رواية الكاهن وراس الغول
الفصل الخامس والعشرون 25
بقلم محمد منصور
★وحاول حورس يخلي رع يسيب ايد عملاق وهو بيقول
سيب يا رع ايد اللي انت ماسكة
رع باصرار شديد
دة صديقي الوحيد ومستحيل اسيبة ل وحدة
عملاق بيصرخ و رع مصمم ينقذة وايانا بتساعد حورس في انقاذ رع. لكن الارض ابتلعت رع. ورجعت الاوضة ل طبيعتها مش موجود فيها غير ايانا وحورس وصرخت ايانا باعلي صوت عندها وقالت
رع.
وبصت ايانا ل حورس وقالت
رع ضاع مني تاني
حورس خدها في حضنه وقال
اهدي يا امي. وخلينا نفكر ازاي نقدر نرجعه
ايانا وهي بتعيط بحرقة
مين بلعته الارض قبل كدة وراح مع الجن ورجع تاني
حورس
هيرجع اوعدك يا امي انه هيرجع. بس اول حاجة لازم نعلها اني اسافر ل كِمِيتأوكيمى
ايانا
هسافر معاك
حورس
رحلتي مش محتاجة ليكي
ايانا
دة ابني يا حورس ومش هرتاح وانت راجع لوحدك بلد بيحكمها ظالم زي جسر.
حورس
اخاف عليكي منه
ايانا
الخوف وقته عدي. واللي جاي ما ينفعش في نخاف. انا جاية معاك، ،،،
ومن جوة الجناح الملكي كانت صوفيا تقف قدام ايانا وهي بتقول
يعني اية تروحي لوحدك. ومن غير جنود. انتي رايحة برجلك للي قتل جوزك ولو عرف انك في البلاد عنده مش هيسيبك تعيشي
ايانا
صوفيا اللي فهمته دلوقتي ان في حرب في كِمِيتأوكيمى. يعني هو مش يبقي مركز معايا. انا هروح وادور علي رع وهرجع بمنتهي السرعه. بس دخولي كِمِيتأوكيمى. بجنود معنها اني رايحة احارب وبسببي يموت ابرياء من جنود روما
صوفيا
جنود روما كلها جاهزة تموت علشان ملكتهم تعيش
ايانا
وانا من امتي ضحيت بحد علشان قضية تخصني انا لوحدي. لا. يا صوفيا دم الجنود اولي بيها ارض روما مش يتهدر ل حمايتي
صوفيا
انتي ازاي كدة
ايانا
انا تربية ايريس. ومن مدرسة اعظم الكهنة
صوفيا
كنت اتمني اشوف ايريس دة واتعلم منه الحكمة زي ما انتي اتعلمته منه. وكل حاكم يتعلم منه. مع اني مستغربة ازاي كان وسط الكهنة اللي زي ايريس ورغم كدة فسدوا في البلاد اخر سنين حكمهم
ايانا
حاول ايريس كتير معاهم لكنهم رفضو النصيحة. وطمعوا اكتر واكتر في كل خير البلاد. وظلموا طفح منه الكيل. لو كان عايش ايريس ما كنتش شيلت الحمل التقيل دة لوحدي.
هنا يسمعوا صوت خبط علي باب الجناح الملكي ويفتح الباب ويلاقوا حورس واقف ومعه كل مستلزمات السفر وبيقول
انا جاهز يا امي
ايانا
وانا كمان جاهزة
واترمت ايانا في حضن صوفيا وقالت
اشوفك علي خير اختي صوفيا
صوفيا وهي بتحضنها بخوف شديد عليها
ارجعي في اسرع وقت اختي ايانا
ابتسمت ايانا في وش صوفيا. وخرجت من الجناح الملكي مع حورس، ،،،،،،،،،،
ومن شوارع روما تركب ايانا حصانها ومعها حورس واي حد كان بيقابلها يقول
مولاتي ارجعي لينا بسرعه
وتبتسم ايانا في وشهم وهي فرحانه بحب الناس وعجوز يحمل سيف اترمي قدام الحصان شدت ايانا اللجام وقف الحصان ونزلت ايانا من فوق الحصان وقومت هذا العجوز وهي بتقول
لية عملت كدة
العجوز
مش عايزك تخرجي من هنا لوحدك.
