رواية الكاهن وراس الغول
الفصل الرابع والعشرون24
بقلم محمد منصور
ومع شروق شمس تاني يوم يوصل ل كِمِيتأوكيمى ايريس وحور ومعهم قابضي الارواح ويقفوا وسط السوق ويبص حور ل ايريس ويقول
سيدي الكاهن اية الخطوة اللي جاية
لكن ايريس ما ردتش وفضل يبص ل كِمِيتأوكيمى باشتياق شديد ويبص ايريس للمكان اللي كان في بيته واللي اتحول لبيت تاني بعد ترميمة من اثار الحريق والخراب اللي اصاب البيت وقت مذبحة الكهنة وقتل جسر ليهم وفضل ايريس سرحان في كل اللي فات وافتكر ايانا وابنه وهربت دمعه من عيونه مسحها حور وقال
الذكريات ساعات بتقوي صاحبها وتخلي زي الصخر وساعات تهده وتخلي الميت الحي. وانا اخاف عليك من ان ذكرياتك تخليك الميت الحي واحنا كلنا محتاجين لك ايريس
بص له ايريس وقال
متخافش عليه الذكريات هتخليني زي الصخر. دة احنا خلاص وصلنا لنهاية المشوار
حور
مين قال كدة دة احنا لسة في اول المشوار. ومستنين منك تقولنا نبدأ منين
ايريس
علشان تكون اقوي من عدوك لازم تعرف كل حاجة عنه نقاط قوته ونقاط ضعفة. واللي اهم من كدة لازم نزرع الفتنة بين الجنود وبعضيهم. وبين الجنود واهالي كِمِيتأوكيمى
حور
اللي انت بتقوله دة محتاج وقت وفلوس كتير
ايريس
في حكاية الوقت لازم ما نستعجلش وبالنسبة للفلوس تحت بيتي في صندوق من الذهب كنت شايلة بنفسي علشان اي ظروف. وجة وقت الصندوق دة يخرج من مدفنه ويكون السبب في شراء خونه من قلب جيش جسر
حور
وازاي هنوصل للصندوق دة
ايريس بص حوالين منه لغاية ما عيونه وقعت علي راجل مجنون. قالع هدومة كلها تقريبا وبيهتز وقال
دة اللي هيدخلنا البيت من جوة
حور بص للشخص المجنون وقال باستغراب
دة طيب ازاي، ،،،،،،،،،،،،،
ومن فوق حصان يقعد الشخص المجنون. والحصان دة كان بتاع ايريس وكان هائج بعد ضرب ايريس لي في منطقة تهيج الاحصنه ووجه ايريس وش الحصان ناحية باب البيت وكسر الحصان باب البيت بسبب هياجة واتفزع سكان البيت ودخل وراء الحصان جري ايريس وحاول يمسك لجام الحصان وهو بيقول
ما تخفوش انا هسيطر علي الحصان
وبص ايريس للمجنون وقال
انت ازاي تركب فوق حصان وتكون السبب في خوف نساء ابرياء
صاحب البيت خد ولادة ومراته في ظهرة وقال
من فضلك حاول تسيطر عليه. وانا مش عارف اية اللي وصل المجنون دة لانه يركب حصان
ايريس ضرب الحصان وهيجة زيادة وقال
بحاول بحاول
وهنا دخل حور وقال
والدي. في اية
ايريس
ساعدني نسيطر علي الحصان
واستغل ايريس ان اهل البيت ركزوا مع حور وتوجع وطار في الهواء وكأن الحصان ركله بص له صاحب البيت وقال
انت بخير
ايريس بدأ يمثل و قام وقف بصعوبه لكنة وقع تاني وقال
رجلي اتكسرت
وهنا حور بدأ يسحب الحصان برة البيت ورجع الهدوء للبيت راح صاحب البيت ل ايريس وقال
مش قادر تدوس علي رجلك خالص
ايريس
مش قادر
زوجة الرجل قالت
انا طبيبة. ما تقلقش هقدر اعالجك
هنا رجع لهم حور وراح جري علي ايريس وقال بلهفة مصطنعه
والدي انت بخير
زوجة الرجل
ما تقلقش والدك هيكون بخير. بس صعب يتنقل من هنا
وحطت ابدها علي رجل ايريس وصرخ ايريس صرخة كاذبة. فقالت زوجة الرجل
باين انه كسر خطير صعب يمشي عليها
حور
يعني هيفضل هنا
زوجة الرجل
ما فيش قدمنا الا كدة. لغاية ما يتم شفائة
ايريس
انا مستحيل افضل هنا لازم ارجع بيتي
صاحب البيت
وانا مستحيل اسيبك تمشي وانت في الحاله دي. لازم رجلك تخف الاول
حور
والدي اظاهر ان ما فيش قدمنا الا الحل دة
ايريس بحركة تمثيلة
الليلية دي بس. لاني ما قدرش ابعد كتير عن بيتي
صاحب البيت
نطمئن عليك وبعدين اوصلك بنفسي لغاية البيت عندك،،،،،،
وبعدها بشوية يقف حور وسط ابناء الكهنة ويبص لهم ويقول
نص الخطة تمت بنجاح.
