رواية الكاهن وراس الغول
الفصل السادس عشر 16
بقلم محمد منصور
★غرز ايريس الخنجر اكتر في رقبه منكاو وقال
انطق فين المراة والطفل
منكاو
في. جهنم. روح اطمئن عليهم
وهنا اتوجع ايريس لان خنجر منكاو كان اتغرز في بطنة وقع الخنجر من ايد ايريس ومنكاو لسة هيغرز الخنجر تاني في صدر ايريس ظهر حور علي حصانه وقدر حور يخلي الحصان يرفس منكاو في وشة من قوة رفسة الحصان طار منكاو لنص متر بعيد عن ايريس ووقع من ايدة الخنجر ونزل حور من علي حصانه بسرعه يطمئن علي ايريس وقال حور
هقتل منكاو انتقاما من اللي عمله فيك
ايريس
حور الضربه مش مميته
لكن حور ما ردتش ومسك خنجر ايريس وراح بي وهو في منتهي الغضب ناحية منكاو اللي ضربت الحصان خليته دايخ وخصوصا انه اتخبط في صخرة. ومش قادر يدافع عن نفسه ولسة هيغرز الخنجر في صدرة صرخ في ايريس رغم تعبه وقال
حور. سيب منكاو
حور بص ل ايريس وقال
اسيبه ازاي بعد ما كان عايز يقتلك
ايريس وقف بصعوبه وقال
منكاو ابن الراجل اللي اكرمنا وخلانا عنده سنين.
حور
سيدي الكاهن
ايريس
قولت ابعد عنه. احنا مش زية
في الوقت يسمعوا صهيل حصان زاهية اللي كانت واقفة وراء منهم وسهم زاهية جاهز لاختراق صدر حور لكنها سمعت وشافت اللي حصل و بص لها ايريس وحور وهي قالت
الكرام لا يرد لهم الكرم الا بالكرم. سامحت اخويا رغم اللي عمله فيك وانا هسيبكم تمشي من هنا وتاخدو معاكم ابناء الكهنة ب امان
حور
زاهية احن،،،،،،،،
قطعته زاهية وقالت
الكلام خلص. انا بنفسي كنت جاية اقتلكم. لكن اللي عمله الكاهن ايريس. عفو عن ضعيف لايرد الا بالعفو واكتر من كدة ما فيش كلام يتقال
وتنزل زاهية من علي حصانها وتسند اخوها الدايخ وتساعده يركب الحصان. وهي بتقول
اهربو لاني لو شوفتكم كمان مرة. مش هقدر اعمل اي حاجة الا اني اقتلكم.
حور بص ل زاهية في عيونها بحب شديد وقال
زاهية اسمعيني ان،،،،،،،
زاهية قطعته تاني وقالت
اللي بتقولو عيونك وقلبك ليا مرفوض عارف لية لاني في يوم حبيت ابن كاهن. لكنه رد حبي لي باعاقة تعيش مع والدي طول حياته. خد الكاهن ايريس وارحل
وركبت حصانها ومشيت وايريس بص ل حور. وحور قال
واية العمل دلوقتي
ايريس
خدني ل معبد الرهبان. وبعدين نشوف لها حل، ،،،،،،،
ومن جوة كوخ صغير في الصحراء يقعد الرجل الضخم اللي انقذ رع من الذئب وكان بيبص ل رع ورع بيبص له وهو خايف وهذا الرجل اسمه عملاق وكان يقول
هتفضل خايف مني لغاية امتي
رع
ومش عايزني اخاف ازاي وانا مجرد طفل فقد امه واخوة
وطلبت منك تساعدني في ان القايهم وانت مش عايز
عملاق
انا ما بخرجش من الكوخ بتاعي الا للصيد علشان اجيب اللي أسكت بي جوعي
رع
يعني هنفضل عايشين في الكوخ دة ما نخرجش منه طول عمرنا
عملاق بحدة
هي دي حياتي لو مش راضي بيها ممكن تخرج للصحراء وتدور بنفسك علي اللي ضاعو منك
بدأ يعيط رع وهو بيقول
اخرج في الصحراء لوحدي علشان الذئب ياكلني
عملاق
مش انت اللي عايز تخرج
رع