ايانا
بسرعه خبر سفري انتشر وسطيكم عملتها صوفيا علشان ترجعني عن قراري
العجوز وهو بيبكي
خديني معاكي اكون في حمايتك وخدام تحت رجلك
ايانا
انا عايزاك تطمئن عليه انا هكون بخير. وهرجع في اسرع وقت
العجوز
انتي رجعتي ليا بنتي الوحيدة من قرية الغابة. رجعتي ليا الفرحة. خليني في خدمتك. ولو بنتي ليها في الحرب وضرب السيف كانت جت معانا
ايانا
افرح ببنتك وعيش معها احلي ايامك. وانا هرجع تاني اوعدكم
العجوز
روما ما عرفتش العدل اللي في عهدك
ايانا
روما من غيري هتفضل روما. كفاية الحب اللي بين اهلها
وبعد العجوز يقف قائد الجنود ومعه كتيبة كاملة من الجيش وكان بيقول
مولاتي الجنود كلها جاهزة تكون في حمايتك ومستعدة تضحي بحياتها
ايانا بصت ل صوفيا اللي واقفة بعيد وعرفت انها هي اللي بعتته ورجعت تبص تاني ل قائد الجنود وقالت بحزم
بالامر. ارجع مكانك انت وجنودك. انا معايا حورس ودة كفاية جدا ل رحلتي. واتمنو ليا الرجوع
قائد الجنود
امر مولاتي
ورجع القائد وكل الجنود اللي معه وايانا قالت للعجوز
اتمني رجوعي بسرعه.
العجوز وهو بيعيط
اتمني رجوعك باسرع مما اتمني
وركبت ايانا حصانها وانطلقت بي ومن ورها حورس ،،،،،،،،،
ومن جوة بيت قديم يقعد ايريس ومعه حور وباقي الفريق وكان ايريس بيقول ل حور
الغامضين دول بينفذوا اللي احنا كنا بنخطط لي. وهي ضرب قادة جيش جسر
حور
ممكن صدفة
ايريس
الصدف ما تتخلقش بالشكل دة.
حور
كلامك معني انك شاكك في شئ
ايريس
زاهية وباقي النساء
حور اتصدم وباقي الفريق حالهم ما اختلفش عن حال حور وقال ايريس
مش عايزكم تستغربوا اوي كدة. لكن اشمعني وقت التجهيز لخطتنا ظهر اللي ينفذ الخطط دي. لية ما كنش في غامضين قبل كدة. زاهية محاربه وخليت النساء محاربات وهي اللي بتعمل كدة ما سمعتش كلامي وخرجت من المعبد
حور
عنيدة
ايريس
والعند والضرب اللي بتعملو دة ومن غير حساب. هيتسبب لها هي واللي معها في الموت
حور
يعني احنا رجعنا كِمِيتأوكيمى علشان نضرب جيش جسر نلاقي نفسيها مطالبين بحماية النساء من حراس راس الغول.
