رواية رد لي اعتباري الفصل الثالث3 والرابع4 بقلم هبه نبيل
علياء بفزع: كارما مالك ده كابوس اهدي اشربي مياه
كارما بأجهاد شديد وتعب: علياء انا عايزه امشي دلوقتي
علياء: كارما انتي بتقولي ايه تمشي دلوقتي ازاي يعني انتي عارفه الساعه كام
كارما: مش طايقه صدقيني يا عليا مش طايقه اقعد هنا ارجوكي
علياء: كارما تعالي معايا
كارما: على فين
علياء: تعالي بس
وبالفعل اخدت علياء كارما معها وذهبت بها الي الشرفه بعيدا عن مسمع الزملاء......
علياء: كارما احنا اصحاب من واحنا ف كي جي يعني نعرف عن بعض كل حاجه بس برغم كده معرفش اي سبب غضبك وكرهك والخنقه اللي بتجيلك اول مابتيجي شرم بذات انا عايزه افهم فهميني؟؟
كارما: عليا بعد اذنك انا مش قادرة اتكلم دلوقتي بكرا نتكلم الصباح رباح واسفه اني قلقتكو من النوم
علياء بيأس: خلاص يا كارما وانا مش هضغط عليكي وقت ماتحبي تتكلمي هتلاقيني موجوده وبسمعك انتي اختي يا كارما
كارما بمتنان وابتسامه خفيفه: عارفه تصبحي على خير
علياء: وانتي من اهله
دخلو هما الاثنان الي الغرفه ومنها الي مضجعهم للنوم
وعندما تأكدت كارما من نوم الجميع بالفعل اخذت حقيبتها وتركت الغرفه استعدادا لترك شرم باكملها وهي تعلم عواقب فعلتها وتاثيره على عملها....
صباح يوم جديد في منزل عمر سيف غازي...
كان عمر لم ينام بشكل جيد وليس في حاله مزاجيه جيدا سمع طرقات على باب غرفته.....
عمر بتأفف: ادخل
وبالفعل دخلت الخادمه...
ميرا الخادمه: Good morning, Mr. Omar. Your mother tells you that breakfast is ready (( صباح الخير يا سيد عمر. تخبرك والدتك أن الإفطار جاهز
عمر: I'll go down now
((سأنزل الأن))
ميرا: Good
وبالفعل دقايق قليله ونزل عمر إلي غرفة الطعام....
ولدته عمر: صباح الخير يا حبيبي
عمر: صباح الخير يا امي... ينحني قليلا لتقبيل يديها ثم يجلس على الكرسي بجوارها
الأم: مالك يا عمر مزاجك النهادرة مش الذ حاجه في حاجه ضايقتك
عمر: لا بس منمتش كويس
الأم: طيب لو تعبان مش ضروري تروح شغلك النهاردة
عمر: لالا مش للدرجادي انتي عارفه اني مش بحب الاجازات.. قطع حديثه للحظه ثم وجهه حديثه ل ميرا... Excuse me, Mira, can you give me this bean dish? (( معذره ميرا ممكن تعطيني طبق الفول هذا ))
ميرا: Here you go sir (( تفضل سيدي ))
عمر: Thank you, you can leave now (( شكرا لك، يمكنك المغادرة الآن ))
الأم: مقولتليش رأيك ف الموضوع اللي كلمتك فيه امبارح
عمر: امي مش دلوقتي لما ارجع ياااه ده انا اتأخرت جدا يلا باي See you soon
الأم: انت لسه مكلتش
عمر: شبعت يلا باي
الأم ببتسامه: هتجنني يا عمر
مكان أخر....
في منزل كارما...استيقظ والد كارما وخرج من غرفته وعندما كان يتجول في الصالون لاحظ أن غرفة ابنته مغلقه ذهب وفتح الباب على اعتقاد منه بأنه اغلقه دون تذكر ليتفاجئ بوجود ابنته بالفعل بأندهاش شديد قال
والأب: كركر حبيبة بابا
كارما مستيقظه بفزع: ايه في ايه اي اللي حصل
الاب بهدوء: بس اهدي انا بابا
كارما تتنفس الصعداء: بابا خضتني
الاب: مين بقي اللي المفروض يتخض دلوقتي ياحضرة المضيفه انتي مش المفروض دلوقتي تكوني في شرم
كارما بختناق: ورجعت
الاب بقلق : ليه حصل حاجه
كارما: مرتحتش فارجعت
الأب: من نفسك كده انتي مش عارفه عواقب ده ايه
كارما: عارفه وجاهزة لأي حاجه تعملوها
الأب: طي.... قطع كلامه جرس هاتفه...ثواني وجاي
كارما: اتفضل
الأب: الو ايوه يا عليا ازيك يابنتي في حاجه ولا ايه؟... ايوه انا صحيت لقتها موجوده اطمني..... لالا هي تمام بس مزاجها مش احسن حاجه قوليلي يا عليا ايه اللي حصل انتي عارفه صحبتك....فجاة كده....خلاص تمام.... ايه بتقولي ايه؟؟
الحلقة الرابعة.....
