رواية الكاهن وراس الغول الفصل التاسع9 بقلم محمد منصور

الفصل التاسع9

بقلم محمد منصور 

وفي نفس الوقت ومن جوة الاوضة المربوط فيها رع. ووقت ما كان نايم قدام منه حكا تخرج ايد سوادء من ذراع رع وتفك رباط ايدة اليمين ومن ذراع رع الشمال تخرج ايد تانية وتفك رباط ايدة الشمال ومن رجله نفس اللي حصل في ايدة. ويتحرر رع من كل قيودة ويقف علي رجله ويبص لفوق وهو يقول

جة وقت النهاية يا افيتوس

ونط رع من شباك الاوضة علشان يلاقي نفسه وسط حراس القصر لسة هيهجموا عليه هجم رع عليهم وطلعت ايد من ظهرة قتلت حارس جاي من وراء  وايد تانية مسكت رمح حدفته في صدر حارس تاني وايد تالته مسكت سيف علي الارض وقطعت راس حارس تالت رع تحول ل اخطبوط بيخرج من جسمة اكتر من ايد وكلها تخص اموات العبيد. اطلق احدي الحراس طبول الخطر لما شاف رع وهو بيقتل حراس القصر صحي حكا علي صوت الطبول جري ناحية شباك الاوضة وبص للي بيحصل وشاف رع وهو بيهرب من الحراس وبيخرج برة القصر خرج بسرعه وبدأ يدور في القصر علي ايانا قابلته ايانا قال حكا وهو بيتلقط انفاسة بصعوبه

رع هرب يا مولاتي

كانت مع ايانا صوفيا وقالت

هرب ازاي

حكا

ما عرفش. بس الاموات كانو متحكمين في جسمة 

ايانا بعصبية شديدة

ابني هرب ازاي وانت كنت فين

حكا

نمت يا مولاتي

هنا ظهر الساحر بولس وقال

الحرس اخبروني بهروب رع.  واكيد الاموات هيدلو علي مكان الامبراطور افيتوس.  وقتله 

صوفيا 

لازم تمنعه. وباي طريقة

بولس 

لازم رع يموت يا مولاتي

ايانا بعصبية

انت بتقول اية.  ابني برئ انا السبب في اتصال الاموات بي لما وافقت انه يعيش في قبر اموات العبيد. اوعي تحكم عليه بالموت 

بولس 

الموت هو الطريق الوحيد لنجاة الامبراطور.  

ايانا

وصلني لي. وانا هاخدة وهنمشي من روما. هنروح اي مكان تاني 

بولس

ما بقاش ينفع. يا يموت رع. يا يموت الامبراطور. نهاية اتصال الاموات بي. هيكون بالموت.  

ايانا

وانا مش هسيب اي حد مهما كان هو مين يقتل ابني

وجريت ايانا قاصدة باب القصر جري وراء منها حكا بص بولس ل صوفيا وقال

لازم تمنعيها من الخروج وانقاذ ابنها لو عايزا الاميراطور يعيش.  

سكتت صوفيا صعبان عليها حال ايانا وخايفة من مصير جوزها صرخ فيها بولس وقال

امري الحرس بالقبض عليها يا مولاتي. لو عايزا الامبراطور يعيش 

صوفيا راح بسرعه ناحية بالكونة القصر وقالت للحراس وهي بتشاور علي ايانا وحكا اللي كانو بيجروا في حديقة القصر

امنعوهم من الخروج.  

اتحركوا الحراس ناحية ايانا وحكا ورغم محاولات الهروب منهم الا ان الحراس قدروا يمسكوهم. وسط صرخات ايانا اللي كلها نداء بالرحمة. وصرخات.  تنادي علي رع وحورس،،،،،،،،

ويطلع النهار واحنا دلوقتي في الجنوب قدام مخباة ابناء الكهنة اللي بقي خالي تماما من اي حد ويبدأ منكاو يفوق ويبص حوالين منه ويتوجع ويحط ايدة علي دماغ ويقف بصعوبه ويفضل يبص حوالين منه مايلقيش الا القوس والسهم يمسكهم ويبص علي المخباة يلاقي المكان فاضي. ينزل للمخباة وهو بيجري ويفضل يبص في المكان زي المجنون وهو بيقول

راحو فين. ،،،،،،،،،،

ومن جوة بيت خفو تقعد زاهية وقدام منها والدها خفو بيعد فلوس اخر رحلة تجارية لي. وهنا يفتح منكاو باب البيت ويدخل وهو يترنح. وهدومة مطرحها دم بصت له زاهية وقامت بسرعه وكانها ملهوفة عليه ووصلت قبل والدها خفو وقالت

مالك يا منكاو. واية الدم اللي علي هدومك دة

خفو

انت كنت فين يا منكاو وراجع لية مصاب كدة

منكاو

انا مش قادر اتكلم. وعايز ادخل علشان ارتاح.

