رواية الكاهن وراس الغول
الفصل الثالث والعشرون 23
بقلم محمد منصور
★مسك حور السيف بتاعه والاطفال عملو زي ايريس وزاهية قالت ل نفس تو
ادخلي انتي وباقي الستات جوة
نفس تو
احنا مش اقل منكم واللي ينكتب عليكم لازم يكون لينا في نصيب
وبصو كلهم للحيطة وهي بتتهد والكل مترقب لحظة الاشتباك. وفعلا ظهر منكاو من خلال الحيطة اللي كسرها ولكنه فضل يكسر في الحيطة وكانه مش شايف انه خلاص قدر يعمل طاقة يعدي منها بني ادم. استغرب ايريس وبص ل حور وقال
واضح انه مش شايفنا
حور
مع اننا شايفنه
وشاف ايريس جسر وهو واقف وراء منكاو وبيقول
هتفضل تكسر في الحيطة لغاية امتي
منكاو
صدقني وراء الحيطة دي معبد سري عايش في ايريس مع ابناء الكهنة
حط جسر ايدة علي الطاقة اللي عملها منكاو وقال
بس انا مش شايف الا حيطة
منكاو
سيبني اكسر تاني واكيد المعبد اللي بقول لك عليه هيظهر
جسر
كسر
كل دة بيحصل وكل الموجودين مع ايريس بيسمعوا وشايفين اللي بيتقال وشافو جسر وهو بيمسك شعر منكاو وبيذبحة ب خنجرة صرخت زاهية باعلي صوتها وراحت جري عند الطاقة وحاولت تعدي لاخوها لكنها ما قدرتش وفضلت تعيط وراحت ورها نفس تو وخدتها في حضنها وفضلت تطبطب عليها وزاهية بتبص ل منكاو ودمه بيتصفي. وسمعت جسر وهو بيقول
ادفنو جوة الحيطة اللي اتسبب في خرباها. وامروا المهندسين بارجاع الحيطة زي ما كانت. الاول
وبدوأ حراس عقيدة راس الغول بارجاع الحيطة زي ما كان ودفن منكاو جوة الحيطة. ونظرات زاهية علي اخوها المذبوح كانت بتقطع قلب كل الموجودين. وكانت بتقول
لية عملت في نفسك كدة. لية.
ايريس
نفس تو خدي زاهية وادخلي جوة.
قامت نفس تو وهي بتسند زاهية المنهارة من العياط. وبتبص ل ايريس وبتقول
ما حدش هيقتل جسر غيري
ايريس
الكلام دلوقتي ملهوش اي داعي
زاهية
اوعدني ايريس
ايريس
اوعدك. وقت النهاية جسر هيكون ملكك، ،،،،،،،
ويعدوا 10 سنين. واحنا دلوقتي في روما وحورس بيتفرج علي طفل عنده 9سنين راكب حصان وبيلف بي بشكل دائري. والطفل دة يبقي ابنه ايريس من مراته جواليا في حديقة القصر وتنضم لهم جواليا. فياخدها حورس في حضنه ويقول لها
اخيرا صحيتي
حورس
انت وابنك اللي بتصحوا بدري جدا.
ضحك حورس وقال
الساعه 7. وكدة بدري
وهنا ينضم لهم ايريس الطفل وينزل من فوق الحصان ولا احسن فارس رغم صغر سنه. ويبص ل جواليا ويقول
اخيرا صحيتي امي
جواليا
زيي والدك. صحيح
ايريس
انا زي جدي الكاهن ايريس
جواليا
حورس والدك خلاك تعشق سيرة جدك
ايريس
واتمني اكون زية.
حورس
ما حدش في يوم هيكون زيي ايريس والدي.
وهنا يسمعوا صوت ايانا الواقفة في بالكونة القصر. بتقول
يلا. كفاية كلام. جه وقت الفطار
بصوا لها كلهم وقال حورس
جائيين حالا. ،،،،،،،،،،،،
ومن علي سفرة كبيرة تقعد عائلة ايانا وجنب ايانا تقعد صوفيا. وقدام منهم اصناف كتير من الاكل ورع بيملي طبق كبير بيحط في اكتر من صنف بصت له ايانا وقالت
برضو مش هتقعد تاكل معانا
حورس
سيبي يا امي. هو بيحب يا كل مع عملاق
ايانا
الجن اللي متعلق بي.