كارما: في حاجه يا بابا
الأب: عايزينك حالا ف الشركة عليا بتقول ان الدنيا مقلوبه ربنا يستر
كارما بهدوء تام: اكيد يا بابا هترسي على جزا وخلاص متقلقش كله هيبقي كويس
الأب: يارب ياحبيبتي
كارما: طيب انا هلبس ورايحه اهو خلاص بقي متقلقش يا كمال حبي انا
كمال: كمال حاف يا جزمه
كارما: لا كمال بالمكسرات هاهاها
كمال: امشي يا كارما من وشي
كارما: ولو ممشتش
كمال وهو ينزع حذائه: امشيكي انا
كارما وهي تهرول مسرعه الي غرفتها: لالالا خلاص سماح يا بابا
ابتسم كمال ودخل المطبخ لأعداد الطعام وبعد عدة دقائق خرجت كارما وهي مرتديه ملابسها الرسميه وعندما استنشقت رائحة الطعام ذهبت الي ابيها لتقول....
كارما: ياسلام يا سلام ياكاميلو وانت مزاجك رايق بتبدع جوعتني بس للأسف مش هقدر اتأخر لما ارجع بقي باي ياحب
كمال: سلام ياحبيبتي خلي بالك من نفسك لا اله الا اللّه
كارما: حاضر وانت كمان مُحمد رسول اللّه
خرجت كارما بالفعل متجه لعملها.....
جهه اخري..... في مجمع شركات أل غازي
كان عمر جالس بمكتبه يقرأ ملفا سمع طرقات على باب مكتبه....
عمر بهدوء: ادخل
وعندما دخل الشخص الي مكتبه قام عمر من جلسته ووقف بأحترام شديد وهو يقول...
عمر: الباشا اللي نور الدنيا كلها اي المفاجئات الحلوة دي اتفضل
الشخص: ازيك يا عمر
عمر ببتسامه: اهلا سيف باشا رجعت امتي من السفر وحشتني بجد يا بابا
سيف: تعرف انك عيل بكاش لو كنت وحشك بصحيح كنت اتصالت بيا حتي
عمر بتبرير: والله يابابا زي مانت شايف مش لاحق اخد نفسي ده حتي اصحابي عزمني النهاردة على خروجه مش عارف بفكر اعتذر حوار نقص الموظفات ده عملي مشكله ومفيش ولا واحدة نافعه كلهم اخرهم يشتغلو في كافيهات
سيف: عمر حبيبي انت اي نعم شاطر في شغلك وبقيت علامه من علامات السياحة بس برضو اوعي تنسي شبابك وتدفنو بسبب الشغل والمسؤوليه
عمر: ايوه يا بابا عارف كل ده ومتقلقش انا عايش فترة شبابي كويس جدا...دقت طرقات على باب المكتب فا قال.... ادخل
دخلت فتاة المكتب وقالت...
الفتاة: مستر عمر عند حضرتك ميتنج حالا
عمر: اوك يا كارلا اتفضلي انتي دلوقتي وانا هاجي حالا
كارلا: اوك مستر عمر بعد اذنك
عمر بوقار: اتفضلي
سيف: طيب اسيبك انا بقي يا عمر تحضر الاجتماع بتاعك واشوفك ف البيت
عمر: لا تسبني ايه حضرتك هتحضر معايا اصلا يلا بينا
سيف ببتسامه: ماشي اتفضل
جهه اخري في شركة الطيران التي تعمل بها كارما وتحديدا في مكتب المدير بعد ان وصلت كارما الي هناك بنصف ساعه.....
المدير: معقول يا كارما ده انتي اكفئ مضيفه ف الشركة ينفع اللي حصل ده انا لما بلغوني مصدقتش معقوله انتي اللي تعملي كده
كارما وهي مستسلمه تماما: اسفه يا مستر عمار بس انا بجد مكنتش قادرة اكمل هناك دقيقه واحدة
عمار بصرامه : والسبب
كارما: للأسف ده سبب شخصي
عمار: واحنا من امتي يا كارما بندخل المسائل الشخصيه في الشغل
كارما: عندك حق يا افندم وانا غلط طبعا ومعترفه بكده ارجوك تقبل اعتذاري
عمار وقد بدأت علامات الحزن تظهر على وجهه: كارما انا اسف اني ببلغك الخبر ده اتفضلي افتحي الورقه دي
كارما بقلق: ورقة ايه دي يا مستر؟؟
عمار بنظرة أسف: افتحيها يا كارما
وبالفعل فتحت كارما الورقه وعندما قرأت ما بها ظهرت على وجهها علامات الصدمة.....
يتبع