رواية الكاهن وراس الغول
الفصل العاشر 10
بقلم محمد منصور
ومن روما يرجع جنود افبتوس وفي منهم اللي شايل جثة افيتوس وفي منهم اللي بيجر رع من سلسة حديد رابطين بيها ايدة كان بيتابع هذا المشهد معظم شعب روما ويظهر الساحر بولس جوة المشهد وكان بيقول
رع الطفل الملعون متصل بالاموات. وقدر ينهي حياة الامبراطور افيتوس. عملت كل اللي اقدر عليه علشان انقذ الامبراطور لكني وصلت متاخر بعد النهاية. واوعدكم يالقصاص من القاتل.
وبدأ يكررها
القصاص من القاتل. القصاص من القاتل
وشعب روما يكرر وراء منه ما يقوله، ،،،،،،،،
وبعدها بشوية تتفتح زنزانة ايانا وحكا وتدخل صوفيا وهي زي المجنونة وبتعيط وتقول وهي بتهجم علي ايانا
افيتوس مات واللي قتله رع الملعون.
اتصدمت ايانا ومابقتش عارفة تتوجع من ضرب صوفيا ليها ولا من تتوجع من ابنها صاحب الخمس سنين اللي اتحول ل قاتل. ما ستحملش حكا يشوف صوفيا بتضرب ايانا راح وقدر يبعد صوفيا عن ايانا ويقول
مولاتي هتموت في ايدك
صرخت في ايانا وقالت
سيبها تقتلني. يمكن ارتاح من اللي انا في
صوفيا بغل شديد
لا يا. ايانا مش هخليكي ترتاحي وابنك بكرة بعد شروق الشمس هيتعدم قدام شعب روما
ايانا راحت ل صوفيا واترمت تبوس رجلبها وقالت
اعدميني انا وسيبي طفل برئ. يعيش لسة قدامه المستقبل
صوفيا
رع ما بقاش مجرد طفل. رع اصبح قاتل افيتوس ولابد من القصاص
لسة هتمشي صوفيا جريت عليها ايانا وقالت
خلي القصاص مني انا
صوفيا
القصاص اللي تستاهلي انك تشوفي نهايته قدام عيونك وانا مش هحرمك من المشهد دة. ومش بس كدة
برقت صوفيا وقالت بجنون مخيف
انا هأمر الحراس بانهم يجيبوا ليكي ويبات معاكي اخر ليلة في حياتة
وبصت صوفيا لباب الزنزانة اللي كان مقفول وقالت
افتح الباب
وفتح احدي الحراس الباب وخرجت صوفيا وبصت للحارس وقالت
هاتو لها ابنها. يقضي معها اخر ليلة في حياته
واتقفل باب الزنزانة في وش ايانا اللي فضلت تصرخ وتقول من وراء الباب
صوفيا. خدي القصاص مني انا. وسيبي رع يعيش.
وفضلت تكررها اكتر من مرة وحكا بيبص لها وهو بيقول
مش هخلي حد يقرب لسيدي رع مهما كلفني الامر
ايانا بصت له وقالت
ياريت تقدر وحدك تقف قدام امبراطورية بحالها. كنت اول واحدة هامرك تعمل كدة بس ابني يعيش
ويتفتح باب الزنزانة. تاني ويدخل رع وهو متسلسل في الحديد تجري عليه ايانا وتخده في حضنها وتفضل تبوس في وهو بيقول وهو مرعوب
امي. انا ما قتلتش حد. وسامعهم بيقولو انهم هيموتوني بكرة
ايانا وهي بتاخدة في حضنها
ما حدش هيقدر يمسك باي سوء طول ما انا عايشة
حكا
ما تخفش يا سيدي رع. انا هحكميك منهم
رع وهو مرعوب
انا خايف اموت.
ايانا
قولت لك ما تخفش.
مد رع ايدة ل ايانا وقال
الاسوار الحديد دي وقعت ايدي ورجلي. فكيهم يا امي خليني ارتاح
حاولت ايانا تفك ايدة لكنها ما قدرتش قال لها حكا
يا مولاتي ماحدش يقدر يفك الاسوار دي. الا المفتاح الخاص بيها
ايانا وهي لسة بتحاول
ابني بيتالم. استحمل ازاي. وجعه
وصرخت وقالت
يا ايريس. ابنك محتاجك. لو عايش تعالي الحقنا من ايديهم، ،،،،،،،،
في نفس الوقت كان ايريس واقف في الدكان بيحمل اشوله من القمح هو وخفو وحور. حس بالم في قلبه قعد ما استحملش الوجع جري عليه خفو وحور وقالو له
ايريس مالك
بص لهم ايريس وقال
وجع غريب في صدري
خفو بص ل حور وقال
خدوا وروح بي وانا هنزل باقي الاشولة
ايريس وقف تاني وقال
معقوله اسيبك دلوقتي والشغل عندنا كتير
خفو
اسمع الكلام روح ارتاح. وانا هبعد ل منكاو. وحور كمان هيرجع لي
ايريس
انا بقيت كويس يلا. نكمل اللي كنا بنعمله، ،،،،،،،،،
ومن احدي القري المجاورة ل روما يقف حورس قدام احدي الدكاكين اللي بتبيع اكل وكان جعان جدا وعمال يبص للاكل ونفسه ياكل ومش معه فلوس وقفت جنب منه بنت في نفس عمره تقريبا تدعي اولجا. بصت له وقالت
جعان
بص لها حورس بارتباك شديد وقال
لا.
