رواية الكاهن وراس الغول
الفصل الثامن 8
بقلم محمد منصور
وحط منكاو السهم في القوس بتاعه وبص علي طفل يجلس امام بوابة المخباة. ويلعب. قال منكاو وهو مصوب السهم ناحية هذا الطفل
اخر فرحة مع اخر نفس انا هكون سببهم. انا قابض ارواح ابناء الكهنة
وسحب السهم وهو جوة القوس وانطلق السهم لكنة انطلق لتحت لان زاهية ضربت اخوها بطوبة علي دماغه من وراء وقع مغمي عليه وقفت زاهية عند راسة بالظبط وفضلت تبص عليه وهي بتقول
سامحني. يا منكاو. بس ما كانش ينفع اسيبك تقتل اطفال كل ذنبهم انهم اولاد الكهنة. كفاية انهم اتحرموا من ابائهم
هنا وقف وراء منها ايريس وقال
عين العقل يا زاهية
اتفزعت زاهية ورفعت الطوبه وكانت لسة هتهجم علي ايريس مسك ايريس ايدها وقال
متخافيش انا ايريس
زاهية وهي بتنزل ايدها
انت عرفت ازاي اني هنا
ايريس
انا ماكنتش بتبعك انتي انا كنت وراء منكاو. وكان غرضي نفس غرضك منعه من قتل طفل ملهوش ذنب في اللي بينه وبين الكهنة
زاهية
انت سمعتني وانا بتكلم مع منكاو
ايريس
سمعتك وما تعرفيش قد اية انا فرحت باللي انتي عملتي
زاهية وهي بتبص علي مخباة ابناء الكهنة. قالت
كل اللي عملته ملهوش اي قيمة طالما منكاو عرف المخباة دة
ايريس بص ناحية المخباة وقال
لازم نشوف لهم مكان تاني ينفع يكون مخباة لبهم وانا بنفسي هوديهم لي
زاهية
مافيش امن من معبد الرهبان.
ايريس
اية معبد الرهبان دة
زاهية
دة المعبد اللي كان بيعيش في الراهب الاكبر. نكوين. ومن بعد موت الراهب نكوين اصبح المعبد خالي من البشر لو نقدر ننقل الاطفال والنساء دول للمعبد ما فتكرش ان منكاو يقدر يوصل لهم. وخصوصا ان عددهم مش كتير دول تلت نساء. و7 اطفال
ايريس
الخطر مش عند منكاو وبس. جسر وحراسه لو عرفو بوجود ابناء الكهنة مش هيرحموهم
زاهية
يبقي لازم عملية نقل ابناء الكهنة تتم الليلة وجسر وحراسة برة الجنوب
ايريس
بالسرعه دي
زاهية
عندك حل تاني
وبص ايريس ل منكاو اللي لسة مغمي عليه وقال
ومنكاو هنسيبة كدة
زاهية
لازم نسيبة كدة لغاية ما يفوق لوحدة. ودلوقتي انت هتنزل للنساء اللي تحت وتعرفهم بالخطر اللي هما في وتنقلهم ل معبد الرهبان
ايريس
بس انا ما عرفش مكان المعبد دة
زاهية
اة صح نسيت انك مش من الجنوب. طيب اسمعني كويس انت هتفضل هنا جنب منكاو وكل اللي مطلوب منك لو حسيت انه بيفوق خلي يغمي عليه تاني وانا هنزل للنساء واوديهم المعبد
ايريس
لوحدك. هايبقي في خطورة عليكي
هنا ظهر حور وراء منهم وقال
عندي استعداد اروح معها
بصو الاثنين لي ابتسم. وبص ل ايريس وقال
ما كنش ينفع اسيبك ل وحدك، ،،،،،،،،،،،،،،
ومن احدي قري روما يدخل حورس الي القرية والعجوز شازيم علي كتفة وكان حورس تعبان جدا وبيقول بصعوبه
محتاج ارتاح والا هموت
شازيم
اقعد ارتاح. وبعد كام دقيقة. تبدأ رحلتنا ل كِمِيتأوكيمى
حورس قعد والعجوز لسة فوق كتفة وقال حورس
انا ما قدرش اروح كِمِيتأوكيمى
شازيم
انت يا عبد. تقول اروح فين او ما روحش فين
وضرب شازيم حورس الكرباج علي ظهرة وقال
عبد ابيض ملعون
اتوجع حورس وقال بعصبية
كفاية بقي ضرب فيا. انا خلاص ما بقتش قادر استحمل
شازيم وهو بيضربه تاني وبمنتهي العنف
