رواية الكاهن وراس الغول
الفصل الاول1
بقلم محمد منصور
في زمن الفراعنه وملوك زمان وقبل وجود الديانات ظهرت جماعه تدعي عبيد راس الغول. وراس الغول في مصر القديمة عبارة عن تمثال مصنوع من الذهب الخالص تمثال جسم بني ادم وراس غول. صنعه نحات فرعوني يدعي بهي كان لي اتباع كتير وقدر يقنعهم ان راس الغول هو اله هذا الزمن. وصاحب المعجزات. وبدا اتباع راس الغول يكتروا في هذا الزمن وبالتحديد في بلد كِمِيتأوكيمى اللي هي مصر دلوقتي، لغاية ما ظهر ملك فرعوني مؤمن من اتباع سيدنا يوسف يدعي حسامي وهو كان يتبع ملة سيدنا يوسف عبادة الاله الواحد. الملك حسامي قدر ينشر عقيدة سيدنا. يوسف وقضي علي معظم اتباع عقيدة راس الغول الوثنية. واستمر علي كدة 100 سنه. وبموت حسامي اصبح الكهنه التابعين لي هما اللي يحكموا مصر رغم وجود علي راس الحكم بنت الملك حسامي وتدعي نانو لكن الكهنة فكرهم اصبح منحرف عن فكر وعقيدة الملك حسامي وبداو اهل مصر يكروهم بسبب طمعهم وجشعهم اللي بدا يزيد. مع ضعف الملك نانو بنت الملك الوحيدة. ظهر في الفترة دي اخر تابع كان علي قيد الحياة من اتباع عقيدة راس الغول وهو جسر. اللي اتعلم السحر الاسود وامتلك عصا الجن الاسود وبدأ يصنع معجزات بها ابهرت العامة من سكان مصر وقالهم ان دي عصا راس الغول اللي بيها هيرجع ازهي عصور مصر وانه جاي يحميهم من الكهنه وشرهم. صدقو الناس وبداو يرجعوا عقيدة راس الغول. وهي الكفر بعد الايمان. لكن الكنهنة ما عجبهمش اللي بيحصل دة ومن هنا بدات حكاية المذبحة
و راح ل جسر اقوي خمس رجال من الكهنة واتكلم الكاهن الاعظم ويدعي اوسر كاف وقال
جسر اللي انت بتعملو دلوقتي بيهدد امن بلدنا كِمِيتأوكيمى اتوقف عن اللي انت بتعملو افضل ما نلجا لمحاكمتك وسط جموع الشعب
ضحك جسر وقال
انتم تحاكموني انا. هو انتم مش شايفين ان شعبيتكم اصبحت في خبر كان
اوسر كاف
احنا الكهنة حارسي عقيدة الملك حسامي وحارسي شعب كِمِيتأو كيمى.
جسر
انا بدعوكم لمائدة عشاء بعد ثلاث ايام وعلي المائدة تبدأ مناظرة بيني وبينكم في حضور جموع الشعب. وعن طريق المناظرة هتشوفو بعيونكم مين شعبيته اكبر.
اوسر كاف بص للكهنة الموجودين معه اللي كانو معترضين علي المناظرة دي لكنه بص ل جسر وقال
انا موافق ادخل معاك في مناظرة
جسر
بس انا عايز مجلس الكهنة الاعظم.
اوسر كاف
عايز تناظر لوحدك مجلس الكهنة كله
جسر
ال 100 كاهن
اوسر كاف
الغرور وصل بيك للدرجة دي
ابتسم جسر وقال
خايف يا كبير الكهنة
اوسر كاف بحدة
اوسر كاف المؤمن يخاف من عبد من عبيد راس الغول
جسر بابتسامه خبيثة
يبقي ميعادنا كمان تلت ايام. علي المائدة، ،،،،،،،،،،،
من جوة بيت جميل من اجمل بيوت مصر القديمة كان يتعبد اطيب كاهن من كهنة المجلس الاعظم ويدعي ابريس. ودخلت عليه مراته ايانا وهي كانت فاتنة الجمال وحامل في شهرها الاخير وبتحب ايريس جدا وقفت قدام منه وقالت
الشمس قربت تغيب. والنهاردة ميعاد جولة الصيد البري ابنك حورس في انتظارك
بص لها ايريس وقال
الرحلة هتتلغي ايانا
ايانا باستغراب
لية
ايريس
في مناظرة بكرة مع جسر
ايانا
حارس عقيدة راس الغول
ايريس
هو. والغريب انه طلب مناظرة مع مجلس الكهنة كله
ايانا
شئ غريب فعلا. ومطلوب في وقت شعبيتكم فيها بدات تقل
ايريس
عارف. وهو اختار اسوء فترة زمنية بنمر بيها. بسبب طمع بعض كهنة المجلس الاعظم
ايانا
انا من رايي بلاش تروح مناظرة زي دي
ايريس
اهرب يا ايانا.
ايانا
مش هروب دة تفكير بعمق
ايريس
مستحيل اسيب الكهنة لوحديهم في مناظرة زي دي. دة انا لازم اروح واكون اولهم
ايانا
اخاف عليك ايريس
ايريس
معايا الله. مين يقدر ياذيني، ،،،،،،،،،
وبالليل تصحي ايانا من نومها وهي مفزوعه فيصحي ايريس ويقول لها
مالك
ايانا
شوفتك بشعر ابيض.
