رواية جمعتنا الذكريات الفصل الثالث عشر13 الرابع عشر14 بقلم حنين شريف
منه كانت راجعه البيت بعد قاعدتها مع سعد ، كانت ماشيه لكن وقفها صوت رجولي: منه...استني
منه لفت وشها لقيت حسن واقف جمب عربيته ، منه وقفت قدامه وقالت بجمود: خير....في حاجه
حسن بحزن
انا اسف
منه ابتسمت بسخريه
اسف...اسف علي ايه...علي جرحك ليا...ولا علي عدم اهتمامك بيا ،
حسن انت اول ما بدات تكبر في شغلك وانت اتغيرت من ناحيتي ، بقيت بتهتم بشغلك اكتر مني ....الاول كنت دايما بتسمعني ، دايما كنت بتخصصلي وقتي ... بس بعد كده كل ده اتغير ....انت اتغيرت من ناحيتي اوي ، المفروض تحمد ربنا اني مقولتش لحد حاجه عن اهمالك ليا وتجاهلك ليا طول المده دي
حسن
منه عارف اني غلطت لكني كنت عايز اكبر....منه انا لسه بحبك
منه ابتسمت بسخريه
بتحبني....علي فكره يا حسن الحب افعال مش أقوال...وانت اثبت بما فيه الكفاية انك بتحبني....
منه مشيت وسمحت لدموعها بالنزول ، حسن فضل واقف بخيبه امل بعد كده مشي
منه دخلت البيت لقيت اخوها قاعد علي السفره وسرحان
منه قعدت جمبه وقالت:امال ماما وبابا و نسمه فين؟
مراد فاق من سرحانه
ماما ونسمه نايمين ، وبابا لسه في الشغل
منه بأستغراب
مالك يا مراد....انت كويس ؟؟
مراد اتنهد
قابلت سلمي
منه بضيق
اممم...والي حصل؟...
مراد
قالتلي ان هي ندمانه ونفسها نرجع لبعض
منه بترقب
وانت ....
مراد
انا ايه؟
منه
عايز ترجع لسلمي ؟
مراد وهو بيتجاهل النظر لمنه
يعني....مش عارف
منه
مراد انت لسه بتحبها؟
مراد سكت شويه وقال
اه
منه
بعد كل الي عملته فيك
مراد
انا متأكد انه كان....
منه قاطعته
انه كان غصب عنها ...مش كده...
مراد بصلها وهي قالت:كان غصب عنها انها تسيبك في اكتر وقت كنت محتجها فيه...انت بتقول ايه؟!... بتحاول تبررلها اي مبررات تافهه وخلاص.... سلمي محبتكش يا مراد... سلمي استغلت حبك ليها...يا مراد الحب مش اتنين بيقولو لبعض بحبك... الحب الحقيقي هو لما الي قدامك يعمل حجات كتير علشانك...لما يجي علي نفسه...لما يواجهه مشاكل كتيره وفوق كل ده يبقي معاك... الحب يعني اهتمام متبادل...يعني احترام..يعني تفاهم...مفيش حاجه اسمها حب من اول نظره اساسا... لان الحب اكبر من كده بكتير...الحب مبيجيش من اول نظره لان الحب افعال....وانت عملت كتير اوي علشان سلمي ...تعالي بقي نشوف سلمي عملت ايه علشانك..ولا اي حاجه... الحب الي من طرف واحد مش حب ده ذل..فكره انك تحب وتتعلق بحد هو مش بيحبك وتفضل انت الطرف الوحيد الي بيسعي في اكمال العلاقه ....صدقني يا مراد انت الوحيد الي هتأذي نفسك في العلاقه دي....
مراد حس بضيق من كلام اخته ، سكت ومشي من البيت بغضب ، منه اتهدت بتعب
___________
مراد خرج من البيت وفضل يتمشي في الشارع بيفكر في كلام اخته ، خبط في بنت : مش تحاسب يا اخ
مراد لف وشه وقال بأستغراب
ايه!!... ( تابع) انت جيتي هنا امتي
ايه
من يومين كده...
