رواية رد لي اعتباري الفصل التاسع9 والعاشر10 بقلم هبه نبيل
مازال عمر وكارما ينظرون إلي بعضهم البعض وهم في حالة من عدم التصديق ثم فاق عمر اولا وقال....
عمر: اتفضلي
كارما: ها اه تمام شكرا
عمر: بلاش توتر الموضوع سهل جدا.... ثم تظاهر عمر بأنشغاله في قرأت الملف الخاص بها ثم قال... اسمك كارما كمال سيف الدين مظبوط؟؟
كارما: مظبوط
عمر بمهنيه شديدة: بس مكتوب قدامي أنك مضيفة طيران
كارما بحرج: ايوه بس ده سابقا.... كانت كارما تتحدث وتخطف الانظار له ولكن كان عمر يعرف بأنها تنظر له ولكن تظاهر بالأنشغال والتحدث برسميه...
عمر: ممكن أعرف السبب؟؟
كارما: هو ينفع مجوبش على السؤال ده
عمر: عادي جدا زي ماتحبي بس يا انسه كارما احنا في شغلنا لازم نطمن على سلامة والتزام الموظفين اللي عندنا عشان كده سألتك السؤال ده
كارما: فاهمه طبعا يا مستر عمر بس بوعدك أن أكون عند حسن ظنكم وهتجنب اي غلطات تحصل مني
عمر: تمام يا كارما واي حاجه تحبي تعرفيها او تفهميها في الشغل تقدري تيجي مكتبي في اي وقت مبروك
كارما: بجد شكرا شكرا بجد يا افندم... وقفت كارما وعندما كانت في طريقها للخروج ترددت ووقفت ورجعت عدة خطوات عائده إلي مكتبه وكان يراقبها عمر ببتسامه مخفيه ثم قال...
عمر: في حاجه عايزه تقوليها؟؟
كارما: بصراحه ايوه بس متردده
عمر ببتسامه مريحه لمن يراها: لا يا كارما متتردديش في اي حاجه عايزه تقوليها اتفضلي قولي سامعك؟؟
كارما: كنت عايزه اقول يعني بس ده مش طلب ولا شرط بس ممكن تعتبره رجاء شخصي مني
عمر: اتكلمي يا كارما مبحبش المقدمات
كارما: هو بصراحه ولا انا بحبها ممكن لو في اي سفر ل شرم الشيخ في اي وقت من الاوقات تعفيني ومتسالنيش عن السبب
عمر بنظره تحمل كل معاني التساؤل والفضول: مفيش اي مشكله بس وقت ماتحبي تتكلمي هسمعك لان الموضوع مريب بالنسبالي شويه أنا صريح مبعرفش اجمل الكلام
كارما: فاهمه حضرتك ومن حقك تستغرب بس سيبها لظروفها
عمر: تمام يا كارما زي ماتحبي عايزه اي حاجه تانيه؟؟
كارما: لا ابدا شكرا جدا....ظلت كارما واقفه عدة لحظات تنظر له كان عمر يعرف السؤال الذي يدور في خاطرها ولكنه فضل الصمت حتي تبدأ هي ثم قال.....
عمر: في حاجه تاني يا كارما؟؟
كارما: لا ابدا مفيش بعد اذنك..... قالتها خرجت واغلقت الباب خلفها وعندما كانت في طريقها إلي صديقتها علياء كانت تقول لنفسها....شوفته قبل كده أنا متأكده الشكل ده مش غريب عليا
علياء: هي الهوبه جت بتكلمي نفسك
كارما: اااا. لا انااااا انا تمام تمام
علياء: طب ايه طمنيني؟؟
كارما بفرحه وقد عادت إلي تركزها مره اخري: اتقبلت يا علياء اتقبلت
علياء بحماس: يااااااااااس مبروك يا كركر وبالمناسبه الحلوة دي انا عازماكي تعالي معايا واحكيلي اللي حصل كله بالكلمه 👌
كارما: يلا بينا
جهة اخري داخل مكتب عمر....