ايريس مستغربا
بتقولي اية ايانا.
ايانا
هينكتب علينا الفراف ايريس دي نبوة
ايريس
ايانا انتي خايفة زيادة عن اللزوم. نامي ايانا
وتعدي الليلة ويطلع النهار ويجهز ايريس للمناظرة مع جسر ولسة هيخرج من باب البيت تنادي عليه ايانا وتقول
بلاش تخرج ايريس
بص لها ايريس وقال
ايانا. انتي اقوي من كدة. دي مناظرة هقوم بيها وراجع
حضنته ايانا وبدات تعيط طلع ايريس منديلة المذهب اللي مافيش منه اتنين ومسح دموعها وقال
ايانا مش عايز امشي وانا خايف عليكي
ايانا
اوعدني ايريس تكون بخير
ايريس
اوعدك
وحط المنديل في جيبة وخرج من البيت وركب حصانة ومشي. ،،،،،،،،،،
وفي نص الطريق. وقبل وصول ايريس لقلعة جسر اللي هيحصل فيها المناظرة يقف حصان ايريس بشكل غريب استغرب ايريس وقال
مالك وقفت لية كدة. انا اتاخرت بسببك. انت اية اللي حصل لك النهاردة
وقع الحصان علي الارض بص له ايريس وبدأ يعالج في ويطمئن عليه وكانت عيون الحصان شايفة شئ ايريس مش قادر يشوفها وقام الحصان وقف مرة واحدة وجري ناحية بيت ايريس استغرب ايريس وندهه علي الحصان لكنه ما استجبش. قرر ايريس يكمل باقي الطريق مشي وبمجرد ما قرب من المكان سمع صوت صرخات بتستخدم في الحروب وقف وراء شجرة وبص ناحية المائدة الكبيرة اللي عليها الكهنة شاف. 99 رمح يخترقو صدر 99 كاهن في نفس الوقت منظر مرعب وظهر وراء الكهنة المقتلوين جسر. وكان هو وحارسي عقيدة راس الغول بيتاكد ان كل الكهنة ماتو لكنه شاف رمح علي الارض من غير قتيل فقال للرجاله اللي كانو معه وبمنتهي العصبية
في كاهن مجاش. ازاي دة يحصل وانتم قولتو ان ال 100 كاهن حضروا
قال احدي الرجال
الكاهن ايريس مش وسط الجثث.
جسر
ابحثوا عنه في كل مكان. واقتلو هو وعيلته
سمع كدة ايريس جري باقصي سرعه سمعوا الحرس خطوات جرية هاربة. بسبب انه داس علي اوراق الشجر الميتة طلعوا يجروا وراء منه وكانت مطاردة مثيرة وسط الاشجار.،،،،،،،
وفي نفس الوقت كان حصان ايريس بيقف قدام بيته وصوت الصهيل سمعته ايانا خرجت جري وبصت له واتخضت وقالت
ايريس. فين
هز الحصان راسة. وفي نفس الوقت تقف قدام منها زوجة احدي الكهنة وكانت مضروبة بسهم في صدرها وبتنزف بشدة وبتقول. بصعوبه
اهربي ايانا. حارسي راس الغول قتلو كل الكهنة. باهاليهم وانا قدرت اهرب بصعوبه
ايانا صرخت وقالت
ايريس. مات
في الوقت دة اترمي رمح ناحية ايانا لكنة جة جنب منها بالظبط دخلت ايانا بسرعه الي بيتها واخدت حورس من ايدة والخادم حكا. وقالت لهم
بسرعه الي المخبا
وفي نفس الوقت يقتحم البيت حارسي راس الغول لكن قدرت ايانا ترميهم بتراب الفحم اللي اصابهم بالعمي المؤقت وقدرت تهرب ايانا مع ابنها والحارس الي المخباة، ،،،،،،،،،
ومن قدام احدي البيوت. البسيطة يقف ايريس وكان بيخبط علي الباب وبيقول
افتحوا. الباب.
اتفتح باب البيت وقبل ما يشوف ايريس مين اللي فتح الباب دخل الي البيت بسرعه وقفل وراء منه وشاف راجل عجوز وبنته فقال لهم
انا طالب مساعدتكم.
العجوز
انت مين
بنته
دة الكاهن ايريس
العجوز
وعايز اية مننا. احنا محلتناش اي اموال تسرقها
بنته
والدي الكاهن ايريس اطيب الكهنة. وكان ديما بيديني قمح من غير اي اموال
العجوز
انت هربان من مين
ايريس
من حراس راس الغول. قتلو مجلس الكهنة كله
العجوز
ظالم بيخلصنا من ظالمين
ايريس
عارف ان شعب كِمِيتأو كيمى. كارهين الكهنة. بس احنا منكم واتغدر بينا بمنتهي القسوة
هنا يسمعوا صوت خبط علي باب البيت وصوت الحرس بيقولو.
افتحوا الباب
بصو كلهم للباب والرعب امتلكهم