مراد
وليه مقولتليش؟
ايه وهي تحاول اخفاء حزنها
كنت بكلمك بس انت مبتردش...اكيد مشغول
مراد افتكر لما كانت بترن عليه لكنه كان بيقفل معاها:
معلش والله يا ايه غصب عني
ايه بابتسامه باهته
لا عادي ...
مراد
بس غريبه يعني نزلتي مصر..
ايه
مفيش بابا قالي نيجي هنا ونزور قرايبنا لاننا بقالنا كتير مشوفناهمش ( تابعت بحزن) و....برضو علشان هعمل خطوبتي هنا
مراد بصدمه
خطوبتك؟؟؟.....هو انت هتتخطبي؟
ايه اومأت له ، مراد تابع:ايه رايك نتكلم شويه....
ايه ومراد قعدوا في جمب ، مراد قال: مالك...مدايقه ليه
ايه
ابدا..
مراد
ده بجد؟؟..، هو..انت مش عايزاه
ايه
مش حتت مش عايزاه علي قد ما انا مش عايزه ادخل في علاقه دلوقتي
مراد
ليه
ايه بصتله بحزن: مش عايزه اعشم حد بيا واخلي بيه ، هو معجب بيا لكني مش معجبه بيه...مش عايزاه، ومش عايزه اوهمه اني ممكن احبه ف يوم
مراد
وليه...مش ممكن تحبيه
ايه
صعب يا مراد...صعب احبه
مراد
ليه( تتبع بترقب ) ايه...انت في حد في حياتك؟
ايه بصتله بصدمه ، وكانها مكنتش مصدقه انه يسألها السؤال ده ، قالت بتوتر
هاا...انا لازم امشي دلوقتي
ايه كانت هتمشي لكن مراد مسك ايديها
انت ليه بتتهربي مني
ايه بصتله بدموع ماليه عينيها
لاني عمري ما كنت اصدق اني ممكن احاول الفت انتباه حد ، عمري ما تخيلت اني اتعذب كده
مراد فضل باصص في عينيها ، قاطعهم صوت:
مراد!..مين دي
مراد فاق وبص لسلمي
انت ايه الي جابك هنا
سلمي بدموع
جايه اشوفك بتحب في الست هانم
ايه دارت وشها بأديها ، مراد قال بعصبيه
سلمي احترمي نفسك
سلمي بصدمه
انت بتتعصب عليا...عشانها..ده انت كنت بدأت ترجعلي ، بدات تسامحني ...بس هي..هي الي قوتك عليا
مراد بزعيق
سلمي افهمي....انا لايمكن ارجعلك ، بعد ما اتخليتي عني عمري ما هقدر اسامحك ، انت بالنسبالي صفحه وتقفلت ..
سلمي بصيت ل ايه بكره ومشيت، ايه : اسفه لو عملتلك مشاكل
مراد
انا الي اسف...
ايه
دي خطيبتك؟
مراد
كانت خطيبتي ، بس فسخنا الخطوبه
ايه
ليه
مراد
لانها اتخلت عني ...سابتني في اكتر وقت كنت محتجها فيه ، تعرفي اني اكتشفت اني كنت مغفل ، ولا زلت مغفل ، كنت الاول شايف انها بتحبني والكل شايف العكس ، (ابتسم بسخرية) زي ما بيقولوا مرايه الحب عاميه ، كنت فاكر انها بتحبني بس الحقيقه اني طلعت انا الي بحبها بس، وهي كانت بتستغل حبي ليها ، ووقت ما وقعت سابتني...واتخلت عني بكل بساطه ، والغريب بقي اني لسه بفكر فيها..
ايه بحزن
اكيد كنت بتحبها اوي
مراد
فعلا ..بس هي لا
ايه
ليه ماهي ندمانه اهي
مراد
مش هقدر برضو ارجع ليها ، مش هقدر
ايه بصيتله بحزن وقالت
طيب انا لازم امشي بقي..(قامت لكنها لفت وشها ليه وقالت) متنساش خطوبتي بعد بكره
مراد بصلها بحزن وايه مشيت
_____________
تاني يوم
منه كانت بتشتغل في محل الملابس ، قاطعها دخول شخص:
لوسمحت يا انسه ....
منه قاطعته
سليم ؟؟...