مناع
والباقي
حور
النهاردة بالليل هيخرج الكاهن ايريس بصندوق الذهب وبعدها هنتحرك
وهنا يقف وراء حور حارس من الحراس ويقول
انتو مين.
حور بص للحارس وقال
احنا من سكان كِمِيتأوكيمى.
الحارس
بس انا حارس المنطقة دي واول مرة اشوفكم
حور
احنا كنا مسافرين في تجارة لبلاد الغرب ولسة راجعين
الحارس بص لهم بشك شديد وقال
وساكنين في اني بيت
حور بثبات انفعالي
لسة هندور علي بيت لاننا باعنا بيتنا قبل السفر لبلاد الغرب
الحارس
اتمني بعد ما توصله لبيت تعرفوني هتقعدوا فين
حور
اكيد
وسابهم الحارس ومشي وهو عمال يبص عليهم فبص حور ل ابناء الكهنة وقال
لازم نتفرق لان تجمعنا دة هيكون سبب للشك فينا
مناع
ونتقابل ازاي
حور
بعد منتصف الليل هنتقابل هنا
وفعلا اتفرقوا، ،،،،،،،،،
ومن جانب اخر ل كِمِيتأوكيمى. تقف زاهية ومعها النساء بعد ما قلعوا لبس المحاربين وقالت نفس تو
زاهية بعد ما وصلنا هنا اية الخطوة اللي جاية
زاهية
نشوف بيت نسكن فين
نفس تو
ازاي ومنين واحنا مش معانا اي فلوس
هنا زاهية شافت حارس بيبص لهم بصت للحارس وابتسمت والحارس قرب وقال
شكلك غريبة يا جميلة الجميلات
زاهية
فعلا انا واخواتي اغراب عن هذة البلاد
الحارس
واية اللي جابك هنا
زاهية بدلع
احنا جواري وهربنا من اسيادنا. في بلاد الجنوب.
ولفت ايدها حوالين رقبة الحارس وقالت
وبندور علي بيت ننام في
الحارس
عندي بيت تتمنا اي امراة جميلة
زاهية وهي تقترب منه
اشوف واحكم بنفسي.
الحارس وهو بيبص علي باقي النساء. قال
واخواتك
زاهية
هات لهم من الحراس، اللي يخليهم ينسوا الجنوب ويحبوا بلادك
ضحك الحارس وقال
فهمت قصدك. تعالي معايا
وبصت زاهية ل باقي النساء اللي فهموا اللي بتفكر في. ومشيوا وراء منها، ،،،،،،،،،،،
ومن جوة بيت هذا الحارس يقف الحارس ومعه زاهية وباقي النساء وكان بيقول
البيت بيتك انتي وكل النساء اللي معاكي
وقرب منها وقال
بس في الاول اتمني لو اشرب كاس من سحر شفايفك
قربت زاهية منه وقالت
طبعا.