ايريس
لازم نعرف زاهية وباقي النساء فين. ونمنعهم من اي خطوة مجنونة تانية
حور
هنوصل لهم ازاي بس
ايريس
محتاج افكر شوية واكيد هنوصل، ،،،،،،،
ومن جوة البيت اللي في زاهية والنساء تجلس زاهية قدام منهم وكانت بتشاور علي خريطة لمعسكر السلاح في شاطي البر وكانت بتقول
زي ما ضربنا معسكرين هنضرب التالت
نفس تو
بس انا شايفة اننا المفروض نستني شوية
زاهية
لو استننا يبقي بندي وقت ل جسر يحمي معسكراته من الهجوم بتاعنا وساعتها مش هنقدر نضرب وهيبقي سهل كدة الوقوع بينا
نفس تو
يعني النهاردة ننفذ
زاهية
مع دخول الليل كرات النار هتاكل حراس راس الغول واسلحتهم هتكون ملكنا، ،،،،،،،،
وفعلا يدخل الليل وتروح زاهية هي والنساء عند معسكر شاطي البر ويبدوا يتسحبوا لكن واول ما يقربوا من المعسكر يحسوا بانفاس وحركة حوالين منهم ل حد هما مش شايفينو. خرجكوا النساء سيوفهم وهنا بدأو يذبحوا واحدة وراء. التانية اتصدمت زاهية وبصت ل نفس تو واللي كان معها اتنين كمان وقالت
انسحاب
لكن الاثنين اذبحوا. وفضلت زاهية ونفس تو اللي بداو. يضربوا بسيوفهم في الهواء حوالين منهم وشافو عيون حمراء. بلون الدم وابتسامه سوداء. وحطو زاهية ونفس تو جوة شبك وقبضوا عليهم. وبداو يسحبوا فيهم وهنا ظهر الجن. علي صورتهم الحقيقية وكان وسطهم عملاق اللي اتسخروا لحماية جسر والحرب معه وبداو الجن يسحبوا زاهية ونفس تو. ونفس تو بتقول
يا رتنا كنا سمعنا كلام الكاهن ايريس. قال لنا ما نخرجش من المعبد وهو هيجي هنا ويخلص علي جسر بنفذه
بص لهم عملاق وقال في سرة
ايريس والد رع. هو هنا
زاهية
نفس تو مش وقته ولاحظي ان في اللي تبع جسر قريب مننا
نفس تو
نقصدي اللي بيجرونا دول. هو انتي لسة ما عرفتيش دول مين. دول الجن وما حدش فيهم ببفهم لغتنا. وانتي من النهاردة مش قائدة ليا علشان اسمع كلامك. انتي ايدك بقيت ملطخة بدم النساء اللي صدقوكي وامنوء بيكي
زاهية وهي حزينه
نفس تو. كفاية
نفس تو
اية حاسة بالندم. لكن بعد اية. خلاص الناس ماتو، ،،،،،،،،
في نفس الوقت كان مناع بيراقب معسكر شاطي البر بامر من ايريس ورجع بسرعه رهيبة ل ايريس اللي كان وسط الصحراء بقرب من بوابة كِمِيتأوكيمى وقال له مناع
مصيبة يا سيدي الكاهن
ايريس
في اية يا مناع
مناع
زي ما انت توقعت النساء بقيادة زاهية هما الغامضين
ايريس
انت متاكد
مناع
انت امرتني بمراقبة معسكر شاطي البر. وانا براقب المعسكر دخلو الغامضين للمعسكر وحصل معركة بينهم وبين اشباح. ذبحوا منهم خمس. واسروا زاهية ونفس تو
ايريس اتعصب اوي وقال
شوفتي اخرة العند يا زاهية. وصلت بيكي ل فين
مناع
والعمل دلوقتي يا سيدي الكاهن
في الوقت دة يلاقو اتنين من بعيد جائيين علي احصنتهم ووسط الظلمة ما كنش باين هما مين فاستخبي ايريس ومعه مناع وقال ايريس بصوت واطي
واضح ان حد من جنود جسر جه وراك
مناع
طيب والعمل
مسك ايريس بالرمح بتاعه وقال
مافيش الا قتلهم والهروب قبل ما جسر يعرف اني هنا
مناع
وهتصيبهم ازاي بالرمح دة وسط الظلمة دي
ايريس
بالنار
وولع ايريس نار وحدفها لفوق وقدر يحدد مكان واحد منهم ورمي الرمح في اتجاة. وسمع صوت واحد بيتوجع فقال باعلي صوته
اهرب بسرعه
وركبوا الاثنين احصنتهم وانطلقوا وفي نفس الوقت كانت ايانا بتبص ل حورس اللي رمح ايريس اصابه وبتقول لنفسها. وهي بتبص في الظلمة من المكان اللي اترمي منه الرمح
انا سمعت صوت ايريس
لكنها رجعت تبص ل حورس المصاب واللي بيتوجع وقالت
حورس. ساعدني اسحب الرمح من جسمك واعالجك
وفعلا سحبت الرمح من جسم حورس اللي صرخ من شدة الوجع وبعدها سكت. فضلت تهز في ايانا وتقول
حورس. فوق. حورس
لكن السكوت. وما بعد السكوت الا الموت،