سليم بأستغراب
منه...انت بتشتغلي هنا؟
منه بأبتسامه
ايوه.... تحب اساعدك
سليم بأحراج
الصراحه كنت عايز اشتري هدوم علشان فرح واحد صحابي النهارده.....ومبعرفش اشتري لوحدي قد كده...ممكن تساعديني
منه ابتسمت وبدأت تختار لسليم الهدوم المناسبه ليه ، سليم ابتسم: الصراحه اول مره اشتري هدوم واكون راضي عنها ..شكرا
منه ابتسمت
علي ايه بس ده واجبي
سليم
صحيح انت هتيجي النهارده
منه استغربت من سؤاله ، سليم قال: يعني قصدي....انه ..مش هكون مع سعد النهارده ..ف لو قعدتي معاه علشان ميقعدش لوحده
منه ابتسمت
حاضر..ان شاءالله
سليم مشي ومنه ابتسمت لطيفه بحب
__________
بليل منه راحت لسعد الي كان قاعد في مكانه المعتاد
منه بابتسامه
قولت سليم مش هيبقي موجود ولازم اسد مكانه
سعد ابتسم
اقعدي يا منه
منه قعدت : هاا كملي بقي الحكايه
سعد ابتسم
عايزه تعرفي الباقي
منه
طبعا
___________
عند مراد
مراد كان بيرن علي ايه
ايه
الو
مراد
انا عايز اقابلك
ايه
خير ..في حاجه؟
مراد
هقولك لما اشوفك
مراد فضل مستني ايه في كافيه، ايه جت وقالت بأستغراب
خير يا مراد ، في حاجه
مراد بصلها بأسف
انا اسف...اسف اني مكونتش مهتم ، اسف لاني خليتك تحسي الاحساس ده ، عارف اني كنت لوح معاكي ، بس صدقيني ....انا فعلا اسف
ايه بجمود
عايز ايه يا مراد
مراد
عايز اتقدملك...ونكون مع بعض
ايه بصتله وقالت.......
الفصل الرابع عشر
مراد فضل مستني ايه في كافيه، ايه جت وقالت بأستغراب
خير يا مراد ، في حاجه
مراد بصلها بأسف
انا اسف...اسف اني مكنتش مهتم ، اسف لاني خليتك تحسي الاحساس ده ، عارف اني كنت لوح معاكي ، بس صدقيني ....انا فعلا اسف
ايه بجمود
عايز ايه يا مراد
مراد
عايز اتقدملك...ونكون مع بعض
ايه بصتله وقالت بجمود
انا اسفه يا مراد..مش هقدر ، اتمني تلاقي البنت الي تناسبك..
ايه وقفت وكانت هتمشي لكن مراد مسك ايديها وقال
بس انت البنت الي تناسبني
ايه زقه ايده ومشيت بسرعه من الكافيه ، مراد مشي وراها ووقفها:
انت ليه بتعملي كده
ايه بدموع
لاني مش لعبه في ايدك يا مراد ، مش وقت ما تحتاجني هتلاقيني ووقت ما تزهق مني تتجاهلني ، انا عمري ما هقبل علي نفسي كده ، انت عارف ايه الي خلاك تقولي كده دلوقتي ، لانك حسيت اني همشي واسيبك ، الاول كنت مضمونه بالنسباك انما لما حسيت انك هتخسرني قولتلي الكلمتين دول ، مع انك لسه بتحب خطيبتك ، بس انت عارف يا مراد..انت اناني ، عايزني علشان تنساها بيا ،انما مفكرتش في مشاعري ، مفكرتش هكون عامله ازاي وانا مع واحد قلبه مع بنت تانيه ، وانا عمري ما هقبل علي نفسي الوجع ده ، يمكن اتعلقت بيك لما اشتغلنا مع بعض ، لكني هدوس علي قلبي وهقدر انساك بكل سهوله ، عارف ليه..لانك معملتليش اي حاجه عدله افتكرك بيها ، انا دايما الي كنت بحاول ارضيك وانت كنت بتتجاهلني، ( تابعت وهي بتمسح دموعها الي نزلت وقالت بهدوء) وانا عن نفسي هعتبر اني مسمعتش حاجه ، وهتفضل بالنسبالي اخ وصديق ، متنساش خطوبتي بكره..عن اذنك
ايه مشيت وتركت مراد في دوامه أفكاره وصدمته من نفسه ، مش مصدق انه كان غبي للدرجه دي ومش شايفها ولا حاسس بيها ، محتار مش عارف يعمل ايه
_______________
عند ايه في الفيلا بليل
روحت البيت وكانت والدتها بتجهز للخطوبه الي هتكون في الجنينه
والده ايه بتوجه كلامها للعامل
بقولك ايه انا مش عايزه اي غلط فاهم.....دي خطوبت بنتي الوحيده
العامل
متقلقيش يا هانم
والده ايه اخدت بالها من ايه الي واضح علي ملامحها الحزن ، قالت
مالك يا عروسه...بقي في بنت خطوبتها النهارده تكون مدايقه كده
ايه بحزن تحاول اخفائه
هااا...لا مفيش ...تعبانه بس شويه..