انا عايز امي ايانا واخي حورس. انت لية مش عايز تساعدني في اني اوصل لهم
عملاق
لاني بخاف من البشر
رع بص ل عملاق وقال
انت يا عملاق تخاف من البشر دة انا اظن انك بقوة عشر رجال
عملاق
انا فعلا بقوة 100 راجل مش عشر رجال. لكن قوتي من غير شجاعه
رع
ما تقولش كدة انت شجاع. انت صياد الذئاب ازاي تقول انك مش شجاع
عملاق
انا مابخفش من الحيونات حتي لو كان قدامي اسد. لكني بخاف من البشر بعد اللي شوفته من خيانه والدي ل امي. قدام مني. وبعدها حط لها السم في الاكل بعد ما ضحك عليها وفهمها انه عمره ما حب ولا هيحب غيرها وان خيانته ليها مجرد غلطة ما قدرتش استحمل مشهد موت امي وخوفت من غدر والدي بيا زي ما غدر ب امي وهربت من روما وجيت للصحراء وانا طفل ابن 12 سنه. وكبرت وسط وحوش الصحراء. وعمري ما خوفت منهم لكن قصاد غدر البشر بكون ضعيف وجبان
رع
حالتك غريبة لكن اللي حصلك مش زي اللي حصل لي لما اكون طفل ابن سنه. وامي خلتني اكبر جوة قبر مافيهوش الا اموات العبيد علشان خايفة عليها من ملك العبيد. ورغم كدة كبرت وعمري ما خوفت من الاموات ولا. من الاحياء يبقي مين المفروض يخاف. انا ولا انت
عملاق
انا بخاف من الموت. وطول ما انا بعيد عن البشر هفضل عايش لان ما حدش هيغدر بيا. وانت اول واحد من البشر ادخله الكوخ بتاعي واخلي ياكل من اكلي. بعد 20 سنة من العزله
رع
الخيانه موجودة حتي في الحيونات
عملاق
الحيونات المفترسة علاقتنا بيهم علاقة صياد وفريسة يعني فينا واحد ميت لكن مع البشر ممكن تموت علي ايد اللي بتحبة. لمجرد ان المكسب في موتك اكتر ب كتير من مكسبه وانت عايش. ولتاني مرة. انت حر في اختيارك اما بانك تفضل معايا او ترحل
وقام عملاق وبدأ يسلخ لحم ذئب اصطادة علشان يحضرة للعشاء. وساب رع يفكر، ،،،،،،،،،،،،،،
ومن جوة قصر تيتوس ومن قدام المريا اللي مسجون فيها الجن زمعاء. يقف تيتوس وزمعاء قدام منه وكان بيقول زمعاء
رجعت من رحلة البحث عن رع. وباين علي وشك انك ما وصلتش لي
تيتوس بعصبية
مفقود في صحراء روما ومافيش اي دليل اقدر من خلاله اوصل ل اول طريق العثور عليه
زمعاء
الملك تيتوس اصبح قليل الحيلة
تيتوس
اسمع يا ملعون. انت لازم تتصرف وتعرف لي هو فين. لعنه اموات العبيد لازم يتم احياها من جديد
زمعاء
واعرف ازاي وانت بسحرك واعوانك ما قدرتش توصل لي
تيتوس
انت ملك ملوك الجن الاحمر. يعني تقدر توصلني لي
زمعاء
وانا مسجون في مريا الذنب ما قدرش
ضحك تيتوس بسخرية وقال
ذكاءك صور لك انك ممكن تخدعني باللعبة دي. وهي انك تخفي عني رع. اقوم اخرجك من مريا الذنب علشان توصلني لي وبعديها تقدر تنتقم مني.
ومسك تيتوس المريا وبدأ يضغط عليها بمنتهي القوة ويتالم زمعاء وتيتوس يقول
لو انت ملك ملوك الجن. الاحمر. ف انا تيتوس ابن الشيطان.
وبرق تيتوس ل زمعاء وقال بمنتهي العصبية
انطق ازاي اوصل ل رع
زمعاء
مش هتقدر توصل له طول ما انا سجين المريا
تيتوس يضغط اكتر واكتر. علي المريا وهو يقول
يبقي نهايتك هتكون النهاردة.