كان عمر بالداخل سعيد بالصدفه التي جمعته ب كارما للمرة الثانيه ولكن شخصيتها وغموضها جعل بداخله فضولا رهيب بأن يتعرف بها اكتر كان سعيد بكونها اصبحت معه وقد يراها بشكل يومي استرخي عمر على كرسيه وبدأ يتذكر اول لقاء بينهم ويبتسم
جهة اخري في شركة الطيران التي كانت تعمل بها كارما.....كانت ريم تصعد سلم الطائرة ثم تصادفت بكابتن ساهر امامها مباشرة ثم تحدث اليها قائلا....
ساهر: انسه ريم صح كده
ريم: ايوه انا ريم ازي حضرتك يا كابتن
ساهر: تمام انا كنت عرفت حوار زميلتكم كارما واللي حصل معاها
ريم: ايوه ربنا معاها ويرجعها وسطنا بالسلامه يارب
ساهر ببتسامه: شكلكم كلكم بتحبوها اوي
ريم: كارما طبعا كارما دي برغم انها ليدر علينا في الشغل لكن مفيش اطيب ولا احن منها
ساهر: اومال فين زميلتكم التانيه اللي تحسيها هربانه منها شويه دي
ريم بضحك: اكيد تقصد علياء سمعتها سبقاها
ساهر بضحكة ساحرة : ايوه مظبوط هي دي
ريم: اتكلمت واعتذرت انها تيجي النهاردة ده غير انها معندهاش رحلات
ساهر بيأس مخفي: اه تمام شكرا جدا ياريم يلا بينا
ريم لنفسها ببتسامه ماكره.... اهلا شكلك وقعت يا كابتن لا ومتقعش الا في اجن واحدة يلا انا ابن حلال وتستاهل 😂🤌 يافرحة قلبك يا عليا 😉
جهة اخري......
في منزل عمر..... كانت سهيله تجلس مع صفاء والدة دليدا ويتحدثون ثم قالت صفاء.....
صفاء: عجبك يا سوسو اللي ابنك بيعمله مع بنتي ده
سهيله بتساؤل: عمل ايه عمر
صفاء: مزعلها وكل يوم تنام معيطه بسببه مش مديلها اي اهتمام خالص ولا اكنها في حياته ولا حتي بيكلمها يقولها ازيك حتي هي بنتي رميه اوي كده يا سهيله؟؟
سهيله: لا طبعا يا صفصف اي اللي انتي بتقوليه ده هو في زي دليدا ولا جمال دليدا بس عايزاكي متزعليش منه يا صفاء هو بس الفترة دي مضغوط جدا في الشغل لدرجة أن أنا نفسي مبقتش بشوفه بيجي متأخر وبينام ويصحي بدري جدا ويروح الشغل عامل زي ابوه في شبابه كان كده بظبط الشغل عنده اهم حاجه بس بختلاف ان سيف كان بيعرف يوازن كويس اوي بين شغله وبيته لكن عمر مهما كان لسه شاب ومتحمس فا واخد الدنيا قفش كده وشغل وبس
صفاء: ياحبيبتي أنا مقدرش ازعل من عموره ده انا اللي مربياه معاكي يا سوسو ولا نسيتي بس كلميه قوليله مش كل حاجه شغل ياخد باله من حياته شويه
سهيله: والله دايما بقوله كده وريقي نشف ربنا يهديهم ويفرحنا بيهم يارب
صفاء: يارب ياحبيبتي هيكبرونا العيال دي لما يتجوزو
سهيله: لا ياختي هنفضل برضو حلوين وصغيرين
صفاء: هههههههه عندك حق قال يكبرونا قال ماتطلعي تلبسي ونخرج نروح اي حته الواحد زهقان اي رأيك
سهيله: اه والله يا صفاء عندك حق هطلع اغير واجيلك
صفاء: مستنياكي....كانت صفاء تنتظر سهيله حتي تدخل غرفتها وبالفعل دلفت سهيلة إلي غرفتها وعندما تأكدت صفاء عدم وجود اي أحد تسحبت وصعدت الدرج حتي وصلت إلي غرفة عمر ولكن عندما كانت تفتح باب الغرفه اوقفها صوت سيف قائلا.....