وسابها حورس ومشي. مشي وراء منه وقالت
انا كمان جعانة وعايز اكل. ساعدني نسرق اللي يسد جوعنا
بص لها حورس وهو لسة بيمشي وقال
انا مش حرامي علشان اسرق
اولجا
ولا انا حرامية بس الفقر والجوع يجعله من الزاهد. عاصي
وهنا في القرية دي. ما حدش بيلاقي ياكل الا اسياد القرية والباقي عادي لو ماتو من الجوع. ولو مش مصدق تعالي اوريك اهلي وصل بيهم الحال لفين
ومسكت اولجا ايد حورس وراحت بي ناحية حفرة كبيرة في صحراء جنب القرية و جوة. الحفرة ناس كتير ماتو من الجوع وحاولين منهم ذباب ازرق كتير اتصدم حورس من المنظر وبشاعته وودي وشة الناحية التانية وقت ما كانت اولجا بتقول
دي نهاية الفقير في قريتنا
وهنا تقع عين حورس علي اشخاص من حجارة وراء سور القرية فقال با ستغراب شديد
تماثيل مني دي
بصت اولجا للتماثيل وقالت
دي نهاية اي حد يفكر يهرب من قريتنا. قرية الغابة
اتصدم حورس وقال
يعني اية. انا انكتب عليه افضل سجين القرية دي
اولجا
طالما دخلت بارادتك مش هتخرج منها
حورس
واعيش ازاي وسط قرية ما بياكلش فيها الا اللي معاهم فلوس
اولجا
علشان كدة طلبت منك انك تساعدني اسرق
حورس
انا مش حرامي انا ابن الكاهن ايريس واتربيت علي الحب والخير
اولجا
يبقي هتموت في الغابة قريتنا
ورجعت اولجا تمشي داخلة للقرية لما بصت للشمس لقتها بتغيب مشي وراء منها حورس وقال
ولية الاغنياء في القرية بس هما اللي ياكلو
اولجا
اظلهم بيقولو ان الاكل في القرية قليل يدوبك يقضيهم.
حورس
ازاي قرية كبيرة زي دي والاكل فيها قليل. هي الارض ما بطلعش حبوب
اولجا
بتطلع بس بيقولو انها علي قدهم
حورس
والحيونات اللي نقدر ناكل لحمهم
اولجا
موجودين بس بيقولو انها علي قدهم
حورس
ولما يموتو الفقراء مين يخدم اسياد القرية
اولجا
اللي في خدمتهم بس هو اللي بياكل اللي بيفيض منهم
حورس
وباقي اهل القرية
اولجا
موجودين في الحفرة. الذباب بياكل في لحمهم
حورس
انا مستحيل اعيش في القرية دي
اولجا
فكر تخرج وهتبقي مجرد تمثال
حورس
دة ظلم
اولجا وقفت وبصت له وقالت
الظلم في قريتنا هو عملتنا. هتساعدني نسرق اللي ناكله ويخلينا نعيش ولا. لسة هتقول انا مش حرامي
بص حورس حوالين منه ولقي الهزيل اللي مش قادر يقف والمحروم اللي مستني واحد من الاسياد يحدف له لقمة واللي واللي واللي. رجع بص ل اولجا وقال
هسرق. دلوقتي اللي يكفيني انا وانتي لكن بعد كدة هسرق اللي يكفي كل جعان في القرية.
وشاف قصر عالي الشمس بتستخبئ جوة منه. علشان تدفي سكانه وتسيب باقي اهل القرية. للبرد يخلص علي اللي فاضل منهم، لحظت اولجا نظرات حورس للقصر وقالت
دة قصر تيتوس اللي خلي القرية مليانه بجثث الفقراء
حورس
تيتوس. زي جسر. زي شازيم. كلها اسامي لشياطين متسخرة لي اذية البشر. وبس ،،،،،،،،،،،،،،،،،
وتاني يوم الصبح ومع شروق الشمس يتجمع شعب روما في ساحة كبيرة جدا مستنين اعدام رع. وفعلا يجي بعض
الحراس وهما بيسحبوا رع من السلاسل ووراء منهم حراس تانين بيسحبوا ايانا وحكا الكل بيتابع اللحظات الاخيرة في عمر الطفل رع. وايانا تصرخ وتطلب الرحمة لابنها ويوصل رع عند السياف ويجبروا الحراس انه ينزل علي ركبه. وراسة تبقي قدام السياف وبولس يقف امام السياف ويقول
القصاص من قاتل الامبراطور افيتوس هيتم الان
وبص بولس للسياف ورفع ايدة ل فوق والسياف رفع السيف ل فوق ورع بيعيط وبيبص لامه ويقول
امي. انتي وعديني اني اعيش.
صرخت ايانا وحاولت انها تفلت من الحراس لكنها ما قدرتش ونزلت دموع عيونها. مع صرخات اعلي من صوت الظلم الواقع علي ابنها. ونزلت ايد بولس مع نزول. سيف السياف علي رقبه رع. لكن السياف وكل الموجودين استغربوا من اللي شافو