زمعاء بصعوبة
مش هتقدر انت محتاجني
وبدأ زمعاء يضحك بسخرية ضحكات مخلوطة بالاوجاع. اتعصب تيتوس وساب المريا وبص في عيون زمعاء بمنتهي الغضب وقال
طالما مش عايز تساعدني. يبقي حلال فيك الموت
وبص تيتوس ل ايدة وبعدها ظهرت ظوافر اسد في ايد تيتوس مشي بالظفر دة علي ازاز المريا بدأ يحصل في المريا شرخ وبدأ الشرخ يمشي زي الثعبان ولكن ببطي شديد وزمعاء يبص ل هذا الشرخ ويقول
انت مجنون. لو انكسرت المريا ب الكامل انا هموت
تيتوس
ومش اي موته. انت عارف ان كل شرخ هيملس جسمك هيقطع الجزء اللي اتلمس يعني عذاب. ما بعده عذاب. وانا مابقتش محتاج لواحد زيك. هسيبك يومين وهرجع لك اتمني انك تعرفني اللي يخلي ل حياتك ثمن عندي
وخرج تيتوس وساب زمعاء ينادي عليه والرعب مرسوم في ملامحة. وبيبص للشرخ اللي بيمشي جوة المريا. بمنتهي البطئ. لكن بطئ بعده نهاية، ،،،،،،،،،،
وبعدها بيوم يجي سيد العبيد بكام عبد من بلاد روما ويقف تيتوس قدام العبيد ويختار منهم اللي ينفع يكون في خدمة مراته جواليا. وبعد ما ينتهي من الاختيار يروحوا العبيد مع الطبيب وتتم عملية تعجيز العبيد علشان يبقوا ملهمش في الستات. ومع دخول اخر عبد يقف حورس مع روبرت بالقرب من الاوضة اللي فيها الطبيب ويقول روبرت ل حورس
كدة دخل اخر عبد. ممكن افهم بقي انت ناوي علي اية
حورس
هيخرج اخر عبد من جوة انت هتروح للطبيب وتعمل نفسك تعبان
روبرت
وبعدين
حورس
استغل انا انشغال الطبيب بيك وهكون اخر عبد يخرج من اوضة وهنضم للعبيد اللي عملو العملية
روبرت
والعبد الاخير هتعمل في اية
حورس
هقتله والبس هدومة
روبرت اتصدم
انت بتقول اية
حورس
دة الحل الوحيد علشان عدد العبيد ما ينفعش يكون زيادة واحد
روبرت
مافيش غير الحل الدموي دة
حورس
غصب عني بس سهل ان شكل اخر عبد يتنسي. لكن عدد العبيد ال 30 مستحيل يتنسي. وعلشان خاطر باقي اهالي قرية الغابة هنضحي بواحد بس الباقي يعيش
روبرت
والجثة هتوديها فين
حورس وهو بيشاور علي عمود كبير
هسيبها هناك وراء العمود دة..
روبرت
كدة سهل ان اي حد يكتشف وجود الجثة
حورس
ما انت هتخرج من عند الطبيب وتاخد الجثة علي المطبخ عندك
روبرت
وهعمل اية بيها في المطبخ
حورس
هتطبخها وتطلع وجبة للحراس
روبرت اتصدم وقال
هناكل الحراس لحم بشر
حورس
مافيش قدمنا اي حل تاني. اخفاء الجثة في اي مكان جوة القصر هيتم فضح امرها لكن رجوعك ب الجثة للمطبخ وطبخ الجثة هيكون حل امن
روبرت
والعضم اللي هيطلع من الجثة
حورس
ترمي لكلاب القصر وسط عظام الغزلان
روبرت
انت عبقري حورس. لكن مجنون
حورس
اوقات الجنون يتولد منه اغلي الحلول
واتفتح باب الاوضة واستخبي حورس وروبرت وخرج اخر عبد مع الطبيب وكان باين عليه التعب الشديد بسبب العملية هنا قال حورس بصوت لا بسمعه الا روبرت
دلوقتي
وخرج روبرت للطبيب وعمل نفسه تعبان الطبيب سنده وقال
مالك روبرت
روبرت
بطني بتوجعني جدا
الطبيب بص للعبد الاخير وقال
روح انت لباقي اللي كانو معاك
وسند الطبيب روبرت ودخل بي اوضة الكشف والباب بيتقفل بتاع الاوضة كان روبرت بيبص علي حورس وهو بيهجم علي العبد وبيكسر رقبته واتقفل الباب وحورس سحب العبد الميت الي وراء احدي عمدان القصر وبدأ يبدل هدومة مع العبد وبمنتهي السرعه. وساب جثة العبد وراء العمود. وخرج في الطرقة ومشي بالظبط خطوتين علشان يلاقي تيتوس قدام منه برق حورس من هول الصدمة،