وسابهم منكاو ودخل اوضة وبص خفو ل زاهية وقال

تفتكري منكاو كان فين

زاهية بمكر

واضح انه كان في رحلة صيد. بس بدل ما يصطاد. هو حصل العكس وفي اللي اصطادة،،،،،،،،،،

ومن جوة معبد الرهبان يقف ايريس ومعه حور قدام ابناء الكهنة وكان بيقدم لهم اكل وما تعرفوش قد اية فرحة الاطفال  بالاكل. وكل النساء كانو واقفين مع الكاهن ايريس وحور. وقالت واحدة منهم. وهي بتعيط 

انت الكاهن الوحيد اللي قدر يهرب من مذبحة جسر ومطالب قدام منا. بانك ترجعنا ل بلادنا كِمِيتأوكيمى. اسياد زي ما كنا مش نعيش . هاربين.  

وقالت سيدة اخري

انا مش هرتاح الا لما اشوف راس. جسر. متعلقة علي مدخل كِمِيتأوكيمى

وقالت سيدة اخري

احنا هنكون سندك وفي ظهرك وفي حربك ضد جسر هنكون سيفك ودرعك

ايريس

انا مقدر كل اللي انتم بتقولو دة. لكن الحرب ضد جسر معني الحرب ضد شعب كِمِيتأوكيمى كله. وخصوصا في الوقت دة. لانهم بيعاملو علي انه بطل قدر ينقذهم من بطش وظلم الكهنة.

قالت سيدة

يعني نسيب جسر يعيش في ارضنا وسط شعبنا واحنا نبقي هربانين. حتي حسابه علي قتل ازواجنا يعدي وكانه ما عملش اي جرم

حور

الكاهن ايريس ما يقصدش كدة. هو يقصد ان الحرب لازم علشان نكسبها تبدأ في الوقت المناسب اللي في يكون جسر وحراس راس الغول بداو يبانو علي حقيقتهم قصاد شعب كِمِيتأوكيمى

قالت سيدة منهم

ولغاية ما يجي الوقت دة. نفضل ساكتين

ايريس بص علي الاطفال السبع وقال

مش هنسكت ومن النهاردة هجهز السبع اطفال دول علشان يكونو الجيش اللي بي هقدر اهزم جسر وحراس راس الغول

قالت سيدة منهم

تهزم جيش كامل ب سبع اطفال

ايريس بص لها وقال

وقت الحرب مش هيكونو اطفال.  هيكونو افضل سبعه يحملون اسم قابضي الارواح  ولغاية ما يتم اللي احنا بنسعي لي. مش عايز اي حد منكم يعرف انكم هنا.  مفهوم،،،،،،،،،

ومن القرية اللي قدر فيها حورس يهرب من العجوز شازيم يقف افيتوس وسط جنودة وقدام منه علي الارض شازيم وهو لسة سكران  وافيتوس بيقول له بحدة

انطق يا ملعون. راح فين الشاب اللي كان شايلك علي كتفة

شازيم 

فضلت اضرب في لغاية ما مات

وضحك شازيم وقال

قتلته علشان قدر يضحك عليه ويهرب مني.

قال واحد من الحراس ل افيتوس

جناب الامبراطور واضح ان الخمر مش هيخلينا نطلع منه بشئ يفدنا. واهو بيقول زي اللي كانو في الخمارة انه قدر يهرب منه 

افيتوس

يكون هرب راح فين

الحارس

اية رايك يا جناب الامبراطور اننا نتفرق علي هيئة تلت مجاميع وكل مجموعه تبحث في الارض اللي حوالين القرية

افيتوس

عظيم ادي الامر ونفذ الخطة دي ونتقابل تاني كلنا هنا بعد يوم من الان

وفعلا اتفرفوا الجنود وكل مجموعه علي راسها قائد وافيتوس راح بالمجموعه اللي هو قائدها لجنوب القرية. وبمجرد ما فاضية القرية حصل نبش في قبر القرية وخرج رع من تحت الارض وعيونه اصبحت لونها اسود وسمع صوت بيقول

انت بقيت قريب جدا من افيتوس.

