وبعدها طبيب القصر بيقوم لك بعملية تجعل من الخدم عاجزين
حورس
وسيد العبيد دة جاي امتي
جواليا
كمان يومين او تلاته
حورس
طيب بعدها تيتوس بيقدر يتعرف علي اشكال الخدم اللي اختارهم بنفسه
جواليا
لا. لانه بينسي هو اختار مين وساب مين. والخدم دول بيكونو ديما في الجناح الملكي الخاص بيا تحت امري. مع الجواري
حورس ابتسم بمكر وقال
عظيم وانا جاهز اعمل العملية دي. واكون الخادم الجديد ل مولاتي جواليا
بصو له الاثنين ب استغراب شديد، ،،،،،،،،،،،
ومن جوة قصر افيتوس تقف صوفيا قدام ايانا وكانت بتقول
روما مش هتتساب من غير حاكم. ورايي وراي مجلس اسياد روما انك انتي يا ايانا احق واحدة بحكم روما بعد ما انقذتينا كلنا من لعنه اموات العبيد والشر اللي كان جوة الطفل ر،،،،،،
وسكتت صوفيا لانها حست ان الكلام دة هيجرح ايانا.
ف بصت لها ايانا وقالت
الشر اللي كان جوة رع. قولي صوفيا سكتي ليا
وبدا قلب ايانا يعتصر من الحزن لكن صوفيا قالت
ايانا انتي عملتي الصح.
ايانا وهي بتصرخ قالت
انا قتلت ابني. بايدي
صوفيا
قتلتي واحد علشان الالاف من شعبك يعيشوا في امان وانتي قولتي بنفسك اللي كان وسطينا و شايل اسم رع. مش هو ابنك. اللي كبر جوة منك. رع اتحول لكائن ملعون
ايانا
صح. كان لازم يموت.
صوفيا
وبعد ما مات لازم ايانا تبقي اقوي من اللي فات وتحكم روما علشان بلد من غير حاكم زيك هينكتب عليها الضياع والخراب. من اي عدو ليها
ايانا
انا مش قد حكم روما ولا قد اختيار قرارات مصيرية
صوفيا
مافيش قرار مصيري اصعب من ان ام تاخد قرار بقتل ابنها. اجهزي ايانا علشان تلبسي تاج حاكم روما
ايانا
صوفيا
صوفيا ما ادتهاش فرصة تقول اي كلام تاني وندهت واحد من الحراس وقالت
اطلب من المنادي بتجميع اسياد روما في ساحة القصر،،،،،،
وفعلا اتجمعوا وكبير اسياد روما امسك بالتاج وحطة علي راس ايانا واصبحت ملكة روما، ،،،،،،،،،،،،،
ومن الجنوب يخرج منكاو من مخباة ابناء الكهنة القديم وكان خنجرة في دم وهدومة عليها دم. بعد ما قدر الطفل مناع من ضربه بالحجر في دماغه واصابته. في نفس الوقت يوصل ايريس وينزل من فوق حصانه ويبص ل منكاو والدم اللي في خنجرة والدم اللي علي هدومة ويظن ان منكاو قتل الطفل ونفس تو. فهجم ايريس علي منكاو وقال بمنتهي العصبية
عملت اية في المراة والطفل اللي كان معاهم
منكاو باستغراب
ايريس انت عرفت ازاي اني هنا. ولية بتسال عن الطفل والمراة
مسك ايريس رقبه منكاو. وندهه باعلي صوته وقال
نفس تو. مناع.
منكاو بعصبية وهو بيحاول الافلات من خنق ايريس لي قال
انت ازاي تمسكني كدة. نسيت انا مين يا ايريس
ايريس طلع خنجرة من جرابه وحطة علي رقبة منكاو وقال بتهديد واضح وصريح
لو ما قولتش عملت اية في المراة والطفل. نهايتك هتكتب دلوقتي وعلي ايدية
منكاو
اهتمامك بامر المراة والطفل. محسسني انك منهم
ايريس وهو بيبص في عيون منكاو بتحدي
ايوة انا منهم. انا اخر كاهن. يا منكاو وعندي استعداد اذبحك دلوقتي لو ما قولتش الطفل والمراة فين
منكاو اتصدم وقال
انت من الكهنة
غرز ايريس الخنجر اكتر في رقبه منكاو وقال
انطق فين المراة والطفل
منكاو
في. جهنم. روح اطمئن عليهم
وهنا اتوجع ايريس لان خنجر منكاو كان اتغرز في بطنة