رواية مجرمي البرئ الفصل الثاني2 بقلم اسماء الطبلاوي
(كانت لسه ندى بتتخانق مع زياد وكل واحد فيهم شايف انه ليه حق والمدير واقف في النص مش عارف يتصرف ازاي
ندى: انت اللي باين عليك فلاح كنت متوقعه منك ايه يعني اكيد مش هتقدر العلم علشان كده طلع منك الكلام اللي زي السم ده
المدير: ما يصحش كده يا انسه ندى استاذ زياد من اكفا المعيدين عندنا هنا
زياد بغضب: انت بتجولها ايه انت كمان... بتبررلها
ندى: انت قلت عني قليله الادب وانا مش كده ولازم تعتذر
زياد: وانتى جلتى عني مجنون وجاهل ولازم تعتذري حالا
( وفي نفس الوقت هناك عند ليلى في الشغل كانت قاعده بتنفخ من الخناقه اللي كل يوم تعملها مع خالد قبل ما تنزل تروح الشغل وكانت قاعده بتكلم منار صاحبتها
ليلى: وزي كل مره راح مزعج ورصلى الرصه بتاعة انا شغال في ثلاث شغلات وبرجع تعبان ومش عارف الاحق منين ولا منين وراح سايبني وماشي دي بجت حاجه تخنج وعيشه تجصف العمر
منار: تقصف العمر ازاي مش هو ده اللي انتى كنتى هتموتي عليه علشان يرضى يتجوزك دلوقتى بقى وحش ومش عاجبك هو ايه اللي جرى في الدنيا ولا خلاص خدتى خيره وهترميه
ليلى: اللي جرى يا اختي انه فاجاه بجى على الحديده بعد ما كان من اغنى اغنياء الصعيد وكل البنات كانت بتتمناه جلت انا بجى افضل معاه بعد ما الدنيا اتضربت وفلس وخسر شغله على حس انه يجدر يرجع كل حاجه ثاني كيف ما جالي ويجف على رجليه بس ما حصلش حاجه وحتى العربيه باعها علشان عملية ابوه وبجينا بنيجي الشغل في الاتوبيس يعني خسر كل حاجه وحياتنا بجت حاجه تجرف ده انا حتى بفكر اطلج انا زهجت انا ايه اللي يجبرني على العيشه دي
منار: بتهزري صح تطلقى ازاي يعني معقوله بعد ما تفضلي معاه كل الوقت ده على امل انه يرجع زي ما كان تقوليله نطلق طيب هو يعرف انك انتى اللي ما بتخلفيش
ليلى بتوتر: انكتمي و وطي صوتك ده لا يكون جاي ويسمعك ما حدش يعرف حاجه عن الموضوع ده واصل انا مفهماه ان هو اللي ما بيخلفش وان العيب منه امال انتى فاكره ان هو لسه معايا لحد دلوك ليه
منار: كمان يا جباره وعايزه تطلقي ده حتى يبقى حرام عليك يا شيخه
ليلى: حرمت عليكى عيشتك بجى ده انا طجيت انا مش وش فجر انا بت عز والمفروض اعيش في العز
( وفي مكتب مدير الجامعه كانت لسه المشاده الكلاميه ما بين زياد وندى شغاله ومفيش حد منهم عاوز يعتذر من الثاني ويخلص المشكله
المدير: يا جماعه صلوا على النبي بقى ما لهاش لازمه العصبيه دي يا استاذ زياد وحضرتك يا انسه ندى الحكايه ابسط من كده انا عندي حل يرضي الطرفين لو تقبلوا تسمعوا مني
زياد: انا مفيش حل هيرضيني غير انها تعتذر عن كلامها ليا حالا وبعد اكده نبجى نشوف هنعمل ايه
ندى: بس ده مش قبل ما تعتذر انت الاول عشان شككت في قدراتى المهنيه وكمان قلت عني قليله الادب
المدير: طيب اسمعوا الحل الاول وبعدين ابقوا كملوا خناق... دلوقتي يا استاذ زياد انت هتاخدها توريها الاجهزه اللي عاوزه تتصلح علشان تشوف المشكله فين وتحددها وانت هتعمل لها وقت معين تحل فيها المشكله ولو هي ما قدرتش هي هتعتذر ليك..... ولو قدرت يبقى انت اللي هتعتذر ليها ايه رايكم في الحل ده بقى اظن حل دبلوماسي
زياد: والله انا شايف انه حل ممتاز وانا ما عنديش مانع انى اديها الفرصه دي
ندى: بس انا بقى عندي ليه انت اللي تحددلي الوقت مش فاهمه هو انت كنت مديري في الشغل ولا حاجه
زياد: شفت اهي بتتهرب من الموضوع علشان مش واثجه في نفسها ده انا كنت هديكي خمس دجايج بحالهم الظاهر انك مش واثجه في قدراتك كيف ما انت بتجولي
ندى: انت شايف ان انا مش واثقه في نفسي طيب هم ثلاث دقائق مفيش غيرهم والموضوع ده كله يكون خلصان
زياد: نفس الثجه المبالغ فيها بطلي غرور لانك هتعتذري ووجتها مش هجبل اعتذارك
ندى:يلا بينا و المايه تكدب الغطاس اتفضل قدامي وريني الاجهزه علشان نخلص
زياد: وانا موافج علشان بس تبطلي نفخه كدابه اتفضلي ههههنن
المدير: والله فكرتوني بنفسي ايام الدراسه كان عندي نفس الكبرياء
( وفعلا راح زياد مع ندى للغرفه الخاصه بالاجهزه اللي لازم تتصلح قعدت ندى قدام جهاز من الاجهزه بثقه وفتحت شنطتها وبعدين قالت لزياد
ندى: ها قولي بقى ايه هي المشكله العظيمه اللي بتواجهك مع الاجهزه دي
زياد: المشكله ان اي حد بيجي يحفظ اي فولدر على الجهاز بيتعمله ديليت. حذف يعني قبل حتى ما يتحفظ والسيستم كله بيجع فجأه.... مفيش دجايج وكل حاجه بترجع تمام وعلى فكره ده في كل الاجهزه دي مش في جهاز واحد.