دخلت ايه غرفتها وقفلت الباب ، جلست علي الارض تبكي
ايه ببكأء
اتأخرت اوي يا مراد...اتأخرت اوي ، ياريتك كنت قولتهالي من يومين ، يومين بس... كان الوضع هيتغير
______________
عند سعد و منه
منه بابتسامه
قولت سليم مش هيبقي موجود ولازم اسد مكانه
سعد ابتسم
اقعدي يا منه
منه قعدت : هاا كملي بقي الحكايه
سعد ابتسم
عايزه تعرفي الباقي
منه
طبعا
سعد ابتسم وقال
في شهر سفري كنت في اجتماع للشغل ، خلصت الاجتماع واتمشيت شويه علي البحر ، قعدت في ركنه كده.
فلاش بااااااااااااك
...وطلعت دفتري الي متعود اكتب فيه ، مسكت قلمي وكتبت"شعرك الاسود سواد الليل ، وعيونك البنيه وكانها مثل القهوة ، وابتسامتك التي لم تفشل مره في اسعادي، يا سارقه قلبي وفؤادي ، كيف احب مره اخري دون قلبي ، وهل يستطيع الإنسان ان يحب دون قلبه ، وكيف احب وقلبي متيم بك " ،"يصبح الانسان انانيا في كثير من الوقت ، وهو لايعرف ان هذه الانانيه قد تؤذي غيره ، ولكن ماذا نفعل وقد جئنا الي هنا لنرتكب الاخطاء ونتعلم منها ، بينما يوجد اشخاص اخري تتألم بسببنا ، ف كيف نعيد قلب قد تأذي بسببنا"
انت ازاي كده؟!
قاطعني صوت شاب واضح انه كان قاعد جمبي من زمان
في حاجه يا استاذ.؟
قال بأندهاش
انت عظيم!
قلت بعدم فهم
ليه
قال
كتاباتك جميله جدا
قولت بأنزعاج
متشكر ...عن اذنك
كنت همشي لكن استوقفني سؤاله
هو انت كاتب؟؟
لفيت وشي ناحيته
لا
قال
وايه رايك تكون كاتب
قولت بأنزعاج
متشكر مش عايز
استوقفني مره تانيه وقال
ليه
قولت بأنزعاج
وانت مالك؟! ، بعدين مش كفايه انك قريت خصوصياتي
قال بعدم فهم
خصوصياتك؟ ، علي فكره انت كنت بتكتب جمبي وانا غصب عني قريت كلمه ، الصراحه حسيت بفضول اكمل
قولت
طيب يا سيدي متشكر علي كلامك الي ملوش لازمه ده
مشيت بغضب ووقفني مره تانيه ، قال بهدوء
كنت بتحبها؟
وقفت فجإه وكاني اتصدمت من سأله المفاجئ ، لفيت وشي ناحيته: حاجه متخصكش ، وياريت تبطل تطفل شويه ، الناس فيها الي مكفيها ومش ناقصه واحد مستفز زيك
قال بابتسامه سمجه
متشكر علي النصيحه
زفرت بضيق وسيبته ومشيت ، روحت الفندق ودخلت غرفتي ، استرخيت علي سريري بتعب ، جه في بالي موقف الشاب الي قابلته من شويه ، استفزني كلامه وطريقته ، لكني سرعان ما شيلت الأفكار دي من دماغي .