وقرب الحارس اكتر من زاهية وزاهية بصت له بمنتهي الغضب وغرزت الخنجر في رقبته من الجنب وقالت
اشرب في الاول كاس. بطعم الدم
اتوجع الحارس وبص لها وهو بيحط ايدة علي رقبته اللي بتنزف بشدة ووقع علي الارض وجسمة كله بيتنفض لغاية ما فارق الحياة. بصت زاهية للنساء وقالت
اتنين منكم يساعدوني في. دفن الجثة
وبصت ل نفس تو وقالت
وانتي خدي اتنين معاكي واقفلي الباب من الخارج زي ما كان مقفول وقت ما وصلنا
نفس تو باستغراب
لية
زاهية
علشان اللي يشوف الباب يفتكر ان الحارس صاحب البيت لسة ما رجعش
نفس تو
وهدخل منين
زاهية
من الشباك. ويلا بسرعه ما فيش وقت. عايزا كل دة يحصل قبل ما حد يحس بوجدنا داخل البيت، ،،،،،،،،،،،
وبالليل ومن جوة البيت اللي بايت في ايريس. يقوم ايريس من علي سريرة ويروح لغاية باب الاوضة اللي كان نايم فيها ويبص يمين وشمال ويتاكد ان ما فيش حد في البيت فيخرج بحذر شديد ويبدأ يتسلل لغاية ما وصل عند الاوضة اللي مدفون تحت منها صندوق الذهب ودخل الاوضة وبدأ الحفر ،،،،،،،،،،،،
وبعدها بشوية يخرج ايريس من البيت وهو شايل الصندوق ويقابله حور وباقي ابناء الكهنة ويهربوا بعيدا ومعهم الذهب، ،،،،،،،
وبعدها ب شهر تقف مجموعه ايريس بالقرب من احدي معسكرات جيش جسر والمعسكر دة بقيادة باع ود. وكان بيبص ايريس ب حذر شديد للجنود اللي في المعسكر ويقول للشباب اللي معه.
دة اول معسكر معانا ومن اهم معسكرات جسر. المعسكر اللي في حوالي 200 جندي انا قدرت اوصل جوة المعسكر دة ل جندي اسمه. ساموتا. وقدرت اغري بالذهب وبقي جاسوسنا جوة المعسكر دة وعرفت ان القائد باع ود علي خلاف مع قائد المعسكر البحري. خمتانون. ودي فرصتنا نضرب اول ضربتنا في عصب جيش جسر
وفجاة يلاقي ايريس ان في هرج ومرج وجنود بتجري وكور من نار بتترمي عليهم وحد لابس اسود ف اسود بقناع اسود ما سك في ايدة راس باع ود بص ايريس للشخص الغامض دة. واللي وراء منه يخرج خمسة لابسين نفس اللبس وكانو بيقتلو اي حد يقف في طريقهم كانت مذبحة. وانتهت باسرع مما تخيل ايريس ووسط الضباب اللي سببته كور النار اختفي الغامضين، ،،،،،،،،،،،
من قصر جسر يبلغ جسر بخبر موت القائد باع ود. وبالمذبحة اللي حصلت في معسكر الجيش عنده وكان متعصب جدا وبيقول لوزيرة
مين الغامضين دول اللي اتجاروا وقدروا يكسروا هيبة جيش جسر
الوزير
احنا بنعمل كل اللي علينا لكن الهجمة كانت مفاجاة وبمنتهي السرعه والغدر
اتعصب جسر اكتر وقال
اسمع يا وزير. نهاية الغامضين دول تكون الليلة والا هتكون نهايتك انت النهاردة. وها زين بوابة كِمِيتأوكيمى. براسك
الوزير
مولاي جسر الغضب زاد بين اهالي كِمِيتأوكيمى. ودة بسبب الضرائب اللي زادت عليهم وقلة الاكل والشرب
جسر
احنا في ازمة ولازم كلهم يعرفوا كدة
الوزير
قولنا كتير بس خلاص الصبر نفذ
جسر
اقتل اي حد يقول لا.