ندى: اوكي اتفضل ده الاستوب وتش بتاعي مضبوط على ثلاث دقائق اول ما هتقول ابدئي هبدا فورا يلا انا جاهزه
زياد: تمام واحد... اثنين.... ثلاثه اتفضلي ابدئي
(وفعلا اول ما قال زياد ابدئي ضغطه ندى على زرار ودخلت كارت ديسك في الجهاز وخرجته وبعدين لمت حاجاتها ووقفت.
ندى: كده خلصت يا ريت بقى تبطل افوره دي كانت حاجه تافهه جدا هات الاستوب وتش كده تمام ده مسجل دقيقه و37 ثانيه اعتبر كده ان انا ضربت رقم قياسي يلا سلام
زياد: استني عندك هو ايه اللي خلصتي... يعني اكده خلاص المشكله اتحلت في كل الاجهزه
ندى: اتفضل جرب بنفسك عشان تصدقني وده عشان تطمن مش اكثر
( وفعلا فتح زياد الجهاز وجرب الخطوه اللي كان بيواجه مشكله فيها ولقى كل حاجه بقت تمام وقف وهو مستغرب
زياد: بس ده جهاز واحد طيب والباجي مش هتصلحيهم ولا هتتهربي منهم احنا متفجين على كل الاجهزه
ندى: اتهرب من ايه انا صلحتهم خلاص اصل دي سلسله متصله من الاجهزه يعني شبكه واحده انا عملت تصليح جماعي باستخدام كارت ديسك انا مطوراه بنفسي علشان الاعطال اللي زي دي..اه صحيح انا اسفه على كلمه مجنون اللي قلتهالك وكلمة جاهل ومش عاوزاك تعتذر سلام بقى
(وفي نهايه اليوم بل في بدايه يوم جديد كان خالد راجع البيت الساعه 1:45 وكان تعبان جدا فتح باب البيت ودخل وسمع صوت غريب زي ما يكون حد بياخد انفاسه الاخيره والصوت كان جاي من اوضه النوم جري لقى ليلى مراته واقعه في الارض وهدومها كلها ملوثه بسائل احمر وبتنزف
ليلى بألم: شيل السلاح ده يا خالد وحياتي انا مش جادره اتنفس منه
زياد: انطجي يا ليلى مين اللي عمل فيكى اكده... ولا اجولك اسكتي انا هجيبلك الاسعاف حالا امسكي حالك علشان خاطري
ليلى: شيل السلاح اول من بطني موجوعه ومش جادره اتنفس
( شال خالد السلاح من بطنها مع صرخه منها ومسك التليفون علشان يطلب الاسعاف ليلى مسكت ايده بسرعه
ليلى بألم: سامحني يا خالد سامحني انا ما كنتش استاهلك انا اسفه على كل حاجه اسفه على.......
خالد: مش فاهم حاجه اسامحك على ايه ومين اللي عمل فيكى اكده يا ليلى.... ليلى..
( ولكن ليلى فارقت الحياه شايله معاها سر جريمة قتلها واسرار محدش يعرفها غيرها وفي الوقت ده خرج خال التليفون وطلب الشرطه
خالد بذعر: الو.. لو سمحت عاوز ابلغ عن جريمة قتل حصلت في بيتي...ايوه اعرفها دى مرتي اتجتلت... انا مستني حضراتكم.
( وبعد شويه الشرطه ملت المكان والصحافه واول حاجه عملوها انهم قبضوا على خالد وثاني يوم الصبح مي صحت من النوم واول حاجه عملتها كعادتها انها مسكت الجورنال وشافت الخبر ده في صفحه الحوادث
مي: جريمه بشعه زوج يقتل زوجته لاسباب غامضه برغم استمرارها معه في ظل ظروف افلاسه بشكل غير متوقع رجل الاعمال السابق خالد صابر الرازي يودي بحياه زوجته بطعنها ثلاث طعنات نافذه وقد لقت حتفها على اثرهم.