رع
امي. عملاق دة صديقي الوحيد وانا لو لسة عايش ل دلوقتي فدة بسببه هو
ومشي رع بطبق الاكل وايانا قالت ل حورس
لازم يا حورس تشوف حل لعلاقة رع بالجني عملاق
صوفيا
ايانا اتكلمنا كنير في حكاية رع وعملاق. ورع ما بقاش صغير وهو بيحب عملاق وعملاق عمل علشان رع كتير
ايانا
ولية ما يبقاش لي اي صديق تاني من البشر ازاي يفضل عايش كدة صديقة الوحيد من الجن
حورس
هتكلم معه امي. ما تقلقيش، ،،،،،،،،،
ومن جوة اوضة رع كان رع بياكل مع عملاق اللي كان بيقول والاكل في بوقة
الملكة ايانا معها حق. انت لازم تقعد تاكل معهم زي ما بتاكل معايا
رع
انا بحب اكل والعب واشرب معاك
عملاق
ولية ما تعملش كدة مع اهلك
رع
ما بعرفش اكون براحتي وانا مع البشر.
عملاق استغرب والاكل وقف في زورو. وقال
رع. انت من البشر ولازم تتعود تعيش معاهم وتحبهم
رع
انا بحبهم. لكني بحب الظلمة اكتر وبحبك انت يا عملاق
عملاق
واضح ان الكام سنه اللي عشتهم في قبر العبيد خلوك تميل للوحدة
رع
يمكن. ممكن بقي كفاية كلام وتخلينا ناكل من سكات
عملاق
اتعود معاك علي اكل البشر وبسببك ما بقتش اعرف اكل طعام الجن.
ضحك رع وقال
هو انتو اللي عندكم دة بتسمي اكل
عملاق
جنب اكلكم. لا.
وضحكا الاثنين.،،،،،،،،،
ومن الجنوب. يقعد حور جنب ايريس الرجل الكبير صاحب ال 50 عام. صاحب الشعر الابيض واللحية البيضاء. قدام 7 شباب. في العشرين من عمرهم ابناء الكهنة قابضي الارواح. وهما.
مناع. ليكا. حوني. اوناس. تيتي. فريس. حابي.
وقال لهم ايريس
النهاردة اقدر اقول ان جة وقت قابضي الارواح لحرب جسر والانتقام للكهنة ولكل روح انهي حياتها الشيطان جسر. عارف ان جسر يمتلك جيش كبير لكن انا امتلك قابضي الارواح. هنضرب بسرعه البرق. وهنكون قدهم. جسر معه الباطل واحنا معانا الحق.
وقام وقف وبص للمعبد وقال
المعبد دة احنا عيشنا بين حيطانه 10 س. بنجهر للحرب ما بقاش لينا مكان هنا تاني. المعبد دة هيفضل في النساء واحنا هنكون برة في كِمِيتأوكيمى وسط جيش جسر بنزرع الفتنة والخراب علشان نقدر نتغلب عليهم. وهنكون فريقين.
وبص ل حور وقال
حور هيكون معه. مناع. وليكا. وحوني. واوناس والفريق دة مهمتة الاساسية سرقة مخازن الاسلحة وتخريب الطعام والشراب. بتاعهم. والفريق التاني. هيكون مكون مني انا.
وتيتي وفراس وحابي. ومهمتنا اغتيال روؤس وقادة جيش جسر ويبان انهم قتلو بعض. علشان الفتنة تحرق الجيش من الداخل
هنا تقف قدام منه زاهية ومعها نفس تو. وباقي النساء وتقول زاهية
شايفك وزعت كل الادوار وكتبت علينا القعاد هنا
ايريس
من مصلحتنا اننا نرجع كِمِيتأوكيمى. من غيركم
زاهية
والوعد اللي وعده ليا بخصوص جسر
ايريس
المهم عندك تنفيذ الوعد ولا. نهاية جسر
زاهية
المهم عندي اني اخد حق منكاو اخي
وشاورت علي هيكل عظمي يخص منكاو اللي فضل دول السنين اللي فاتو يتحلل عند الطاقة اللي اتقتل عندها وقصاد عيون زاهية وكل الموجودين في المعبد
ايريس
زاهية انا ما نستش منكاو. وحقة هيرجع زي غيرة كتير نهايتهم جت علي ايد جسر
زاهية باصرار مخيف
نهاية جسر هتكون علي ايدي انا
حور وقف وراح لها وقال
زاهية اخاف عليكي من مواجهة شيطان زي دة
زاهية بمنتهي العصبية
وانت تخاف عليه لية. تكون لي اية علشان تخاف علية