انت بتعلي صوتك عليه. طيب مافيش راحة قوم امشي
حورس
مش هقوم. الا لما ارتاح. وحتي لو قومت مش هرجع برجلي ل كِمِيتأوكيمى. هناك هتكون نهايتي
شازيم فضل يضرب في حورس وهو بيقول وبمنتهي العصبية
قوم امشي قوم امشي
حاول حورس افلات رقبته من رجلين شازيم لكن بلا اي فايدة وشازيم كان بيضحك وبيقول
انت فاكر انك تقدر تفلت من قوة رجلي. دول عصب اقوي من الحديد
هنا تقع عيون حورس علي خمارة فيها كل انواع الخمور فبص حورس للخمارة وقال بمكر
هقوم وهاوديك المكان اللي انت عايزة. بس اشرب من الخمر الروماني. افضل انواع الخمور الموجودة في العالم
بص شازيم للخمارة وقال
لو شربت هتسكر ووقتها مش هتقدر تمشي
حورس
كاس واحد اروي بي عطشي
شازيم بعد التفكير للحظات
هو كاس واحد مش اكتر
وفعلا دخل حورس الخمارة وشرب كاس من الخمر وسط تريقة من كل الموجودين علي حورس اللي شايل شازيم وبص حورس بطرف عينه ل شازيم وقال
تشرب كاس
شازيم
ما حبش الخمر
حورس
بس دة خمر روماني. مش اي خمر. صدقني هتندم لو ما شربتش منه كاس.
شازيم ريقة جري وقال
هات كاس
و ادي حورس ل شازيم كاس من الخمر وشربه شازيم وعجبة طعمه جدا. وطلب كاس تاني وتالت وحس ان دماغه بدات تتقل فقال
كفاية كدة
حورس بمكر
عجبك الخمر اشرب تاني لو حبيت.
شازيم
اخاف اسكر
حورس
وفيها اية لما تسكر المهم اني انا اكون فايق
وخد شازيم كمان كاس وكاس وراء كاس بدات اعصابه تسيب ورجله تفقد قوتها واول ما حس حورس بدة رمي من فوق كتفه وقع شازيم علي الارض والخمرة قدرت تسطله بص له حورس وقال
قدرت اخدعك يا ابن الشيطان
وسحب حورس الكرباج من ايد شازيم وبدأ يضرب في واللي كانو في الخمارة بيضحكوا لان الخمرة خليتهم مش شايفين قدام منهم وزهق حورس من الضرب رمي الكرباج وخرج جري من الخمارة مش مصدق انه قدر يخلص من العجوز الملعون دة، ،،،،،،،،،،
ومن جوة الجناح الملكي للملكة صوفيا زوجة الامبراطور افيتوس تجلس ايانا قدام صوفيا وكانت ايانا بتعيط وهي بتقول
ما تعرفيش انا حاسة باية من غير جوزي الكاهن ايريس مات من غير ما ودعه
صوفيا طبطبت عليها وهي بتقول
ايانا لية تقدري ان ايريس مات. مش ممكن يكون قدر يهرب من المذبحة دي
ايانا
في اللي قاله هرب وفي اللي قاله مات وانا قلبي بيقول انه مات. خمس سنين من بعد فراقة. عشت فيهم وحيدة
صوفيا
انتي مش لوحدك ايانا اعتبريني صديقتك وهفضل ديما جنب منك.
ايانا
دة عطف كبير منك يا مولاتي
صوفيا
اسمي صوفيا. وما افتكرش ان في صديقة تقول لصديقتها مولاتي
ابتسمت ايانا وهي بتبص ل صوفيا وصوفيا بتقول
قد اية انا مستغربه ازاي قاعدة معاكي بمنتهي الهدوء دة وانتي كنتي في يوم. حبيبة جوزي
ايانا
دة كلام فات علية سنين. وانا عمري ما حبيت ولا هاحب غير ايريس، ،،،،،،،،،،،،،
وفي نفس الوقت ومن جوة الاوضة المربوط فيها رع. ووقت ما كان نايم قدام منه حكا تخرج ايد سوادء من ذراع رع وتفك رباط ايدة اليمين ومن ذراع رع الشمال تخرج ايد تانية وتفك رباط ايدة الشمال ومن رجله نفس اللي حصل في ايدة. ويتحرر رع من كل قيودة ويقف علي رجله ويبص لفوق وهو يقول
جة وقت النهاية يا افيتوس
ونط رع من شباك الاوضة