سيف: مين؟؟
صفاء بقلق: ها ازيك يا استاذ سيف أنا صفاء أنت نسيتني
سيف: لا طبعا ازيك يا مدام صفاء اخبارك ايه؟؟
صفاء: بخير الحمدلله
سيف بتساؤل وشك: شايفك واقفه يعني عند اوضه عمر في حاجه؟؟
صفاء بتوتر: لا ابدا أنا بس كنت حبه اشوف اوضته بقالي كتير مشوفتش اوضه العفريت ده
سيف بعدم تصديق: اااه لا هو قفلها بالمفتاح علطول بيقفلها وهو خارج ابقي شوفيها لما يجي بقي اتفضلي
صفاء بحرج: تمام عن اذنك
سيف ببتسامه مجامله: اتفضلي
جهة اخري.....
على احدي الكافيهات.....كانت علياء وكارما جالسين ويتحدثان سويا ثم قالت كارما......
كارما: بس ياستي ده كل اللي حصل بس هو بيستهبل هو نفسه عارف اننا شوفنا بعض قبل كده بس اللي شلني انه مفتحش سيره عن الموضوع
علياء: يابنتي انتو في شغل هيقولك حاجه زي كده ازاي وبعدين انتي اضايقتي اوي كده ليه وقعتي ولا ايه
تغيرت ملامح كارما من الفرحة والحماس إلي الحزن واليأس وقالت: مش يلا نمشي بقي أنا عايزه اروح
علياء: كارما في حاجه أنا ضايقتك في حاجه؟؟
كارما: لا ابدا يابنتي انتي بتقولي ايه بس أنا حبه امشي
علياء: تمام يلا.... وعندما كانه في طريقهم للخروج من الكافيه سمعو من يقول خلفهم كان اثنان شباب يتحدثون.....
شاب 1:اوووووبا شايف يلا البطل اللي ماشيه جمب علبه الكانز دي
شاب2: جااااااامد
علياء: كارما سبيني عليهم
كارما: هشششششش اثبتي
علياء: مش قادرة مش شايفه الاستفزاز....ثم علت صوتها نسبيا وهي تقول.... وبعدين احنا المفروض في مكان محترم اي الاشكال اللي بيدخلوها دي
ثم ظهر امامهم شاب اخر وهو يقول....
الشاب: في حاجه يا انسات في حد مضايقكم؟؟
الحلقة العاشرة......
بعد ان ظهر الشاب وسأل كارما وعلياء اندفعت علياء قائلا.....
علياء: ايوه فيه العيال اللي....قطعت كارما كلام علياء بوضع يدها على فمها في تعلم صديقتها جيدا عندما تغضب ثم قالت...
كارما: لا شكرا جدا في حاجه هو بس حبه استظراف سخيف كده وراح لحاله كده كده احنا ماشين يلا يا عليا
علياء تريد التحدث ولكن مازالت كارما مغلقه فمها بيدها بأحكام حتي خروجهم بره الكافيه ومن الداخل كان الشاب يضحك بشده ثم اختفت تلك الضحكة وارتسمت على وجهة علامات الغضب المخيف وهو يسير في طريقه إلي الطاولة التي يجلس عليها الشابان....
الشاب بغضب مكتوم: قوم انت وهو اطلعو بره الكافيه من غير شوشره وده اسلم ليكم
شاب 1 بستفزاز: ولو مقومناش يعني هتعمل ايه
الشاب: انا مش بحب اعيد كلامي مرتين عشان في المرة التالته مش هتلاقو نفسكو غير ف المستشفي ومتجبسين جمب بعض
شاب 2 بخوف: يلا يا كريم نمشي ده شكله شراني
كريم بتحدي: جرا ايه يايلا متثبت كده انت هتخيب ولا ايه ولا يقدر يعمل حا.... لم يكمل كريم كلامه حتي وجد الطاوله منقلبه عليه هو وصديقه
الشاب: تحب نكمل
جائت فتاة من خلف الشاب وقالت....