(كان الخبر ده زي الصاعقه بالنسبه لمي... لان خالد يبقى ابن عمها وحب عمرها وما كانتش مصدقه انه اتحول لمجرم نزلت بسرعه علشان تبلغ ابوها سمعت الحوار ده داير بينه وبين عمها على التليفون.
رافت: والمطلوب.. المفروض اعملك ايه انا دلوقتي يا صابر.. اظن متوقع ان اساعدك
صابر: ابني هيضيع مني يا رافت بلاش تعاقبه هو على غلطتي انت طول عمرك كنت بتحب خالد ساعده علشان مستقبله هو مش علشاني
رافت: يا سلام بالبساطه دي ما انت طول عمرك فاكر حالك احسن مني وتجدر تعمل كل حاجه ومش محتاج لحد طيب خليني بجى اشوف هتجدر تتصرف ازاي في الموجف ده لما كنت كل حاجه بتيجي تترجاني احلهالك... حل الموجف ده بجى و. اثبت جدارتك
صابر بحزن: انا مستعد اجي لحد عندك واحب على رجلك وعلى راسك كمان واعتذرلك انا خلاص اتهديت يا رافت جبروت زمان راح وما عادش منه ارحم ابني انا مش جادر اعمله حاجه
رافت: ما انا حبيت على رجليك كثير جبل سابج.. بس خلاص فات وجت الاعتذار وانا اسف ما اجدرش اساعدك ولا اعملك حاجه شوف غيري
صابر: انا بترجاك يا رافت ما تسيبش ابني يضيع
رافت: مع السلامه يا صابر
( قفل رافت التليفون في وش اخوه صابر وهو عنده حق انه يغضب منه بسبب اللي كان عامله فيه زمان بس مي كان عندها راي ثاني ونزلت تكلم ابوها وهي غضبانه
مي: يااااااه ايه كل الجسوه دي يا ابوي انا مش متعوده عليك اكده ليه عنفته وكسرت بخاطره بالشكل ده وهو كان عايز ايه اصلا منك علشان تعامله بالطريجه دي
رافت: انا جاسي يا مي طيب الله يسامحك ما هو محدش فيكوا يعرف حاجه بعد كل اللي عمله فيا وفيكم ليه عين ياجي يكلمني ويجوللي انه عايزك تدافعى عن ابنه في التهمه اللي منسوبه ليه وبيتكلم بثجه جوي وفاكرني هساعده بعد اللي عمله
مي: يعني انت كنت عارف اصلا اللي حصل مع خالد وبدل ما تعرض عليه انت المساعده استنيته لما يكلمك ويطلب منك المساعده وترفض انت من غير حتى ما ترجعلي يا ابوي من امتى وانت بتلغي شخصيتى.
رافت: ايه اللي انت بتجوليه ده هو انتى اصلا كان عندك نيه انك تجبلي تساعديه بعد اللي حصل زمان منهم انتى ناسيه خالد عمل فيكى ايه
سماح: ده واجب يا رافت ولابد منه ايه مش هتجف جنب اخوك في ازمته حتى بعد كل اللي هو سواه فيك
رافت: انتى اللي بتجولي اكده يا سماح مع انك عارفه كل حاجه وكنتى معايا خطوه بخطوه كيف يبجى ده رايك بعد كل اللي اتعمل فينا
سماح: ايوه انا اللي بجوللك اكده شوف يا رافت كل ظالم وجايله يوم و صابر اخوك ربنا عاقبه خلاص وسجاه من نفس الكاس وتاب بس الدم عمره ما يبجى مايه ابدا والضفر عمره ما يطلع من اللحم
مي: اللي حصل من عمي انت لازم تجولهولي يا ابوي علشان نخلص من الجصه دي اما بجى بالنسبه لجضية خالد ابن عمي فانا من ساعه ما جريت الخبر وانا بعتبر حالى استلمتها خلاص وبنفسي مش هوكل فيها محامي من اللي شغالين عندي على الاجل علشان اسم العيله ولا انت ناسي انه يبجى ابن عمي
رافت: لا مش ناسي....ومش هنسى بس انتى اكده تبجي بتعاديني انا واخوكى يا مي وبتكسري كلمتي لان عمر زياد ما هيوافج على عمايلك دي وانا كمان عمري ما هوافج
مي: كل عجده وليها حلال يا ابوي وانا عمري ما اجبل يبجى في يدي حل عجدة خالد وافضل واجفه ساكته اللي حصل منه في حجي انا الوحيده اللي ادي فيه كلمه اسامح او لا وحجك انت بجى عند عمي تسامح فيه او لا دي حاجه راجعالك.
سماح: بصراحه يا رافت عندها حج وانت عمرك ما فرضت رايك على حد من عيالك ودايما تجول شخصيتهم هي اللي هتبنلهم مستجبلهم وانا رايي من راي مي
رافت: تبجي اتجننتى انتى وبتك يا سماح وانا مش هسكت على الكلام ده ولازم ارد على زياد اخوكى جبل ما تشليني يا مي
مي: بعيد الشر عليك يا ابوي بس لو خالد ليه حج ولو 1% في الجضيه دي انا مش هسيبه انما بجى لو فعلا مجرم انا بنفسي هحرص انه ما يطلعش من السجن باجى عمره..