تاني يوم الصبح في الشركه
روحت الشركه واتجمعنا في غرفه الاجتماعات ، مدير الشركه كان لسه ما جاش ، استنينا فتره لقيناه جاي ، ومعاه شاب جمبه ،
اتصدمت لما لقيت هو نفس الشاب الي قابلته امبارح ،
المدير عرفنا عليه ، طلع ابن اخته ، طبعا كنت متغاظ جدا انا هتطر اني اشوفه كل يوم ، كان بيبتسملي ابتسامه مستفزه ، المهم خلصت يوم الشغل الي مع الكائن الي اسمه كريم ، طبعا اليوم منتهاش من استفزازه ونظراته المستفزه ليا ، خلصت الشغل وجه وقت البريك الي هو عبارة عن ساعه ، طبعا لان الشركه جمب البحر ف مفيش احلي من ان انا اكل هناك ، جيبت اكلي وروحت اكل هناك ، اول ما قعدت قدام البحر وبدأت اطلع اكلي لقيت الكائن ده ورايا ، سعد بغيظ"هو انت موروكش حد غيري" ،
كريم بأستفزاز
الصراحه لا
كريم قعد جمبي بيأكل من البطاطس ، قولت بغيظ
هو انت معكش فلوس جاي تاكل اكلي ، بعدين يا اخي استئذن حتي
كريم اتجاهل كلامي وقال
بقولك ايه ، ايه رايك نشتغل مع بعض
سعد بسخريه
علي اساس اني بشتغل مع مين
كريم بجديه
انت بتشتغل مع خالي ، مش معايا انا
سعد بنفس السخريه
وياتري بقي انت بتشتغل ايه
كريم
كاتب
مقدرتش امسك نفسي من الضحك ، حاولت اتصنع الجديه
احم...وياتري بقي انت كتبت ايه؟
كريم
مكتبتش حاجه لسه
سعد بسخريه
امال بتتكلم على اساس ايه ، واخدها هوايه يعني ، بعدين هو في حد بيشتغل كاتب ، دي بتكون جمب شغلنا الاساسي
كريم
ايوه انا عارف ، انا قصدي ان بعد شغلنا نتقابل انا وانت في مكان ونألف روايه مع بعض، والصراحه عجبني كلامك واسلوبك
سعد
لا متشكر مش عايز
سعد شال اكله علشان يروح مكان تاني لكن وقفه كريم:
مش يمكن تسمعك
سعد لف وشه وقال
مين دي؟؟..
كريم بهدوء
حبيبتك الي كنت بتكتبلها امبارح ، مش يمكن تعرفك وتعرف الي بتكتبه علشانها ، واضح انك بتحبها ، واكيد هي كمان بتحبك
سعد ابتسم بحزن وقال
لا...هي مستحيل تسمعني...
بااااااااااااك
فضلت متجاهل كريم تماما ،مع اننا اساسا مكمناش بنتقابل كتير .
منه
اممم وبعدين
سعد قام من مكانه
ولا حاجه ، نكمل بقي بكره
________
بليل عند سليم
سليم كان راجع من فرح صاحبه وراح علي البيت
سليم دخل لقي قاسم في وشه
قاسم بغضب
من ساعه ما جيت وانت مجيتش هنا ومقضيها عند سعد
سليم زفر بضيق
انا عايز أنام..خلينا نتكلم بكره
قاسم
ولد! تعالي هنا ، ولا اقولك حاجه ، خش نام بس مرواح عنده مفيش
سليم بعصبيه
نعم! ، ده الي هو ازاي يعني ، هو انا عيل صغير
قاسم بزعيق
ايوه عيل ومش فاهم حاجه
سليم بعصبيه
لا انت الي مش فاهم ، انا بجد مش عارف انت بتفكر ازاي، بتصدق اي حاجه ، طيب اتكلمت معاه ، حاولت تقرب منه ، صدقت مجرد ست عايزه تخرب علاقتكم ببعض ، محاولتش تصدق او تسمع منه حتي
قاسم بغضب
سليم امي مكذبتش عليا في اي حاجه
سليم
لا كذابه!
قاسم رفع ايده بغضب وضرب سليم......