الفتاة: مازن خلاص ارجوك انا مش عايزه اي شوشره هنا عشان خاطري وانتو لو سمحت امشو بهدوء
مازن بغضب: انتي بتعتذري لمين يا ملك دول هيمشو وذنبهم على جمبهم لو ممشيوش من قدامي دلوقتي
ملك: مازن عشان خاطري اهدي سمعة الكافيه ارجوك انا اصلا شايفه اللي عملوه من بدري وكان ممكن اطردهم بس فضلت اسكت احسن انت عارف اني مش بحب المشاكل
شاب 2 اخدذ بالفعل كريم وخرج به بره الكافيه
ثم نظر مازن ل ملك نظره مخيفه ارعبتها بشده ثم رحل بغضب تركها خلفه تبكي...
مكان اخر.....
في منزل كارما بعد ان وصلت هي وعلياء أمام المنزل....
علياء: كنتي سبيني عليهم ده انا كنت ها
كارما: باااااس اسكتي هو انا مش عرفاكي انا لو سبتك كان زمانا في القسم دلوقتي 🙂
علياء: لا ابدا ده انا حتي كيوت ده انا كنت هقولهم يا وحشين بس 😌
كارما: يا حلوة 🙂 طب يلا نطلع يا كيوت
علياء بندفاع بعد ماتذكرت كلمة كريم: انا علبه كانز انا مسبتنيش عليهم ليييه
كارما: اخرسي بقي احنا لسه في الشارع
علياء بهدوء مفاجئ: بس شوفتي القمر اللي قالنا في حاجه يا انسات كانت طالعه من بؤقه زي السكر يخربيت جماله
كارما وهي تصعد الدرج هي وعلياء: يابنتي هو اي شنب ماشي على الأرض انتي ماشيه تحبي على نفسك اومال راح فين كابتن ساهر خطشيبك
علياء بهيام: متفكرنيش يا كركر وحشني اوي
كارما: صبرني يارب اطلعي قدامي هتشليني
جهة اخري ....
في فيلا فاديه المنصوري....بعد ان جاء اليها الضيف جالسه يتحدثون سويا....
فاديه بدلع: خلاص يا عصومه نسيتني نسيت فوفه
عصام: مقدرش رجعتي امتي من السفر؟؟
فاديه: بقالي شهر اهو
عصام: ومتطلبنيش أنا كل ده كنت فاكر انك لسه بره
فاديه: واهو طلبتك
عصام: يبقي اكيد وحشتك
فاديه: انت عارف اني مبفكرش بعواطفي انا عايزاك في حاجه تانيه خالص
عصام: استر يارب عايزه ايه يا فاديه؟؟
فاديه بضحكة عاليه: احبك وانت فهمني يا عصومه كارما اكيد فاكرها
عصام بملامح تحولت للحزن قليلا: مالها كارما يا فاديه بتفتحي في القديم ليه؟؟
فاديه: انا مفتحتش في القديم انت اللي فتحت اهو أنا بس قولت اسمها وبعدين مالك زعلت كده ليه اوعي يكون يا عصام بقي عندك قلب ومشاعر وبتحس وكده لا ازعل انت الراجل بتاعي
عصام بنظره احتقار مخفيه: عايزه ايه يا فاديه؟؟
فاديه: ايوه كده هو ده عصومه حبيبي هقولك
جهة اخري....
في فيلا سيف غازي (( منزل عمر ))
كانت سهيله تهبط الدرج ذاهبه إلي صفاء بعد ان ارتدت ملابسها ل يذهبه إلي نزهه سويا حتي اوقفها سيف قائلا....
