رواية الكاهن وراس الغول
الفصل الحادي عشر
بقلم محمد منصور
صرخت ايانا وحاولت انها تفلت من الحراس لكنها ما قدرتش ونزلت دموع عيونها. مع صرخات اعلي من صوت الظلم الواقع علي ابنها. ونزلت ايد بولس مع نزول. سيف السياف علي رقبه رع. لكن السياف وكل الموجودين استغربوا من اللي شافو. راس رع مقطوعه قدام منهم علي الارض ورغم كدة رع واقف علي رجله وراسه موجودة فوق كتفه وبيبص لهم وبيضحك وبدأ يترفع لفوق وكانه بيطير استغرب كل الموجودين ما عدا واحد بس راجل اسود ضخم لابس شال حوالين وشة مش باين منه الا عيونه وهو اللي كان بيرفع رع بقوة سحرية. قوة تخص اموات العبيد اللي لسة متصلين بجسم رع وراح العبد الاسود دة ناحية واحد عجوز من عواجيز شعب روما وقال في ودان العجوز دة.
رع برئ.
وبدا العجوز يقول باعلي صوت عنده
رع برئ
قال العبد الاسود
علشان كدة الاموات قررو يفدو روحة بروح واحد من الاشرار
وكرر العجوز ذلك الكلام وكل شعب روما باصين ناحيته. وقال العبد الاسود
ابن السيدة الاولي اللي خلصتنا من الملك الاسود غيبا. لازم يعيش. ويبقي الوريث الشرعي للامبراطور افيتوس
كرر العجوز الكلام وقال العبد. الاسود
رع امبراطور روما.
وقال العجوز
رع امبراطور روما.
وبدأ الشعب من بعده يهتفون بنفس الكلام. واتكررت اكتر من مرة.
ابن السيدة الاولي. ايانا. هو امبراطور روما
بلع الساحر بولس ريقة بصعوبه وبص ل صوفيا اللي مصدومة من اللي بيحصل ورجع بولس بص لشعب روما وقال
انتم مسحورين ازاي اللي قتل الامبراطور افيتوس يبقي هو امبراطور. روم،،،،،،،،،،
وقبل ما يكمل بولس الكلمة لقي سيف بيدخل في طهرة يخرج من صدرة لف و بص بصعوبه علشان يشوف عيون افيتوس في وش رع ورع بيسحب السيف منه وبيقول
اتصال الاموات ب جسم رع. اصبح اسهل من غدر ساحر زيك بامبراطور زيي
وغرز رع السيف كمان مرة في جسم بولس وهو بيقول
روما مش محتاجة ل ساحر. لاني انا. الساحر الاعظم
وارتفع رع تاني ل فوق ونزل بكل قوتة علي مقبض السيف اللي اصبح في قلب بولس. لدرجة ان السيف عدي وخرج من ظهر بولس. بصت ايانا للي بيحصل وهي مفزوعه من الحال اللي وصل لي ابنها اللي اتقدم وبص ل شعب روما وقال
بولس هو قاتل الامبراطور افيتوس وانا رع ابن ايريس وايانا. برئ. وجاهز ل حكم روما. وعهد جديد. مين هيكون معايا. ومين هيكون ضدي
بص العبد الاسود ل شعب روما وقال
كلنا معاك.
بدون اي تفكير كرر الشعب كلام العبد وقالو في صوت واحد
كلنا معاك. كلنا معاك.
بص لهم رع اللي جسمه جسم طفل. لكنه اخطر من اخطر راجل عاش علي اراضي روما. وبص رع للعبد الاسود والعبد الاسود بص له وفجاة تحول الي سراب وكانه ما كنش موجود. وايانا بتبص ل حكا وبتقول
الاموات قتلو الطفل اللي جوة رع. واتحكموا هما في
حكا
الدم يا مولاتي عرف طريق ايدين سيدي رع.