الوزير
كدة هنقتل شعب كِمِيتأوكيمى. كله
جسر بمنتهي الشر
اقتلهم
في الوقت دة يدخل القائد خمتانون وهو مضروب بسهم مسموم في ظهرة ويقع قدام جسر ويقول
كرات النار وصلت للمعسكر البحري. ومات 100 من جنودي وانا قدرت اهرب بصعوبه
قام جسر من فوق العرش بتاعه وراح ناحية خمتانون ومسك السهم اللي في ظهرة وقطمة وصرخ خمتانون من شدة الوجع وقال جسر
هربت يا جبان. يا اعظم جنودي. كان الافضل ليك تموت ولا انك تقولي هربت
وحط العصا بتاعته في جرح خمتانون وبدات العصا تتحول لكائن بياكل في لحم خمتانون وساب العصا من ايدة وفضل هذا الكائن ياكل في لحم خمتانون والوزير يبص للي بيحصل برعب شديد فيحط جسر ايدة علي كتف الوزير ويقول
ما حبش اشوفك النهاردة بالليل بيحصل فيك زي ما بيحصل في خمتانون. اعرف لي مين بيعمل كدة
الوزير والفزع مرسوم علي وشة.
حاضر يا مولاي
وانتهي الكائن من اكل لحم خمتانون لدرجة ان خمتانون اتحول ل هيكل عظمي ورجع الكائن من تاني ل عصا مسكها جسر والوزير خرج مسرعا من قدام جسر وجسر قال
واضح ان الوقت اللي جاي. هحتاج في ل مساعدة الجن،،،،
ومن جوة اوضة رع اللي كان بيلعب مع عملاق تدخل عليه ايانا وتبص له وطبعا ما كنتش شايفة غير رع فقالت له
يلا اجهز علشان تسافر مع اخوك حورس في رحلة صيد
رع بص لها وقال
انا بلعب مع عملاق ومش بحب الصيد
ايانا
رع. لازم تختلط بينا وتكون مننا وتمارس اللي احنا بنمارسة
رع
لو عملاق هيجي معايا هروح اصطاد
ايانا
واخرتها اية معاك يا رع. اسمع كلامي ولو مرة
رع
امي ايانا ممكن تسيبيني اعيش حياتي زي ما احب
ايانا
تعيش وحيد لية
رع بصوت عالي
انا مش وحيد معايا. عملاق
ايانا
وهو عملاق دة كل اللي ليك في الدنيا
رع
بحب اكون معه في كل وقت. اية اللي يضايق امي ايانا في كدة
في الوقت دة ينضم لهم حورس فيقول
رع صوتك عالي ودة غلط
رع
خلي امي ايانا تبعد عني وانا هبقي كويس
في الوقت دة يصرخ عملاق ويصرخ يبص له رع ويقول
عملاق في اية
عملاق
حرب في بلاد كِمِيتأوكيمى. وجسر طلب تسخير جن للحرب معه ضد البشر. وانا من ضمن اللي اتسخروا للحرب دي ومساعدة جسر
رع
مالك انت ومال الحرب في بلاد كِمِيتأوكيمى. ومين بيحارب جسر
سمعت ايانا الاسم وحورس بص لها وقالو في نفس واحد
كِمِيتأوكيمى.
وبدأت ارضية الاوضة تنشق. وكذا ايد بيسحبوا عملاق وعملاق بيمد ايدة ل رع وبيقول
ساعدني وما تخلهمش ياخدوني انا مش بحب الحرب
مسك رع ايد عملاق وقال
متخافش ما حدش هيقدر ياخدك مني.
شاف حورس ايد اخوة ماسكة وهي بتتسحب لتحت الارض صرخت ايانا وقالت ل حورس
امنع رع من انه يضيع مننا تاني
وحاول حورس يخلي رع يسيب ايد عملاق وهو بيقول
سيب يا رع ايد اللي انت ماسكة
رع باصرار شديد
دة صديقي الوحيد ومستحيل اسيبة ل وحدة
عملاق بيصرخ و رع مصمم ينقذة وايانا بتساعد حورس في انقاذ رع. لكن الارض ابتلعت رع. ورجعت الاوضة ل طبيعتها مش موجود فيها غير ايانا وحورس وصرخت ايانا باعلي صوت عندها وقالت رع.