سيف بتسأؤل: ايه يا سوسكا رايحه فين كده؟؟
سهيله: مفيش خارجه شويه انا وصفاء نشم شويه هوا
سيف: صفاء اه طيب بصي يا سهيله عشان أنا مش مرتاح اللي اسمها صفاء دي لما تيجي تاني ارجوكي متسبهاش لوحدها وتروحي في حته
سهيله: ليه يا سيف بتقول كده أنا مشوفتش من صفاء حاجه وحشه احنا بقالنا سنين مع بعض اول مره تقولي الملحوظه دي حصل حاجه؟؟
سيف: بختصار أنا شوفتها قدام اوضة ابنك وبتحاول تفتح الباب ولما وجهتها قالت حجه خلتني اقلق منها واشك فيها اكتر
سهيله: وهي اي اللي طلعها فوق اصلا
سيف: اديكي قولتيها شوفي انتي بقي الموضوع ده وكويس ان ابنك بيقفل باب اوضته بالمفتاح قبل مايخرج ياما تتقابلو بره البيت ياما يا مرحب بيها بس متسبهاش
سهيله وبدأ الشك يتملك منها اتجاه صفاء: حاضر يا حبيبي انت عندك حق يلا باي اشوفك على خير
سيف بحب: وانتي بخير خلي بالك من نفسك لا اله الا الله
سهيله: وانت كمان ❤ محمد رسول الله
عمر من خلفهم: ياعيني على الرومانسيه هو أنا دايما اجي في وقت غير مناسب كده يا عصافير الحب ولا ايه؟؟
سيف: وله تعالي ورايا على المكتب
عمر: وله يخرابي ده لو حد سمعك بتقولي وله دي في الشركة هيتعمل عليا حفلة العمر كله الغريبه انك بتهزئقني هنا وتحترمني هناك
سيف: خلصت
عمر: ايوه
سيف: ورايا
عمر: حاضر
جهة اخري....
في منزل كارما..... بعد ان دلفه إلي المنزل منذ نصف ساعه استأذنت كارما من علياء وخرجت من الغرفه لتجلس مع والدها على انفراد ودار حوارهم كالأتي.....
كارما: بابا ممكن نتكلم
كمال: اكيد بس قوليلي الاول عملتي ايه الشغل والمقابله كانت عامله ازاي
كارما بختصار: اتقبلت الحمدلله والمقابله كانت لطيفه جدا والمدير شكله بني ادم محترم اوي
كمال: طيب الحمدلله فرحتيني والله
كارما: الحمدلله ممكن نتكلم بقي في الموضوع اللي انا جايه اتكلم فيه؟؟
كمال: عارف يا كارما اللي انتي عايزه تقوليه بس صدقيني هي اللي طبت عليا زي القضا اعمل ايه
كارما: سهله جدا كنت تطردها
كمال: دي بني ادمه بجحه دخلت البيت من غير حتي ماتستأذن
كارما: وذنبي أنا ايه اجي من بره وأنا خنقه الدنيا فيا واشوفها قدامي
كمال: كارما برضو متنسيش انها ام....
كارما بعيون يملؤها الدموع : ارجوك متكملهاش ارجوك
كمال: طب اهدي ياحبيبتي أنا اسف... ثم صمت عندما ارتمت بين احضانه فا بدأ في تهدأتها وحب بأن يغير مجري الحوار ويتحدث معاها عن علياء وبالفعل نجح في تهدئتها وبدات تتفاعل معه وحكت له الموقف الذي حدث معهم في الكافيه وانفجرو سويا في نوبة ضحك هستريه.....
جهة اخري.....
في فيلا فاديه المنصوري.... بعد فاديه قالت ل عصام ماذا تريده ان يفعله
عصام: ده انتي سم يا فوفه ده ابليس يجي يتعلم منك مكفكيش اللي عملتيه فيها زمان دي بنتك مش عدوتك
فاديه: انجز هتنفذ ولا اجيب غيرك
عصام: تمام يا فاديه بس اديني وقتي اللي بتقوليه مش سهل