حور
بحكم العشرة اللي بينا من حقي اخاف عليكي
زاهية بعصبية اكتر
مش العشرة. دة الحب اللي اتولد وكبر في قلبك من ناحيتي واكتر من مرة حاولت تفرض عليه حبك وانا بقول لك لا. ابعد عني بقي. هو الحب بالعافية
احرج حور لكنة جمع اعصابه وقال
مش بالعافية. بس انا هنا قائد وكلامي هيتسمع زي كلام سيدي الكاهن ايريس
زاهية
انت مجرد ظل ايريس. وانا هخرج من هنا وهقتل جسر
ضربها حور بالقلم اتصدمت زاهية وحور قال
انتي تسمعي وتنفذي اللي بيطلب منك. لمصلحة المجموعة كلها
طلعت زاهية خنجرها وحطته علي رقبة حور بص لها حور في عيونها بصة كلها تحدي ممزوج بالحب الشديد وقال
اقتليني زاهية. لو تقدري
اترعشت ايد زاهية وقام ايريس ومسك الخنجر من ايد زاهية وقال بمنتهي الهدوء
انا خليتك تخرجي كل شحنة الغضب والرفض اللي جواكي لقراري. لكن لازم تعرفي انتي لية وباقي النساء ما ينفعوش تكونو في الحرب دي. احنا 9 رجاله قصاد الف جندي. بقوانين الكون احنا خارجين ومش راجعين. لكن بالايمان احنا هنخرج وهنرجع. وعلشان اقدر انا واللي معايا نخرج ونرجع لازم ما يبقاش ورانا نقطة ضعف. لان اللي هيقع مننا في ايدهم مستحيل يقول علي باقي الفريق
زاهية
انا مش نقطة ضعف ل حد ولو برضو وقعت في ايديهم مش هقول عليكم
ايريس
انتي علشان محاربة بتقولي كدة. لكن باقي النساء اللي معانا هيقدروا علي جيش جسر ازاي وهما لا مدربين ولا مؤهلين علي القتال
زاهية
مين قال لك كدة. زي ما انت دربت ابناء الكهنة انا دربت نساء الكهنة وعندي استعداد اي واحدة منهم تتحدي اي حد من فريقك. في معركة قتال ب السيف
ايريس
حتي لو انتم اقوي مننا. ما فيش خروج من المعبد انا مش مستعد اجازف بحياتكم. وبالنسبة جسر اوعدك اني اجيبوا ليكي حي. وانتي تقتلي بايدك
لسة هتتكلم زاهية قال ايريس
ما فيش كلام تاني هيتقال
هنا نفس تو تقول
ايريس احن،،،،،،،،،
قال ايريس بعصبية
قولت ما فيش كلام تاني. ويلا كل واحدة منكم تروح تحضر ل ابنها كل اللي هيحتاجة في رحلتنا ل كِمِيتأوكيمى لاننا هنتحرك الليلة وجسر مش في الجنوب وسايب قصرة
بصت له زاهية وهي رافضة اللي قاله وبصت ل حور وسابتهم ومشيت ووراء منها النساء ،،،،،،،،،،،،،،،
وبالليل يتحرك ايريس واللي معه ويتاخر عنهم حور للحظات اللي تقف زاهية قدام منه وتقول له
اسفة اني قولت انك ظل ايريس
حور
زاهية خلي بالك من نفسك
زاهية
وانت كمان. هستناكم ترجعوا ب جسر حي.
حور
هنرجع بي.
وانطلق حور بحصانه وراء باقي الفريق. وبعدها تسمع زاهية صوت نفس تو بتقول
حور بيحبك
زاهية بصت ل نفس تو وقالت بصرامة محارب
وانا قلبي متحرم عليه الحب لغاية ما اخد حق والدي. واخي اللي شوفته بعيوني بيتحلل قدام مني
وقلعت الهدوم اللي كانت لابسها وظهرت تحت منها هدوم محارب رجالي وبصت للنساء وقالت
جاهزين للحرب والانتقام لازوجكم
كل النساء قلعو الهدوم اللي كانت عليهم وظهرت هدوم المحاربين نفس اللبس اللي لابسه زاهية وقالو كلهم
جاهزين نجيب حق اللي ماتو. او نموت زيهم
ورفعوا سيوفهم لفوق وزاهية قالت
وانا اعرف طريق مختصر كان بيستخدمة والدي في رحلات التجارة. وبسبب الطريق دة هنقدر نوصل قبل ايريس واللي معه.
واتحركت زاهية ومعها النساء