ونزل رع تاني ل تحت الارض، ،،،،،،،،،

ومن جوة السجن تجلس ايانا ومعها حكا وكان حكا بيبص لها وهي بتعيط وحالتها صعبة جدا وبيقول لها

مولاتي حاولي تتمالكي اعصابك

ايانا بصوت. ممزوج بالدموع. الهائجة

لو كنت امراة. مات جوزها اللي بتحبه.  واتولد ابنها التاني وسط عبيد وعلشان خوفها لية قررت انه يكبر بعيد عنها جوة قبر اموات. ويكبر ويتملكة الاموات ويصبح وحش  في لعبة الموت والانتقام. ويقرر ابنها الكبير انه يضحي بحياته علشان تعيش. ويختفي وما تعرفش لي مكان وبعدها ابنها الاصغر يهرب لمصير مجهول ممكن تكون نهايته الموت.  تفتكر انك كنت ممكن تمنع دموعك من النزول.  الدموع اقل شئ يمكن اعترض بي علي كل اللي بيحصل 

سكت حكا لانه مقدر اللي هي في وهنا يفتح باب الزنزانه وتدخل صوفيا. تبص لها ايانا وتقول

جايا تعرفيني انكم خلاص قتلتو ابني. علشان تنقذوا افيتوس

صوفيا

ايانا انا مش عايزا اقتل طفل في سن.  رع.  انا ام زيك بس برضو دي حياة جوزي اللي في خطر واللي سبب الخطر دة

ابنك

ايانا

قولت لكم هاخدوا وهمشي بعيد عن روما.  بس سيبوا ليا يعيش

صوفيا

الساحر بولس قال ما ينفعش

ايانا

صحيح ما ينفعش لكن ينفع يكون السبب في قتل طفل كل ذنبة انه عاش في قبر بسبب غباءة امه.

وصرخت ايانا وقالت باعلي صوتها

اللي هي انا

صوفيا حاولت تقرب علشان تهديها لكن ايانا قالت وبمنتهي العصبية 

ابعدي واخرجي من هنا. قبل ما اقتلك بايديه

صوفيا

ايانا ان،،،،،،

قاطعتها ايانا وقالت

اخرجي

خرجت صوفيا مسرعه. وقعدت ايانا علي الارض وهي بتعيط، ،،،،،،،

وبالليل ووسط الاشجار يقعد افيتوس وسط جنودة علشان يرتاحة من بحث طول اليوم عن حورس وهنا تهتز الاشجار مع ان الليلة كانت حر جدا ولا يوجد سبب مقنع للرياح بص افيتوس وجنودة للشجر وفجاة تظهر كام ايد وتسحب احدي الحراس الي تحت الارض يبدأ الحراس يخرجوا سيوفهم واولهم افيتوس ولكن يسحب كمان حارس اللي تحت الارض وكمان حارس وكمان حارس لغاية ما يفضل افيتوس ل وحدة هنا يظهر رع من وسط الاشجار ويبص ل افيتوس بصة كلها رعب رفع افيتوس سيفة في وش رع. وقال بمنتهي الشجاعة

انا كلامي للاموات اللي مسيطرين علي جسم طفل ملهوش ذنب اخرجكم ووجهوني وخرجوا رع. برة الحساب اللي بينا

وقتها يخرج كام ايد من جسم رع ويبداو يخرجو وينزلو ل تحت الارض ويبدأ جسم رع يتحرر ويقع رع فاقد الوعي. وافيتوس يبص للي بيحصل بترقب شديد وهنا يدخل في ظهرة سيف يخرج من صدرة لف افيتوس بصعوبه وسيفه وقع من ايدة علشان يشوف الساحر بولس بيبتسم ويقول بخبث شديد.

حبيت اقتلك قبل ما تقطتع راسي وتشوف ساحر غيري. علشان كدة مكنت السحر بتاعي من انه يهرب رع واي حد هيفتكر ان الاموات هما اللي عملو كدة. صدقني كنت عايزك تفضل عايش بس انت قولت رع ما يموتش موت انت علشان ينتهي اتصال الاموات ب رع. 

وخرج بولس السيف وحطة تاني في قلب افيتوس وهو بيقول

موت علشان افضل انا عايش وابقي من بعدك وزير وقدام شعبك اللي هيبقي قتلك طفل اسمه رع.

وقع افيتوس جثة وسحب بولس السيف من قلب افيتوس وحطة في ايد رع. وبالسحر قدر يختفي والكام ايد اللي سحبوا الحراس ل تحت الارض رجعوا الحراس. تاني وشافو الحراس السيف في ايد رع. وافيتوس غرقان في دمة

                  الفصل العاشر من هنا 

لقراءة باقي الفصول من هنا