ايانا
لازم انهي اتصال الاموات ب ابني. مهما كلفني الامر دة
وبصت ل رع اللي ماسك السيف الملطخ بدم بولس وبيبص ل شعب روما بانتصار شديد، ،،،،،،،،،،،
ومن الجنوب يقف حور في الدكان وقت ما جت لغاية عنده زاهية ومعها الاكل. وقالت
اومال فين ايريس
بص حور ل زاهية وقال
راح معبد الرهبان عند ابناء الكهنة
زاهية
والاكل
خده منها حور وحطة قدام منه وقال
هو قال انه مش هيغيب واكيد هو علي وصول
زاهية
طيب سلام
خرج بسرعه حور من الدكان وراح وقف قدام زاهية وقال وهو بيبص في عيونها
بسرعه كدة
زاهية باستغراب
هقعد اعمل اية.
حور
عايز اتكلم معاكي
زاهية
مالك يا حور. من امتي في بيني وبينك كلام
حور
من يوم اللي عملتي مع ابناء الكهنة وانا حاسس قد اية انتي مختلفة عن كل البنات اللي في سنك
زاهية
انا ما عملتش الا المفروض يتعمل. من امتي كان للاطفال ذنب في خطايا الكبار. رغم اني بكرة الكهنة. واللي زيهم لكن دول مجرد اطفال
حور
هو انتم لية بتكرهو الكهنة
زاهية
علشان لما اكون طفلة بنت خمس سنين اصحي من نومي مفزوعه اشوف والدي الطيب حوالين منه خمسه من الكهنة بيضربوا بطهر السيوف علي رجله لدرجة تصيبة بانه يعيش بقيت حياته بيهرج. يبقي الكره اقل شئ يتقدم علي مائدة عليها اصناف كتير وكلها قهر وظلم ودم كانو الكهنة السبب في. وخصوصا الكاهن اوسر كاف. اخبث الكهنة
اتصدم حور لان اوسر كاف دة والدة. لكن زاهية ما خدتش بالها وكملت وقالت
اوسر كاف اللي سبب عجز والدي. خفو. وكل دة حصل علشان كان عايز يشارك والدي في تجارته غصب عنه. وبمجرد ما رفض والدي. كان انتقام اوسر كاف. اقل ما يوصف بي انتقام متوحش.
وبدات تعيط زاهية وهي بتقول
وبعدها وبمجرد ما قدر والدي انه يدوس علي رجله باعنا كل املاكنا في كِمِيتأوكيمى. وهربنا للجنوب. كان نفسي اوسر كاف يهرب من مذبحة جسر ليهم. ويهرب للجنوب وكنت شوفته انا. ووقتها ما كنش هيكفيني انه يموت وبس. لا. كنت هقتله كل يوم مرة. علشان اشفي نار الكره اللي كلت صدري وقهري علي اللي حصل لوالدي قدام عينية. عرفت لية منكاو. بيكرهم. وانا مش اقل منه.
وبدات تنهار من العياط. وحور بيقول
حقك عليه انا ما اقصدش
هنا يظهر منكاو. ووقف قدام زاهية وحور وقال بعصبية
اية اللي بيحصل هنا. وبتبكي لية يا زاهية
وهجم منكاو علي حور وحط الخنجر علي رقبته وقال
عملت لها اية
حور بخوف شديد
ما عملتش حاجة صدقني. هي بس كانت بتحكي لي عن اللي عملو الكهنة فيكم.
زاهية وهي بتمسح دموعها قالت ل منكاو
حور برئ. انا اللي افتكرت الماضي وما قدرتش امسك نفسي
ساب منكاو حور وقال بغضب
ما هم كانو تحت ايدية وكنت كل يوم هصطاد منهم اللي يشفي غليلي فيهم ويهدي نار الانتقام منهم. لكن اتغدر بيا ومسيري اعرف مين عمل فيا كدة.
حط منكاو الخنجر مكانه وبص ل زاهية وقال
ارجعي البيت واطمنئ انا مش ساكت ومسيري هعرف مكان ابناء الكهنة ووقتها الموت هيكون ارخص سلعة تباع وسطهم
مشيت زاهية وراح منكاو ناحية الدكان وهو بيقول
سامحني حور علي اللي انا عملته.
حور
ما فيش حاجة زاهية اختك وانا مقدر الحاله اللي انت فيها
وبدأ منكاو يبص جوة الدكان باحثا عن ايريس ورجع بص ل حور وقال
اومال فين ايريس، ،،،،،،،،
في نفس الوقت من جوة معبد الرهبان يقف ايريس وسط الاطفال السبع وكان يضربهم علي القتال بالخنجر والمصارعه. والاطفال كانو بيحبوا جدا. فهو كان خير القائد
وكان في فترات الراحة يحكي لهم عن اله الواحد وان قد اية جسر وعقيدة راس الغول اشرار. ولازم ننهي عليهم وترجع عقيدة الاله الواحد. ل شعب كِمِيتأوكيمى. ،،،،،،،،،،،
وبالليل ومن جوة البيت اللي في يسكن ايريس وحور كان ايريس بيقول بعصبية ولكن بصوت واطي
انت مجنون.
حور
مجنون علشان بحب زاهية
ايريس
انت لسة قبليها بتحكي علي عن اللي حصل لخفو والدها علي ايد والدك اوسر كاف. يبقي ازاي بعديها تقول انك بتحبها وكمان عايز تتجوزها
حور
الحب مش بايدية. دة شئ بيكبر جوة القلب. ارجوك ساعدني في الجواز منها
ايريس
انت كمان عايز تتجوزها.
وراح ايريس ومسك ذراعات حور الاثنين وقال بحزم وصرامه
اسمعني كويس احنا مجرد اتنين هربانين من مصير اسود مستنينا لو بس اتعرف اني انا كاهن وانت ابن الكاهن اللي كان السبب في اعاقة والدها. يعني حبك وجوازك ل زاهية مستحيل. انا ما عنديش استعداد اموت بسبب كلام فاضي خلينا ننهي اللي بدانا ونكتب نهاية جسر بايدينا انسي زاهية. انت فاهم.
وسابو ايريس وخرج من البيت وحور بيبص علي الباب اللي بيتقفل وقال
ياريت اقدر. ،،،،،،،،،،،،،،
ونرجع تاني ل روما ورع جوة اوضة بيمارس طقوس معينه وبيقول طلاسم غريبة بعديها تنفتح ارض الاوضة ويخرج طبق مليان اكل وفاكهة لاشهي الاطعمة. وابريق في مشروب عبارة عن خمر علي نبيذ. مسك رع هذا الطبق وخرج بي القصر وايانا كانت بتبص عليه من شباك القصر وجنب منها حكا اللي مستغرب زي ايانا وبيقول
هو سيدي رع. رايح فين بالطبق دة
بصت له ايانا وسكتت. ماعندهاش رد ورجعت تاني تبص علي رع. ،،،،،،،،،،
ومن جوة احدي بيوت روما يخبط باب البيت يفتح رجل علشان يلاقي رع قدام منه. فيقول
الامبراطور رع.
يبتسم رع ويمد ايد بالطبق اللي عليه الاكل والشراب ويقول
احتفل.
الراجل بص للطبق ومد ايدة خد الطبق وقال
كل الاكل دة ليا
لكن رع ما ردتش وسابه ومشي والراجل استغرب لكنه قفل الباب ودخل وندهه لمراته وحكي لها اللي حصل واستغربت لكنها قالت
خلينا ندوق اكل الامبراطور. ما هو مستحيل يكون جايب لنا الا افضل انواع الاكل
وبداو الاثنين ياكلو وبعدها دخلو نامو علشان. تصحي المراة تلاقي جنب منها عبد اسود. صرخت وقالت
انت العبد ارام اللي كان عندنا ومات. ازاي انا شايفاك دلوقتي.
ابتسم ارام وقال
الاموات عائدون. احتفلي
ومسك رقبتها وكسرها. علشان تقع المراة ميته. وفجاة يتحول جسمها كله من لون بشرتها الابيض الي اللون الاسود وتقف علي رجلها وتفتح عيونها وتبص له وتضحك